നി​ല​മ്പൂ​ര്‍: നി​ല​മ്പൂ​രി​ലെ ആ​ദി​വാ​സി കൂ​ട്ടാ​യ്മ ഭൂ​സ​മ​ര​ത്തി​ന് ഐ​ക്യ​ദാ​ര്‍​ഡ്യം പ്ര​ഖ്യാ​പി​ച്ച് സ​മ​ര​പ​ന്ത​ലി​ല്‍ ഗ്രോ ​വാ​സു​വും മോ​യി​ന്‍​ബാ​പ്പു​വും ഉ​പ​വാ​സ സ​മ​രം തു​ട​ങ്ങി. ഇ​ന്ന​ലെ വൈ​കു​ന്നേ​രം അ​ഞ്ചി​നു തു​ട​ങ്ങി​യ ഉ​പ​വാ​സ സ​മ​രം ഇ​ന്നു സ​മാ​പി​ക്കും.

കാ​ടു​ക​ളി​ല്‍ നി​ന്നു പു​റ​ത്താ​ക്ക​പ്പെ​ട്ട ആ​ദി​വാ​സി കു​ടും​ബ​ങ്ങ​ള്‍ നേ​രി​ടു​ന്ന വ​ലി​യ പ്ര​ശ്ന​ങ്ങ​ളി​ല്‍ ഒ​ന്നാ​ണ് സ്വ​ന്തം ഭൂ​മി എ​ന്ന​തെ​ന്നും മ​നു​ഷ്യാ​വ​കാ​ശ പ്ര​വ​ര്‍​ത്ത​ക​നാ​യ ഗ്രോ​വാ​സു പ​റ​ഞ്ഞു. സം​സ്ഥാ​ന​ത്ത് വ​ന്‍​കി​ട കു​ത്ത​ക​ക​ളു​ടെ കൈ​ക​ളി​ല്‍ അ​ഞ്ചു​ല​ക്ഷം ഏ​ക്ക​ര്‍ സ്ഥ​ലം ഉ​ണ്ടെ​ന്ന് പ​റ​ഞ്ഞ​ത് സി​പി​എം നേ​താ​വും മു​ന്‍ മ​ന്ത്രി​യു​മാ​യ എ.​കെ. ബാ​ല​നാ​ണ്. ഇ​തു പി​ടി​ച്ചെ​ടു​ത്ത് ഭൂ​ര​ഹി​ത​രാ​യ ആ​ദി​വാ​സി​ക​ള്‍​ക്ക് ഉ​ള്‍​പ്പെ​ടെ ന​ല്‍​കേ​ണ്ട​ത് സം​സ്ഥാ​ന സ​ര്‍​ക്കാ​രാ​ണ്.

ഏ​റ്റ​വും സ​മാ​ധാ​ന​പ​ര​മാ​യി ക​ഴി​ഞ്ഞ 209 ദി​വ​സ​മാ​യി നി​ല​മ്പൂ​ര്‍ ഐ​ടി​ഡി​പി ഓ​ഫീ​സി​ന് മു​ന്നി​ല്‍ ബി​ന്ദു വൈ​ലാ​ശേ​രി​യു​ടെ നേ​തൃ​ത്വ​ത്തി​ല്‍ ന​ട​ക്കു​ന്ന സ​മ​രം കേ​ര​ള​ച​രി​ത്ര​ത്തി​ലെ പ്ര​ധാ​ന സ​മ​ര​ങ്ങ​ളി​ല്‍ ഒ​ന്നാ​ണെ​ന്നും അ​ദ്ദേ​ഹം പ​റ​ഞ്ഞു.

പി.​വി. അ​ന്‍​വ​ര്‍ എം​എ​ല്‍​എ ആ​ദി​വാ​സി സ​മ​ര​ത്തെ​യും സ​മ​ര​ക്കാ​രെ​യും അ​ധി​ക്ഷേ​പി​ച്ചു​വെ​ന്നു സ​മ​ര​നേ​താ​വ് ബി​ന്ദു വൈ​ലാ​ശേ​രി ആ​രോ​പി​ച്ചി​രു​ന്നു. നാ​ലു ദി​വ​സ​മാ​യി ന​ട​ത്തി​വ​ന്ന ഉ​പ​വാ​സ സ​മ​രം ബി​ന്ദു​വി​ന് ഗ്രോ​വാ​സു വെ​ള്ളം ന​ല്‍​കി​യ​തോ​ടെ അ​വ​സാ​നി​പ്പി​ച്ചു. നി​രാ​ഹാ​ര സ​മ​രം തു​ട​രും. മ​നു​ഷ്യാ​വ​കാ​ശ പ്ര​വ​ര്‍​ത്ത​ക​രാ​യ മോ​യി​ന്‍ ബാ​പ്പു, കു​ഞ്ഞി​ക്കോ​യ വാ​ഴ​ക്കാ​ട്, സ​മ​ര​സ​മി​തി അം​ഗം പി.​സി. ഗി​രി​ദാ​സ​ന്‍, സ​ദാ​ന​ന്ദ​ന്‍ എ​ന്നി​വ​ര്‍ പ്ര​സം​ഗി​ച്ചു.