ച​ങ്ങ​നാ​ശേ​രി: പെ​രു​ന്ന​യി​ലെ ന​ഗ​ര​സ​ഭാ ഗ​വ​ൺ​മെ​ന്‍റ് വെ​റ്റ​റി​ന​റി പോ​ളി​ക്ലി​നി​ക്കി​ല്‍ ഡോ​ക്ട​ര്‍മാ​രി​ല്ലാ​ത്ത​ത് ക​ന്നു​കാ​ലി ക​ര്‍ഷ​ക​ര്‍ക്കും നാ​യ്ക്ക​ള​ട​ക്കം വ​ള​ര്‍ത്തു​മൃ​ഗ​ങ്ങ​ളെ സം​ര​ക്ഷി​ക്കു​ന്ന​വ​ര്‍ക്കും ദു​രി​ത​മാ​യി.

സീ​നി​യ​ര്‍ വെ​റ്റ​റി​ന​റി സ​ര്‍ജ​ന്‍ ജോ​ലി രാ​ജി​വ​ച്ച​തും മ​റ്റൊ​രു വെ​റ്റ​റി​ന​റി സ​ര്‍ജ​ന്‍ അ​വ​ധി​യെ​ടു​ത്ത​തു​മാ​ണ് മൃ​ഗാ​ശു​പ​ത്രി​യു​ടെ പ്ര​വ​ര്‍ത്ത​നം താ​ളം​തെ​റ്റാ​ന്‍ കാ​ര​ണ​മാ​യി​രി​ക്കു​ന്ന​ത്. ഒ​രു​കാ​ല​ത്ത് മൃ​ഗ​പ​രി​പാ​ല​ന​ത്തി​നു പേ​രു​കേ​ട്ട ആ​ശു​പ​ത്രി​യി​ലാ​ണ് ഡോ​ക്ട​ര്‍മാ​രി​ല്ലാ​ത്ത​തു​മൂ​ലം പ്ര​വ​ര്‍ത്ത​നം ദു​രി​ത​മാ​യി​രി​ക്കു​ന്ന​ത്.

തു​രു​ത്തി, വാ​ക​ത്താ​നം മൃ​ഗാ​ശു​പ​ത്രി​ക​ളി​ലെ ഡോ​ക്ട​ര്‍മാ​ര്‍ക്കാ​ണ് പെ​രു​ന്ന മൃ​ഗാ​ശു​പ​ത്രി​യു​ടെ അ​ധി​ക​ച്ചു​മ​ത​ല ന​ല്‍കി​യി​രി​ക്കു​ന്ന​ത്. തി​ങ്ക​ള്‍, ബു​ധ​ന്‍, വെ​ള്ളി ദി​വ​സ​ങ്ങ​ളി​ല്‍മാ​ത്രം രാ​വി​ലെ ഒ​മ്പ​തു മു​ത​ല്‍ മൂ​ന്നു​വ​രെ​യാ​ണ് പ​ക​രം ഡോ​ക്‌​ട​റു​ടെ ഒ​പി സേ​വ​ന​മു​ള്ള​ത്. സ​ര്‍ജ​റി വി​ഭാ​ഗം പ്ര​വ​ര്‍ത്തി​ക്കാ​താ​യ​തോ​ടെ ശ​സ്ത്ര​ക്രി​യ നി​ര്‍ദേ​ശി​ക്ക​പ്പെ​ടു​ന്ന മൃ​ഗ​ങ്ങ​ളെ കോ​ട്ട​യം കോ​ടി​മ​ത​യി​ലെ മൃ​ഗാ​ശു​പ​ത്രി​യി​ലേ​ക്ക് കൊ​ണ്ടു​പോ​കേ​ണ്ട അ​വ​സ്ഥ​യാ​ണു​ള്ള​ത്.

ഡോ​ക്ട​ര്‍മാ​രി​ല്ലാ​ത്ത​ത് ക്ഷീ​ര ക​ര്‍ഷ​ക​രെ ന​ന്നാ​യി ബു​ദ്ധി​മു​ട്ടി​ക്കു​ന്നു​ണ്ട്. മൃ​ഗ​ങ്ങ​ളു​മാ​യി ആ​ശു​പ​ത്രി​യി​ലെ​ത്തു​മ്പോ​ഴാ​ണ് ഡോ​ക്‌​ട​ര്‍മാ​രി​ല്ലെ​ന്ന വി​വ​ര​മ​റി​യു​ന്ന​ത്. ഇ​തോ​ടെ മൃ​ഗ​ങ്ങ​ളു​മാ​യി ഇ​ത​ര ആ​ശു​പ​ത്രി​ക​ളി​ലേ​ക്കു പോ​കേ​ണ്ടി വ​രു​ന്ന​ത് ആ​ളു​ക​ളെ വ​ല​യ്ക്കു​ക​യാ​ണ്.

പ്ര​തി​രോ​ധ കു​ത്തി​വ​യ്പി​നും ശ​സ്ത്ര​ക്രി​യ​യ്ക്കും മ​റ്റു​മാ​യി മൃ​ഗ​ങ്ങ​ളു​മാ​യി കോ​ടി​മ​ത​യി​ലു​ള്ള ആ​ശു​പ​ത്രി​യി​ലേ​ക്കു പോ​കേ​ണ്ടി​വ​രു​ന്ന​ത് ആ​ളു​ക​ള്‍ക്ക് വ​ലി​യ സാ​മ്പ​ത്തി​ക​ച്ചെ​ല​വ് വ​രു​ത്തി​വ​യ്ക്കു​ന്ന​താ​യും പ​രാ​തി​യു​ണ്ട്.