ADVERTISEMENT

ADVERTISEMENT

ലോറിയും ബൈക്കും കൂട്ടിയിടിച്ച് യുവാവ് മരിച്ചു

പുനലൂർ: ലോറിയും ബൈക്കും കൂട്ടിയിടിച്ച് ബൈക്കു യാത്രികൻ മരിച്ചു. കറവൂർ കീഴയം ഷെഫീക്ക് മൻസിലിൽ ഷംസുദ്ദീന്‍റെ മകൻ ഷെഫീക്ക് (36) ആണ് മരിച്ചത്. കഴിഞ്ഞ ദിവസം രാത്രിയിൽ പുനലൂരിലായിരുന്നു അപകടം. മാതാവ്: സൈനബ. ഭാര്യ: ഷെഫീന.

ADVERTISEMENT

ഷോക്കേറ്റ് ഗുരുതരമായി പരിക്കേറ്റ കെഎസ്ഇബി ജീവനക്കാരൻ മരിച്ചു

കരുനാഗപ്പള്ളി: ജോലിക്കിടെ ഷോക്കേറ്റ് ഗുരുതരമായി പരിക്കേറ്റു ചികിത്സയിലായിരുന്ന കെഎസ്ഇബി ലൈൻമാൻ മരിച്ചു. കുലശേഖരപുരം ആദിനാട് സൗത്ത് കൃഷ്ണായനത്തിൽ അനിലാൽ (51) ആണ് മരിച്ചത്. കഴിഞ്ഞ ദിവസം കൊച്ചാലുംമൂടിനു സമീപത്തായിരുന്നു അപകടം. ഇന്നലെ ഉച്ചയോടെയാണ് മരിച്ചത്. ഭാര്യ രജിത. മക്കൾ: ഗൗരി, ഗായത്രി

സ്നേഹിത ജെന്‍ഡര്‍ ഹെല്‍പ്പ് ഡെസ്‌ക് പ്രവർത്തനം അഞ്ചുകല്ലുംമൂടിലേക്ക് മാറ്റി

കൊല്ലം: കുടുംബശ്രീ കൊല്ലം ജില്ലാ മിഷന്‍റെ നേതൃത്വത്തില്‍ പ്രവര്‍ത്തിക്കുന്ന സ്നേഹിത ജെന്‍ഡര്‍ ഹെൽപ് ഡെസ്‌ക് അഞ്ചുകല്ലുംമൂട് ജംഗ്ഷന്‍ രാമേശ്വരം ക്ഷേത്രത്തിനടുത്തേക്ക് മാറ്റി പ്രവര്‍ത്തനം തുടങ്ങി. ജില്ലാ കളക്‌ടര്‍ എന്‍.ദേവിദാസ് ഉദ്ഘാടനം നിര്‍വഹിച്ചു. കോര്‍പറേഷന്‍ ആരോഗ്യ സ്റ്റാൻഡിംഗ് കമ്മിറ്റി ചെയര്‍പേഴ്സണ്‍ യു.പവിത്ര അധ്യക്ഷയായി. കെഎസ്എഫ്ഇ ചെയര്‍മാന്‍ കെ.വരദരാജന്‍ മുഖ്യാതിഥിയായി. രാമന്‍കുളങ്ങര മരുത്തടി റോഡില്‍ പ്രവര്‍ത്തിച്ചിരുന്ന സ്നേഹിത നഗരത്തിലേക്ക് കൂടുതല്‍ ഇറങ്ങി പ്രവര്‍ത്തിക്കുന്നതിന്‍റെ ആവശ്യം കണക്കിലെടുത്താണ് അഞ്ചുകല്ലുംമൂടിലേക്ക് സ്ഥലം മാറിയത്. 2017-ല്‍ ജില്ലയില്‍ പ്രവര്‍ത്തനം ആരംഭിച്ച സ്നേഹിതയില്‍ നാളിതുവരെ 2803 പരാതികളാണ് റിപ്പോര്‍ട്ട് ചെയ്യപ്പെട്ടത്. 2768 പേര്‍ക്ക് മാനസിക പിന്തുണയും 388 പേര്‍ക്ക് താല്‍ക്കാലിക അഭയവും നല്‍കാന്‍ കഴിഞ്ഞു. അതിക്രമങ്ങള്‍ക്കും പീഡനങ്ങള്‍ക്കും വിധേയരാകുന്ന സ്ത്രീകള്‍ക്കും 18 വയസിന് താഴെയുള്ള കുട്ടികള്‍ക്കും രാത്രി യാത്രകളില്‍ ഒറ്റപെടുന്ന സ്ത്രീകള്‍ക്കും സ്നേഹിതയുടെ സേവനങ്ങള്‍ ലഭ്യമാക്കി വരുന്നു. കുടുംബശ്രീ അസി. ജില്ലാ മിഷന്‍ കോ - ഓര്‍ഡിനേറ്റര്‍ രതീഷ് കുമാര്‍, ജില്ലാ മിഷന്‍ കോഡിനേറ്റര്‍ ആര്‍. വിമല്‍ ചന്ദ്രന്‍, ജെന്‍ഡര്‍ വിഭാഗം ജില്ലാ പ്രോഗ്രാം മാനേജര്‍ ആര്‍. ബീന, സ്നേഹിത സ്റ്റാഫ്, കമ്യുണിറ്റി കൗണ്‍സിലര്‍മാര്‍, എഫ്എന്‍എച്ച് ഡബ്ല്യു റിസോഴ്സ്പേഴ്സണ്‍മാര്‍ തുടങ്ങിയവര്‍ പങ്കെടുത്തു. സ്നേഹിത ഓഫീസ്: 0474-2799760 സ്നേഹിത ടോള്‍ ഫ്രീ നമ്പര്‍: 1800-425-3565.

കുളത്തൂപ്പുഴയിൽ ഫയര്‍സ്റ്റേഷന്‍ അനുവദിക്കണം; താലൂക്ക് സഭയില്‍ പ്രമേയം അവതരിപ്പിച്ചു

കുളത്തൂപ്പുഴ: കഴിഞ്ഞദിവസം കൂടിയ താലൂക്ക് സഭയിൽ കിഴക്കന്‍ മലയോര മേഖല ഉള്‍പ്പെടുന്ന പ്രദേശത്തിന്‍റെ ഭൂവിസ്തൃതിയും ആദിവാസി സങ്കേതങ്ങളും തോട്ടം മേഖലയും ഉള്‍പ്പെടുന്ന കുളത്തൂപ്പുഴ പ്രദേശത്ത് എത്രയും പെട്ടെന്ന് ഒരു ഫയര്‍സ്റ്റേഷന്‍റെ ആവശ്യകത ബോധ്യപ്പെടുത്തുന്ന ഒരു പ്രമേയം പുനലൂർ നിയോജകമണ്ഡലം യുഡിഎഫ് കൺവീനർ റോയി ഉമ്മൻ അവതരിപ്പിച്ചു . ഈ പ്രദേശത്തെ നാട്ടുകാരുടെയും വ്യാപാരി വ്യവസായികളുടെയും ആവശ്യം ഏറെക്കാലമായുള്ളതാണ്. പ്രകൃതി ക്ഷോഭവും തീപിടിത്തവും വന്യമൃഗങ്ങളുടെ ആക്രമണവും തുടങ്ങി എന്തു തരം അത്യാഹിതമുണ്ടായാലും മുപ്പതും നാല്‍പതും കിലോമീറ്ററുകള്‍ അകലെ നിന്നുമാണ് അഗ്നിശമന സേന യെത്തേണ്ടെതെന്നതിനാല്‍ ഓരോ തവണയും ദുരന്തത്തിന്‍റെ വ്യാപ്തി വര്‍ധിക്കുന്നു. ഏതാനും ദിവസങ്ങള്‍ക്ക് മുമ്പ് കുളത്തൂപ്പുഴ ടൗണിലെ മൂന്നു വ്യാപാര ശാലകള്‍ തീപിടിത്തത്തില്‍ കത്തിനശിച്ച് കോടികളുടെ നഷ്ടമുണ്ടായതിനു പിന്നിലും അഗ്നിശമന സേനയുടെ അഭാവം പ്രകടമായിരുന്നു. ആഴ്ചകള്‍ക്ക് മുമ്പ് കണ്ടന്‍ചിറ ഓയില്‍പാം എസ്റ്റേറ്റില്‍ ഹെക്ടറുകള്‍ കത്തി നശിച്ചപ്പോഴും അഗ്നിശമന സേനയെത്തിയത് മണിക്കൂറുകള്‍ കഴിഞ്ഞായിരുന്നു. അതേ സമയം മലയോര മേഖലയായ കുളത്തൂപ്പുഴയില്‍ അഗ്നിശമന സേനാ വിഭാഗത്തെ വിന്യസിച്ചാല്‍ കുളത്തൂപ്പുഴയെ കൂടാതെ സമീപ പ്രദേശങ്ങളായി തെന്മല, ആര്യങ്കാവ്, മടത്തറ തുടങ്ങിയ പ്രദേശങ്ങളിലേക്കും ഇവയുടെ സേവനം എത്തിക്കാമെന്നതിനാല്‍ കുളത്തൂപ്പുഴ കേന്ദ്രീകരിച്ച് അടിയന്തിരമായി ഫയര്‍ സ്റ്റേഷന്‍ സ്ഥാപിക്കണമെന്നാവശ്യപ്പെട്ട് താലൂക്ക് സഭയില്‍ അവതരിപ്പിച്ച പ്രമേയം ഐക്യകണ്ഠേന പാസാക്കി.

ജില്ലാതല കുളമ്പുരോഗ പ്രതിരോധ യജ്ഞം തുടങ്ങി

കൊല്ലം: ദേശീയ ജന്തുരോഗ നിയന്ത്രണ പദ്ധതി പ്രകാരം മൃഗസംരക്ഷണ വകുപ്പിന്‍റെ നേതൃത്വത്തില്‍ നടത്തിവരുന്ന ആറാംഘട്ട കുളമ്പുരോഗ പ്രതിരോധ യജ്ഞത്തിന് തുടക്കം കുറിച്ചു. ജില്ലാതല ഉദ്ഘാടനം ജില്ലാ വെറ്ററിനറി കേന്ദ്രത്തില്‍ ജില്ലാ പഞ്ചായത്ത് പ്രസിഡന്‍റ് ഡോ.പി.കെ.ഗോപന്‍ നിര്‍വഹിച്ചു. കുളമ്പ് രോഗം ശരീരമാകെ ബാധിക്കുന്ന വൈറസ് രോഗമായതിനാല്‍ പ്രതിരോധ കുത്തിവെപ്പ് അനിവാര്യമാണ്. കുത്തിവയ്പ്പിനോടൊപ്പം വൈറസ് പടര്‍ന്നു പിടിക്കുമ്പോള്‍ സ്വീകരിക്കേണ്ട നടപടികളെപ്പറ്റിയും ഡോക്‌ടര്‍മാര്‍ കര്‍ഷകര്‍ക്ക് ബോധവത്കരണം നല്‍കണമെന്ന് ജില്ലാ പഞ്ചായത്ത് പ്രസിഡന്‍റ്പറഞ്ഞു. 23വരെ നടത്തുന്ന കുളമ്പ് രോഗ പ്രതിരോധ യജ്ഞത്തിലൂടെ 110542 പശുക്കള്‍ക്കും 8658 എരുമകള്‍ക്കും കുത്തിവയ്പ്പ് നല്‍കും. കര്‍ഷകരുടെ വീട്ടുപടിക്കലെത്തുന്ന മൃഗസംരക്ഷണ വകുപ്പിന്‍റെ സ്‌ക്വാഡുകള്‍ കുത്തിവെയ്പ്പ് നല്‍കി ചെവിയില്‍ ടാഗ് പതിപ്പിക്കും. 140 സ്‌ക്വാഡുകളെ പ്രവര്‍ത്തന സജ്ജമാക്കിയിട്ടുള്ള കുളമ്പുരോഗ പ്രതിരോധ കുത്തിവയ്പ്പ് പൂര്‍ണമായും സൗജന്യമാണ്. നാല് മാസത്തില്‍ താഴെ പ്രായമുള്ള കിടാങ്ങള്‍, രോഗമുള്ള പശുക്കള്‍, പ്രസവിക്കാറായ ഉരുക്കള്‍ എന്നിവയെ കുത്തിവെയ്പ്പില്‍ നിന്നും ഒഴിവാക്കും. ജില്ലാ മൃഗസംരക്ഷണ ഓഫീസര്‍ ഡോ.എ.എല്‍.അജിത് അധ്യക്ഷത വഹിച്ചു.

മയക്കുമരുന്നിനെതിരേ നടപടി വേണമെന്ന്

കൊല്ലം: അനുവദനീയമായ അളവില്‍കൂടുതല്‍ മദ്യം വാങ്ങുന്നത് തടയാനും മയക്കുമരുന്നിന്‍റെ വില്‍പന ഇല്ലാതാക്കാനും കര്‍ശന പരിശോധന നടത്തണമെന്ന് ജില്ലാതല ചാരായനിരോധന ജനകീയ നിരീക്ഷണസമിതി. ജില്ലാ കളക്‌ടര്‍ എന്‍. ദേവിദാസിന്‍റെ അധ്യക്ഷതയില്‍ ചേര്‍ന്ന യോഗത്തില്‍ പരിശോധന ഊര്‍ജിതമാക്കുന്നതിന് ബന്ധപ്പെട്ട വകുപ്പുകള്‍ക്ക് നിര്‍ദേശം നല്‍കി. 'ഓപറേഷന്‍ ക്ലീന്‍ സ്ലേറ്റ്' എന്ന പേരില്‍ ജില്ലയില്‍ കഴിഞ്ഞ രണ്ടു മാസത്തിനിടെ എക്സൈസ് വകുപ്പ് 2173 റെയ്ഡുകള്‍ നടത്തി. 263 മയക്കുമരുന്ന് കേസുകളിലായി 272 പേരെ അറസ്റ്റ് ചെയ്തു. വിമുക്തിയുടെ ഭാഗമായി സ്‌കൂള്‍തലത്തിലും 201 കോളജുകളിലുമായി 96 ബോധവത്കരണ ക്ലാസുകള്‍ നല്‍കി. എക്സൈസ് വകുപ്പിന്‍റെ ജാഗ്രതയോടെയുള്ള പ്രവര്‍ത്തനം വ്യാജമദ്യം തടയാനും മയക്കുമരുന്ന് വിപണനം കുറയ്ക്കാനും സഹായിച്ചുവെന്ന് സമിതി വിലയിരുത്തി. മണ്‍റോതുരുത്തില്‍ അനധികൃത മദ്യ-മയക്കുമരുന്ന് വില്‍പനയെന്ന പരാതിക്കെതിരേ ശക്തമായ നടപടി സ്വീകരിക്കണമെന്ന് ആവശ്യം യോഗത്തിൽ ഉയര്‍ന്നു. കല്ലുവാതുക്കല്‍, കല്ലുംതാഴം, ചാത്തന്നൂര്‍, മയ്യനാട്, മുഖത്തല, കരുനാഗപ്പള്ളി എന്നിവിടങ്ങളില്‍ പോലീസും എക്സൈസും സംയുക്ത പരിശോധന നടത്തും. ടൂറിസ്റ്റ് കേന്ദ്രങ്ങള്‍, സംശയകരമായ ഫ്ലാറ്റുകള്‍, വിജനമായ കേന്ദ്രങ്ങള്‍ എന്നിവിടങ്ങളിലും പരിശോധന കൂടുതല്‍ ശക്തമാക്കാനും നിര്‍ദേശമുണ്ട്. ചെറുമൂട് ഓവര്‍ബ്രിഡ്ജിനു താഴെയും പരിശോധന ശക്തമാക്കും. സ്‌കൂളുകള്‍ കേന്ദ്രീകരിച്ചുള്ള ബോധവത്കരണം കൂടുതല്‍ സജീവമാക്കും. കോളജ് ഹോസ്റ്റലുകള്‍, റെയില്‍വേ, ബസ് സ്റ്റാൻഡുകൾ, അരിഷ്ടം വില്‍ക്കുന്ന കടകള്‍ എന്നിവ കേന്ദ്രീകരിച്ചും പരിശോധന നടത്തും. ലഹരിവസ്തുകളുടെ ഉപയോഗത്തിനെതിരേ ശക്തമായ നടപടികള്‍ തുടരെ നടത്തണമെന്ന് പി.സി.വിഷ്ണുനാഥ് എംഎല്‍എ ആവശ്യപ്പെട്ടു. ജില്ലാ കളക്ടറുടെ ചേമ്പറില്‍ ചേര്‍ന്ന യോഗത്തില്‍ ആര്‍.മെഹജാബ്, ഡെപ്യൂട്ടി എക്സൈസ് കമ്മീഷണര്‍ എം.നൗഷാദ്, അസി.എക്സൈസ് കമ്മീഷണര്‍ വി.സി.ബൈജു, ജില്ലാതല ചാരായനിരോധന നിരീക്ഷണസമിതി അംഗങ്ങള്‍ തുടങ്ങിയവര്‍ പങ്കെടുത്തു.

ആധാരം രജിസ്‌ട്രേഷന്‍ പൂര്‍ണമായും ഡിജിറ്റലൈസേഷനിലേക്ക് മാറും: മന്ത്രി രാമചന്ദ്രൻ കടന്നപ്പള്ളി

കൊല്ലം: ഡിജിറ്റല്‍ സര്‍വെ പൂര്‍ത്തിയാകുന്നതോടെ ആധാരം രജിസ്‌ട്രേഷന്‍ സംവിധാനം പൂര്‍ണമായും ഡിജിറ്റലൈസേഷനിലേക്ക് മാറുമെന്നും ആധാരം എഴുത്തുകാരുടെ എഴുത്ത് ഫീസ് വര്‍ധിപ്പിക്കണമെന്ന വര്‍ഷങ്ങളായുള്ള ആവശ്യം സര്‍ക്കാര്‍ അംഗീകരിച്ചതായും മന്ത്രി രാമചന്ദ്രന്‍ കടന്നപ്പള്ളി. ഓള്‍ കേരള ഡോക്യുമെന്‍റ് റൈറ്റേഴ്‌സസ് ആന്‍റ് സ്‌ക്രൈബ്‌സ് അസോസിയേഷന്‍ സംസ്ഥാന കണ്‍വന്‍ഷന്‍ ഉദ്ഘാടനം ചെയ്യുകയായിരുന്നു മന്ത്രി. രജിസ്റ്റര്‍ ചെയ്യുന്ന അന്ന് തന്നെ ആധാരങ്ങള്‍ നല്‍കാന്‍ ഓണ്‍ലൈന്‍ സംവിധാനങ്ങളോടെ സാധിക്കും. 1980 മുതലുള്ള ആധാരങ്ങള്‍ ഡിജിറ്റലൈസേഷന്‍ ചെയ്യുന്ന ജോലികള്‍ നടന്നുവരികയാണ്. ഇതോടെ ആധാരങ്ങളുടെ പകര്‍പ്പ്, ബാധ്യതാ സര്‍ട്ടിഫിക്കറ്റ് എന്നിവ നല്‍കുന്നതു വേഗത്തിലാക്കാന്‍ കഴിയുമെന്നും മന്ത്രി പറഞ്ഞു. വയനാട്ടിലുണ്ടായ പ്രളയത്തില്‍ ആധാരം നഷ്ടപ്പെട്ടവര്‍ക്ക് സൗജന്യമായി ആധാര പകര്‍പ്പുകള്‍ നല്‍കാന്‍ സര്‍ക്കാര്‍ തീരുമാനിച്ചിട്ടുണ്ടെന്നും മന്ത്രി പറഞ്ഞു. സംസ്ഥാന പ്രസിഡന്‍റ് കെ.ജി. ഇന്ദു കലാധരന്‍ അധ്യക്ഷത വഹിച്ചു. വെല്‍ഫെയര്‍ സൊസൈറ്റിയുടെ ഉദ്ഘാടനം ജി.എസ്.ജയലാല്‍ എംഎല്‍എയും സേവന പ്രവര്‍ത്തന ഭാഗമായി നിര്‍മിച്ചു നല്‍കിയ വീടിന്‍റെ താക്കോല്‍ദാനം പി.സി.വിഷ്ണുനാഥ് എംഎല്‍എയും നിര്‍വഹിച്ചു. വൈസ് പ്രസിഡന്‍റ് ബി.മോഹന്‍കുമാര്‍, എ.എം.ദിനകരന്‍, പി.എം.തങ്കച്ചന്,‌‍ അഗസ്റ്റിന്‍ ജോസ്, സുനില്‍കുമാര്‍ കൊട്ടറ, പി.വേണുഗോപാലന്‍ നായര്‍, എം.കെ .മണിലാല്‍ എന്നിവര്‍ പ്രസംഗിച്ചു. പ്രതിനിധി സമ്മേളനം സംസ്ഥാന ഉപദേശകസമിതി ചെയര്‍മാന്‍ ഒ.എം.ദിനകരന്‍ ഉദ്ഘാടനം ചെയ്തു.

ക്ഷീരകര്‍ഷകര്‍ക്ക് ‘അമൃതായി' വെട്ടിക്കവല ബ്ലോക്ക് പഞ്ചായത്ത്

കൊല്ലം : പാലിന്‍റെ പരിശുദ്ധിയിലാണ് വെട്ടിക്കവല പഞ്ചായത്തിന്‍റെ ‘ഐശ്വര്യദിനങ്ങള്‍’. ‘ക്ഷീരാമൃതം' നൂതനപദ്ധതി നടപ്പാക്കി കര്‍ഷകര്‍ക്ക് കൈത്താങ്ങായി മാറുകയാണ് ഭരണസമിതി. ക്ഷീരകര്‍ഷകരുടെ ധാരാളിത്തമുള്ള ഗ്രാമത്തില്‍ പശുക്കളുടെ ആരോഗ്യ സംരക്ഷണത്തിന് കാലിത്തീറ്റ, വൈക്കോല്‍ എന്നിവ സബ്‌സിഡി നിരക്കില്‍ നല്‍കുന്നു. ധാതുലവണ മിശ്രിതം സൗജന്യവുമാണ്. ബ്ലോക്ക്പരിധിയില്‍ വരുന്ന പഞ്ചായത്തുകളിലെ 500 ക്ഷീരകര്‍ഷകര്‍ക്ക് കാലിത്തീറ്റയും വൈക്കോലും ധാതുലവണ മിശ്രിതവും ലഭ്യമാക്കി. 2024-25 വാര്‍ഷിക പദ്ധതിയില്‍ ഉള്‍പ്പെടുത്തി വികസനഫണ്ടില്‍നിന്ന് 10 ലക്ഷം രൂപ ചെലവഴിച്ചാണ് പദ്ധതി നടപ്പിലാക്കിയത്. കര്‍ഷകര്‍ നേരിടുന്ന പ്രധാന പ്രശ്‌നങ്ങളായ തീറ്റ ചെലവ്, പശുക്കളുടെ ആരോഗ്യ കുറവുമൂലം ഉണ്ടാകുന്ന രോഗങ്ങള്‍, പ്രത്യുല്‍പാദനശേഷിക്കുറവ് തുടങ്ങിയവയ്ക്ക് പരിഹാരമാകുന്ന നടപടികളാണ് സ്വീകരിച്ചുവരുന്നതും. ക്ഷീരസംഘം വഴി വൈക്കോല്‍, സൈലേജ് എന്നിവ വാങ്ങി നല്‍കി. വിപണിയില്‍ നിന്നും കര്‍ഷകര്‍ വാങ്ങുന്ന വിലയുടെ പകുതി തുക കര്‍ഷകന്‍റെ ബാങ്ക് അക്കൗണ്ടിലേക്ക് അനുവദിക്കുന്നത് തുടരുകയുമാണ്. ഉത്പാദന ചെലവ് കുറയ്ക്കുന്നതിന് കേരള ഫീഡ്‌സ്, മില്‍മ എന്നീ സ്ഥാപനങ്ങളില്‍ നിന്നും ക്ഷീരസംഘം മുഖേന വാങ്ങുന്ന കാലി തീറ്റയ്ക്ക് 50 ശതമാനം സബ്‌സിഡിയുണ്ട്. സാമ്പത്തികനഷ്‌ടം പരിഹരിക്കാന്‍ 100 ശതമാനം സബ്‌സിഡിയോടുകൂടി ധാതുലവണ മിശ്രിതവും വിതരണം ചെയ്യുന്നു. ഗുണഭോക്താവ് വളര്‍ത്തുന്ന കറവപ്പശുക്കളുടെ എണ്ണത്തിന്‍റെയും ക്ഷീരസംഘത്തില്‍ അളക്കുന്ന പാലിന്‍റെ യും അളവ് അനുസരിച്ചാണ് ആനുകൂല്യം നല്‍കുന്നത്. 10 ലിറ്റര്‍ വരെ പാല്‍ അളക്കുന്ന കര്‍ഷകന് ഒരു ദിവസം അഞ്ചുകിലോ വൈക്കോല്‍ അല്ലെങ്കില്‍ ഏഴുകിലോ സൈലേജ് എന്ന് കണക്കാക്കി ഒരു കിലോ വൈക്കോലിനും സൈലേജിനും പരമാവധി നാല് രൂപ വീതം ധനസഹായമായി ഗുണഭോക്താവിന്‍റെ ബാങ്ക് അക്കൗണ്ടിലേക്ക് നല്‍കുകയാണ്. പ്രതിദിനം 10 ലിറ്ററില്‍ കൂടുതല്‍ പാല് അളക്കുന്ന കര്‍ഷകര്‍ക്ക് അതനുസരിച്ച് ധനസഹായം ലഭിക്കും. ഒരു ഗുണഭോക്താവിന് നല്‍കുന്ന പരമാവധി ധനസഹായം 5000 രൂപയാണ്. പദ്ധതി നടപ്പിലാക്കിയതോടെ പശുക്കളുടെ ആരോഗ്യപരിരക്ഷ, പാലുല്‍പാദനത്തില്‍ വര്‍ധനവ്, മറ്റ് ചെലവ് ചുരുക്കല്‍ എന്നിവ സാധ്യമായെന്ന് വെട്ടിക്കവല ബ്ലോക്ക് പഞ്ചായത്ത് പ്രസിഡന്‍റ് എസ്.രഞ്ജിത് കുമാര്‍ പറഞ്ഞു.

കുളങ്ങള്‍ കുപ്പത്തൊട്ടികളായി മാറുന്നു: മന്ത്രി പി.പ്രസാദ്

അഞ്ചല്‍: കുളങ്ങളും ചിറകളും സംരക്ഷിക്കുന്നതില്‍ മലയാളികള്‍ സംസ്കാരശൂന്യരാണെന്നും ചിലയിടങ്ങളില്‍ കുളങ്ങള്‍ കുപ്പത്തൊട്ടികളായി മാറുന്നുവെന്നും മന്ത്രി പി. പ്രസാദ് പറഞ്ഞു. ഏരൂര്‍ ഗ്രാമപഞ്ചായത്തില്‍ നവീകരിച്ച ചിറയുടെയും സ്കൂള്‍ ജംഗ്ഷന്‍ നടുക്കുന്നുംപുറം പാതയില്‍ സ്ഥാപിച്ച വൈദ്യുതി ലൈറ്റുകളുടെ ഉദ്ഘാടനം നിര്‍വഹിച്ചു പ്രസംഗിക്കുകയായിരുന്നു മന്ത്രി. പി.എസ്.സുപാല്‍ എംഎല്‍എ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് ഓമനാമുരളി, ജില്ലാ പഞ്ചായത്ത് അംഗം സി അംബികാകുമാരി, ഓയില്‍പാം ചെയര്‍മാന്‍ ആര്‍. രാജേന്ദ്രന്‍, ബ്ലോക്ക് പഞ്ചായത്ത് അംഗം സന്ധ്യ ബിനു, സ്ഥിരം സമിതി അധ്യക്ഷന്‍ ഷൈന്‍ ബാബു, പഞ്ചായത്ത് അംഗങ്ങളായ ടി.അജയന്‍, പി.എസ്. സുമന്‍ തുടങ്ങിയവര്‍ പ്രസംഗിച്ചു. കേരള ലാൻഡ് ഡവലപ്മെന്‍റ് കോര്‍പറേഷന്‍ അനുവദിച്ച 21 ലക്ഷം രൂപ വിനിയോഗിച്ചാണ് കാടുകയറി ഉപയോഗ ശൂന്യമായ ഏരൂര്‍ ചിറ നവീകരിച്ചത്. കൃഷി ആവശ്യങ്ങള്‍ക്ക് ജലം എത്തിക്കുന്നതിനൊപ്പം കുട്ടികള്‍ക്ക് നീന്തല്‍ പരിശീലനത്തിനുൾപ്പെടെയുള്ള സൗകര്യം ചിറയില്‍ ഒരുക്കിയിട്ടുണ്ട്. ചുറ്റും ആവശ്യമായ വെളിച്ച സൗകര്യവും തയാറാക്കിയിട്ടുണ്ട്. എംഎല്‍എയുടെ പ്രാദേശിക വികസന ഫണ്ടില്‍ നിന്നും അഞ്ച് ലക്ഷം രൂപ വിനിയോഗിച്ച് പാതയുടെ നവീകരണവും, ആസ്തി വികസന ഫണ്ടില്‍നിന്നും 15 ലക്ഷം രൂപ വിനിയോഗിച്ച് തെരുവ് വിളക്കുകള്‍ സ്ഥാപിക്കല്‍ പ്രവര്‍ത്തനവും പൂര്‍ത്തീകരിച്ചത്.

മാവടി-കുളക്കട റോഡിൽ വെള്ളക്കെട്ട് ; യാത്രക്കാർ ദുരിതത്തിൽ

കൊട്ടാരക്കര: മഴ പെയ്ത് രണ്ട് ദിവസം കഴിഞ്ഞിട്ടും വെള്ളക്കെട്ട് റോഡിൽ തന്നെ. മാവടി-കുളക്കട റോഡിലെ തെങ്ങുവിള മുക്കിലാണ് വെള്ളക്കെട്ട് രൂപപ്പെട്ടിട്ടുള്ളത്. തെങ്ങുവിള മുക്കിൽ നിന്ന് മാവടിയിലേക്ക് പോകുന്ന വളവിലാണ് റോഡിലെ വെള്ളക്കെട്ട്.പൊതുമരാമത്ത് വകുപ്പു വക റോഡാണിത്. വെള്ളക്കെട്ട് പരിസരവാസികൾക്ക് തലവേദനായി മാറിയിട്ടുണ്ട്. വെള്ളം ഒഴുകിപോകാൻ ഓടകളോ ചാലുകളോ ഒന്നുമില്ല ഇവിടെ. വെള്ളം റോഡിൽ കെട്ടിക്കിടക്കുന്നതിനാൽ വണ്ടികൾ ചെളി വെള്ളം അടിച്ചു തെറിപ്പിച്ച് സമീപത്തെ വീടുകളിൽ താമസിക്കാൻ പോലും പറ്റാത്ത അവസ്ഥയാണ്. കാൽനടയാത്രക്കാർക്കും ഈ വളവിൽ വെള്ളത്തിലൂടെ നടന്നുവേണം യാത്ര ചെയ്യാൻ.അശാസ്ത്രീയമായ ടാറിംഗ് കാരണം റോഡിൽ തന്നെ മഴവെള്ളം കെട്ടിക്കിടക്കുകയാണ്.

പിണറായി ഭരണം തിരുട്ട് ഗ്രാമത്തിലെ കൊള്ളക്കാരെ പോലും നാണിപ്പിക്കുന്നത്: എ.ഷാനവാസ്ഖാൻ

കൊല്ലം : പിണറായി ഭരണം തിരുട്ട് ഗ്രാമത്തിലെ കൊള്ളക്കാരെ പോലും നാണിപ്പിക്കുന്നതാണെന്നും അഴിമതിയുടെ ആൾരൂപമായി മാറിയ പിണറായി വിജയൻ അഴിമതിയുടെ കാര്യത്തിൽ ഗിന്നസ്ബുക്കിൽ സ്ഥാനം പിടിക്കാൻ മത്സരിക്കുകയാണെന്നും കെപിസിസി നിർവാഹക സമിതി അംഗം എ. ഷാനവാസ്ഖാൻ. കൊട്ടിയം വെസ്റ്റ് മണ്ഡലത്തിലെ നാലാം വാർഡ് മഹാത്മാഗാന്ധി കുടുംബസംഗമം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. വാർഡ് കോൺഗ്രസ് കമ്മിറ്റി പ്രസിഡന്‍റ് ഹാഷിം അധ്യക്ഷത വഹിച്ചു. കോൺഗ്രസ് നേതാക്കളായ എസ്. വിപിനചന്ദ്രൻ, എം.നാസർ, കെ.ബി.ഷഹാൽ, എസ്.വിഷ്ണു, ഉമേഷ്, അജയകുമാർ, നാസർ കുഴിവേലിൽ എന്നിവർ പ്രസംഗിച്ചു.

ആശാപ്രവർത്തകയെ അനുമോദിച്ചു

കുളത്തൂപ്പഴ : കുളത്തൂപ്പുഴ സാമൂഹ്യ ആരോഗ്യകേന്ദ്രത്തിന്‍റെ കീഴിൽ മികച്ച പ്രവർത്തനം കാഴ്ചവച്ച ആശാ പ്രവർത്തകയെ അനുമോദിച്ചു. കുളത്തൂപ്പുഴ സാംനഗർ വാർഡിലെ ആശാ പ്രവർത്തക ബിന്ദു ശിവദാസിനെയാണ് അനുമോദിച്ചത്. ജീവിതശൈലി രോഗനിയന്ത്രണ പരിപാടിയോടനുബന്ധിച്ച് അരികിലുണ്ട് പദ്ധതിയുടെ ഭാഗമായാണ് അനുമോദന ചടങ്ങ് സംഘടിപ്പിച്ചത്. ബ്ലോക്ക് പഞ്ചായത്ത് പ്രസിഡന്‍റ് ഓമന മുരളി അനുമോദന ചടങ്ങ് യോഗം ഉദ്ഘാടനം ചെയ്തു. കുളത്തൂപ്പുഴ പഞ്ചായത്ത് പ്രസിഡന്‍റ് പി.ലൈലാ ബീവി അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗങ്ങളായ ഇ.കെ.സുധീർ ,റീന ഷാജഹാൻ ,റെജി ഉമ്മൻ, പഞ്ചായത്ത് വൈസ് പ്രസിഡന്‍റ് ടി.തുഷാര ,ഹെൽത്ത് ഇൻസ്പെക്‌ടർ ഷൈജു, ഹെൽത്ത് സൂപ്പർവൈസർ സി.ആർ.അരുൺകുമാർ തുടങ്ങിയവർ പ്രസംഗിച്ചു.

ശരീരദാന സമ്മതപത്ര സമർപ്പണം നടത്തി

ചാത്തന്നൂർ:വേളമാനൂർഭൂമിക്കാരൻ ആനന്ദാശ്രമം പബ്ലിക് ചാരിറ്റബിൾ ട്രസ്റ്റിന്‍റെ കൂട്ടുജീവനകേന്ദ്രത്തിലെ സ്ഥിരാംഗങ്ങളുൾപ്പെടെ 10 പേർ അവരുടെ മരണശേഷം ശരീരം കൊല്ലം ഗവ. മെഡിക്കൽ കോളജിന് സമർപ്പിക്കുന്നതിനുള്ള സമ്മതപത്രം സമർപ്പിച്ചു. അവർക്കുള്ള സർട്ടിഫിക്കറ്റുകൾ ഇന്ന് വേളമാനൂർ ഭൂമിക്കാരൻ ബന്ധുത്വ ജീവിത ആനന്ദാശ്രമത്തിൽ നടന്ന ചടങ്ങിൽ മെഡിക്കൽ കോളജ് അധികൃതർ കൈമാറി. ശരീരദാനത്തിന്‍റെ പ്രാധാന്യം വിവരിച്ചുകൊണ്ട് കൊല്ലം ഗവ.മെഡിക്കൽ കോളജ് അനാട്ടമി വിഭാഗത്തിലെ ഡോ.ആർ.രജത്ത്, ഡോ.ഗരീഷ് പ്രദായ്, ഡോ. എസ്.മായ എന്നിവർ പ്രസംഗിച്ചു. മരണശേഷം ശരീരം മെഡിക്കൽ കോളജിന് ദാനം ചെയ്യുന്നതിലൂടെ മരിച്ചുപോയവർ ജീവിച്ചിരിക്കുന്നവരെ പഠിപ്പിക്കുന്ന മഹത്തായ പ്രവർത്തിയാണ് ചെയ്യുന്നതെന്ന് ഡോക്‌ടർമാർ ഓർമിപ്പിച്ചു. എം.സുദേവൻ, എൻ.അരുൺജിത്ത്, ആർ.ബിനുകുമാർ, എസ്.ദീപ, വി.ജി.സജിതകുമാരി, ബിന്ദു ബഞ്ചമിൻ, ലേയാമ്മ ബഞ്ചമിൻ, ശീകല ഭൂമിക്കാരൻ, ഉജ്വൽ ഭൂമിക്കാരൻ, ജേപ്പി ഭൂമിക്കാരൻ എന്നിവരാണ് കൊല്ലം ഗവ. മെഡിക്കൽ കോളജിന് മരണാനന്തരം ശരീരം ദാനം ചെയ്യാനുള്ള സമ്മതപത്രം നൽകിയത്. അവർക്കുള്ള സർട്ടിഫിക്കറ്റുകൾ ഇന്നലെ ഭൂമിക്കാരൻ ബന്ധുത്വ ജീവിത ആനന്ദാശ്രമത്തിൽ നടന്ന ചടങ്ങിൽ വച്ച് വിതരണം ചെയ്തു. സന്തോഷ് മാനവം, സുൾഫി ഓയൂർ, ഉണ്ണിക്കുറുപ്പ്, ഉമാസാന്ദ്ര, സുധീർ ദേവ്, സുരേഷ്കുമാർ തിരൂർ, സച്ചിൻ രാജ് തുടങ്ങിയവർ ചർച്ചകൾ നയിച്ചു.പ്ലാക്കാട് ശ്രീകുമാർ, ഷീന രാജീവ്, ഓയൂർ രാമചന്ദ്രൻ, കിഴക്കനേല രാധാമണിയമ്മ, മുരളീരാഘവ്, പൂതക്കുളം ശ്രീധരൻ തുടങ്ങിയവർ കവിതകൾ അവതരിപ്പിച്ചു.

കൊല്ലം - ചെങ്കോട്ട റെയിൽപാതയിൽ ഗുഡ്സ് ട്രെയിൻ സർവീസ് പരിഗണനയിൽ

കൊല്ലം: ചെങ്കോട്ട-പുനലൂർ -കൊല്ലം തീവണ്ടി പാതയിൽ പ്ലാറ്റ്ഫോമുകളുടെ നീളം വർധിപ്പിക്കാൻ റെയിൽവേ നടപടികൾ ആരംഭിച്ചു. ഈ റൂട്ടിൽ ഗുഡ്സ് ട്രെയിനുകൾ ഓടിക്കുന്ന കാര്യവും റെയിൽവേയുടെ പരിഗണനയിലാണ്. മാത്രമല്ല ഈ പാതയിൽ ഇപ്പോൾ കൊല്ലം വരെ സർവീസ് നടത്തുന്ന ട്രെയിനുകൾ തിരുവനന്തപുരം നോർത്ത് വരെ ദീർഘിപ്പിക്കണമെന്ന ആവശ്യവും ശക്തമായിട്ടുണ്ട്. പാതനവീകരണത്തിലൂടെ ബ്രോഡ്ഗേജ് ആവുകയും പിന്നീട് വൈദ്യുതീകരണ പ്രവർത്തികൾ ഉൾപ്പെടെ പൂർത്തീകരിച്ച ചെങ്കോട്ട-പുനലൂർ-കൊല്ലം തീവണ്ടി പാതയിൽ യാത്രാ,ഗുഡ്സ് തീവണ്ടികളുടെ കാര്യമായ സർവീസ് നടപ്പിലാക്കാൻ റെയിൽവേയ്ക്ക് നിലവിൽ ആയിരുന്നില്ല. ഇതിലെ പ്രധാന സാങ്കേതിക പ്രശ്നങ്ങളിൽ ഒന്നായ പ്ലാറ്റ്ഫോമുകളുടെ നീളക്കുറവ് പരിഹരിക്കാനുള്ള നടപടികൾക്കാണ് റെയിൽവേ പച്ചക്കൊടി കാണിച്ചിട്ടുള്ളത്. ഇതിന്‍റെ ഭാഗമായി പാതയിലെ പ്രധാന സ്റ്റേഷനുകളുടെ എല്ലാം പ്ലാറ്റ്ഫോമുകളുടെ നീളം വർധിപ്പിക്കുന്നതിനുള്ള ആദ്യഘട്ട പ്രവർത്തനങ്ങൾ ഉടൻ ഉണ്ടാകും. കഴിഞ്ഞ ദിവസം ചേര്‍ന്ന റെയില്‍വേ ഉദ്യോഗസ്ഥരുടെയും പാര്‍ലമെന്‍റ് അംഗങ്ങളുടെയും യോഗത്തിലാണ് ഇത്തരമൊരു തീരുമാനം എടുത്തിട്ടുള്ളത്. മുൻപ് റെയിൽവേ എൻജിനിയറിംഗ് വിഭാഗം നേരിട്ട് ഇതിന് ആവശ്യമായ പരിശോധനകൾ നടത്തുകയും റിപ്പോർട്ടുകൾ തയാറാക്കുകയും ചെയ്തിരുന്നു. എഴുകോൺ റെയിൽവേ സ്റ്റേഷന്‍റെ പ്ലാറ്റ്ഫോം നീളം വർധിപ്പിക്കണമെന്ന് ആവശ്യപ്പെട്ട് കൊടിക്കുന്നിൽ സുരേഷ് എംപി നേരത്തെ റെയിൽവേ മന്ത്രാലയത്തിന് കത്ത് നൽകിയിരുന്നു ഇതിനെ തുടർന്ന് എഴുകോൺ സ്റ്റേഷന്‍റെ പ്ലാറ്റ്ഫോം നീളം വർധിപ്പിക്കുന്നതിനുള്ള നടപടി അംഗീകരിച്ച് റെയിൽവേ ഉത്തരവും ഇറക്കിയിരുന്നു. നോൺ-സബർബൻ ആറ് വിഭാഗത്തിൽ പെടുന്ന ഈ സ്റ്റേഷനിൽ 576 മീറ്റർ നീളമുള്ള പ്ലാറ്റ്‌ഫോം നിർമിക്കാൻ ദക്ഷിണ റെയിൽവേ അനുമതി നൽകിയിട്ടുണ്ട്. കൂടാതെ, ടെണ്ടർ നടപടിക്രമങ്ങൾ പൂർത്തിയായി.2026 മാർച്ചോടെ സ്റ്റേഷനിലെ നവീകരണ പ്രവർത്തനങ്ങൾ പൂർത്തിയാക്കുമെന്ന് ദക്ഷിണ റെയിൽവേ അധികൃതർ അറിയിച്ചിട്ടുണ്ട്.ഇതിനോടൊപ്പം മധുര റെയില്‍വേ ഡിവിഷന്‍റെ കീഴിലുള്ള ഭഗവതിപുരം മുതല്‍ കിളികൊല്ലൂര്‍ വരെയുള്ള റെയില്‍വേ സ്റ്റേഷനുകളുടെ പ്ലാറ്റ്‌ഫോമുകളുടെ നീളം വര്‍ധിപ്പിക്കാനാണ് പുതിയ നിര്‍ദേശം. പുതുതായി പ്ലാറ്റ്ഫോമുകളുടെ നീളം വർധിപ്പിക്കാൻ നിർദേശമുള്ള മറ്റു സ്റ്റേഷനുകൾ കിളികൊല്ലൂര്‍ - 576 മീറ്റര്‍, ചന്ദനത്തോപ്പ് - 576 മീറ്റര്‍, കുണ്ടറ - 576 മീറ്റര്‍, കുണ്ടറ ഈസ്റ്റ് - 381 മീറ്റര്‍, എഴുകോണ്‍ - 576 മീറ്റർ, കൊട്ടാരക്കര - 575 മീറ്റര്‍, കുരി - 576 മീറ്റര്‍, ആവണീശ്വരം - 578 മീറ്റര്‍, ഇടമണ്‍ - 520 മീറ്റര്‍, തെന്മല - 580 മീറ്റര്‍, ന്യൂ ആര്യങ്കാവ്- 550 മീറ്റര്‍, ആര്യങ്കാവ്- 455 മീറ്റര്‍ എന്നിവയാണ്. ഈ സ്റ്റേഷനുകളിലെ പ്രവർത്തികൾ വേഗത്തിൽ ആരംഭിക്കാനുള്ള തയാറെടുപ്പിലാണ് റെയിൽവേ. പ്ലാറ്റ്ഫോമുകളുടെ നീളം വർധിപ്പിക്കുമ്പോൾ കൂടുതൽ ബോഗികൾ ഘടിപ്പിച്ച തീവണ്ടികൾ ഈ സ്റ്റേഷനുകളിൽ നിർത്തുവാനുള്ള സൗകര്യവും കൂടിയാണ് ഉണ്ടാകുന്നത് ഇത് യാത്രക്കാരുടെ എണ്ണത്തിന്‍റെ വർധനയ്ക്കും കാരണമാകും.നിലവിൽ പുനലൂർ റെയിൽവേ സ്റ്റേഷനിൽ മാത്രമാണ് 24 എല്‍എച്ച്ബി കോച്ചുകൾ ഉള്‍ക്കൊള്ളുന്ന പ്ലാറ്റ്‌ഫോം ഉള്ളത്.തെന്മലയില്‍ രണ്ട് പ്ലാറ്റ്‌ഫോമുകളുടെയും ഇടമണില്‍ ഒന്നാം നമ്പര്‍ പ്ലാറ്റ്‌ഫോമിന്‍റെയും നീളമാണ് വര്‍ധിക്കുക. കിളികൊല്ലൂര്‍, കുണ്ടറ, കൊട്ടാരക്കര, ആവണീശ്വരം എന്നിവിടങ്ങളില്‍ രണ്ടാം നമ്പര്‍ പ്ലാറ്റ്‌ഫോമിന്‍റെ നീളമാണ് വര്‍ധിക്കുക. കൂടാതെ ഈ പാതയിലൂടെ ഓടുന്ന ട്രെയിനുകളുടെ വേഗത വർധിപ്പിക്കുവാനുള്ള പരീക്ഷണ ഓട്ടങ്ങളും,പരിശോധനയും റെയിൽവേ പൂർത്തിയാക്കിയിട്ടുണ്ട്. അമൃതഭാരത് പദ്ധതിയിൽ ഉൾപ്പെടുത്തി പുനലൂർ റെയിൽവേ സ്റ്റേഷൻ നവീകരിക്കുന്നതും അടക്കമുള്ള പ്രവർത്തനങ്ങൾ പാതയുടെ സമഗ്ര വികസനത്തിനും യാത്രക്കാർക്കും ഒരുപോലെ പ്രയോജനം ചെയ്യുമെന്നാണ് റെയിൽവേ കണക്കുകൂട്ടുന്നത്.

ചങ്ങനാശേരി അതിരൂപത 139-ാമത് ദിനാഘോഷം 20ന് ; മെത്രാപ്പോലീത്തന്‍ പള്ളിയില്‍ ഒരുക്കങ്ങള്‍ പുരോഗമിക്കുന്നു

ചങ്ങനാശേരി: ചങ്ങനാശേരി അതിരൂപത 139-ാമത് ദിനാഘോഷം 20ന് രാവിലെ 9.30 മുതല്‍ 1.30 വരെ ചങ്ങനാശേരി മെത്രാപ്പോലീത്തന്‍ പള്ളിയിലെ കര്‍ദിനാള്‍ മാര്‍ ആന്‍റണി പടിയറ നഗറില്‍ നടക്കും. കേരളത്തിലെ അഞ്ച് ജില്ലകളില്‍ മുന്നൂറോളം ഇടവകകളിലായി എണ്‍പതിനായിരത്തോളം കുടുംബങ്ങളിലെ അഞ്ചുലക്ഷത്തോളം വരുന്ന വിശ്വാസികളുടെ പ്രതിനിധികളും വൈദികരും സന്യസ്തപ്രതിനിധികളും പരിപാടികളില്‍ പങ്കെടുക്കും. ആര്‍ച്ച്ബിഷപ് മാര്‍ തോമസ് തറയില്‍ അധ്യക്ഷത വഹിക്കുന്ന സംഗമത്തില്‍ അഭിവന്ദ്യ പിതാക്കന്മാരും മറ്റ് വിശിഷ്ട വ്യക്തികളും സന്ദേശങ്ങള്‍ നല്‍കും. അതിരൂപത നല്കുന്ന പരമോന്നത ബഹുമതിയായ എക്‌സലന്‍സ് അവാര്‍ഡ് അന്നു സമ്മാനിക്കും. തങ്ങളുടെ പ്രത്യേകമായ ഇടപെടല്‍കൊണ്ട് സഭയിലും സമൂഹത്തിലും ശ്രദ്ധേയമായ സംഭാവനകള്‍ നല്കിയവരെയും സംസ്ഥാന ദേശീയ അന്തര്‍ദേശീയ തലങ്ങളില്‍ അംഗീകാരം നേടിയ അതിരൂപതാംഗങ്ങളെയും പ്രത്യേകമായി ആദരിക്കും. അതിരൂപതയെ സംബന്ധിക്കുന്ന വിവിധ പ്രഖ്യാപനങ്ങളും അന്നു നടക്കും. 18ന് ഇടവകതല ആഘോഷങ്ങള്‍ അതിരൂപതാദിനത്തിന് മുന്നോടിയായി 18ന് അതിരൂപതയിലെ എല്ലാ പള്ളികളിലും ഇടവകതല ആഘോഷങ്ങള്‍ നടക്കും. അന്ന് ആഘോഷമായ വിശുദ്ധ കുര്‍ബാനയ്ക്കുശേഷം അതിരൂപത ദിനം വിളംബരം ചെയ്ത് പേപ്പല്‍ പതാക ഉയര്‍ത്തുകയും അതിരൂപത ആന്തം ആലപിക്കുകയും അതിരൂപതാദിന പ്രതിജ്ഞ ചൊല്ലുകയും ചെയ്യും. 19ന് ഛായാചിത്ര,ദീപശിഖ പ്രയാണങ്ങള്‍ 19ന് കര്‍ദിനാള്‍ മാര്‍ ആന്‍റണി പടിയറയുടെ മാതൃ ഇടവകയായ മണിമല സെന്‍റ് ബേസില്‍ പള്ളിയില്‍നിന്നു ഛായാചിത്രപ്രയാണവും ധന്യന്‍ മാര്‍ തോമസ് കുര്യാളശേരി യുടെ കബറിടത്തിങ്കല്‍നിന്നു ദീപശിഖാ പ്രയാണവും അതിരൂപത യുവദീപ്തി എസ്എംവൈഎം, മിഷന്‍ ലീഗ് എന്നീ സംഘടനകളുടെ ആഭിമുഖ്യത്തില്‍ ചങ്ങനാശേരി സെന്‍റ് മേരീസ് മെത്രാപ്പോലീത്തന്‍ പള്ളിയിലേക്കു ക്രമീകരിച്ചിട്ടുണ്ട്. തുടര്‍ന്ന് ആഘോഷമായ സായാഹ്ന പ്രാര്‍ഥന. പരിപാടികളുടെ വിജയത്തിനായി അതിരൂപതാദിന ജനറല്‍ കണ്‍വീനര്‍ മോണ്‍. ആന്‍റണി എത്തയ്ക്കാട്ട്, മെത്രാപ്പോലീത്തന്‍പള്ളി വികാരി ഫാ. ജോസഫ് വാണിയപ്പുരയ്ക്കല്‍, കോഓര്‍ഡിനേറ്റര്‍ ഫാ. ജോബിന്‍ ആനക്കല്ലുങ്കല്‍ എന്നിവരുടെ നേതൃത്വത്തില്‍ വിവിധ കമ്മിറ്റികള്‍ പ്രവര്‍ത്തിച്ചുവരുന്നു.

മലയോര ഹൈവേയില്‍ നിയന്ത്രണംവിട്ട കാർ താഴ്ചയിലേക്ക് മറിഞ്ഞു

അഞ്ചല്‍ : മലയോര ഹൈവേയില്‍ അഞ്ചല്‍ - കുളത്തൂപ്പുഴ പാതയില്‍ വളവ് തിരിയവേ നിയന്ത്രണംവിട്ട കാര്‍ അന്‍പതടിയോളം താഴ്ചയിലേക്ക് മറിഞ്ഞു. ഇന്നലെ രാവിലെ 11-ാംമൈലിലാണ് അപകടം. കര്‍ണാടകയിലെ സ്വകാര്യ കോളജില്‍ എംബിഎ വിദ്യാര്‍ഥികളായ അഞ്ചുപേരാണ് കാറിലുണ്ടായിരുന്നത്. 11-ാംമൈല്‍ ഭാഗത്തെ വലിയ വളവ് തിരിയവേ കാര്‍ നിയന്ത്രണം വിടുകയും എതിര്‍ ദിശയിലേക്ക് പാഞ്ഞിറങ്ങുകയുമായിരുന്നു. സ്വകാര്യ വ്യക്തിയുടെ വസ്തുവിലെ റബര്‍ മരത്തില്‍ ഇടിച്ചു കാര്‍ നിലത്തേക്ക് പതിച്ചതിനാല്‍ വന്‍ ദുരന്തം ഒഴിവായി. കാര്‍ പൂര്‍ണമായും തകര്‍ന്നു. കാര്‍ ഇടിച്ചു ഒരു റബര്‍ മരം ഒടിഞ്ഞു രണ്ടായി. കാറിലെ മൂന്നുപേരെ നിസാര പരിക്കുകളോടെ അഞ്ചലിലെ സ്വകാര്യ ആശുപത്രിയില്‍ പ്രവേശിപ്പിച്ചു.രാമേശ്വരത്തേക്ക് പോകാന്‍ എത്തിയ കര്‍ണാടക, ഡല്‍ഹി സ്വദേശികളായിരുന്നു കാറില്‍ ഉണ്ടായിരുന്നത്. കുളത്തൂപ്പുഴ പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചിട്ടുണ്ട്.

മലയോരപാതയിൽ പലയിടത്തും അപകടക്കെണികൾ

പി.സനില്‍ കുമാര്‍ അഞ്ചല്‍ : മലയോര ഹൈവേ നിര്‍മാണം പൂര്‍ത്തീകരിച്ച് നാടിന് സമര്‍പ്പിച്ചിട്ട് അഞ്ചു വര്‍ഷം കഴിയുന്നു. പാതയുടെ അഞ്ചുവര്‍ഷത്തെ അറ്റകുറ്റപണികള്‍ കരാറുകാര്‍ ചെയ്യണമെന്നുള്ള കരാറും അവസാനിച്ചു. പക്ഷേ പാതയില്‍ മിക്കയിടത്തും പതിയിരിക്കുന്ന അപകടക്കെണികള്‍ ഒഴിവാക്കാന്‍ യാതൊരുവിധ നടപടിയും അധികൃതരുടെ ഭാഗത്ത് നിന്നും ഉണ്ടായിട്ടില്ല. വലിയ സുരക്ഷാ ഭിത്തികള്‍ നിര്‍മിച്ച ഇടങ്ങളില്‍ വാഹനങ്ങള്‍ അപകടത്തില്‍പ്പെട്ടാല്‍ താഴ്ചയിലേക്ക് മറിയാതിരിക്കാനുള്ള സുരക്ഷാ ക്രമീകരണങ്ങള്‍ ഒന്നുമില്ല. കുളത്തൂപ്പുഴ - അഞ്ചല്‍ പാതയില്‍ അപകടകരമായ നിരവധി വളവുകളാണ് ഉള്ളത്. ഇതില്‍ 11-ാംമൈല്‍, ഏഴംകുളം വളവുകളില്‍ അപകടങ്ങള്‍ നിത്യസംഭവമായി മാറുകയാണ്. 11-ാംമൈല്‍ വളവില്‍ ചെറുതും വലുതുമായി ഉണ്ടായിട്ടുള്ളത് അന്‍പതിലധികം അപകടങ്ങളാണ്. ഇന്നലെ നടന്ന കാറപകടം ഒടുവിലത്തെ ഉദാഹരണമാണ്. അപകടത്തില്‍ യാത്രക്കാര്‍ രക്ഷപ്പെട്ടതെല്ലാം തലനാരിഴക്കാണെന്നതും ശ്രദ്ധേയം. ബൈക്ക് മുതല്‍ ഓട്ടോറിക്ഷയും ലോറിയും ഉള്‍പ്പടെയുള്ളവ ഇവിടെ അപകടത്തില്‍പ്പെട്ടിട്ടുണ്ട്. ഇവിടങ്ങളില്‍ പാത ഉയര്‍ത്തിയപ്പോള്‍ നിര്‍മിച്ച സുരക്ഷാ ഭിത്തിക്ക് അഞ്ചടി മുതല്‍ ഇരുപതടിയിലധികം ഉയരമുണ്ട്. ഇവിടെയൊന്നും സുരക്ഷാ ക്രമീകരണങ്ങള്‍ സ്ഥാപിച്ചിട്ടില്ല. ഇതാണ് അപകടങ്ങളില്‍ ഏറെയും ഉണ്ടാകാന്‍ കാരണമാകുന്നത്. സുരക്ഷാ ക്രമീകരണങ്ങള്‍ സ്ഥാപിച്ചാല്‍ ചെറിയ വാഹനങ്ങള്‍ നിയന്ത്രണംവിട്ടാല്‍ ഇവിടെ ഇടിച്ച് നില്‍ക്കും. ഇതില്ലാതെ വന്നതോടെയാണ് വാഹനങ്ങള്‍ വലിയ താഴ്ചയിലേക്ക് പതിക്കാന്‍ കാരണമാകുന്നത്. ഇതുകൂടാതെ പാതയില്‍ മിക്ക ഇടങ്ങളിലും നിര്‍മിച്ച ഓടകള്‍ക്ക് ഇന്നും മൂടി സ്ഥാപിച്ചിട്ടില്ല. ഇതില്‍പ്പെട്ട് ഇരുചക്ര, കാല്‍നട യാത്രികര്‍ അപകടത്തില്‍പ്പെടുന്നത് പതിവാകുന്നു. ചിലയിടങ്ങളില്‍ ഓടകളില്‍ ചെളിയും മണ്ണും നിറഞ്ഞിരിക്കുന്നു. ഇത്തരത്തില്‍ ഓടകള്‍ പൂര്‍ണമായും അടഞ്ഞതോടെ മഴവെള്ളവും ചെളിയും മണ്ണും ഉള്‍പ്പടെയുള്ളവ പാതയിലേക്ക് ഒലിച്ചിറങ്ങുകയാണ്. ഇതും അപകടങ്ങള്‍ക്ക് കാരണമാകുന്നു.

ബൈക്ക് അപകടത്തിൽ യുവാവ് മരിച്ചു

പുനലൂർ: മലയോരഹൈവേയിൽ പുനലൂർ - അഞ്ചൽ റൂട്ടിൽ കരവാളൂർ പിറക്കൽ പാലമുക്കിലുണ്ടായ അപകടത്തിൽ ബൈക്കു യാത്രക്കാരൻ മരിച്ചു. കുളത്തൂപ്പുഴ അമ്പലംമുക്ക് ആശാ വിലാസത്തിൽ മനോജ് (41) ആണ് മരിച്ചത്. ഇന്നലെ രാവിലെയായിരുന്നു അപകടം. പാലമുക്കിനു സമീപത്തുള്ള വലിയ വളവിലായിരുന്നു അപകടം. പുനലൂരിൽ നിന്ന് തൊഴിലാളികളെയും കയറ്റിപ്പോയ പിക്കപ്പ് വാൻ ഇടിച്ചായിരുന്നു അപകടം. ഇടിയുടെ ആഘാതത്തിൽ ബൈക്ക് പൂർണമായും തകർന്നു. വാഹനത്തിന് അടിയിൽ കുടുങ്ങിക്കിടന്ന യുവാവിനെ നാട്ടുകാർ ചേർന്നാണ് പുറത്തെടുത്തത്. പിക്കപ്പ് അമിത വേഗതയിലായിരുന്നുവെന്ന് പറയപ്പെടുന്നു. ബൈക്കിൽ ഒപ്പമുണ്ടായിരുന്ന അമ്പതേക്കർ സ്വദേശി സുധീഷിനും പരിക്കുണ്ട്. മുരളീധരൻ പിള്ളയാണ് മനോജിന്‍റെ പിതാവ്. മാതാവ്: രാധ. ഭാര്യ: ആശ.

ഇടിമിന്നലേറ്റ് യുവാവ് മരിച്ചു

പാരിപ്പള്ളി: ഇന്നലെ ശക്തമായ മഴയ്ക്കൊപ്പം ഉണ്ടായ ഇടിമിന്നലിൽ യുവാവ് മരിച്ചു. ഇലകമൺ വിളപ്പുറം വാർഡിൽ ചാരുംകുഴി ലക്ഷംവീട് കുന്നുംപുറം കോളനിയിൽ താമസിക്കുന്ന രാജമണി- ദീപ ദമ്പതികളുടെ മകൻ രാജേഷ് (19) ആണ് മരിച്ചത്. രാത്രി എട്ടോടെയാണ് അപകടം .വീടിനു മുന്നിൽ ഇരിക്കവേയാണ് രാജേഷിന് മിന്നലേറ്റത്. ഉടനെ പാരിപ്പള്ളി മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകട സമയം മാതാപിതാക്കളും സഹോദരനും വീട്ടിൽ ഉണ്ടായിരുന്നു. ഇവർ രക്ഷപ്പെട്ടു. കൂലിപ്പണിക്കാരനായിരുന്നു രാജേഷ്. ശക്തമായ മിന്നലിൽ സമീപത്തെ മറ്റൊരു വീട്ടിലെ വയറിംഗ് പൂർണമായി കത്തി നശിച്ചു. ചരുവിള വീട്ടിൽ സന്തോഷിന്‍റെ വീട്ടിൽ മിന്നൽ പതിച്ചെങ്കിലും വീട്ടിലുള്ളവർക്ക് അപകടം സംഭവിക്കാതെ രക്ഷപ്പെട്ടു.

മൊബൈൽ ഫോൺ മോഷ്ടാവ് പിടിയിൽ

കൊല്ലം: യുവാവിന്‍റെ മൊബൈൽ ഫോൺ മോഷ്ടിച്ചെടുത്തയാൾ പിടിയിലായി. നല്ലില പുലിയില സെന്‍റ് തോമസ് ഭവനിൽ തോമസ്(40) ആണ് കണ്ണനല്ലൂർ പോലീസിന്‍റെ പിടിയിലായത്. പാലമുക്ക് കാഞ്ഞിരംവിള വീട്ടിൽ നസീറിന്‍റെ ഫോൺ ആണ് ഇയാൾ മോഷ്ടിച്ചെടുത്തത്. കഴിഞ്ഞ ദിവസം രാത്രി ഏഴോടെ കണ്ണനല്ലൂരിലെ ബാറിന് സമീപം സുഹൃത്തുമായി സംസാരിച്ചുകൊണ്ട് നിന്ന നസീറിന്‍റെ മൊബൈൽ ഫോൺ പ്രതി തന്ത്രപരമായി മോഷ്ടിച്ചെടുക്കുകയായിരുന്നു. ഫോൺ നഷ്ടമായതിനെ തുടർന്ന് കണ്ണനല്ലൂർ പോലീസ് സ്റ്റേഷനിൽ നൽകിയ പരാതിയിൽ കേസ് രജിസ്റ്റർ ചെയ്ത ശേഷം പോലീസ് നടത്തിയ അന്വേഷണത്തിൽ പ്രതിയായ തോമസിനെ കണ്ടെത്തി അറസ്റ്റ് ചെയ്യുകയായിരുന്നു. കണ്ണനല്ലൂർ പോലീസ് ഇൻസ്‌പെക്ടർ ശ്രീകുമാറിന്‍റെ നേതൃത്വത്തിലുള്ള സംഘമാണ് അറസ്റ്റ് ചെയ്തത്.

തൊഴിലാളി വിരുദ്ധ സർക്കാർ രാജിവയ്ക്കുക : ബോബൻ .ജി. നാഥ്

കരുനാഗപ്പള്ളി : അസംഘടിത മേഖലയിലെ തൊഴിലാളികളായ കെട്ടിട നിർമാണ ക്ഷേമനിധി ബോർഡിലെ അംഗങ്ങൾ അംശാദായം അടച്ചിട്ടും കഴിഞ്ഞ 15 മാസമായി പെൻഷൻ നൽകാത്ത പിണറായി സർക്കാരിന് കേരളം ഭരിക്കാൻ യാതൊരുവിധ അർഹതയും ഇല്ലെന്ന് അൺഓർഗനൈസ്ഡ് വർക്കേഴ്സ് ആന്‍റ് എംപ്ലോയിസ് കോൺഗ്രസ് സംസ്ഥാന ജനറൽ സെക്രട്ടറി ബോബൻ ജി നാഥ് പ്രസ്താവിച്ചു. മെയ്ദിനത്തോടനുബന്ധിച്ച് അൺ ഓർഗനൈസ്ഡ് വർക്കേഴ്സ് ആൻഡ് എംപ്ലോയീസ് കോൺഗ്രസ് കരുനാഗപ്പള്ളി നിയോജക മണ്ഡലം കമ്മിറ്റിയുടെ നേതൃത്വത്തിൽ നടന്ന തൊഴിലാളി സംഗമവും ഭീകരവാദ വിരുദ്ധ പ്രതിജ്ഞ സമ്മേളനവും ഉദ്ഘാടനം ചെയ്ത് പ്രസംഗിക്കു കയായിരുന്നു അദ്ദേഹം. അൺ ഓർഗനൈസ്ഡ് വർക്കേഴ്സ് ആന്‍റ് എംപ്ലോയീസ് കോൺഗ്രസ് കരുനാഗപ്പള്ളി നിയോജകമണ്ഡലം പ്രസിഡന്‍റ്് ബി .മോഹൻദാസ് അധ്യക്ഷത വഹിച്ചു ജില്ലാ പ്രസിഡന്‍റ് ബാബുജി പട്ടത്താനം പ്രതിജ്ഞ വാചകം ചൊല്ലിക്കൊടുത്തു. റോസ് ആനന്ദ്, മോളി എസ്, മോഹനൻ വയനകം, അമ്പിളി ശ്രീകുമാർ,ശിവദാസൻ, അനില ബോബൻ, വത്സല, അജിത സി.ജി,ഹമീദ് കുഞ്ഞ്, എന്നിവർ പ്രസംഗിച്ചു.

ഓയില്‍പാമില്‍ ഗോബര്‍ദ്ധന്‍ ബയോഗ്യാസ് പദ്ധതി ഉദ്ഘാടനം ചെയ്തു

അഞ്ചല്‍ : ഏരൂര്‍ ഗ്രാമപഞ്ചായത്ത് കേരള ശുചിത്വ മിഷനുമായി സഹകരിച്ച് ഓയില്‍പാം ഏരൂര്‍ എസ്റ്റേറ്റില്‍ സ്ഥാപിച്ച ഗോബര്‍ദ്ധന്‍ ബയോഗ്യാസ് പദ്ധതി ഉദ്ഘാടനം ചെയ്തു. പുനലൂര്‍ എംഎല്‍എ പി.എസ്. സുപാലിന്‍റെ അധ്യക്ഷതയില്‍ നടന്ന ചടങ്ങില്‍ മന്ത്രി പി. പ്രസാദ് പദ്ധതി ഉദ്ഘാടനം ചെയ്തു. മാലിന്യം കുറയ്ക്കുന്നതിനോടൊപ്പം അതില്‍ നിന്നും പുതിയ ഒരു ഉല്‍പ്പന്നംകൂടി ഉണ്ടാക്കിയെടുക്കുക എന്ന ലക്ഷ്യത്തോടെയാണ് ഇത്തരം പദ്ധതികള്‍ നടപ്പിലാക്കുന്നതെന്ന് മന്ത്രി പറഞ്ഞു. ഗ്രാമപഞ്ചായത്ത് പ്രസിഡന്‍റ് ജി .അജിത്ത്, ഓയില്‍പാം ചെയര്‍മാന്‍ ആര്‍. രാജേന്ദ്രന്‍, എം.ഡി. ജോണ്‍ സെബാസ്റ്റ്യന്‍, ബ്ലോക്ക് പഞ്ചായത്ത് പ്രസിഡന്‍റ് ഓമനമുരളി, ജില്ലാ പഞ്ചായത്ത് അംഗം സി. അംബികാകുമാരി, മുന്‍ ഗ്രാമപഞ്ചായത്ത് പ്രസിഡന്‍റ് റ്റി .അജയന്‍, സ്ഥിരം സമിതി അധ്യക്ഷന്‍ ഷൈന്‍ ബാബു തുടങ്ങി ജനപ്രതിനിധികള്‍, ഓയില്‍പാം ഉദ്യോഗസ്ഥര്‍, ശുചിത്വ മിഷന്‍ അധികൃതര്‍ പൊതുപ്രവര്‍ത്തകര്‍ ഉള്‍പ്പടെയുള്ളവര്‍ ചടങ്ങില്‍ പങ്കെടുത്തു. ഗ്രാമപഞ്ചായത്ത് 30 ലക്ഷവും, ശുചിത്വ മിഷന്‍ അനുവദിച്ച 40 ലക്ഷം രൂപയും വിനിയോഗിച്ചാണ് പദ്ധതി നടപ്പിലാക്കിയത്. പദ്ധതി നടപ്പിലാക്കുന്നതോടെ ഫാക്ടറിയില്‍ നിന്നുള്ള മാലിന്യങ്ങള്‍ കുറയുകയും ഈ മാലിന്യങ്ങളില്‍ നിന്നും ഉപയോഗിക്കാന്‍ കഴിയുംവിധം പാചക വാതകം ഉല്‍പാദിപ്പിച്ചെടുക്കാന്‍ കഴിയും വിധമാണ് ഗൊബര്‍ദ്ധന്‍ ബയോ ഗ്യാസ് നിര്‍മിച്ചിട്ടുള്ളത്. ഏരൂര്‍ എസ്റ്റേറ്റില്‍ ഫാക്ടറിയോട് ചേര്‍ന്നാണ് ബയോ ഗ്യാസ് പ്ലാന്‍റ് നിര്‍മിച്ചിട്ടുള്ളത്.

കടുവയെ കണ്ടതായുള്ള അഭ്യൂഹം നാട്ടുകാരുടെയും വനംവകുപ്പ് ഉദ്യോഗസ്ഥരുടെയും ഉറക്കം കെടുത്തി

കുളത്തൂപ്പുഴ: സെന്‍ട്രല്‍ ജംഗ്ഷനോട് ചേര്‍ന്നുള്ള വനാതിർത്തിയിൽ കടുവയെ കണ്ടതായുള്ള അഭ്യൂഹം പടര്‍ന്നതോടെ നാലു നാളുകളായി ഉറക്കം നഷ്ടപ്പെട്ട് നാട്ടുകാരും വനം വകുപ്പ് ഉദ്യോഗസ്ഥരും. കുളത്തൂപ്പുഴ ടൗണിനോട് ചേര്‍ന്നുള്ള മരുതി മൂട് ചതുപ്പ് വന പ്രദേശത്തെ നടപ്പാതയോരത്ത് കഴിഞ്ഞ ദിവസം പുലര്‍ച്ചെ കടുവയെ കണ്ടതായി സമീപ വാസിയുടെ വെളിപ്പെടുത്തലാണ് നാട്ടുകാര്‍ക്കിടയില്‍ ഭീതി പരത്തിയത്. പാചക തൊഴിലാളിയായ പ്രദേശ വാസി രണ്ടു ദിവസം മുമ്പ് പുലര്‍ച്ചെ ജോലിക്കായി പോകവെ വനപാതയോരത്ത് ഏതാനും മീറ്റര്‍ അകലെയായി മൃഗം കിടക്കുന്നത് ശ്രദ്ധയില്‍പെടുകയും കടുവയാണെന്ന് കരുതി ഓടി രക്ഷപെടുകയുമായിരുന്നു. ഇയാള്‍ വിവരം നല്‍കിയതിന്‍റെ അടിസ്ഥാനത്തില്‍ നാട്ടുകാരും വനംവകുപ്പ് ഉദ്യോഗസ്ഥരും പ്രദേശമാകെ തെരച്ചില്‍ നടത്തുകയും കടുവയുടെ കാല്‍പാടുകളോ മറ്റു തെളിവുകളോ യാതൊന്നും കണ്ടെത്താന്‍ കഴിയാതെ വരികയുമായിരുന്നു. മൂന്നു ദിവസം പ്രദേശത്ത് തെരച്ചില്‍ നടത്തിയിട്ടും യാതൊന്നും കണ്ടെത്തുകയോ പ്രദേശത്തു നിന്നും വളര്‍ത്തു മൃഗങ്ങളെയോ മറ്റോ നഷ്ടപ്പെട്ടതായ വിവരങ്ങളൊന്നും കിട്ടാതെ വന്നതോടെ സംഭവം അഭ്യൂഹമാണെന്ന് നാട്ടുകാര്‍ തിരിച്ചറിയുകയായിരുന്നു. അതേ സമയം വനം വകുപ്പ് സംഭവം ഗൗരവത്തിലെടുത്ത് പരിശോധന ഇപ്പോഴും തുടരുന്നുണ്ട്.

കൊല്ലത്ത് ഡ്രൈഡേയിൽ മദ്യവില്പന: രണ്ടുപേർ പിടിയിൽ

കൊല്ലം: ഡ്രൈ ഡേയിൽ മദ്യം വിൽപ്പന നടത്തിവന്ന രണ്ടു പേരെ എക്സൈസ് സംഘം അറസ്റ്റ് ചെയ്തു. കൊല്ലം പാലത്തറ സ്വദേശി അൻസറിനെ 17.50 ലിറ്റർ മദ്യവും മദ്യം വിൽപ്പന നടത്താനുപയോഗിച്ച സ്കൂട്ടറുമായി കൊല്ലം റേഞ്ച് എക്സൈസ് ഇൻസ്പെക്ടർ പി. ശങ്കറും സംഘവും പിടികൂടി. വാടി മുദാക്കര സ്വദേശി അരുണിനെ 25 ലിറ്റർ മദ്യവുമായി 'കൊല്ലം എക്സൈസ് റേഞ്ച് ഓഫീസിലെ അസിസ്റ്റന്റ് എക്സൈസ് ഇൻസ്പെക്ടർ( ഗ്രേഡ് )ജി. ശ്രീകുമാറും സംഘവും അറസ്റ്റ്ചെയ്തു. പാലത്തറ, കൂനമ്പായിക്കുളം, തട്ടാമല ഭാഗങ്ങളിൽ ആവശ്യക്കാർക്ക് സ്കൂട്ടറിൽ മദ്യം എത്തിക്കുന്നതായിരുന്നു പ്രവാസജീവിതം അവസാനിപ്പിച്ചെത്തിയ അൻസറിന്‍റെ രീതി. പോർട്ട്, വാടി, മുദാക്കര ഭാഗങ്ങളിൽ മദ്യ വില്പന നടത്തിവരികയായിരുന്നു ലോഡിംഗ് തൊഴിലാളിയായ അരുൺ. നിരന്തരം പരാതികൾ ലഭ്യമായതിനെ തുടർന്ന് ഇവർ കുറെ ദിവസങ്ങളായി എക്സൈസ് ഉദ്യോഗസ്ഥരുടെ നിരീക്ഷണത്തിലായിരുന്നു.റെയ്‌ഡിൽ അസിസ്റ്റന്‍റ് എക്സൈസ് ഇൻസ്പെക്ടർ( ഗ്രേഡ്) ആർ.ജി.വിനോദ് ,ജ്യോതി, അനീഷ് കുമാർ സാലിം, ആസിഫ് അഹമ്മദ് രാജി, ഡ്രൈവർ അനിൽകുമാർ എന്നിവർ പങ്കെടുത്തു.

അടിച്ചമര്‍ത്തലുകള്‍ക്കിടയിലും തൊഴിലാളി മുന്നേറ്റം: കെ. ബാബുപണിക്കര്‍

അഞ്ചല്‍ : അടിച്ചമര്‍ത്തലുകള്‍ക്കിടയിലും ഇന്ന് തൊഴിലാളികള്‍ നടത്തുന്നത് വലിയ മുന്നേറ്റമാണെന്ന് സിഐടിയു ജില്ലാ ജോയിന്‍റ് സെക്രട്ടറി കെ. ബാബു പണിക്കര്‍ പറഞ്ഞു. തൊഴിലാളികളുടെ അവകാശങ്ങളും അനുകൂല്യങ്ങള്‍ വെട്ടികുറക്കുന്നതിനോടൊപ്പം മിനിമം വേതനം ഉറപ്പാക്കാന്‍ പോലും കേന്ദ്ര സര്‍ക്കാര്‍ തയാറാകുന്നില്ലന്നും ബാബു പണിക്കര്‍ പറഞ്ഞു. അഞ്ചലില്‍ ഇടത് തൊഴിലാളി യൂണിയനുകള്‍ സംയുക്തമായി നടത്തിയ മേയ് ദിന റാലിയും പൊതുയോഗവും ഉദ്ഘാടനം ചെയ്തു പ്രസംഗിക്കുകയായിരുന്നു ബാബു പണിക്കര്‍. സിപിഎം ഏരിയാ കമ്മിറ്റി ഓഫീസ് പടിക്കല്‍ നിന്നും ആരംഭിച്ച മെയ് ദിന റാലി ആര്‍ഒ ജംഗ്ഷന്‍, കോളജ് ജംഗ്ഷന്‍ ചുറ്റി മാര്‍ക്കറ്റ് ജംഗ്ഷനില്‍ സമാപിച്ചു. എഐടിയുസി മണ്ഡലം പ്രസിഡന്‍റ് ജയപ്രസാദ് അധ്യക്ഷത വഹിച്ച യോഗത്തില്‍ നേതാക്കളായ ഡി. വിശ്വസേനന്‍, എസ്. സന്തോഷ്, കെ അനിമോന്‍, ജി. പ്രമോദ്, സൂരജ്, രെഞ്ചു സുരേഷ്, സി. അംബികാകുമാരി, ഷൈന്‍ ബാബു തുടങ്ങിയവര്‍ പ്രസംഗിച്ചു

കുളത്തൂപ്പുഴ സാമൂഹികാരോഗ്യ കേന്ദ്രം ലാബിനുള്ളിൽ പെരുമ്പാമ്പിനെ കണ്ടെത്തി; ഭീതിയൊഴിയാതെ ജീവനക്കാരും രോഗികളും

കുളത്തൂപ്പുഴ: സാമൂഹികാരോഗ്യ കേന്ദ്രത്തിനുള്ളിലെ ലാബിന്‍റെ മേശപ്പുറത്ത് പെരുമ്പാമ്പിനെ കണ്ടെത്തിയത് ജീവനക്കാര്‍ക്കിടയിലും രോഗികളിലും ഭീതി പടര്‍ത്തി. കഴിഞ്ഞ ദിവസം രാവിലെയാണ് സംഭവം. ലാബിലെ ജീവനക്കാരെത്തി തങ്ങളുടെ ജോലികളിലേര്‍പ്പെടവെ മേശപ്പുറത്തിരുന്ന രജിസ്റ്ററിന് അടിയിലായി എന്തോ നീങ്ങുന്നത് ശ്രദ്ധയില്‍പ്പെട്ട് നോക്കുമ്പോഴാണ് പാമ്പാണെന്ന് മനസിലായത്. പേടിച്ച് നിലവിളിച്ച് ഒച്ചയുണ്ടാക്കിയതോടെ രജിസ്റ്ററിനും പ്രിന്‍ററിനും ഇടയിലേക്ക് പാമ്പ് ഒളിച്ചു. െ ജീവനക്കാര്‍ വനം വകുപ്പ് ഉദ്യോഗസ്ഥരെ വിവരമറിയിക്കുകയും തെന്മല ഡിവിഷന്‍ ആര്‍ ആര്‍ടി സംഘം സ്ഥലത്തെത്തുകയും ചെയ്തു. മേശപ്പുറത്തു പതുങ്ങി ഒളിച്ച പാമ്പിനെ പിടികൂടി പെരുമ്പാമ്പിന്‍റെ കുഞ്ഞാണെന്നു മനസിലായതോടെ പരിസരത്താകെ തെരച്ചില്‍ നടത്തിയെങ്കിലും കൂടുതലൊന്നും കണ്ടെടുക്കാന്‍ കഴിഞ്ഞില്ല. അതേ സമയം സമീപത്തെവിടെയെങ്കിലും പാമ്പ് മുട്ടയിട്ട് വിരിഞ്ഞവയില്‍ നിന്നോ മറ്റോ ഇഴഞ്ഞെത്തിയതാവാം ഇതെന്ന് ആര്‍ ആര്‍ ടിസംഘം പറഞ്ഞു. വലിയ പാമ്പുകളും ഇവിടെ സമീപത്തുണ്ടാകാനുള്ള സാധ്യതയുള്ളതായും ഇവര്‍ സൂചിപ്പിച്ചു. സംഭവമറിഞ്ഞതോടെ ജീവനക്കാരും രോഗികളും ഭീതിയിലാണുള്ളത്. ആശുപത്രി പുരയിടത്തിന്‍റെ അതിര്‍ത്തി പ്രദേശങ്ങള്‍ മുഴുവന്‍ കാടു മൂടിക്കിടക്കുകയാണെന്നും നിലവിലെ കെട്ടിടത്തിനു പിന്നിലായുള്ള കാടും പടലും ചപ്പു ചവറുകളും അടിയന്തിരമായി നീക്കം ചെയ്തു പരിസരം വൃത്തിയാക്കി ആശുപത്രിയിലെത്തുന്ന രോഗികള്‍ക്കും കൂട്ടിരിപ്പുകാര്‍ക്കും ജോലിയെടുക്കുന്ന ജിവനക്കാരുടെയും സുരക്ഷ ഉറപ്പാക്കാന്‍ ബന്ധപ്പെട്ട അധികൃതര്‍ തയാറാകണമെന്ന് കോണ്‍ഗ്രസ് പാര്‍ലമെന്‍ററി പാര്‍ട്ടി ലീഡര്‍ സന്തോഷ് കുമാര്‍ ആവശ്യപ്പെട്ടു.

ഇടത് തൊഴിലാളി യൂണിയനുകള്‍ക്കൊപ്പം ഇനി ഒരുസമരത്തിനുമില്ല: ഏരൂര്‍ സുഭാഷ്

അഞ്ചല്‍ : കേരളത്തിലും കേന്ദ്രത്തിലും നടക്കുന്ന തൊഴിലാളി സമരങ്ങളെ അവഗണിക്കുകയും തൊഴിലാളി വിരുദ്ധ നടപടികള്‍ക്ക് നേതൃത്വം നൽകുകയും ചെയുന്ന ഇടത് തൊഴിലാളി സംഘടനകളുമായി ചേര്‍ന്നുള്ള ഒരു തരത്തിലുള്ള പ്രവര്‍ത്തനങ്ങള്‍ക്കൊ പ്രതിഷേധങ്ങള്‍ക്കൊ ഐഎന്‍ടിയുസി ഇല്ലെന്നു ഡിസിസി ജനറല്‍ സെക്രട്ടറിയും ഐഎന്‍ടിയുസി നേതാവുമായ ഏരൂര്‍ സുഭാഷ്. അഞ്ചലില്‍ ഐഎന്‍ടിയുസിയുടെ നേതൃത്വത്തില്‍ സംഘടിപ്പിച്ച മേയ് ദിന പരിപാടികള്‍ ഉദ്ഘാടനം ചെയ്തു പ്രസംഗിക്കുകയായിരുന്നു ഏരൂര്‍ സുഭാഷ്. സാബു എബ്രഹാം അധ്യക്ഷത വഹിച്ച യോഗത്തില്‍ നേതാക്കളായ അഡ്വ . സൈമണ്‍ അലക്സ്, എസ്. സജീവന്‍, തോയിത്തല മോഹനന്‍, അഗസ്ത്യാക്കോട് രാധാകൃഷ്ണന്‍, എ.എസ്. നിസാം, കുളത്തൂപ്പുഴ സുനില്‍ തുടങ്ങിയവര്‍ പ്രസംഗിച്ചു. കോളജ് ജംഗ്ഷനില്‍ നിന്നും ആരംഭിച്ച മെയ് ദിന റാലി ആര്‍ ഒ ജംഗ്ഷന്‍ വഴി മാര്‍ക്കറ്റ് കവലയില്‍ സമാപിച്ചു.

എൽഎസ്ഡി സ്റ്റാമ്പുകളും ഹൈബ്രിഡ് കഞ്ചാവുമായി യുവാവ് അറസ്റ്റിൽ

കൊല്ലം : മാരക മയക്കുമരുന്നായ എൽഎസ്ഡി സ്റ്റാമ്പ്‌, ഹൈബ്രിഡ് കഞ്ചാവ് എന്നിവ കൈവശംവച്ച യുവാവ് അറസ്റ്റിൽ .കൊല്ലം ജില്ലയിൽ കൊല്ലം താലൂക്കിൽ മങ്ങാട് വില്ലേജിൽ വയലിൽ വീട്ടിൽ ശശി മകൻ അവിനാശ് ശശി (27 ) ആണ് അറസ്റ്റിലായത്. 89.2 മില്ലി ഗ്രാം എൽഎസ്ഡി സ്റ്റാമ്പ്‌, 20 ഗ്രാം ഹൈബ്രിഡ് ഗഞ്ചാവുമാണ് പ്രതിയുടെ പക്കൽ നിന്നും കണ്ടെടുത്തത്. വിദേശ രാജ്യങ്ങളിൽ കണ്ടുവരുന്ന വൈറ്റ് റാന്‍റ്സ്, ബ്ലാക്ക് ബെറി, സ്ട്രോൺ ആപ്പിൾ, കോപ്പർ കുഷ്, കുക്കീ ഗലാട്ടോ, മിഷിഗൺ, റെയിൻബോ ഷെർലറ്റ് എന്നീ ഇനത്തിൽ പെട്ട ഹൈബ്രിഡ് കഞ്ചാവ് ആണ് കണ്ടെടുത്തത്. പരിശോധനയിൽ അസിസ്റ്റന്‍റ് എക്സൈസ് ഇൻസ്പെക്ടർ (ഗ്രേഡ്) നിർമലൻ തമ്പി, പ്രിവന്‍റീവ് ഓഫീസർ പ്രസാദ് കുമാർ, സിവിൽ എക്സൈസ് ഓഫീസർമാരായ അജിത്ത് ,അനീഷ് , ജൂലിയൻ ക്രൂസ്, ജോജോ, തൻസീർ അസീസ്, അരുൺലാൽ, വനിത സിവിൽ എക്സൈസ് ഓഫീസറായ വർഷ വിവേക് എന്നിവർ പങ്കെടുത്തു.

ആധാരമെഴുത്തുകാരുടെ സംസ്ഥാന കൺവൻഷൻ ഇന്നു കൊല്ലത്ത്

കൊല്ലം: ഓൾ കേരള ഡോക്യുമെന്‍റ്് റൈറ്റേഴ്സ് ആന്‍റ് സ്ക്രൈബ്സ് അസോസിയേഷൻ സംസ്ഥാന കൺവൻഷനും ചാരിറ്റി ഉദ്ഘാടനവും ഇന്നു കൊല്ലത്ത് നടക്കും. സി. കേശവൻ മെമ്മോറിയൽ ടൗൺ ഹാളിൽ രാവിലെ പത്തിന് നടക്കുന്ന സമ്മേളനം മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും. സംസ്ഥാന പ്രസിഡന്‍റ്കെ.ജി. ഇന്ദുകലാധരൻ അധ്യക്ഷത വഹിക്കും. വെൽഫെയർ സൊസൈറ്റിയുടെ ഉദ്ഘാടനം ജി.എസ്.ജയലാൽ എംഎൽഎയും ചാരിറ്റി വീടിന്‍റെതാക്കോൽദാനം പി.സി. വിഷ്ണുനാഥ് എംഎൽഎയും നിർവഹിക്കും. സംസ്ഥാന ട്രഷറർ സി.പി.അശോകൻ മുഖ്യപ്രഭാഷണം നടത്തും. ഉച്ചകഴിഞ്ഞ് രണ്ടിന് പ്രതിനിധി സമ്മേളനം സംസ്ഥാന ഉപദേശക സമിതി ചെയർമാൻ ഒ എം ദിനകരൻ ഉദ്ഘാടനം ചെയ്യും.എ. അൻസാർ, വി.വി. ശശിമോൻ, സി. മനോജ് കുമാർ, എ. ലക്ഷ്മി, വി. വൃന്ദാമണി തുടങ്ങിയവർ പ്രസംഗിക്കും. പത്രസമ്മേളനത്തിൽ അസോസിയേഷൻ ഭാരവാഹികളായ കെ.ജി. ഇന്ദുകലാധരൻ, സി.പി.അശോകൻ, ജെ. കുഞ്ഞുമോൻ, ഒ. എം. ദിനകരൻ തുടങ്ങിയവർ സംബന്ധിച്ചു.

ബിഷപ് ബെൻസിഗർ നഴ്‌സിംഗ് കോളജിൽ ബിരുദ ദാനം

കൊല്ലം: ബിഷപ് ബെൻസിഗർ നഴ്‌സിംഗ് കോളജിൽ ബിരുദദാന ചടങ്ങു നടന്നു. മേയർ ഹണി ബെഞ്ചമിൻ ഉദ്ഘാടനം ചെയ്തു. രൂപതാ മെത്രാൻ ഡോ. പോൾ ആന്‍റണി മുല്ലശേരി അധ്യക്ഷനായി. മാനേജർ റവ. ഡോ. ജോസഫ് ജോൺ, ബെൻസിഗർ ആശുപത്രി ഡയറക്ട‌ർ ഫാ. ജെ. ജോൺ ബ്രിട്ടോ, മാതാ മെഡിക്കൽ സെന്‍ററിന്‍റെ മാനേജിങ് ഡയറക്‌ടർ ഡോ.ഷാജി, കോളജ് പ്രിൻസിപ്പൽ ഡോ. സിസ്റ്റർ തെരേസ് കൊച്ചുവിളയിൽ എസ്ഐ,വൈസ്പ്രിൻസിപ്പൽ വി.പി.ബിനുത എന്നിവർ പ്രസംഗിച്ചു.വിദ്യാർഥികൾക്കുള്ള അവാർഡുകൾ വിതരണം ചെയ്‌തു.

ദീപം തെളിയിച്ച് ശ്രാദ്ധാഞ്ജലി

പരവൂർ: പരവൂർ മർച്ചന്‍റ്സ് അസോസിയേഷനും, ഗോൾഡ് ആന്‍റ് ് സിൽവർ മർച്ചന്‍റ്്സ് പരവൂർയൂണിറ്റും സംയുക്തമായി പഹൽഗാമിലെ തീവ്രവാദി ആക്രമണത്തിൽ കൊല്ലപ്പെട്ടവർക്കായി ദീപം തെളിച്ച് ശ്രദ്ധാഞ്ജലി അർപ്പിച്ചു. പരവൂർ ഹാരീസ് ടവറിനു സമീപം നടന്ന പരിപാടി വ്യാപാരി വ്യവസായി ഏകോപനസമിതി യൂണിറ്റ് പ്രസിഡന്‍റ്എം. സഫീർ ഉദ്ഘാടനം ചെയ്തു. ഗോൾഡ് ആന്‍റ്സിൽവർ മർച്ചന്‍റ്സ് പരവൂർ യൂണിറ്റ് പ്രസിഡന്‍റ് മിഥിലാജ് ഹാരീസ് അധ്യക്ഷനായി. പിഎംഎ സെക്രട്ടറി ടി.എസ്. ലൗലി, ട്രഷറർ ബി.രാജീവ്, അശോക് കുമാർ, ഷാജു, വാർഡ് കൗൺസിലർ ഷാജി എന്നിവർ പ്രസംഗിച്ചു.

ശ്രീനാരായണഗുരു സാഹിത്യോത്സവം ചാത്തന്നൂരിൽ ഒൻപതിന്

ചാത്തന്നൂർ: അറിവ് ത്രൂ ദി സോൾഓഫ് ഗുരുവിന്‍റെ മൂന്നാമത് ശ്രീനാരായണഗുരു സാഹിത്യോത്സവം ഒൻപത്,10,11 തീയതികളിൽ ചാത്തന്നൂർ കാഞ്ഞിരംവിള ക്ഷേത്രാങ്കണത്തിൽ നടക്കും. ഒൻപതിന് രാവിലെ ഒൻപതിന് ആരംഭിക്കുന്ന മൂന്ന് ദിവസം നീണ്ടുനിൽക്കുന്ന പുസ്തക - കാർഷിക മേളയും ഫോട്ടോ പ്രദർശനവും എൻ.കെ.പ്രേമചന്ദ്രൻ എംപിയും, ജി.എസ്. ജയലാൽ എം എൽ എയും ഉദ്ഘാടനം ചെയ്യും. സാഹിത്യോത്സവം അഡ്വ കെ.എൻ.എ. ഖാദർ ഉദ്ഘാടനം ചെയ്യും. ഡോ. സി. നാരായണപിള്ള, മുല്ലക്കര രത്നാകരൻ, നിമിഷ ജിബിലാഷ് എന്നിവർ പ്രഭാഷണം നടത്തും. സമാപന സഭ കേരള സാഹിത്യ അക്കാദമി അവാർഡ് - വയലാർ സാഹിത്യ പുരസ്കാര ജേതാവ് കെ.വി.മോഹൻകുമാർ ഉദ്ഘാടനം ചെയ്യും. സ്വാമി ത്യാഗീശ്വരൻ ഭദ്രദീപ പ്രകാശനം നടത്തും. ഫാ. കെ.ജി.ജോർജ് പണിക്കർ പ്രഭാഷണം നടത്തും. നാരായണ ഗുരു കൃതികളുടെ ആലാപനം, ചിത്രരചന, പ്രശ്നോത്തരി എന്നിവയിൽ കുട്ടികൾക്കായി മത്സരങ്ങൾ നടത്തും. മത്സരങ്ങളിൽ പങ്കെടുക്കുന്ന എല്ലാ കുട്ടികൾക്കും രാഷ്ട്രം പത്മശ്രീ നൽകി ആദരിച്ച വർക്കല നാരായണ ഗുരുകുലം അധ്യക്ഷനും ഗുരുവുമായ മുനി നാരായണ പ്രസാദ് കയ്യൊപ്പ് ചാർത്തിയ പുസ്തകം സമ്മാനമായി നൽകും. യോഗ, ഡാൻസ്, കുട്ടികളുടെ കവിയരങ്ങ്, സമൂഹ കീർത്തനാലാപനം എന്നിവയും ഉണ്ടായിരിക്കും. കാർഷിക മേഖലയിൽ മികച്ച നേട്ടമുണ്ടാക്കിയ ആറ് കർഷകരെയും ജീവകാരുണ്യമേഖലയിൽ മികച്ച സേവനം നടത്തി വരുന്ന രണ്ട് വ്യവസായികളെയും ആദരിക്കും. സൗജന്യ തൊഴിൽ പരിശീലനം വിജയകരമായി പൂർത്തിയാക്കിയ ഏകദേശം 80 വനിതകൾക്ക് സർട്ടിഫിക്ക റ്റുകൾ വിതരണം ചെയ്യും.

ഐഎൻടിയുസി മേയ് ദിന റാലി നടത്തി

ചവറ : ഐ ൻ ടി യു സി ചവറ റീജിയണൽ കമ്മിറ്റിയുടെ നേതൃത്വത്തിൽ ലോക തൊഴിലാളി ദിനാചാരണ ഭാഗമായി ചവറ ബസ് സ്റ്റാന്‍റിൽ നിന്നും കൊറ്റംകുളങ്ങര ജംഗ്ഷനിലേക്ക് മേയ് ദിന റാലി നടത്തി. മേയ് ദിന റാലി തൊഴിലുറപ്പ് തൊഴിലാളി വത്സലാ വിജയൻ ഉദ്ഘാടനം ചെയ്തു. റീജിയണൽ പ്രസിഡന്‍റ് ജോസ് വിമൽരാജ് അധ്യക്ഷത വഹിച്ചു. ജില്ലാ ജനറൽ സെക്രട്ടറി ആർ. ജയകുമാർ മുഖ്യ പ്രഭാഷണം നടത്തി. ശ്രീജിത്ത്‌, ഡി. കെ. അനിൽകുമാർ, പ്രശാന്ത് പൊന്മന, നിസാർ മേക്കാടൻ, സെബാസ്റ്റ്യൻ ആംബ്രോസ്, ടൈറ്റസ് തെക്കുംഭാഗം, ഷമീർ പുതുക്കുളം, ജി.ആൽബർട്ട്, സതീശൻ നീണ്ടകര, റോസ് ആനന്ദ്, ചന്ദ്ര ബാബു അബ്ദുൽ വഹാബ്, ജോസ് വർഗീസ്, വിളയത്ത്‌ രാധാകൃഷ്ണൻ എന്നിവർ പ്രസംഗിച്ചു.

മേയ്ദിന റാലിയും പൊതുസമ്മേളനവും നടത്തി

ചവറ : സിഐടിയു, എഐടിയുസി യൂണിയനുകളുടെ ആഭിമുഖ്യത്തിൽ ചവറയിൽ മേയ്ദിന റാലിയും പൊതുസമ്മേളനവും സംഘടിപ്പിച്ചു. കൊറ്റൻകുളങ്ങരയിൽ നിന്നും ആരംഭിച്ച മേയ്ദിന റാലി നല്ലേഴത്ത് മുക്കിൽ സമാപിച്ചു. തുടർന്ന് നടന്ന സമ്മേളനം സിഐടിയു സംസ്ഥാന കമ്മിറ്റി അംഗം ടി. മനോഹരൻ ഉദ്ഘാടനം ചെയ്തു. എഐടിയുസി മണ്ഡലം പ്രസിഡന്‍റ് പി. ബി. ശിവൻ അധ്യക്ഷത വഹിച്ചു. സിഐടിയു ഏരിയ പ്രസിഡന്‍റ് ആർ. സുരേന്ദ്രൻ, സുജിത്ത് വിജയൻ പിള്ള എംഎൽഎ, ജി. മുരളീധരൻ, ആർ. രവീന്ദ്രൻ, അനിൽ പുത്തേഴം, ആർ. മുരളി, ടി. എ. തങ്ങൾ, ഷാജി.എസ്. പള്ളിപ്പാടൻ, വി.സി. രതീഷ് കുമാർ എന്നിവർ പ്രസംഗിച്ചു.

യൂത്ത് കോൺക്ലേവ് സംഘടിപ്പിച്ചു

കൊല്ലം: പൂവറ്റൂർ ഈസ്റ്റ് സർവീസ് സഹകരണ ബാങ്കിന്‍റെ നേതൃത്വത്തിൽ പൂവറ്റൂർ ഡിവിഎൻഎസ്എസ് എച്ച്എസ് എസിൽ യൂത്ത് കോൺക്ലേവ് നടത്തി. കേരള ബാങ്ക് ഡയറക്ടർ അഡ്വ. ജി. ലാലു ഉദ്ഘാടനം ചെയ്തു. ഭരണസമിതി പ്രസിഡന്‍റ് ആർ. രാജേഷ് അധ്യക്ഷനായി.സഹകരണമേഖലയുമായി ബന്ധപെട്ട് യുവാക്കളുടെയും പൊതുജനങ്ങളുടെയും സംശയനിവാരണം പരിപാടിയുടെ ഭാഗമായി നടന്നു. ഭരണസമിതി വൈസ് പ്രസിഡന്‍റ് എസ്. സുജിത്‌ കുമാർ, വെട്ടിക്കവല ബ്ലോക്ക് പഞ്ചായത്ത് പ്രസിഡന്‍റ് എസ്. രഞ്ജിത്ത്, കുളക്കട ഗ്രാമ പഞ്ചായത്ത് പ്രസിഡന്‍റ് സജി കടുക്കാല, വെട്ടിക്കവല ബ്ലോക്ക് പഞ്ചായത്ത് വൈസ് പ്രസിഡന്‍റ് ദിവ്യ ചന്ദ്രശേഖർ, കുളക്കട ഗ്രാമ പഞ്ചായത്ത് വൈസ് പ്രസിഡന്‍റ് പി.ബി. ബീന, ബ്ലോക്ക് പഞ്ചായത്തംഗം എൻ. മോഹനൻ, ബാങ്ക് സെക്രട്ടറി ആർ .സിന്ധു, ബോർഡ് അംഗങ്ങൾ, മറ്റ് ഉദ്യോഗസ്ഥർ, ജനപ്രതിനിധികൾ തുടങ്ങിയവർ പങ്കെടുത്തു.

അറിവുകളിലൂടെ മധ്യവേനലവധിക്കാലം

കൊല്ലം : സെന്‍റ് അലോഷ്യസ് ഹയർസെക്കൻഡറി സ്കൂളിൽ എസ് പി സി യുടെ മധ്യവേനലവധി ദിദിന ക്യാമ്പ് അതിജീവനം പള്ളിത്തോട്ടം സബ് ഇൻസ്പെക്ടർ വി .സ്വാതി ഉദ്ഘാടനം ചെയ്തു . പ്രധാന അധ്യാപകൻ എ .റ്റി .സുജിത്തിന്‍റെ അധ്യക്ഷതയിൽ നടന്ന ക്യാമ്പിൽ വിവിധവിഷയങ്ങളെ കുറിച്ച് എ എസ് ഐ സുലേഖ സൈബർ സെൽ എസ് ഐ ഷാൻ സിംഗ് ,എക്സൈസ് ഇൻസ്പെക്ടർ ദിലീപ് എന്നിവർ ക്ലാസ് എടുത്തു. എസ് ഐ കൃഷ്ണകുമാർ, സിപിഓ സൂര്യ, കമ്യുണിറ്റി പോലീസ് ഓഫീസർമാരായ സ്മിത , സുമ എന്നിവർ പ്രസംഗിച്ചു .

ഗണപതി ക്ഷേത്രത്തിൽ ആറാട്ട് നടന്നു

കൊട്ടാരക്കര: മഹാഗണപതി ക്ഷേത്രത്തിൽ മേട തിരുവാതിര മഹോത്സവത്തിന്‍റെ സമാപനം കുറിച്ച് മഹാദേവന് തിരുആറാട്ട് നടന്നു. മഹാഗണപതി ക്ഷേത്ര ചിറയിലാണ് തിരു ആറാട്ട് നടന്നത്. തന്ത്രി തരണനല്ലൂർ ഗോവിന്ദൻ നമ്പൂതിരിപ്പാടിന്‍റെയും മേൽശാന്തി രതീഷ് കുമാറിന്‍റെയും, കീഴ് ശാന്തി നാരായണൻ നമ്പൂതിരി, സഹ ശാന്തി കൃഷ്ണകുമാർ പോറ്റി എന്നിവരുടെ കാർമികത്വത്തിലാണ് ആറാട്ട് നടന്നത്.

ഗാന്ധിഭവൻ സ്നേഹാശ്രമത്തിൽ ഗോത്രവർഗ സമൂഹവിവാഹം

പാരിപ്പള്ളി: വേളമാനൂർ ഗാന്ധിഭവൻ സ്നേഹാശ്രമത്തിന്‍റെ ആറാം വാർഷികാഘോഷ പരിപാടികളുടെ ഭാഗമായി 20 ഗോത്രവർഗ യുവതീ യുവാക്കളുടെ വിവാഹം നടത്തുന്നു. പത്തനംതിട്ട - കോട്ടയം ജില്ലകളിൽ, ശബരിമല വനാന്തരങ്ങളിൽ താമസിക്കുന്നവരാണു പ്രതിശ്രുത വധുവരന്മാർ. 26ന് രാവിലെ 11-ന് സ്നേഹാശ്രമം ഹാളിലാണ് ചടങ്ങുകൾ. വിവാഹ കർമങ്ങൾക്ക് മന്ത്രി ജെ.ചിഞ്ചുറാണിയും പത്തനാപുരം ഗാന്ധിഭവൻ ട്രസ്റ്റ് സെക്രട്ടറി ഡോ.പുനലൂർ സോമരാജനും മുഖ്യകാർമികത്വം വഹിക്കും. എൻ.കെ.പ്രേമചന്ദ്രൻ എം പി, ജി.എസ്.ജയലാൽ എം എൽ എ, അഡ്വ.വി.ജോയി എം എൽ എ, കെഎസ്എഫ്ഇ ചെയർമാൻ കെ.വരദരാജൻ, ഇത്തിക്കര ബ്ലോക്ക് പഞ്ചായത്ത് പ്രസിഡന്‍റ് അഡ്വ.എം.കെ.ശ്രീകുമാർ, കല്ലുവാതുക്കൽ ഗ്രാമ പഞ്ചായത്ത് പ്രസിഡന്‍റ് എൻ.ശാന്തിനി, പള്ളിക്കൽ ഗ്രാമപഞ്ചായത്ത് പ്രസിഡന്‍റ് എം.ഹസീന, ഐ എസ് ആർ ഒ മിഷൻ ഡയറക്ടർ ഡോ. ജെ.ജയപ്രകാശ് എന്നിവർ വധുവരന്മാരെ അനുമോദിക്കും. ഇക്കഴിഞ്ഞ സിവിൽ സർവീസ് പരീക്ഷയിൽ 95ാം റാങ്ക് കരസ്ഥമാക്കിയ ദേവിക പ്രിയദർശിനിക്ക് ഗാന്ധിഭവന്‍റെ സ്നേഹാദരം സമർപ്പിക്കും. വിവാഹനന്തരം, സ്നേഹാശ്രമം നൃത്തവിദ്യാലയത്തിലെ കുട്ടികൾ നൃത്ത പരിപാടികൾ അവതരിപ്പിക്കും.

സംസ്ഥാന മന്ത്രിസഭ വാര്‍ഷികാഘോഷം: തയാറെടുപ്പുകള്‍ വിലയിരുത്തി കളക്ടര്‍

കൊല്ലം : സംസ്ഥാന മന്ത്രിസഭയുടെ നാലാം വാര്‍ഷിക ആഘോഷ പരിപാടികളുടെ സംഘാടന പുരോഗതി കളക്ടറേറ്റ് കോണ്‍ഫറന്‍സ് ഹാളില്‍ ജില്ലാ കളക്ടര്‍ എന്‍.ദേവിദാസ് വിളിച്ചുചേര്‍ത്ത യോഗത്തില്‍ വിലയിരുത്തി. കഴിഞ്ഞ ഒമ്പത് വര്‍ഷമായി ജില്ലയില്‍ നടപ്പിലാക്കിയ വികസനത്തിന്‍റെ കാഴ്ചകള്‍ക്കൊപ്പം എല്ലാ വിഭാഗങ്ങള്‍ക്കും ആസ്വദിക്കാവുന്ന പരിപാടികളുമാണ് ഇത്തവണത്തേതെന്ന് ഉറപ്പാക്കി. സര്‍ക്കാര്‍ വകുപ്പുകള്‍, ഏജന്‍സികള്‍, സ്ഥാപനങ്ങള്‍ എന്നിവയുടെ പ്രതിനിധികളുമായി സജ്ജമാക്കേണ്ട സ്റ്റാളുകള്‍, ഇതര ക്രമീകരണങ്ങള്‍, അവശ്യ സൗകര്യങ്ങള്‍ എന്നിവ സംബന്ധിച്ച് ചുമതലയുള്ള ഉദ്യോഗസ്ഥര്‍ വിശദീകരിച്ചു. പുതിയ ആശയങ്ങള്‍ ആകര്‍ഷകമായി അവതരിപ്പിക്കാന്‍ കഴിയണമെന്ന് ജില്ലാ കളക്ടര്‍ നിര്‍ദേശിച്ചു. ആശ്രാമം മൈതാനത്ത് 11 മുതല്‍ 17 വരെയാണ് പ്രദര്‍ശനവും വിപണനമേളയും. സബ് കളക്ടര്‍ നിഷാന്ത് സിഹാര, എഡിഎം ജി. നിര്‍മല്‍ കുമാര്‍, ജില്ലാ ഇന്‍ഫര്‍മേഷന്‍ ഓഫീസര്‍ എല്‍. ഹേമന്ത് കുമാര്‍, ജില്ലാതല ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

ലഹരി നാടിനെ തകർക്കുന്ന വിപത്ത് : ബിഷപ് ഡോ. യൂഹാനോൻ മാർ തിയഡോഷ്യസ്

ആയൂർ: ലഹരി കുടുംബങ്ങളും, തലമുറകളെയും നശിപ്പിച്ച് യുവതലമുറയെ കാർന്ന് തിന്നുന്ന വിപത്താണന്നും ,ലഹരിക്കെതിരെ മലങ്കര കാത്തലിക് അസോസിയേഷൻ ആയൂർ വൈദിക ജില്ല എടുത്തിരിക്കുന്ന കാമ്പയിന് പൂർണ പിന്തുണ നൽകുമെന്നും, മൂവാറ്റുപുഴ രൂപത അധ്യക്ഷനും കെസിബിസി മദ്യനിരോധന സമിതി ചെയർമാനുമായ ബിഷപ് ഡോ. യൂഹാനോൻ മാർ തിയഡോഷ്യസ് പറഞ്ഞു. മലങ്കര കാത്തലിക് അസോസിയേഷൻ നേതൃത്വത്തിൽ നടത്തുന്ന ലഹരിവിരുദ്ധ കാമ്പയിൻ ഉദ്ഘാടനം ചെയ്‌ത് പ്രസംഗിക്കുയായിരുന്നു അദ്ദേഹം. എം സി എ ജില്ലാ വൈദിക ഉപദേഷ്ടാവ് ഫാ. അരുൺ ഏറത്ത് മുഖ്യപ്രഭാഷണം നടത്തി. ഇളമാട് മലങ്കര കത്തോലിക്ക പള്ളി യിൽ വച്ച് നടന്ന ചടങ്ങിൽ ജില്ലാ പ്രസിഡന്‍റ് ജേക്കബ് കളപ്പുരയ്ക്കൽ അധ്യക്ഷത വഹിച്ചു. ആയൂർ ജില്ലാ വികാരി ഫാ .ജോൺ അരീക്കൽ ,ജില്ലാ ജനറൽ സെക്രട്ടറി രാജീവ് കോശി, ട്രഷറർ ഐസക്ക്, മേജർ അതിരൂപത സമിതി അംഗം അനിലബിജു എന്നിവർ പ്രസംഗിച്ചു.

തഴമേല്‍ മലങ്കര കത്തോലിക്ക പള്ളിയില്‍ തിരുനാളിന് നാളെ കൊടിയേറും

അഞ്ചല്‍ : തഴമേല്‍ സെന്‍റ് ജോര്‍ജ് മലങ്കര കത്തോലിക്കാ പള്ളിയില്‍ വിശുദ്ധ ഗീവർഗീസ് സഹദായുടെ തിരുനാളിന് നാളെ വൈകുന്നേരം ആറിന് കൊടിയേറും. പെരുന്നാള്‍ 11 ന് സമാപിക്കും. നാളെ വൈകുന്നേരം 4.30 ന് സന്ധ്യാനമസ്‌കാരം, വി. കുര്‍ബാന തുടര്‍ന്ന് വികാരി ഫാ. ബോവസ് മാത്യു കൊടിയേറ്റും. വൈകുന്നേരം ഏഴിന് കുരിശടിയിലേക്ക് പ്രദക്ഷിണവും ധൂപപ്രാര്‍ഥനയും നേര്‍ച്ചവിതരണവും നടക്കും. അഞ്ചിന് വൈകുന്നേരം 5.30 ന് സന്ധ്യാനമസ്‌കാരവും വിശുദ്ധ കുര്‍ബാനയ്ക്കും മാവേലിക്കര ഭദ്രാസനാധ്യക്ഷന്‍ ഡോ. ജോഷ്വാമാര്‍ ഇഗ്നാത്തിയോസ് മെത്രാപ്പോലീത്ത മുഖ്യകാര്‍മികനായിരിക്കും. തുടര്‍ന്ന് കുരിശടിയിലേക്ക് പ്രദക്ഷിണവും ധൂപപ്രാര്‍ഥനയും നേര്‍ച്ചവിതരണവും നടക്കും. ചൊവ്വ, ബുധന്‍, വ്യാഴം ദിവസങ്ങളില്‍ വൈകുന്നേരം 5.30 ന് സന്ധ്യാനമസ്‌കാരം, ആറിന് വി. കുര്‍ബാന തുടര്‍ന്ന് കുരിശടിയിലേക്ക് പ്രദക്ഷിണവും, ധൂപപ്രാര്‍ഥനയും, നേര്‍ച്ചവിതരണവും നടക്കും. റവ. ഫാ. വർഗീസ് ചാമക്കാലായില്‍, ഫാ. സാജന്‍ പീടികയില്‍, റവ. ഡോ. വർഗീസ് നടുതല എന്നിവര്‍ നേതൃത്വം നല്‍കും. ഒൻപതിന് വൈകുന്നേരം 4.30 ന് സന്ധ്യാനമസ്‌കാരത്തിനും, വി. കുര്‍ബാനയ്ക്കുംഇടമുളയ്ക്കല്‍ ഇടവക വികാരി ഫാ. തോമസ് മരോട്ടിമൂട്ടില്‍ മുഖ്യകാര്‍മികനായിരിക്കും. തുടര്‍ന്ന്ആറിന് തിരുനാള്‍ റാസയും ചെമ്പെടുപ്പും നടക്കും. പള്ളിയില്‍ നിന്നും പുറപ്പെടുന്ന റാസ ഞാറയ്ക്കാട്, വക്കംമുക്ക്, ചൂരക്കുളം, തഴമേല്‍ ഓര്‍ത്തഡോക്‌സ് പള്ളി കുരിശടി വഴി ദേവാലയത്തില്‍ തിരിച്ചെത്തും. കുരിശടിയില്‍ ധൂപപ്രാര്‍ഥന, നേര്‍ച്ചവിളമ്പ്, ആകാശദീപക്കാഴ്ചകള്‍ എന്നിവ നടക്കും. 10 ന് വൈകുന്നേരം 5.30 ന് സന്ധ്യാനമസ്‌കാരം, വി. കുര്‍ബാന, റവ. ഫാ. സാം തോമസ് മണലുശേരില്‍ മുഖ്യകാര്‍മികനായിരിക്കും. സമാപന ദിവസമായ 11 ന് രാവിലെ ഒൻപതിന് പ്രഭാതനമസ്‌കാരവും, ആഘോഷമായ പെരുന്നാള്‍ കുര്‍ബാനയും നടക്കും. തിരുവനന്തപുരം മേജര്‍ അതിരൂപത വികാരി ജനറല്‍ വെരി. റവ. വര്‍ക്കി ആറ്റുപുറത്ത് കോര്‍ എപ്പിസ്‌കോപ്പ മുഖ്യാകാര്‍മികനായിരിക്കും. തുടര്‍ന്ന് കുരിശടിയില്‍ ധൂപപ്രാര്‍ഥനയും, ഊട്ടുനേര്‍ച്ചയും കൊടിയിറക്കും നടക്കും.പരിപാടികള്‍ക്ക് വികാരി ഫാ. .ബോവസ് മാത്യു, സഹവികാരി ജോസഫ് വടക്കേടത്ത്, ട്രസ്റ്റി ഷിബു ബേബി, സെക്രട്ടറി ജോസ് ഉമ്മന്‍, പെരുന്നാള്‍ കമ്മിറ്റി കണ്‍വീനര്‍ രാജു അരേശേരില്‍ എന്നിവര്‍ നേതൃത്വം നല്‍കും.

പുനലൂർ സെന്‍റ് ജോസഫ് മലങ്കര കത്തോലിക്കാ പള്ളിയിൽ വിശുദ്ധ യൗസേപ്പിതാവിന്‍റെ തിരുനാൾ സമാപിച്ചു

പുനലൂർ: സെന്‍റ് ജോസഫ് മലങ്കര കത്തോലിക്കാ പള്ളിയിൽ വിശുദ്ധ യൗസേപ്പിതാവിന്‍റെ തിരുനാൾ സമാപിച്ചു. ഇടവക വികാരി ഫാ. ഡോ. സി .സി.ജോൺ കൊടിയേറ്റു കർമം നിർവഹിച്ചു. തുടർന്ന് കാലം ചെയ്ത മാർപാപ്പയ്ക്ക് വേണ്ടി പ്രത്യേകം ശുശ്രൂഷകൾ നടത്തി. അതിനുശേഷം ജില്ലയിലെ സൺഡേ സ്കൂൾ പരീക്ഷയ്ക്ക് തെരഞ്ഞെടുക്കപ്പെട്ടിട്ടുളള വിദ്യാർഥികൾ എല്ലാവരും ചേർന്ന് കാലം ചെയ്ത മാർപാപ്പയ്ക്ക് അനുശോചനം അർപ്പിച്ചു. സന്ധ്യാപ്രാർഥന തുടർന്ന് വിശുദ്ധ കുർബാന വിശുദ്ധ വചനപ്രഘോഷണം എന്നിവയ്ക്ക് ഫാ. ജോൺസൺ പുതുപ്പറമ്പിൽ നേതൃത്വം നൽകി. തുടർന്ന് പള്ളിയിൽ നിന്ന് ടി ബി ജംഗ്ഷൻ വരെ ിഭക്തിനിർഭരമായ മെഴുകുതിരി പ്രദക്ഷിണം, വിശുദ്ധ യൗസേപ്പിന്‍റെ രൂപം വഹിച്ചു കൊണ്ടുള്ള പ്രദക്ഷിണം എന്നിവ നടന്നു. നൂറുകണക്കിനാളുകൾ പ്രദക്ഷിണത്തെ ആശിർവദിച്ചു. നടപ്പന്തലിൽ ഫാ. ജോബിൻ പൂവണ്ണത്തിൽ ചടങ്ങുകൾക്ക് നേതൃത്വം നൽകി. പള്ളിയിലെ പ്രാർഥന ശുശ്രൂഷകൾക്ക് റവ. ഫാ. ജോസ് മുണ്ടുവേലിൽ ഫാ. സിറിൽ എന്നിവർ നേതൃത്വം നൽകി.തുടർന്ന് യൗസേപ്പിന്‍റെ കുരിശടിയിൽ പ്രാർഥന ശുശ്രൂഷകൾ നടത്തി.സമാപന ആശിർവാദത്തോടുകൂടി ശുശ്രൂഷകൾ ര്യവസാനിച്ചു. തിരുനാളിന്‍റെ പ്രധാന ദിവസമായ മേയ് ഒന്നിന് രാവിലെ ഏഴുമണിക്ക് പ്രഭാത പ്രാർഥന നടന്നു. പുനലൂർ രൂപതയുടെ മുൻ വികാരി ജനറലും ഇപ്പോൾ ഐടിഎ പ്രിൻസിപ്പലുമായ ഫാ. വിൻസന്‍റ് ഡിക്രൂസ് വചന സന്ദേശം നൽകി.ആഘോഷമായ തിരുനാൾ കുർബാനയും തിരുനാൾ സന്ദേശവും റവ. ഫാ. ജോബിൻ പൂവണ്ണത്തിൽ നിർവഹിച്ചു. തുടർന്ന് ദേവാലയത്തിനു ചുറ്റും ഭക്തിനിർഭരമായ ദേവാലയ പ്രദക്ഷിണ റാസയും ഗ്രോട്ടോ പ്രദക്ഷിണ പ്രാർഥനയും നടത്തി. ദേവാലയത്തിൽ പ്രവേശിച്ച് സമാപന പ്രാർഥന നടത്തി. കൊടിയിറക്ക്, നേർച്ച വിളമ്പ് എന്നിവയും നടന്നു. തിരുനാളിന് ഇടവകയുടെ സെക്രട്ടറി റെജി പുന്നാറ, കമ്മറ്റി അംഗങ്ങളായ ഫ്രാൻസിസ് ബോബൻ,രാജു,മേബിള്‍, എലിസബത്ത്,റാണി ടീച്ചർ, കുഞ്ഞുമോൾ, ബോസ് എന്നിവർ നേതൃത്വം നൽകി.നേർച്ച പ്രത്യേകമായി സ്പോൺസർ ചെയ്തത് രാജു തയ്യിലും മറ്റു നേർച്ചകൾ ഇടവകക്കാർ എല്ലാവരും കൂടെ ചേർന്നു നിർവഹിക്കുകയും ചെയ്തു. എല്ലാ ശുശ്രൂഷകൾക്കും ഇടവക വികാരി ഫാ. ഡോ. ജോൺ സിസി നേതൃത്വം നൽകി. സിസ്റ്റർ. ഏബല്‍ സിസ്റ്റർ.ബർണടിൻ എന്നിവരും തിരുനാളിൽ സംബന്ധിച്ചു. നൂറുകണക്കിന് വിശ്വാസികളും പങ്കെടുത്തു.യൗസേപ്പിന്‍റെ തിരുനാൾ ഭക്തിനിർഭരമായി കൊണ്ടാടുവാൻ സഹായിച്ച ഏവർക്കും ഇടവക വികാരി നന്ദി അറിയിച്ചു.

വീട്ടമ്മ കഴുത്തറുത്ത് മരിച്ച നിലയിൽ; ഭർത്താവിനെ റിമാന്‍റു ചെയ്തു

കൊട്ടാരക്കര: ചിരട്ടക്കേണത്ത് വീട്ടമ്മ കിടപ്പുമുറിയിൽ കഴുത്തറുത്ത് മരിച്ച നിലയിൽ കാണപ്പെട്ടു. ഭർത്താവിനെ കൊട്ടാരക്കര പോലീസ് കസ്റ്റഡിയിലെടുത്തു.തലച്ചിറ ചിരട്ടക്കോണം സ്വപ്ന ഭവനിൽ ഓമനയമ്മ (66) ആണ് മരിച്ചത്. ഭർത്താവ് ഇടശേരി കോളനി ചിരട്ടക്കോണം സ്വപ്ന വിലാസം വീട്ടിൽ കുട്ടപ്പനെ (75) ഇന്നലെ കോടതിയിൽ ഹാജരാക്കി റിമാന്‍റു ചെയ്തു.ഇയാളാണ് കൃത്യം ചെയ്തതെന്നാണ് പ്രാഥമിക നിഗമനം. വ്യാഴാഴ്ച പുലർച്ചെ യാണ് സംഭവം പുറത്തറിയുന്നത്.രാവിലെ നിത്യവും ഉണരുന്ന സമയത്ത് കാണാഞ്ഞതിനെ തുടർന്ന് മക്കൾ കതകിന് തട്ടി വിളിച്ചു.പ്രതികരണമില്ലാത്തതിനാൽ കതക് തള്ളി തുറന്ന് നോക്കിയപ്പോഴാണ് ഓമനയമ്മയെ കഴുത്തറുത്ത് മരിച്ച നിലയിൽ കാണപ്പെട്ടത്.' സംഭവത്തെ കുറിച്ച് പോലീസ് പറയുന്നതിങ്ങനെ. കശുവണ്ടി തൊഴിലാളിയായിരുന്ന ഓമനയമ്മക്ക് പെൻഷൻ കുടിശിക ഇനത്തിൽ പതിനെണ്ണായിരത്തോളം രൂപ ലഭിച്ചിരുന്നു.ഇവരിത് മറ്റാർക്കോ കടമായി നൽകി.ഇതിനെ ചൊല്ലിയുള്ള തർക്കമാണ് കൊലപാതകത്തിൽ കലാശിച്ചത്.സംഭവസ്ഥലത്തു നിന്നും പോലീസ് ശാസ്ത്രീയ തെളിവുകൾ ശേഖരിച്ചു.

കുടുംബശ്രീ നഗരോത്സവം 2025 സംഘടിപ്പിച്ചു

പുനലൂര്‍ : സംസ്ഥാനത്തെ തെരഞ്ഞെടുക്കപ്പെട്ട തദ്ദേശസ്വയംഭരണ സ്ഥാപനങ്ങളിലെ കുടുംബശ്രീ സിഡിഎസുകളുടെ പ്രവര്‍ത്തനം കാര്യക്ഷമമാക്കുന്നതിന് വേണ്ടി സംസ്ഥാന കുടുംബശ്രീ മിഷന്‍ നടപ്പിലാക്കുന്ന ചലനം മെന്‍റര്‍ഷിപ്പ് ക്യാമ്പയിന്റെ ഭാഗമായി നഗരരോത്സവ് 2025 സംഘടിപ്പിച്ചു. കെ കൃഷ്ണപിള്ള സാംസ്‌കാരിക നിലയത്തില്‍ നടന്ന നഗരോത്സവ് 2025 ചെയര്‍പേഴ്‌സണ്‍ കെ പുഷ്പലത ഉദ്ഘാടനം ചെയ്തു. വൈസ് ചെയര്‍മാന്‍ രഞ്ജിത്ത് രാധാകൃഷ്ണന്‍ അധ്യക്ഷനായി. സിഡിഎസ് ചെയര്‍പേഴ്‌സണ്‍ സുശീലാ രാധാകൃഷ്ണന്‍ സ്വാഗതം പറഞ്ഞു. സ്ഥിരം സമിതി അധ്യക്ഷരായ അഡ്വ. പി.എ .അനസ്, ബിനോയ് രാജന്‍, പ്രിയ പിള്ള, മുന്‍ ചെയര്‍മാൻരായ എം .എ .രാജഗോപാല്‍, നിമ്മി എബ്രഹാം ,മുന്‍ വൈസ് ചെയര്‍മാന്‍മാരായ വി .പി .ഉണ്ണികൃഷ്ണന്‍, ഡി .ദിനേശന്‍, കൗണ്‍സിലര്‍ ജി .ജയപ്രകാശ്, റസൂല്‍ ബീവി, മോനിഷ അജീവ്, ഷാമില, ഷെമി ഗണേശന്‍, തുടങ്ങിയവര്‍ പ്രസംഗിച്ചു. മികച്ച അയല്‍ക്കൂട്ടമായി കാഞ്ഞിരമല സൗഭാഗ്യയും ഹൈസ്‌കൂള്‍ വാര്‍ഡ് മികച്ച എ ഡി എസായും തെരഞ്ഞെടുത്തു. കുടുംബശ്രീ അംഗങ്ങളുടെ വിവിധ കലാപരിപാടികളും നടന്നു.

പഞ്ചായത്ത് പ്രസിഡന്‍റിന് നിവേദനം നൽകി

കുളത്തൂപ്പുഴ: ഡിവൈ എഫ് ഐകുളത്തുപ്പുഴ ഈസ്റ്റ്,വെസ്റ്റ് മേഖല കമ്മിറ്റികളുടെ നേതൃത്വത്തിൽ കുളത്തൂപ്പുഴ ഗ്രാമപഞ്ചായത്ത് പ്രസിഡന്‍റിന് പദ്ധതി രൂപീകരണത്തിൽ യുവജനങ്ങളുടെ ഉന്നമനത്തിനായുള്ള പദ്ധതികൾ കൂടി ഉൾപ്പെടുത്തണമെന്ന് ആവശ്യപ്പെട്ടു ഡി വൈ എഫ് ഐ ഈസ്റ്റ് വേസ്റ്റ് കമ്മറ്റികൾ തയാറാക്കിയ രൂപരേഖയുടെ നിർദേശങ്ങൾ അടങ്ങിയ നിവേദനം കുളത്തൂപ്പുഴ ഗ്രാമപഞ്ചായത്ത് പ്രസിഡന്‍റ് പി.ലൈലാബീവിക്ക് ഡി വൈ എഫ് ഐ അഞ്ചൽ ബ്ലോക്ക് സെക്രട്ടറി ഷൈൻ ബാബു നൽകി. ഈസ്റ്റ് മേഖല സെക്രട്ടറി ഡോ.സനൽസ്വാമിനാഥൻ,സുബിൻ, വെസ്റ്റ് മേഖല സെക്രട്ടറി ഷെഫിൻ, രാജേഷ് , സുജിത്ത്, മനോജ് തുടങ്ങിയവർ ചടങ്ങിൽ പങ്കെടുത്തു.

ഹൈമാസ്റ്റ് ലൈറ്റ് ഉദ്ഘാടനം ചെയ്തു

കൊട്ടാരക്കര:എഴുകോൺ:പോച്ചംകോണം പാറയ്ക്കൽ ശ്രീ ഭദ്രാ ദേവീക്ഷേത്രത്തിന്സമീപം സ്ഥാപിച്ച മിനിമാസ്റ്റ് ലൈറ്റ് എഴുകോൺ ഗ്രാമ പഞ്ചായത്ത് പ്രസിഡന്‍റ് അഡ്വ.ബിജു എബ്രഹാംസ്വിച്ച്ഓൺ ചെയ്ത് ഉദ്ഘാടനം നിര്‍വഹിച്ചു.വാർഡ് മെമ്പർ സുനിൽ കുമാറിന്‍റെ അധ്യക്ഷതയിൽ നടന്ന ചടങ്ങിൽ ഗ്രാമ പഞ്ചായത്ത് അംഗം അഡ്വ .രതീഷ് കിളിത്തട്ടിൽ, പഞ്ചായത്ത് വൈസ് പ്രസിഡന്‍റ് സുഹർബാൻ,പഞ്ചായത്ത് മെമ്പർ ആതിരാ ജോൺസൺ തുടങ്ങിയവർ പ്രസംഗിച്ചു. മഹേഷ് പാറയ്ക്കൽ, ഷാബു ബലഭദ്രൻ, ഹിരൺമോഹൻ,അജീഷ്, പ്രോംജിത്ത്, അപ്പു,സുനിൽ കുമാർ, സുരേഷ് കുമാർ, പുഷ്പ, തങ്കച്ചി, പ്രേമ, സൗമ്യ, ലൈല, അനീഷാ മോൾ,കസ്തൂര്‍ബ, സിന്ധു,അമലു തുടങ്ങിയവർ ചടങ്ങിൽ പങ്കെടുത്തു.

വാളത്തുംഗൽ സ്കൂളിൽ എസ്പിസി ക്യാമ്പ്

കൊല്ലം:വാളത്തുംഗൽ ഗവ. വൊക്കേഷണൽ ഹയർ സെക്കണ്ടറി സ്കൂൾ ഫോർ ഗേൾസിലെ വേനലവധി ക്യാമ്പ് ആരംഭിച്ചു. ഇരവിപുരം എസ്ഐഅർജുൻ അജിത് പതാക ഉയർത്തി. സീനിയർ അധ്യാപികയായ .ഡി. ലീലയുടെ അധ്യക്ഷതയിൽ ചേർന്ന യോഗത്തിൽ ഇരവിപുരം എസ്ഐ ശ്യാം കുമാർ ദ്വി ദിന ക്യാമ്പ്ഉദ്ഘാടനംചെയ്തു.സ്കൂൾ പ്രിൻസിപ്പാൾ നിഷ ,സിപിഒ സിംസി സ്റ്റീഫൻ ,സ്കൂൾ ഹെഡ്മാസ്റ്റർ ബിജുഎന്നിവർ പ്രസംഗിച്ചു. ക്യാമ്പിന്‍റെ ഭാഗമായി ഡി ഡിക്സൺ മോട്ടിവേഷൻ ക്ലാസുംകുട്ടികളുടെ അവകാശങ്ങളെ കുറിച്ച് അഡ്വ.പാർഥനും ക്ലാസുകൾ എടുത്തു.ലഹരി വിരുദ്ധ ബോധവൽക്കരണഭാഗമായുള്ള ക്ലാസുകൾ ,പ്രതിജ്ഞ,സംവാദം, പരിപാടികൾ, ഡിജിറ്റൽ അഡിക്ഷൻ ക്ലാസ്, ഫസ്റ്റ് എയ്ഡ് ക്ലാസ്എന്നിവ നടത്തി.

മുട്ടത്തുവർക്കി അക്ഷര പീഠം അവാർഡ് വി.എസ്. അജിത്തിന്

കൊല്ലം: സാഹിതീസംഗമവേദി സാഹിത്യകൂട്ടായ്മയുടെ നാലാമത് മുട്ടത്തുവർക്കി അക്ഷരപീഠം അവാർഡിന് എഴുത്തുകാരൻ വി. എസ്. അജിത്തിന്‍റെ “പെൺഘടികാരം"എന്ന ചെറുകഥ സമാഹാരം അർഹത നേടി. 25001 രൂപയും, ഫലകവും അടങ്ങുന്ന അവാർഡ്. സാഹിതീസംഗമവേദിയുടെവാർഷികത്തോടനുബന്ധിച്ച് ശിവഗിരി വർക്കല ക്ലബിൽ 11 ന് ഉച്ചകഴിഞ്ഞ് നടക്കുന്ന അവാർഡ്‌ദാന ചടങ്ങിൽ സമർപ്പിക്കും. പ്രത്യേക ജൂറി പുരസ്കാരത്തിന് ടി.കെ .ശങ്കരനാരായണന്‍റെ അഗ്രഹാര കഥകളും ശശി കുറുപ്പിന്‍റെ ബുദ്ധൻ ചിരിക്കുന്നു ചെറുകഥാസമാഹാരവും അർഹത നേടി.10001 രൂപയും അവാർഡും ഫലകവും അടങ്ങുന്ന നാലാമത് മാധവികുട്ടി കവിതാപുരസ്‌കാരത്തിന് ഉമാദേവി തുരുത്തേരിയുടെപ്രണയത്തിന്‍റെ ജലവിരലുകളും പ്രത്യേക ജൂറി പുരസ്‌കാരത്തിന് ഡോ എസ്. ദിവ്യയുടെ “വൃക്ഷമനുഷ്യനും" സന്തോഷ് വാര്യർ പന്തളീയന്‍റെ "അശാന്തിപർവവും” അർഹത നേടി. പത്രസമ്മേളനത്തിൽ സാഹിതി സംഗമവേദി പ്രസിഡന്‍റ് ബാലചന്ദ്രൻ ഇഷാര, മോഹൻദാസ് എവർഷൈൻ, ശിവരാജൻ കോവിലഴികം അഡ്വ. വി. വി .ജോസ് കല്ലട എന്നിവർ പങ്കെടുത്തു.

കൊല്ലം പുസ്തകോത്സവം 10 മുതല്‍ 13 വരെ ഗവ.ബോയ്സ് ഹൈസ്കൂള്‍ ഗ്രൗണ്ടില്‍

കൊല്ലം : ജില്ലാ ലൈബ്രറി കൗണ്‍സില്‍ വികസന സമിതിയുടെ ആഭിമുഖ്യത്തിൽനടത്തുന്ന കൊല്ലം പുസ്തകോത്സവം 10 മുതല്‍ 13 വരെ കൊല്ലം ഗവ.ബോയ്സ് ഹൈസ്കൂള്‍ ഗ്രൗണ്ടില്‍ സജ്ജീകരിക്കുന്ന എം.ടി. വാസുദേവന്‍നായര്‍ നഗറില്‍ നടക്കും. കേരളത്തിലെഎഴുപതോളം പ്രസാധകര്‍ പുസ്തകോത്സവത്തിൽ പങ്കെടുക്കും. ജില്ലയിലെ ഗ്രന്ഥശാലകള്‍ക്കുള്ള വാര്‍ഷിക ഗ്രാന്‍റ് ഉപയോഗിച്ച് എല്ലാ ഗ്രന്ഥശാലകളും ആവശ്യമുള്ള പുസ്തകങ്ങള്‍ പ്രസാദകരിൽ നിന്ന് വാങ്ങുന്നതാണ്. പുസ്തകപ്രകാശനങ്ങള്‍, സെമിനാറുകള്‍, അനുസ്മരണങ്ങള്‍, കലാപരിപാടികള്‍ എന്നിവ പുസ്തകോത്സവത്തിന്‍റെ ഭാഗമായി എല്ലാ ദിവസവും ഉണ്ടായിരിക്കുമെന്ന് ജില്ലാ ഭാരവാഹികളായ കെ. ബി. മുരളീകൃഷ്ണന്‍, ഡി. സുകേശന്‍ എന്നിവര്‍ അറിയിച്ചു.

കുടുംബശ്രീയുടെ 'അരങ്ങ് 'കലാമേള അഞ്ചുമുതല്‍

കൊല്ലം: കുടുംബശ്രീ അയല്‍ക്കൂട്ട - ഓക്‌സിലറി അംഗങ്ങള്‍ക്കായി ' അരങ്ങ് ' കലാമേള ബ്ലോക്ക് ക്ലസ്റ്റര്‍ തലം അഞ്ച് മുതല്‍ സംഘടിപ്പിക്കും. ഇത്തിക്കര - മുഖത്തല- കൊല്ലം ക്ലസ്റ്റര്‍, ശാസ്താംകോട്ട - ചിറ്റുമല ക്ലസ്റ്റര്‍, ഓച്ചിറ - ചവറ - കരുനാഗപള്ളി ക്ലസ്റ്റര്‍, പത്തനാപുരം- വെട്ടിക്കവല ക്ലസ്റ്റര്‍, കൊട്ടാരക്കര - ചടയമംഗലം ക്ലസ്റ്റര്‍, പുനലൂര്‍ - അഞ്ചല്‍ ക്ലസ്റ്റര്‍ എന്നിങ്ങനെ ജില്ലയിലെ 74 സിഡിഎസുകളുടേ പങ്കാളിത്തം ഉറപ്പാക്കി ആറ് ബ്ലോക്ക് ക്ലസ്റ്ററുകളായി അഞ്ച് മുതല്‍ ഒമ്പത് വരെയാണ് കലാ മത്സരങ്ങള്‍ നടത്തുക. അരങ്ങ് ജനകീയമാക്കുന്നതിനുള്ള പ്രചരണ ക്യാമ്പയിനുകള്‍ സിഡിഎസ് തലത്തിലും ജില്ലാതലത്തിലും നടന്നു വരുന്നു. ്രപ്രാഥമിക ഘട്ടത്തില്‍ നടത്തിയ എഡിഎസ് മത്സരങ്ങളില്‍ നിന്നുള്ള വിജയികളാണ് സിഡിഎസ് തലത്തില്‍ മത്സരിക്കുക. തുടര്‍ന്ന്, മത്സരത്തില്‍ വിജയിക്കുന്നവര്‍ ബ്ലോക്ക് തലത്തില്‍ പങ്കെടുക്കും. ജൂനിയര്‍ സീനിയര്‍ വിഭാഗങ്ങളിലായാണ് മത്സരങ്ങള്‍. 18 മുതല്‍ 40 വയസ് വരെയുള്ള അയല്‍ക്കൂട്ട ഓക്‌സിലറി അംഗങ്ങള്‍ക്ക് ജൂനിയര്‍ വിഭാഗത്തിലും 40 വയസിന് മുകളിലുള്ള അയല്‍ക്കൂട്ട ഓക്‌സിലറി അംഗങ്ങള്‍ സീനിയര്‍ വിഭാഗത്തിലും മത്സരിക്കാം. നാടകം, ചവിട്ട് നാടകം, ശിങ്കാരി മേളം എന്നീ ഇനങ്ങള്‍ മാത്രമാണ് പൊതു വിഭാഗത്തിൽ ഉൾപ്പെടുത്തിയിരിക്കുന്നത്. വ്യക്തിഗത മത്സരങ്ങളായ ലളിതഗാനം, മാപ്പിള പാട്ട്, പ്രച്ഛന്ന വേഷം, മിമിക്രി, സംഘ ഇനങ്ങളായ കേരള നടനം, ഭരതനാട്യം, തിരുവാതിര തുടങ്ങി 33 സ്റ്റേജ് ഇനങ്ങളില്‍ പങ്കെടുക്കാം. കഥാ രചന, ചിത്ര രചന, കവിത രചന തുടങ്ങി 16 സ്റ്റേജ് ഇതര ഇനങ്ങളുമുണ്ട്. ബ്ലോക്ക് ക്ലസ്റ്റര്‍ അരങ്ങിലെ വിജയികള്‍ ജില്ലാതല അരങ്ങില്‍ മാറ്റുരക്കപ്പെടും.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]