തൊ​ടു​പു​ഴ: വൃ​ദ്ധ മാ​താ​പി​താ​ക്ക​ളെ അ​വ​രു​ടെ വീ​ടു​ക​ളി​ൽ ത​ന്നെ സം​ര​ക്ഷി​ക്കു​ക​യെ​ന്ന ല​ക്ഷ്യ​ത്തോ​ടെ ലൗ​ലി ഹോം ​ചാ​രി​റ്റീ​സി​നു കീ​ഴി​ൽ ത​റ​വാ​ട് വീ​ടെ​ന്ന സ്ഥാ​പ​നം ഇ​ന്നു​മു​ത​ൽ പ്ര​വ​ർ​ത്ത​നം ആ​രം​ഭി​ക്കും.

കാ​രി​ക്കോ​ടു​ള്ള റി​ട്ട.​ എ​സ്ബി​ഐ ഉ​ദ്യോ​ഗ​സ്ഥ​ൻ വി.​ജെ.​മാ​ണി​യു​ടെ വീ​ട്ടി​ലാ​ണ് ഓ​ഫീ​സ് പ്ര​വ​ർ​ത്തി​ക്കു​ന്ന​ത്. മെ​ഡി​ക്ക​ൽ കെ​യ​ർ ആ​ന്‍ഡ് സ​ർ​വീ​സ്, ഭ​ക്ഷ​ണ സാ​ധ​ന​ങ്ങ​ൾ, മ​രു​ന്ന് എ​ന്നി​വ വീ​ട്ടി​ൽ എ​ത്തി​ച്ചുന​ൽ​കു​ക, വീ​ടും പ​രി​സ​ര​വും വൃ​ത്തി​യാ​ക്കു​ക, രോ​ഗി​ക​ളാ​യ​വ​രെ ആ​ശു​പ​ത്രി​യി​ലെ​ത്തി​ച്ച് ചി​കി​ൽ​സാ സൗ​ക​ര്യം ഒ​രു​ക്കു​ക, മാ​സ​ത്തി​ലൊ​രി​ക്ക​ൽ സൗ​ജ​ന്യ ഹെ​ൽ​ത്ത് ചെ​ക്ക​പ്പ്, ലാ​ബ് പ​രി​ശോ​ധ​ന, അ​ത്യാ​വ​ശ്യ ഘ​ട്ട​ങ്ങ​ളി​ൽ ന​ഴ്സ്, ഡോ​ക്ട​ർ എ​ന്നി​വ​രു​ടെ സേ​വ​നം വീ​ടു​ക​ളി​ൽ ല​ഭ്യ​മാ​ക്ക​ൽ തു​ട​ങ്ങി​യ സേ​വ​ന​ങ്ങ​ളും ത​റ​വാ​ട് വീ​ടി​ന്‍റെ നേ​തൃ​ത്വ​ത്തി​ൽ ഒ​രു​ക്കും.​

ഓ​ഫീ​സി​ൽ റീ​ഡിം​ഗ് റൂം, ​ലൈ​ബ്ര​റി, റി​ക്രി​യേ​ഷ​ൻ​സ് സൗ​ക​ര്യ​ങ്ങ​ളും സ​ജ്ജീ​ക​രി​ക്കും. സൈ​ക്കോ​തെ​റാ​പ്പി​സ്റ്റ്, കൗ​ണ്‍​സ​ലിം​ഗ് തെ​റാ​പ്പി​സ്റ്റി​ന്‍റെ സേ​വ​ന​ങ്ങ​ൾ എന്നീ ​സേ​വ​ന​ങ്ങ​ളും ഉ​റ​പ്പാ​ക്കും.

വീ​ടു​ക​ളി​ലേ​ക്കാ​വ​ശ്യ​മാ​യ ഭ​ക്ഷ്യ​വ​സ്തു​ക്ക​ളും എത്തി​ച്ചു​ന​ൽ​കും. ഇ​തി​നു പു​റ​മേ ജന്മദി​നം, വി​വാ​ഹ​വാ​ർ​ഷി​കം തു​ട​ങ്ങി​യ ആ​ഘോ​ഷ​പ​രി​പാ​ടി​ക​ൾ, മാ​ന​സി​കോ​ല്ലാ​സ യാ​ത്ര​ക​ൾ, തീ​ർ​ഥാ​ട​നം എ​ന്നി​വ​യും വ​യോ​ധി​ക​ർ​ക്കാ​യി വി​ഭാ​വ​നം ചെ​യ്യു​ന്നു​ണ്ട്. സേ​വ​ന​ത്തി​നാ​യി മു​ഴു​വ​ൻ സ​മ​യ​വും പ്ര​വ​ർ​ത്തി​ക്കു​ന്ന ഓ​ഫീ​സ് സം​വി​ധാ​ന​വും ഏ​ർ​പ്പെ​ടു​ത്തും.