യാ​ത്രാ​മൊ​ഴി​യി​ൽ വി​ങ്ങി​പ്പൊ​ട്ടി പാ​ണ്ട​നാ​ട്
Tuesday, June 18, 2024 10:15 PM IST
മാ​ന്നാ​ർ: ഞ​ങ്ങ​ൾ​ക്കാ​യി ജീ​വി​ച്ചി​ട്ട് തി​രി​ച്ചൊ​ന്നും ന​ൽ​കാ​ൻ പ​റ്റി​യി​ല്ല​ല്ലോ എ​ന്ന വാ​വി​ട്ട നി​ല​വി​ളി, ഞ​ങ്ങ​ൾ​ക്കെ​ല്ലാം ന​ൽ​കി പോ​കു​ക​യാ​ണ​ല്ലോ.. തു​ട​ങ്ങി​യ​വ പ​റ​ഞ്ഞ് ക​ര​യു​ന്ന​വ​രു​ടെ സ​ങ്ക​ടം കൂ​ടി നി​ന്ന​വ​രു​ടെ​യെ​ല്ലാം മി​ഴി ന​ന​യി​ച്ചു.

കു​വൈ​ത്തി​ലെ തീ​പി​ടി​ത്ത​ത്തി​ൽ മ​രി​ച്ച ​മാ​ത്യു തോ​മ​സി​ന്‍റെ യാ​ത്രാ​മൊ​ഴി ന​ൽ​കു​ന്ന ച​ട​ങ്ങി​ലാ​ണ് വൈ​കാ​രി​ക​മാ​യ രം​ഗ​ങ്ങ​ൾ ഉ​ണ്ടാ​യ​ത്. മാ​ത്യു​വി​ന്‍റെ എ​ക്കാ​ല​ത്തെ​യും സ്വ​പ്ന​മാ​യി​രു​ന്നു ര​ണ്ടു പെ​ൺ​മ​ക്ക​ളെ​യും ന​ല്ല രീ​തി​യി​ൽ പ​ഠി​പ്പി​ച്ച് ഉ​ന്ന​തനി​ല​യി​ൽ എ​ത്തി​ക്ക​ണ​മെ​ന്നു​ള്ള​ത്. ഇ​തു പ​ല​പ്പോ​ഴും ഇ​യാ​ൾത​ന്നെ പ​റ​യാ​റു​മു​ണ്ടാ​യി​രു​ന്നു. ​മ​ക്ക​ളാ​യ മേ​ഘ​യും മെ​റി​നും നെ​ഞ്ചുപൊ​ട്ടി ക​ര​യു​ന്ന​തി​നി​ട​യി​ലും ത​ങ്ങ​ളെ വ​ള​രെ സ്നേ​ഹി​ച്ച പ​പ്പ​യു​ടെ ആ​ഗ്ര​ഹം സ​ഫ​ല​മാ​കാ​തെ പോ​യ​ല്ലോ എ​ന്ന കാ​ര്യം ആ​വ​ർ​ത്തി​ച്ചു​കൊ​ണ്ടി​രു​ന്നു. മൂത്ത​ മ​ക​ൾ മേ​ഘ ന​ഴ്സിം​ഗ് പ​ഠ​നം പൂ​ർ​ത്തി​യാ​ക്കു​ക​യും ഇ​ള​യ മ​ക​ൾ മെ​റി​ൻ എം​ബി​എ​ക്ക് ചേ​രാ​ൻ ത​യാ​റാ​കു​ക​യും ചെ​യ്യു​മ്പോ​ഴാ​യി​രു​ന്നു വി​ധി ത​ട്ടി​യെ​ടു​ത്ത​ത്.

പാ​ണ്ട​നാ​ട് ഗ്രാ​മ​ത്തി​ന്‍റെ പ്രി​യ​പ്പെ​ട്ട ​മാ​ത്യു തോ​മ​സി​ന്‍റെ ​ചേ​ത​ന​യ​റ്റ ശ​രീ​രം ഒ​രു നോ​ക്കു കാ​ണാ​നാ​യി തി​ങ്ക​ളാ​ഴ്ച അ​തി​രാ​വി​ലെ മു​ത​ൽത​ന്നെ ഒ​രു​ഗ്രാ​മം ഒ​ന്ന​ട​ങ്കം ​ഒ​ഴു​കി​യെ​ത്തു​ക​യാ​യി​രു​ന്നു. ഈ ​സ​മ​യം വീ​ടും പ​രി​സ​ര​വു​മെ​ല്ലാം നാ​ട്ടു​കാ​രെ​യും ബ​ന്ധു​ക്ക​ളെ​യും കൊ​ണ്ടു​നി​റ​ഞ്ഞി​രു​ന്നു. ഈ​റ​ന​ണി​ഞ്ഞ ക​ണ്ണു​ക​ളോ​ടെ​യ​ല്ലാ​തെ ആ​രെ​യും ഇ​വി​ടെ കാ​ണാ​നാ​യി​ല്ല.

ത​ങ്ങ​ളു​ടെ എ​ല്ലാ​മെ​ല്ലാ​മാ​യ പ്രി​യ​പ്പെ​ട്ട മാ​ത്യു തോ​മ​സി​ന്‍റെ ചേ​ത​ന​യ​റ്റ ശ​രീ​രം ക​ണ്ട് വാ​വി​ട്ടു ക​ര​ഞ്ഞ ഭാ​ര്യ ഷി​നു മാ​ത്യു​വി​നെ​യും മ​ക്ക​ളെ​യും മ​റ്റു കുടും​ബാം​ഗ​ങ്ങ​ളു​ടെ​യും പൊ​ട്ടി​ക്ക​ര​യു​ന്ന രം​ഗം ക​ണ്ടുനി​ന്ന​വ​രു​ടെ​യും ക​ര​ള​ലി​യു​ക്കു​ന്ന​താ​യി​രു​ന്നു. നി​യ​ന്ത്ര​ണംവി​ട്ട് അ​ല​മു​റ​യി​ടു​ന്ന അ​വ​രെ ആ​ശ്വ​സി​പ്പി​ക്കാ​നാ​കാ​തെ ബ​ന്ധു​ക്ക​ളും സു​ഹൃ​ത്തു​ക്ക​ളും പാ​ടു​പെ​ടു​ക​യാ​യി​രു​ന്നു.

പാ​ണ്ട​നാ​ട് ഗ്രാ​മ​ത്തി​ലു​ള്ള​വ​ർ​ക്ക് ആ​ക​സ്മി​ക വി​യോ​ഗം തീ​ർ​ത്ത ന​ടു​ക്ക​ത്തി​ൽനി​ന്നും ​തീ​രാദുഃ​ഖ​ത്തി​ൽനി​ന്നും ഇ​നി​യും മോ​ചി​ത​രാ​വാ​ൻ ക​ഴി​യാ​ത്ത മാ​ന​സി​കാ​വ​സ്ഥ​യി​ലാ​ണ് .

Copyright @ 2022 , Rashtra Deepika Ltd.