തെ​ക്കേ​മൂ​ലെ പാ​ട​ത്തെ നെ​ല്ല് സം​ഭ​ര​ണമാ​രം​ഭി​ച്ചു : ഒ​രു ക്വി​ന്‍റ​ലി​ന് ആ​റ​ര​ക്കി​ലോ കി​ഴി​വ്
Friday, October 11, 2024 6:55 AM IST
കു​മ​ര​കം: വെ​യി​ലും മ​ഴ​യും അ​വ​ഗ​ണി​ച്ച് കൃ​ഷി ന​ട​ത്തി കൊ​യ്തു കൂ​ട്ടി​യ നെ​ല്ല് വി​ല്ക്കാ​നും ക​ർ​ഷ​ക​ർ ഏ​റെ ക​ഷ്ട​പ്പാ​ട് സ​ഹി​ക്കേ​ണ്ടി​വ​രു​ന്നു. കു​മ​ര​ക​ത്ത് ഈ ​വ​ർ​ഷ​ത്തെ വി​രി​പ്പുകൃ​ഷി​യു​ടെ കാൊ​യ്ത്ത് ആ​ദ്യം ന​ട​ത്തി​യ തെ​ക്കേ​മൂ​ലേ​പ്പാ​ട​ത്തെ ക​ർ​ഷ​ക​രാ​ണ് ര​ണ്ടാ​ഴ്ച​യാോളം നെ​ല്ല് വി​ല്ക്കാ​ൻ ക​ഴി​യാ​തെ നെ​ട്ടോ​ട്ടം ഓ​ടി​യ​ത്.

ജി​ല്ലാ ക​ള​ക്ട​റു​ടെ നി​ർ​ദേ​ശ​പ്ര​കാ​രം പ​ഞ്ചാ​യ​ത്ത് പ്ര​സി​ഡ​ന്‍റ് ഇ​ട​പെ​ട്ടാ​ണ് ആ​റ​രക്കി​ലോ​ഗ്രാം കി​ഴി​വ് (താ​ര) ന​ൽ​കി നെ​ല്ല് സം​ഭ​ര​ണം ആ​രം​ഭി​ക്കാ​ൻ തീ​രു​മാ​ന​മെ​ടു​ത്ത​ത്. ജി​ല്ലാ പാ​ഡി മാ​ർ​ക്ക​റ്റിം​ഗ് ഓ​ഫീ​സ​ർ 240 ഏ​ക്ക​റു​ള്ള തെ​ക്കേ​മൂ​ലെ പാ​ട​ത്തെ നെ​ല്ല് സം​ഭ​രി​ക്കാ​ൻ ഏ​ർ​പ്പാ​ടാ​ക്കി​യ​ത് പാ​ല​ക്കാ​ട്ടു​ള്ള വാ​ളാ​ഞ്ചേ​രി, റെെ​സി​ക്കോ എ​ന്നീ ര​ണ്ടു മി​ല്ലു​കാ​രെ​യാ​ണ്.

അ​വ​രു​ടെ ഏ​ജ​ന്‍റ് എ​ത്തി ക്വാ​ളി​റ്റി ചെ​ക്കിം​ഗ് ന​ട​ത്തി 25 കി​ലോ (നാ​ലി​ലൊ​ന്ന്) കി​ഴി​വ് ആ​വ​ശ്യ​പ്പെ​ട്ട​താ​ണ് ക​ർ​ഷ​ക​ർ​ക്ക് ഇ​രു​ട്ട​ടി​യാ​യ​ത്. ക​ഴി​ഞ്ഞ സീ​സ​ണി​ൽ ഒ​രു കി​ലോ മാ​ത്രം കി​ഴി​വ് ന​ൽ​കി നെ​ല്ല് സം​ഭ​ര​ണം ന​ട​ന്ന പാ​ട​ത്താ​ണ് ഈ ​വ​ർ​ഷ കൃ​ഷി​യു​ടെ 16.8 ശ​ത​മാ​നം മാ​ത്രം ഈ​ർ​പ്പ​ത്തി​ന്‍റെ അം​ശ​മു​ള്ള നെ​ല്ലി​ന് 25 കി​ലോ കി​ഴി​വ് ആ​വ​ശ്യ​പ്പെ​ട്ട​ത്.


ക​ർ​ഷ​ക​ർ പാ​ഡി മാ​ർ​ക്ക​റ്റിം​ഗ് ഓ​ഫീ​സി​ൽ ക​ഴി​ഞ്ഞ ശ​നി​യാ​ഴ്ച സ​മ​രം ന​ട​ത്തി​യ​തി​നെ​ത്തു​ട​ർ​ന്ന് പാ​ഡി മാ​ർ​ക്ക​റ്റിം​ഗ് ഓ​ഫീ​സ​ർ മ​റ്റു ര​ണ്ടു മി​ല്ലു​കാ​ർ​ക്ക് സം​ഭ​ര​ണാ​വ​കാ​ശം ന​ൽ​കി​യെ​ങ്കി​ലും ആ ​മി​ല്ലു​ക​ൾ ക​ഴി​ഞ്ഞ സീ​സ​ണി​ൽ സം​ഭ​രി​ച്ച നെ​ല്ലി​ന്‍റെ അ​രി മു​ഴു​വ​ൻ തി​രി​കെ ന​ൽ​കാ​ത്ത​തി​നാ​ൽ അ​വ​ർ​ക്ക് നെ​ല്ല് സം​ഭ​രി​ക്കാ​ൻ ക​ഴി​ഞ്ഞി​ല്ല. ഇ​തോ​ടെ ഗ​തി​മു​ട്ടി​യ ക​ർ​ഷ​ക​ർ ജി​ല്ലാ ക​ള​ക്ട​ർ​ക്കു പ​രാ​തി ന​ൽ​കു​ക​യാ​യി​രു​ന്നു.

പ​രാ​തി ഉ​ട​ൻ പ​രി​ഹ​രി​ച്ച് റി​പ്പോ​ർ​ട്ട് ന​ൽ​കാ​ൻ ക​ള​ക്‌​ട​ർ പാ​ഡി മാ​ർ​ക്ക​റ്റിം​ഗ് ഓ​ഫീ​സ​ർ​ക്കു നി​ർ​ദേ​ശം ന​ൽ​കി. അ​ത​നു​സ​രി​ച്ച് ന​മ്പ്യാ​ർ​കു​ടി എ​ന്ന മി​ല്ലു​കാ​രെ സം​ഭ​ര​ണച്ചു​മ​ത​ല ഏ​ല്പി​ച്ചെ​ങ്കി​ലും അ​വ​രു​ടെ ഏ​ജ​ന്‍റ് 10 കി​ലോ നെ​ല്ല് കി​ഴി​വ് ആ​വ​ശ്യ​പ്പെ​ട്ടു.

ഇ​ന്ന​ലെ പ​ഞ്ചാ​യ​ത്ത് പ്ര​സി​ഡ​ന്‍റ് ധ​ന്യ സാ​ബു​വി​ന്‍റെ സാ​ന്നി​ധ്യ​ത്തി​ൽ ക​ർ​ഷ​ക​രു​ടെ യോ​ഗം ചേ​രു​ക​യും 6.5 (ആ​റ​ര) കി​ലോ​ഗ്രാം കി​ഴി​വി​ൽ നെ​ല്ലെ​ടു​ക്കാ​ൻ ന​മ്പ്യാ​ർ​കു​ടി മി​ല്ലി​ന്‍റെ ഏ​ജ​ന്‍റി​ൽ സ​മ്മ​ർ​ദം ചെ​ലു​ത്തി സ​മ്മ​തി​പ്പി​ക്കു​ക​യു​മാ​യി​രു​ന്നു. നെ​ല്ലു സം​ഭ​രി​ക്കു​ന്ന ചാ​ക്കു​ൾ​പ്പെടെ​യാ​ണ് ആ​റ​രക്കി​ലോ കി​ഴി​വ്.