തൊടുപുഴ: ശബരിമല ക്ഷേത്രത്തിന്റെ വസ്തുവകകൾ കൊള്ളയടിക്കുന്ന ഭരണതല അഴിമതിക്കെതിരേ പോരാടണമെന്ന് കേരള കോണ്ഗ്രസ് ചെയർമാൻ പി.ജെ.ജോസഫ് എംഎൽഎ
ആം ആദ്മി പാർട്ടിയിൽ നിന്നും രാജി വച്ചു വന്ന ജില്ലാ നിയോജക, മുനിസിപ്പൽ മണ്ഡലം ഭാരവാഹികളെ സ്വാഗതം ചെയ്ത് തൊടുപുഴയിൽ നടത്തിയ ഓപ്പണ് ഫോറം ഉദ്ഘാടനം ചെയ്യുകയായിരുന്നു അദ്ദേഹം.
പാർട്ടി നിയോജകമണ്ഡലം പ്രസിഡന്റ് ബ്ലെയിസ് ജി. വാഴയിൽ അധ്യക്ഷത വഹിച്ചു. ജില്ലാ പ്രസിഡന്റ് പ്രഫ. എം.ജെ. ജേക്കബ്, സംസ്ഥാന ജനറൽ സെക്രട്ടറി എം.മോനിച്ചൻ, ഫിലിപ്പ് ചേരിയിൽ, ക്ലമന്റ് ഇമ്മാനുവൽ , ജെയിസ് ജോണ്, പ്രദീപ് ആക്കിപ്പറന്പിൽ, ജോയി പുത്തേട്ട്, ജസ്റ്റിൻ ചെന്പകത്തിനാൽ, അജിത്ത് വരിക്കമാക്കൽ എന്നിവർ പ്രസംഗിച്ചു. എഎപി നേതാക്കളായ മൈക്കിൾ തെക്കേൽ, റൂബി വർഗീസ്, ബാബു പോൾ, നിമിൻ മാമൂട്ടിൽ, അഡ്വ. രേഷ്മ ചെറിയാൻ എന്നിവർക്ക് പി.ജെ. ജോസഫ് അംഗത്വം നൽകി.
Tags : LOCAL