ക​ട​ല്‍ കാ​ക്കാ​ന്‍ ക​രു​ത്തു​മാ​യ് 206 പേ​ര്‍ കൂ​ടി
Sunday, May 26, 2024 8:40 AM IST
ഏ​ഴി​മ​ല: പ്ര​തി​സ​ന്ധി​ക​ളി​ല്‍ ത​ള​രാ​തെ പ്ര​തി​രോ​ധം തീ​ര്‍​ക്കാ​നും രാ​ജ്യ​ത്തി​ന്‍റെ ക​ട​ല​തി​രു​ക​ൾ കാ​ക്കാ​നു​മാ​യി 206 പേ​ർ കൂ​ടി ഏ​ഴി​മ​ല നാ​വി​ക അ​ക്കാ​ഡ​മി​യി​ൽ പ​രി​ശീ​ല​നം പൂ​ർ​ത്തി​യാ​ക്കി നാ​വി​ക സേ​ന​യു​ടെ ഭാ​ഗ​മാ​യി. പാ​സിം​ഗ് ഔ​ട്ട് പ​രേ​ഡി​ൽ വ്യോ​മ​സേ​നാ മേ​ധാ​വി എ​യ​ര്‍ ചീ​ഫ് മാ​ര്‍​ഷ​ല്‍ വി​വേ​ക് റാം ​ചൗ​ധ​രി സ​ല്യൂ​ട്ട് സ്വീ​ക​രി​ച്ചു.

ഫ്ലാ​ഗ് ഓ​ഫീ​സ​ര്‍ ക​മാ​ന്‍​ഡിം​ഗ്-​ഇ​ന്‍-​ചീ​ഫ് സ​തേ​ണ്‍ നേ​വ​ല്‍ ക​മാ​ന്‍​ഡ​ന്‍റ് വൈ​സ് അ​ഡ്മി​റ​ല്‍ വി.​ശ്രീ​നി​വാ​സ്, ഐ​എ​ന്‍​എ ക​മാ​ന്‍​ഡ​ന്‍റ് വൈ​സ് അ​ഡ്മി​റ​ല്‍ വി​നീ​ത് മ​ക്കാ​ര്‍​ട്ടി എ​ന്നി​വ​രും പ​ങ്കെ​ടു​ത്തു. പ​രി​ശീ​ല​നം പൂ​ർ​ത്തി​യാ​ക്കി​യ​വ​രി​ൽ 34 പേ​ർ വ​നി​ത​ക​ളാ​ണ്. ഇ​ന്ത്യ​യു​ടെ സൗ​ഹൃ​ദ രാ​ജ്യ​ങ്ങ​ളാ​യ ശ്രീ​ല​ങ്ക, ബം​ഗ്ലാ​ദേ​ശ്, മാ​ലി​ദ്വീ​പ് എ​ന്നി​വി​ട​ങ്ങ​ളി​ൽ നി​ന്നു​ള്ള പ​ത്തു കേ​ഡ​റ്റു​മാ​രും ഇ​വ​ർ​ക്കൊ​പ്പം പാ​സിം​ഗ് ഔ​ട്ട് ന​ട​ത്തി.

ഇ​ന്ത്യ​ന്‍ നേ​വ​ല്‍ അ​ക്കാ​ഡ​മി കോ​ഴ്സ്, നേ​വ​ല്‍ ഓ​റി​യ​ന്‍റേ​ഷ​ന്‍ കോ​ഴ്സു​ക​ള്‍, നേ​വ​ല്‍ ഓ​റി​യ​ന്‍റേ​ഷ​ന്‍ കോ​ഴ്സ് (കോ​സ്റ്റ് ഗാ​ര്‍​ഡ് ആ​ൻ​ഡ് ഫോ​റി​ന്‍) എ​ന്നി​വ​യി​ല്‍ പ​രി​ശീ​ല​നം പൂ​ര്‍​ത്തി​യാ​ക്കി​യ​വ​രു​ടെ പാ​സിം​ഗ് ഔ​ട്ട് പ​രേ​ഡാ​ണ് ഇ​ന്ന​ലെ ന​ട​ന്ന​ത്. മി​ഡ്ഷി​പ്പ്മാ​ന്‍ പി​ന്‍റി​യ പ്ര​ദീ​പ് കു​മാ​ര്‍ റെ​ഡ്ഡി രാ​ഷ്ട്ര​പ​തി​യു​ടെ സ്വ​ര്‍​ണ മെ​ഡ​ല്‍ നേ​ടി. പ​ഠ​ന​ത്തി​ലും പ്ര​ക​ട​ന​ത്തി​ലും വി​വി​ധ കാ​യി​ക രം​ഗ​ത്തെ മി​ക​വു​ക​ള്‍​ക്കു​മാ​യി തെ​ര​ഞ്ഞെ​ടു​ക്ക​പ്പെ​ട്ട മെ​ഡ​ല്‍ ജേ​താ​ക്ക​ള്‍​ക്ക് വ്യോ​മ​സേ​നാ മേ​ധാ​വി മെ​ഡ​ലു​ക​ള്‍ സ​മ്മാ​നി​ച്ചു. പാ​സിം​ഗ് ഔ​ട്ട് ട്രെ​യി​നി​ക​ളെ​യും മെ​ഡ​ല്‍ ജേ​താ​ക്ക​ളെ​യും ചാ​മ്പ്യ​ന്‍ സ്‌​ക്വാ​ഡ്ര​നെ​യും അ​വ​രു​ടെ ക​ഠി​നാ​ധ്വാ​ന​ത്തെ​യും പ്ര​വ​ര്‍​ത്ത​ന​ത്തെ​യും നാ​വി​ക​സേ​നാ മേ​ധാ​വി അ​ഭി​ന​ന്ദി​ച്ചു. സൈ​നി​ക​രാ​യി രാ​ജ്യ​സേ​വ​ന​ത്തി​ല്‍ പ്ര​തി​ജ്ഞാ​ബ​ദ്ധ​രാ​കു​ന്ന​തി​ന് പ്രാ​പ്ത​രാ​ക്കി​യ മാ​താ​പി​താ​ക്ക​ളെ​യും അ​ഭി​ന​ന്ദി​ച്ചു.

വി​ദേ​ശ രാ​ജ്യ​ങ്ങ​ളി​ലെ കേ​ഡ​റ്റു​ക​ളെ ഉ​ള്‍​പ്പെ​ടു​ത്തി​യു​ള്ള പ​രി​ശീ​ല​നം ഇ​ന്ത്യ​യു​ടെ വി​ദേ​ശ സ​ഹ​ക​ര​ണ​ത്തെ ശ​ക്തി​പ്പെ​ടു​ത്തു​മെ​ന്നും പു​രു​ഷ-​വ​നി​താ വേ​ര്‍​തി​രി​വി​ല്ലാ​ത്ത പ​രി​ശീ​ല​ന രീ​തി ഇ​ന്ത്യ​ന്‍ നാ​വി​ക​സേ​ന​യി​ലെ ഒ​രു നാ​ഴി​ക​ക്ക​ല്ലാ​യി മാ​റു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു. ഇ​ന്ത്യ​ന്‍ നാ​വി​ക​സേ​ന​യു​ടെ യ​ശ​സു​യ​ര്‍​ത്തു​ന്ന​തി​ലും ശ​ക്തി​പ്പെ​ടു​ത്തു​ന്ന​തി​ലു​മാ​യി വ​ലി​യ ഉ​ത്ത​ര​വാ​ദി​ത്വ​മാ​ണ് രാ​ഷ്ട്രം നി​ങ്ങ​ളു​ടെ​മേ​ല്‍ ഏ​ല്‍​പ്പി​ക്കു​ന്ന​തെ​ന്ന് അ​ദ്ദേ​ഹം കേ​ഡ​റ്റു​ക​ളെ ഓ​ർ​മി​പ്പി​ച്ചു.