ഇ​രി​ട്ടി: കൂ​ട്ടു​പു​ഴ-​മാ​ക്കൂ​ട്ടം ചു​രം പാ​ത​യി​ൽ ബ്ര​ഹ്മ​ഗി​രി വ​ന്യ​ജീ​വി സ​ങ്കേ​ത​ത്തി​ലേ​ക്ക് മാ​ലി​ന്യം വ​ലി​ച്ചെ​റി​യു​ന്ന​ത് യാ​ത്ര​ക്കാ​ർ​ക്കും മൃ​ഗ​ങ്ങ​ൾ​ക്കും ശ​ല്യ​മാ​വു​ന്നു. ചാ​ക്ക് ക​ണ​ക്കി​ന് പ്ലാ​സ്‌​റ്റി​ക്, ജൈ​വ മാ​ലി​ന്യ​ങ്ങ​ളാ​ണ് റോ​ഡി​നോ​ട് ചേ​ർ​ന്ന കൊ​ക്ക​യി​ലേ​ക്ക് വ​ലി​ച്ചെ​റി​യു​ന്ന​ത്.

കു​ര​ങ്ങു​ക​ളും മ​റ്റും ചാ​ക്കു​ക​ൾ വ​ലി​ച്ച് കീ​റി മാ​ലി​ന്യം കാ​ട്ട​രു​വി​ക​ളി​ലും ക​ല​രു​ന്നു. ചെ​റു​തും വ​ലു​തു​മാ​യ വാ​ഹ​ന​ത്തി​ൽ എ​ത്തു​ന്ന യാ​ത്ര​ക്കാ​ർ റോ​ഡ​രി​കി​ലും കൊ​ക്ക​യി​ലേ​ക്കു​യ​മാ​യി വ​ലി​ച്ചെ​റി​യു​ന്ന പ്ലാ​സ്‌​റ്റി​ക് ഉ​ൾ​പ്പെ​ട​യു​ള്ള മാ​ലി​ന്യ​ങ്ങ​ൾ ക​ർ​ണാ​ട​ക വ​നം​വ​കു​പ്പ് ആ​ഴ്ച‌​യി​ൽ ഒ​രു ദി​വ​സം ശേ​ഖ​രി​ച്ച് നീ​ക്കം ചെ​യ്യു​ന്നു​ണ്ട്.

മാ​ലി​ന്യ​ച്ചാ​ക്കു​ക​ൾ കു​ര​ങ്ങു​ക​ളും കു​റു​ക്ക​നും മ​റ്റും ക​ടി​ച്ചു കീ​റി ചി​ത​റി പ​ല​പ്പോ​ഴും നീ​ക്കം ചെ​യ്യാ​ൻ പ​റ്റാ​ത്ത സ്‌​ഥി​തി​യുമുണ്ട്. മൃ​ഗ​ങ്ങ​ൾ പ്ലാ​സ്‌​റ്റി​ക് അ​ട​ക്ക​മു​ള്ള​വ ഭ​ക്ഷ​ണ​മാ​ക്കു​ന്ന​തും ചി​ത​റി കി​ട​ക്കു​ന്ന​തും ഗു​രു​ത​ര​മാ​യ പാ​രി​സ്ഥി​തി​ക പ്ര​ശ്ന​ങ്ങ​ൾ​ക്ക് കാ​ര​ണം ആ​കു​ന്നു.

കേ​ര​ള​ത്തി​ൽ പ​ഞ്ചാ​യ​ത്ത് അ​ധി​കൃ​ത​രു​ടെ​യും ആ​രോ​ഗ്യ വ​കു​പ്പി​ന്‍റെ​യും പ​രി​ശോ​ധ​ന ക​ർ​ശ​ന​മാ​യ​തി​നാ​ൽ മാ​ലി​ന്യം ത​ള്ളി​യ​വ​ർ പി​ടി​യി​ലാ​വു​ന്ന സ്ഥി​തി​യാ​ണ്.

ഇ​ത് മ​റി​ക​ട​ക്കാ​നാ​ണ് മാ​ലി​ന്യം ക​ർ​ണാ​ട​ക വ​ന​ത്തി​ൽ ആ​ളൊ​ഴി​ഞ്ഞ പ്ര​ദേ​ശ​ങ്ങ​ളി​ൽ വ​ലി​ച്ചെ​റി​യു​ന്ന​തെ​ന്നാ​ണ് ആ​ക്ഷേ​പം. കേ​ര​ള​ത്തി​ൽ ച​ര​ക്ക് ഇ​റ​ക്കി മ​ട​ങ്ങി​പ്പോ​കു​ന്ന വാ​ഹ​ങ്ങ​ളി​ൽ മാ​ലി​ന്യം ക​യ​റ്റി വ​ന​മേ​ഖ​ല​യി​ൽ നി​ക്ഷേ​പി​ച്ച സം​ഭ​വം മു​ൻ​പ് ഉ​ണ്ട​യി​ട്ടു​ണ്ട് . അ​ധി​കൃ​ത​രു​ടെ ശ്ര​ദ്ധ​യി​ൽ പെ​ട്ടാ​ൽ ക​ന​ത്ത പി​ഴ​യാ​ണ് ന​ൽ​കേ​ണ്ടി വ​രു​ന്ന​ത് . എ​ങ്കി​ലും പ​ല​വാ​ഹ​ന​ത്തി​ലും മാ​ലി​ന്യം എ​ത്തി​ക്കു​ന്ന​ത് പ​ണം വാ​ങ്ങി​യ ശേ​ഷ​മാ​ണ്.

വ​ന​പാ​ത​യി​ൽ സി​സി ടി​വി കാ​മ​റ​ക​ൾ സ്‌​ഥാ​പി​ക്കു​ക​യോ, കൂ​ട്ടു​പു​ഴ ചെ​ക്ക് പോ​സ്‌​റ്റി​ലും വ​നാ​തി​ർ​ത്തി​യി​ൽ പെ​രു​മ്പാ​ടി ചെ​ക്ക് പോ​സ്‌​റ്റി​ലും വാ​ഹ​ന പ​രി​ശോ​ധ​ന ക​ർ​ശ​ന​മാ​ക്കു​ക​യൊ ചെ​യ്‌​താ​ൽ മാ​ലി​ന്യം ത​ള്ള​ൽ ഒ​രു പ​രി​ധി​വ​രെ നി​യ​ന്ത്രി​ക്കാ​ൻ ക​ഴി​യു​മെ​ന്നാ​ണ് പ്ര​തീ​ക്ഷ.