മെഡി. കോളജ് ആശുപത്രിയിലെ പ്രശ്നങ്ങൾക്കു പരിഹാരം വേണം
1430687
Friday, June 21, 2024 11:24 PM IST
അന്പലപ്പുഴ: ആലപ്പുഴ മെഡിക്കൽ കോളജ് ആശുപത്രിയിലെ വിവിധ പ്രശ്നങ്ങൾക്കു പരിഹാരം കാണാൻ സംസ്ഥാന സർക്കാർ ഫലപ്രദമായി ഇടപെടണമെന്ന് സിപിഐ ജില്ലാ സെക്രട്ടറി ടി.ജെ. ആഞ്ചലോസ് ആവശ്യപ്പെട്ടു. മെഡിക്കൽ കോളജ് ആശുപത്രിയുടെ ശോച്യാവസ്ഥയ്ക്കു പരിഹാരം കാണണമെന്നാവശ്യപ്പെട്ട് സിപിഐ ആശുപത്രിക്കു മുന്നിൽ നടത്തിയ ആശുപത്രി സംരക്ഷണ ശൃംഖലയുടെ ഉദ്ഘാടനം നിർവഹിക്കുകയായിരുന്നു അദ്ദേഹം.
ശൃംഖലയുടെ മുന്നോടിയായി മഹിളാ സംഘം, എഐടിയുസി, എഐവൈഎഫ് എന്നീ സംഘടനകളും മണ്ഡലം - ലോക്കൽ തലത്തിലും ഒപ്പുശേഖരണം നടത്തിയിരുന്നു. നിവേദനം മുഖ്യമന്ത്രിക്ക് സമർപ്പിക്കും. സിപിഐ ജില്ലാ അസി. സെക്രട്ടറി പി.വി. സത്യനേശൻ അധ്യക്ഷത വഹിച്ചു.