മു​ണ്ട​ക്ക​യം: പ​ക​ർ​ച്ച​പ്പ​നി അ​ട​ക്ക​മു​ള്ള സാം​ക്ര​മി​ക രോ​ഗ​ങ്ങ​ൾ നാ​ടാ​കെ പ​ട​ർ​ന്നു​പി​ടി​ക്കു​ന്ന സ​മ​യ​ത്തും മു​ണ്ട​ക്ക​യം സ​ർ​ക്കാ​ർ ആ​ശു​പ​ത്രി​യി​ൽ ആ​വ​ശ്യ​ത്തി​നു ഡോ​ക്ട​ർ​മാ​രു​ടെ സേ​വ​നം ല​ഭി​ക്കു​ന്നി​ല്ലെ​ന്നു പ​രാ​തി.

ഇ​ന്ന​ലെ രാ​വി​ലെ ഒ​പി​യി​ൽ രോ​ഗി​ക​ളെ പ​രി​ശോ​ധി​ക്കാ​ൻ ഒ​രു ഡോ​ക്ട​റു​ടെ സേ​വ​നം മാ​ത്ര​മാ​ണ് ല​ഭി​ച്ച​ത്. ദി​വ​സേ​ന നാനൂറില​ധി​കം രോ​ഗി​ക​ളെ​ത്തു​ന്ന ആ​ശു​പ​ത്രി​യി​ൽ ഒ​രു ഡോ​ക്ട​റു​ടെ സേ​വ​നം മാ​ത്ര​മാ​യ​തോ​ടെ കാ​ത്തു​നി​ന്നു മ​ടു​ത്ത രോ​ഗി​ക​ൾ പ്ര​തി​ഷേ​ധ​വു​മാ​യി രം​ഗ​ത്തെ​ത്തി. ചി​ല രോ​ഗി​ക​ൾ സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ തേ​ടി.

അ​വ​ധി ദി​ന​ങ്ങ​ളി​ൽ പ്ര​ഭാ​ത-​സാ​യാ​ഹ്ന ഒ​പി​യി​ൽ ഒ​രു ഡോ​ക്ട​ർ മാ​ത്ര​മേ ഉ​ണ്ടാ​കൂ​വെ​ന്ന​ാ​ണ് ആ​ശു​പ​ത്രി അ​ധി​കൃ​ത​ർ പ​റ​യു​ന്നത്. നി​ല​വി​ൽ ഡ്യൂ​ട്ടി​യി​ൽ ആ​വ​ശ്യ​ത്തി​ന് ഡോ​ക്ട​ർ​മാ​രു​ണ്ടെ​ങ്കി​ൽ​പോ​ലും പ​ല സ​മ​യ​ങ്ങ​ളി​ലും ഇ​വ​രു​ടെ സേ​വ​നം ല​ഭി​ക്കാ​റി​ല്ലെ​ന്നും പ​രാ​തി ഉ​യ​രു​ന്നു​ണ്ട്.

കോ​ടി​ക​ൾ മു​ട​ക്കി
കെ​ട്ടി​ടം നി​ർ​മി​ച്ചു

പ​ഴ​യ കെ​ട്ടി​ടം പൊ​ളി​ച്ചു​മാ​റ്റി കോ​ടി​ക​ൾ മു​ട​ക്കി പു​തി​യ കെ​ട്ടി​ടം നി​ർ​മി​ച്ചി​ട്ടു വ​ർ​ഷ​ങ്ങ​ൾ ക​ഴി​ഞ്ഞു. താ​ലൂ​ക്ക് ആ​ശു​പ​ത്രി​യാ​ക്കി ഉ​യ​ർ​ത്തു​മെ​ന്നു പ​ല വേ​ള​ക​ളി​ലും പ്ര​ഖ്യാ​പ​ന​വും ന​ട​ത്തി. ഇ​തി​നു​ള്ള എ​ല്ലാ അ​ടി​സ്ഥാ​ന സൗ​ക​ര്യ​ങ്ങ​ളും ഇ​വി​ടെ​യു​ണ്ട്. എ​ന്നാ​ൽ താ​ലൂ​ക്ക് ആ​ശു​പ​ത്രി​യാ​യി ഉ​യ​ർ​ത്തു​ക​യോ അ​തി​ന് അ​നു​ബ​ന്ധി​ച്ചു​ള്ള നി​യ​മ​നം ന​ട​ത്തു​ക​യോ ചെ​യ്തി​ട്ടി​ല്ല. പി​ന്നീ​ട് സാ​മൂ​ഹി​കാ​രോ​ഗ്യ കേ​ന്ദ്ര​വും കു​ടും​ബാ​രോ​ഗ്യ കേ​ന്ദ്ര​വു​മാ​യി ത​രം​താ​ഴ്ത്തു​ക​യാ​ണു​ണ്ടാ​യ​ത്.

ഒ​രു കാ​ല​ത്ത് കോ​ട്ട​യം, ഇ​ടു​ക്കി ജി​ല്ല​ക​ളി​ലെ ത​ന്നെ മി​ക​ച്ച സേ​വ​നം ല​ഭി​ച്ചി​രു​ന്ന ആ​തു​രാ​ല​യ​മാ​യി​രു​ന്നു മു​ണ്ട​ക്ക​യം സ​ർ​ക്കാ​ർ ആ​ശു​പ​ത്രി. പ്ര​സ​വ​ശു​ശ്രൂ​ഷ​ക​ളും പോ​സ്റ്റ്മോ​ർ​ട്ടം അ​ട​ക്ക​മു​ള്ള സേ​വ​ന​ങ്ങ​ളും ഇ​വി​ടെ​നി​ന്നു ല​ഭി​ച്ചി​രു​ന്നു.

മ​ല​യോ​ര മേ​ഖ​ല​യി​ലെ ജ​ന​ങ്ങ​ളു​ടെ ആ​ശ്ര​യ​മാ​യി​രു​ന്നു ഈ ​ആ​ശു​പ​ത്രി. കാ​ല​ങ്ങ​ൾ പി​ന്നി​ട്ട​തോ​ടെ ഈ ​സേ​വ​ന​മെ​ല്ലാം നി​ല​ച്ചു. ഇ​പ്പോ​ൾ വ​ലി​യ ഒ​രു കെ​ട്ടി​ട​വും കു​ടും​ബാ​രോ​ഗ്യ കേ​ന്ദ്ര​ത്തി​ന്‍റെ സേ​വ​ന​വു​മാ​ണ് ഇ​വി​ടെ ജ​ന​ങ്ങ​ൾ​ക്ക് ല​ഭി​ക്കു​ന്ന​ത്. ഓ​രോ തെ​ര​ഞ്ഞെ​ടു​പ്പ് കാ​ല​ത്തും പ്ര​ധാ​ന ച​ർ​ച്ചാ​വി​ഷ​യ​മാ​യി മു​ണ്ട​ക്ക​യം സ​ർ​ക്കാ​ർ ആ​ശു​പ​ത്രി ക​ട​ന്നു​വ​രാ​റു​ണ്ട്. വ​ലി​യ വാ​ഗ്ദാ​ന​ങ്ങ​ളാ​ണ് പ​ല​പ്പോ​ഴും അ​ധി​കാ​രി​ക​ൾ ജ​ന​ങ്ങ​ൾ​ക്ക് മു​ന്പി​ൽ ന​ൽ​കു​ന്ന​ത്. എ​ന്നാ​ൽ, പി​ന്നീ​ട് അ​ത് പ്രാ​വ​ർ​ത്തി​ക​മാ​ക്കു​ന്ന​തി​നു​ള്ള തു​ട​ർ​ന​ട​പ​ടി​ക​ൾ ഒ​ന്നും ഇ​വ​രു​ടെ ഭാ​ഗ​ത്തു​നി​ന്ന് ഉണ്ടാ​കാ​റി​ല്ല.

സ​മ​ര​ങ്ങ​ളും
പ്ര​തി​ഷേ​ധ​ങ്ങ​ളും

മുണ്ടക്കയം ഗവൺമെന്‍റ് ആ​ശു​പ​ത്രി​യു​ടെ സേ​വ​നം മെ​ച്ച​പ്പെടു​ത്ത​ണ​മെ​ന്നാ​വ​ശ്യ​പ്പെ​ട്ടു വിവി​ധ സം​ഘ​ട​ന​ക​ളു​ടെ നേ​തൃത്വ​ത്തി​ൽ സ​മ​ര​പ​ര​മ്പ​ര​കൾ ത​ന്നെ സം​ഘ​ടി​പ്പി​ക്കാ​റു​ണ്ടെ​ങ്കി​ലും യാ​തൊ​രു പ്ര​യോ​ജ​ന​വുമില്ല.

പു​തി​യ സാം​ക്ര​മി​ക രോ​ഗ​ങ്ങ​ൾ ക​ട​ന്നു​വ​രു​ന്ന കാ​ല​ഘ​ട്ട​ത്തി​ൽ വ​ലി​യ തു​ക ന​ൽ​കി സ്വ​കാ​ര്യ ആ​ശു​പ​ത്രി​ക​ളെ ആ​ശ്ര​യി​ക്കേ​ണ്ട ഗ​തി​കേ​ടി​ലാ​ണ് സാ​ധാ​ര​ണ​ക്കാ​രാ​യ മ​ല​യോ​ര നി​വാ​സി​കൾ.