വണ്ടന്മേട്: മാസ് ഗ്രൂപ്പ് ഓഫ് കന്പനി ചെയർമാൻ ടി.ടി. ജോസ് ഓർമയായി. വണ്ടന്മേട് സെന്റ് ആന്റണീസ് പള്ളിയിൽ ബിഷപ് മാർ ജോസ് പുളിക്കൽ, മാർ മാത്യു അറയ്ക്കൽ എന്നിവരുടെ കാർമികത്വത്തിലായിരുന്നു സംസ്കാരം. കേരളത്തിലെയും തമിഴ്നാട്ടിലെയും സാമൂഹ്യ, രാഷ്ട്രീയ, മതനേതാക്കൾ അന്തിമോപചാരം അർപ്പിക്കാനെത്തിയിരുന്നു. ഇടുക്കി ബിഷപ് മാർ ജോണ് നെല്ലിക്കുന്നൽ ആശുപത്രിയിലെത്തി ആദരാഞ്ജലികൾ അർപ്പിച്ചു.
മൃതദേഹം വെള്ളിയാഴ്ച ഉച്ചകഴിഞ്ഞ് മൂന്നോടെ വണ്ടന്മേട് മാസ് കോർപറേറ്റ് ഓഫീസിൽ എത്തിച്ച് ആദരാഞ്ജലികൾ അർപ്പിച്ച ശേഷമാണ് വീട്ടിലേക്കു കൊണ്ടുപോയത്. അപ്പോൾ മുതൽ ആയിരക്കണക്കിനാളുകൾ ആദരാഞ്ജലികൾ അർപ്പിക്കാനെത്തിക്കൊണ്ടിരുന്നു. കർദിനാൾ മാർ ജോർജ് ആലഞ്ചേരി അനുശേചന സന്ദേശം അറിയിച്ചു.
സംസ്കാരത്തിനു ശേഷം പള്ളി ഹാളിൽ നടന്ന അനുശോചന യോഗത്തിൽ ഫാ. മാത്യു പായിക്കാട്ട്, രാരിച്ചൻ നീറണാകുന്നേൽ, സ്റ്റെനി പോത്തൻ, ജോസഫ് വാഴയ്ക്കൻ, കന്പം രാമകൃഷ്ണൻ എംഎൽഎ, ജോയ്സ് ജോർജ്, ജിജി കെ. ഫിലിപ്, ജോയി വെട്ടിക്കുഴി, മാത്യു സ്റ്റീഫൻ, ഇ.എം. ആഗസ്തി, വി.ആർ. ശശി, ആർ. മണിക്കുട്ടൻ, ആർ. കുമാർ തുടങ്ങിയവർ പ്രസംഗിച്ചു.
Tags : LOCAL