ഹോ​സ്റ്റ​ൽ ശോ​ച​നീ​യ​ാവ​സ്ഥയിൽ; മെ​ഡി. വി​ദ്യാ​ർ​ഥി​ക​ൾ പി​ഡ​ബ്ല്യു​ഡി ഓ​ഫീ​സ് ഉ​പ​രോ​ധി​ച്ചു
Thursday, July 4, 2024 6:50 AM IST
ഗാ​ന്ധി​ന​ഗ​ർ: കോ​ട്ട​യം മെ​ഡി​ക്ക​ൽ കോ​ള​ജി​ലെ എം​ബി​ബി​എ​സ് വി​ദ്യാ​ർ​ഥി​ക​ളു​ടെ മെ​ൻ​സ് ഹോ​സ്റ്റ​ലി​ൽ അ​റ്റ​കു​റ്റ​പ്പ​ണി​ക​ൾ ന​ട​ത്താ​ത്ത​തി​ൽ പ്ര​തി​ഷേ​ധി​ച്ച് എ​സ്എ​ഫ്ഐ വി​ദ്യാ​ർ​ഥി​ക​ൾ പൊ​തു​മ​രാ​മ​ത്ത് വ​കു​പ്പ് ഓ​ഫീ​സ് ഉ​പ​രോ​ധി​ച്ചു.

മെ​ഡി​ക്ക​ൽ കോ​ള​ജി​ന്‍റെ ആ​രം​ഭ​കാ​ല​ത്ത് വി​ദ്യാ​ർ​ഥി​ക​ളു​ടെ താ​മ​സ​ത്തി​നാ​യി നി​ർ​മി​ച്ച മെ​ൻ​സ് ഹോ​സ്റ്റ​ൽ 60 വ​ർ​ഷം പി​ന്നി​ട്ട​പ്പോ​ൾ മ​തി​യാ​യ അ​റ്റ​കു​റ്റ​പ്പ​ണി​ക​ൾ ന​ട​ത്താ​തെ നാ​ശ​ത്തി​ന്‍റെ വ​ക്കി​ലാ​ണ്. മു​ക​ളി​ൽ​നി​ന്ന് കോ​ൺ​ക്രീ​റ്റ് പാ​ളി​ക​ൾ അ​ട​ർ​ന്നു​വീ​ഴു​ന്ന​ത് ഇ​വി​ടെ നി​ത്യ​സം​ഭ​വ​മാ​ണ്. ഇ​ത് വി​ദ്യാ​ർ​ഥി​ക​ളു​ടെ ജീ​വ​നു ത​ന്നെ ഭീ​ഷ​ണി​യാ​ണ്.

ക​ഴി​ഞ്ഞ​ദി​വ​സം സി​മ​ന്‍റ് പാ​ളി അ​ട​ർ​ന്ന് വീ​ണ് ഒ​രു വി​ദ്യാ​ർ​ഥി​ക്ക് പ​രി​ക്കേ​റ്റി​രു​ന്നു. ഈ ​വി​വ​രം വി​ദ്യാ​ർ​ഥി​ക​ൾ കോ​ള​ജ് അ​ധി​കൃ​ത​രെ അ​റി​യി​ച്ചു. തു​ട​ർ​ന്ന് കോ​ള​ജ് അ​ധി​കൃ​ത​ർ ആ​രോ​ഗ്യ വി​ദ്യാ​ഭ്യാ​സ അ​ധി​കൃ​ത​രെ വി​വ​ര​മ​റി​യി​ച്ചെ​ങ്കി​ലും യാ​തൊ​രു ന​ട​പ​ടി​യും ഇ​തു​വ​രെ സ്വീ​ക​രി​ച്ചി​ട്ടി​ല്ല.

ഇ​തി​നെ​തി​രേ​യാ​ണ് എ​സ്എ​ഫ്ഐ വി​ദ്യാ​ർ​ഥി​ക​ൾ പൊ​തു​മ​രാ​മ​ത്ത് വ​കു​പ്പ് ഓ​ഫീ​സി​ലേ​ക്ക് ധ​ർ​ണ ന​ട​ത്തി​യ​ത്. വി​ദ്യാ​ർ​ഥി പ്ര​തി​നി​ധി​ക​ളാ​യ അ​ബൂ​ബ​ക്ക​ർ, ആ​ദി​ൽ എ​ന്നി​വ​ർ പ്ര​സം​ഗി​ച്ചു.

വ​കു​പ്പു​ക​ൾ ത​മ്മി​ലു​ള്ള ത​ർ​ക്കം അ​റ്റ​കു​റ്റ​പ്പണി​ക​ൾ​ക്കു ത​ട​സം

ഗാ​ന്ധി​ന​ഗ​ർ: ആ​രോ​ഗ്യ വി​ദ്യാ​ഭ്യാ​സ വ​കു​പ്പും പൊ​തു​മ​രാ​മ​ത്ത് വ​കു​പ്പും ത​മ്മി​ലു​ള്ള ത​ർ​ക്ക​മാ​ണ് ഹോ​സ്റ്റ​ൽ കെ​ട്ടി​ട​ത്തി​ന്‍റെ അ​റ്റ​കു​റ്റ​പ്പ​ണി​ക​ൾ​ക്കു ത​ട​സ​മാ​കു​ന്ന​തെ​ന്നാ​ണ് ആ​ക്ഷേ​പം. കെ​ട്ടി​ട​ത്തി​ന്‍റെ പ​ഴ​ക്കം സം​ബ​ന്ധി​ച്ചും നി​ല​വി​ലെ സ്ഥി​തി​യെ സം​ബ​ന്ധി​ച്ചും ആ​രോ​ഗ്യ വി​ദ്യാ​ഭ്യാ​സ വ​കു​പ്പു​മാ​യി മെ​ഡി​ക്ക​ൽ കോ​ള​ജ് അ​ധി​കൃ​ത​ർ ച​ർ​ച്ച ന​ട​ത്തി​യി​രു​ന്നു. തു​ട​ർ​ന്ന് ഇ​തു സം​ബ​ന്ധി​ച്ച് ആ​രോ​ഗ്യ​വ​കു​പ്പ് പൊ​തു​മ​രാ​മ​ത്തു വ​കു​പ്പു​മാ​യും ച​ർ​ച്ച ന​ട​ത്തി.

ഹോ​സ്റ്റ​ൽ കെ​ട്ടി​ട​ത്തി​ന്‍റെ അ​റ്റ​കു​റ്റ​പ്പ​ണി​ക​ൾ​ക്കു​ള്ള തു​ക കോ​ട്ട​യം മെ​ഡി​ക്ക​ൽ കോ​ള​ജ് മു​ൻ​കൂ​റാ​യി ന​ല്കി​യാ​ൽ മാ​ത്ര​മെ പ​ണി​ക​ൾ ആ​രം​ഭി​ക്കു​വാ​ൻ ക​ഴി​യൂ എ​ന്ന നി​ല​പാ​ടി​ലാ​ണ് പൊ​തു​മ​രാ​മ​ത്ത് വ​കു​പ്പ്. എ​ന്നാ​ൽ, പ​ണി തീ​ർ​ത്ത് ബി​ൽ ന​ൽ​കി​യാ​ൽ മാ​ത്ര​മെ പ​ണം ന​ല്കാ​ൻ സാ​ധി​ക്കൂ എ​ന്ന​താ​ണ് മു​ൻ​കാ​ല​ങ്ങ​ളി​ലെ കീ​ഴ്‌വഴ​ക്ക​മെ​ന്നും അ​തി​നാ​ൽ അ​റ്റ​കു​റ്റ​പ്പ​ണി പൂ​ർ​ത്തീ​ക​രി​ക്ക​ണ​മെ​ന്ന് ആ​രോ​ഗ്യ വി​ദ്യാ​ഭ്യാ​സ വ​കു​പ്പും പ​റ​യു​ന്ന​ത്.

വ​കു​പ്പു​ക​ൾ ത​മ്മി​ൽ ഏ​കോ​പ​ന​മു​ണ്ടാ​യാ​ൽ മാ​ത്ര​മേ ഇ​തി​നു പ​രി​ഹാ​ര​മാ​കു​ക​യു​ള്ളൂ. ഒ​രു മു​റി​ക്കു​ള്ളി​ൽ അ​ഞ്ചും ആ​റും വി​ദ്യാ​ർ​ഥി​ക​ളാ​ണ് നി​ല​വി​ൽ താ​മ​സി​ക്കു​ന്ന​ത്. ഹോ​സ്റ്റ​ൽ സൗ​ക​ര്യം വ​ർ​ധി​പ്പി​ക്കു​ക​യോ പു​തി​യ കെ​ട്ടി​ടം പ​ണി​യു​ക​യോ മാ​ത്ര​മാ​ണ് ഇ​തി​നു​ള്ള ഏ​ക മാ​ർ​ഗ​മെ​ന്ന് വി​ദ്യാ​ർ​ഥി​ക​ൾ പ​റ​യു​ന്നു.
Copyright @ 2018 , Rashtra Deepika Ltd.