റോ​ഡ് വെ​ട്ടി​പ്പൊ​ളി​ച്ചു: യാ​ത്ര​ക്കാ​ർ ദു​രി​ത​ത്തി​ൽ
Tuesday, June 11, 2024 10:23 PM IST
ഹ​രി​പ്പാ​ട്: വെ​ള്ളമൊ​ഴു​ക്കാ​നാ​യി വെ​ട്ടി​പ്പൊ​ളി​ച്ച റോ​ഡ് യാ​ത്ര​ക്കാ​ർ​ക്കു മാ​ർ​ഗ​ത​ട​സ​മാ​കു​ന്നു. മു​തു​കു​ളം പ​ടി​ഞ്ഞാ​റ് കാ​യ​ലോ​രപാ​ത കു​രി​ശ​ടി​ഭാ​ഗ​ത്തു​നി​ന്നു കൊ​ല്ല​ക​ൽ ക്ഷേ​ത്ര​ത്തി​ലും എ​സ്എ​ൻവി ​യു​പി സ്‌​കൂ​ളി​ലേ​ക്കും അ​വി​ടെനി​ന്ന് മു​രി​ങ്ങ​ച്ചി​റ​യി​ലേ​ക്കും പോ​കു​ന്ന റോ​ഡാ​ണ് ര​ണ്ടാ​ഴ്ച മു​മ്പ് ജ​ല​നി​ര​പ്പ് ഉ​യ​ർ​ന്ന​പ്പോ​ൾ നെ​ടു​കെ ര​ണ്ട​ര​യ​ടി​യോ​ളം താ​ഴേ​ക്ക് വെ​ട്ടി​പ്പൊ​ളി​ച്ച​ത്.

ഇ​വി​ടെ​യു​ണ്ടാ​യി​രു​ന്ന പൈ​പ്പി​ൽ​ക്കൂ​ടി മ​തി​യാ​യ രീ​തി​യി​ൽ വെ​ള്ളമൊ​ഴു​കാ​ത്ത​താ​യി​രു​ന്നു കാ​ര​ണം.

ഒ​രാ​ഴ്ച ക​ഴി​ഞ്ഞി​ട്ടു​മി​ത് പൂ​ർ​വ സ്ഥി​തി​യി​ലാ​ക്കി​യി​ല്ല. സ്കൂ​ളി​ലേ​ക്കു പോ​കു​ന്ന കു​ട്ടി​ക​ളെ​യും മ​റ്റു യാ​ത്ര​ക്കാ​രെ​യും ഇ​ത് ഏ​റെ ബു​ദ്ധി​മു​ട്ടി​ലാ​ക്കു​ന്നു. സ്‌​കൂ​ൾ വാ​ഹ​ന​ങ്ങ​ളി​പ്പോ​ൾ അ​ച്ചാ​മ​മു​ക്ക് വ​ഴി​യോ ക​റു​ത്തേ​രി ജ​ംഗ്ഷ​ൻ വ​ഴി​യോ ര​ണ്ട​ര മൂ​ന്നു കി​ലോ​മീ​റ്റ​റോ​ളം ചു​റ്റി​ത്തി​രി​ഞ്ഞാ​ണ് സ്‌​കൂ​ളി​ലെ​ത്തു​ന്ന​ത്.

സൈ​ക്കി​ളി​ൽ വ​രു​ന്ന കു​ട്ടി​ക​ളു​ടെ സ്ഥി​തി​യും ഇ​തു ത​ന്നെ​യാ​ണ്.
വെ​ട്ടി​മു​റി​ച്ച​ത് ന​ട​ന്നുവ​രു​ന്ന​വ​ർ​ക്കും കെ​ണി​യാ​ണ്. വി​ദ്യാ​ർ​ഥി​ക​ൾ ഇ​വി​ടെ തെ​ന്നി വീ​ഴു​ന്നത് പതിവാണ്. ആ​ഴ​മു​ള്ള വെ​ള്ളക്കെ​ട്ടി​ലേ​ക്ക് ഒ​ഴു​ക്കു​ള്ളതി​നാ​ൽ കു​ട്ടി​ക​ൾ​ക്കു കു​ഴി ഭീ​ഷ​ണി​യാ​ണെ​ന്നാ​ണ് അ​ധ്യാ​പ​ക​രു​ൾ​പ്പെ​ടെ പ​റ​യു​ന്ന​ത്. ഇ​പ്പോ​ൾ ര​ക്ഷി​താ​ക്ക​ളാ​ണ് കു​ട്ടി​ക​ളെ മ​റു​വ​ശ​ത്തെ​ത്തി​ക്കു​ന്ന​ത്.

Copyright @ 2022 , Rashtra Deepika Ltd.