പൊ​ന്നാ​നി: സ​ര്‍​വ​ത​ല സ്പ​ര്‍​ശി​യാ​യ സാ​മൂ​ഹി​ക നീ​തി​യി​ല്‍ അ​ധി​ഷ്ഠി​ത​മാ​യ വി​ക​സ​ന​മാ​ണ് സ​ര്‍​ക്കാ​ര്‍ ന​ട​പ്പാ​ക്കു​ന്ന​തെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍. പൊ​ന്നാ​നി ഹാ​ര്‍​ബ​ര്‍ ഗ്രൗ​ണ്ടി​ല്‍ ന​ട​ന്ന പൊ​ന്നാ​നി മ​ണ്ഡ​ല ന​വ​കേ​ര​ള സ​ദ​സി​ന്‍റെ ഉ​ദ്ഘാ​ട​നം നി​ര്‍​വ​ഹി​ക്കു​ക​യാ​യി​രു​ന്നു മു​ഖ്യ​മ​ന്ത്രി.

പ്രാ​ഥ​മി​ക ആ​രോ​ഗ്യ കേ​ന്ദ്ര​ങ്ങ​ള്‍ കു​ടും​ബാ​രോ​ഗ്യ കേ​ന്ദ്ര​ങ്ങ​ളാ​ക്കി ഉ​യ​ര്‍​ത്തി​യും താ​ലൂ​ക്ക് ആ​ശു​പ​ത്രി മു​ത​ല്‍ മെ​ഡി​ക്ക​ല്‍ കോ​ള​ജു​ക​ളി​ല്‍ വ​രെ സൂ​പ്പ​ര്‍ സ്പെ​ഷാ​ലി​റ്റി സൗ​ക​ര്യം ഒ​രു​ക്കി​യും വി​പു​ല​മാ​യ അ​ടി​സ്ഥാ​ന സൗ​ക​ര്യ​മാ​ണ് ആ​രോ​ഗ്യ മേ​ഖ​ല​യി​ല്‍ ന​ട​പ്പാ​ക്കി​യ​ത്.

കോ​വി​ഡ് കാ​ല​ത്ത് മ​റ്റ് സം​സ്ഥാ​ന​ങ്ങ​ളി​ല്‍ വൈ​ഷ​മ്യം നേ​രി​ട്ട​പ്പോ​ള്‍ ഓ​ക്സി​ജ​ന്‍ ബെ​ഡ്, ഐ​സി​യു ബെ​ഡ്, വെ​ന്‍റി​ലേ​റ്റ​ര്‍ തു​ട​ങ്ങി​യ സൗ​ക​ര്യ​ങ്ങ​ള്‍ ഇ​വി​ടെ സ​ജ്ജ​മാ​യി​രു​ന്നു. ഇ​ത് ആ​ര്‍​ദ്ര മി​ഷ​ന്‍ ശാ​ക്തീ​ക​രി​ച്ച് നേ​ടി​യെ​ടു​ത്ത​താ​ണ്.

കോ​വി​ഡ് ബാ​ധി​ത​രെ മു​ഴു​വ​ന്‍ സൗ​ജ​ന്യ​മാ​യി സം​സ്ഥാ​നം ചി​കി​ത്സി​ച്ചു. ക​ഴി​ഞ്ഞ ഏ​ഴ​ര വ​ര്‍​ഷ​ക്കാ​ല​മാ​യി 10 ല​ക്ഷ​ത്തി​ല​ധി​കം വി​ദ്യാ​ര്‍​ഥി​ക​ള്‍ സ​ര്‍​ക്കാ​ര്‍ സ്കൂ​ളി​ല്‍ വ​ര്‍​ധി​ച്ചു. പൊ​തു​വി​ദ്യാ​ല​യ​ങ്ങ​ളു​ടെ സ്വീ​കാ​ര്യ​ത​യും വ​ര്‍​ഷം​തോ​റും കൂ​ടി​വ​രു​ന്നു.

എ​ല്ലാ മേ​ഖ​ല​യി​ലും കേ​ര​ളം മി​ക​വോ​ടെ മു​ന്നോ​ട്ടു പോ​കു​ന്നു​ണ്ടെ​ങ്കി​ലും അ​ര്‍​ഹ​ത​പ്പെ​ട്ട ആ​നു​കൂ​ല്യ​ങ്ങ​ള്‍ നി​ഷേ​ധി​ക്കു​ന്ന സ​മീ​പ​ന​മാ​ണ് കേ​ന്ദ്ര​ത്തി​ന്‍റേ​ത്. 57,000ത്തി​ല​ധി​കം കോ​ടി രൂ​പ​യാ​ണ് കേ​ര​ള​ത്തി​ന് ല​ഭി​ക്കാ​നു​ള്ള​ത്. ഇ​ത്ത​ര​ത്തി​ല്‍ പ​ണം ത​ട​ഞ്ഞു​വ​ച്ച് കേ​ര​ള​ത്തെ പി​റ​കോ​ട്ട​ടി​പ്പി​ക്കു​ന്ന സാ​ഹ​ച​ര്യ​ത്തി​ലും കേ​ര​ളം ത​ള​രാ​തെ മു​ന്നോ​ട്ടു പോ​കു​ന്ന​തി​ന്‍റെ തെ​ളി​വാ​ണ് ന​വ​കേ​ര​ള സ​ദ​സി​ന് ല​ഭി​ക്കു​ന്ന ബൃ​ഹ​ത്താ​യ ജ​ന​പി​ന്തു​ണ​യെ​ന്നും മു​ഖ്യ​മ​ന്ത്രി പ​റ​ഞ്ഞു.

പ​രി​പാ​ടി​യി​ല്‍ പി. ​ന​ന്ദ​കു​മാ​ര്‍ എം​എ​ല്‍​എ അ​ധ്യ​ക്ഷ​നാ​യി​രു​ന്നു. മ​ന്ത്രി​മാ​രാ​യ വി. ​ശി​വ​ന്‍​കു​ട്ടി, കെ. ​രാ​ധാ​കൃ​ഷ്ണ​ന്‍, പി. ​പ്ര​സാ​ദ് തു​ട​ങ്ങി​യ​വ​ര്‍ പ്ര​സം​ഗി​ച്ചു. മ​റ്റ് മ​ന്ത്രി​മാ​ര്‍, മു​ന്‍ സ്പീ​ക്ക​ര്‍ പി. ​ശ്രീ​രാ​മ​കൃ​ഷ്ണ​ന്‍, ചീ​ഫ് സെ​ക്ര​ട്ട​റി വി. ​വേ​ണു തു​ട​ങ്ങി​യ​വ​രും സം​ബ​ന്ധി​ച്ചു. നോ​ഡ​ല്‍ ഓ​ഫീ​സ​റും ഫി​ഷ​റീ​സ് ഡെ​പ്യൂ​ട്ടി ഡ​യ​റ​ക്ട​റു​മാ​യ പി.​കെ. ര​ഞ്ജി​നി സ്വാ​ഗ​ത​വും പൊ​ന്നാ​നി ത​ഹ​സി​ല്‍​ദാ​ര്‍ കെ.​ജി സു​രേ​ഷ് കു​മാ​ര്‍ ന​ന്ദി​യും പ​റ​ഞ്ഞു.