കോ​ഴാ​യി​ലെ ഡി​വൈ​ഡ​ർ വീ​ണ്ടും വി​ല്ല​നാ​യി; ത​ടി​ലോ​റി മ​റി​ഞ്ഞു
Friday, July 5, 2024 10:52 PM IST
കു​റ​വി​ല​ങ്ങാ​ട്: എം​സി റോ​ഡി​ൽ ന​ട​ത്തി​യ വി​ക​സ​ന​പ്ര​വ​ർ​ത്ത​ന​ങ്ങ​ൾ പ​ല​തും അ​ശാ​സ്ത്രീ​യ​​മെന്ന ആ​ക്ഷേ​പ​ങ്ങ​ൾ​ക്കി​ട​യി​ൽ കോ​ഴാ​യി​ലെ ഡി​വൈ​ഡ​ർ വീ​ണ്ടും വി​ല്ല​നാ​യി.

കോ​ഴാ​യി​ലും കു​റ​വി​ല​ങ്ങാ​ട് സെ​ൻ​ട്ര​ൽ ജം​ഗ്ഷ​നി​നും റോ​ഡ് വി​ക​സ​ന​ത്തി​ന്‍റെ ഭാ​ഗ​മാ​യി സ്ഥാ​പി​ച്ചി​ച്ചു​ള്ള ഡി​വൈ​ഡ​റു​ക​ളി​ൽ അ​പ​ക​ട​ങ്ങ​ൾ സാ​ധാ​ര​ണ​മാ​യി​ട്ടു​ണ്ട്. പ​ല​പ്പോ​ഴും ത​ല​നാ​രി​ഴ​യ്ക്കാ​ണ് മ​ര​ണം വ​ഴി​മാ​റു​ന്ന​ത്. കോ​ഴാ ജം​ഗ്ഷ​നി​ൽ ഇ​ന്ന​ലെ പു​ല​ർ​ച്ചെ ത​ടി​ലോ​റി മ​റി​ഞ്ഞ​താ​ണ് അ​പ​ക​ട​ങ്ങ​ളി​ൽ അ​വ​സാ​ന​ത്തേ​ത്.

തി​രു​വ​ന​ന്ത​പു​ര​ത്തു​നി​ന്ന് പെ​രു​മ്പാ​വൂ​രി​ലേ​ക്ക് ത​ടി​യു​മാ​യി പോ​യ ലോ​റി​യാ​ണ് മ​റി​ഞ്ഞ​ത്. ലോ​റി ഡി​വൈ​ഡ​റി​ന്‍റെ ആ​രം​ഭ​ഭാ​ഗ​ത്തേ​ക്ക് ക​യ​റി​യ​തോ​ടെ റോ​ഡി​ലേ​ക്ക് മ​റി​യു​ക​യാ​യി​രു​ന്നു. ഈ ​സ​മ​യം മ​റ്റ് വാ​ഹ​ന​ങ്ങ​ളും യാ​ത്ര​ക്കാ​രും വ​ഴി​യി​ലി​ല്ലാ​തി​രു​ന്ന​തി​നാ​ൽ വ​ൻ അ​പ​ക​ടം ഒ​ഴി​വാ​യി. ലോ​റി ഡ്രൈ​വ​ർ തി​രു​വ​ന​ന്ത​പു​രം സ്വ​ദേ​ശി സ​ന്തോ​ഷ് (34) നി​സാ​ര​മാ​യ പ​രിക്കു​ക​ളോ​ടെ ര​ക്ഷ​പ്പെ​ട്ടു.

ലോ​റി ന​ടു​റോ​ഡി​ൽ മ​റി​ഞ്ഞ​തോ​ടെ മ​ണി​ക്കൂ​റു​ക​ളോ​ളും ഗ​താ​ഗ​ത​ത​ട​സ​മു​ണ്ടാ​യി. ഇ​തി​നു മു​ൻ​പും ഇ​തേ സ്ഥ​ല​ത്ത് ത​ടി​ലോ​റി മ​റി​ഞ്ഞി​രു​ന്നു. സെ​ൻ​ട്ര​ൽ ജം​ഗ്ഷ​നി​ലെ ഡി​വൈ​ഡ​റി​ലും ത​ടി​ലോ​റി​ക​ള​ട​ക്കം മ​റി​യു​ന്നു​ണ്ടെ​ങ്കി​ലും ശാ​സ്ത്രീ​യ പ​രി​ഹാ​ര​ങ്ങ​ളു​ണ്ടാ​കു​ന്നി​ല്ല.
Copyright @ 2018 , Rashtra Deepika Ltd.