റാംസേ ഹെല്ത്ത് കെയര് ഗ്രൂപ്പുമായും അരിസോണ സ്റ്റേറ്റ് യൂണിവേഴ്സിറ്റിയുമായും എച്ച്സിഐ ഗ്രൂപ്പ് സംയുക്തമായി പ്രവര്ത്തിക്കുന്നതിനുള്ള സിന്റാന എഡ്യുക്കേഷന് സ്ട്രാറ്റജി കൊളാബൊറേഷന് ലോഞ്ചിന്റെ ഉദ്ഘാടനം ഹൈബി ഈഡന് എംപി നിര്വഹിച്ചു.
എച്ച്സിഐ ഗ്രൂപ്പ് സിഇഒയും എംഡിയുമായ ഡോ. ബിജോ കുന്നുംപുറത്ത് അധ്യക്ഷത വഹിച്ചു. മുന് ധനമന്ത്രി ഡോ. തോമസ് ഐസക് മുഖ്യപ്രഭാഷണം നടത്തി. ആരോഗ്യരംഗത്ത് ജോലി അധിഷ്ഠിതമായ വിദ്യാഭ്യാസം എന്നതും ആഗോളതലത്തില് നഴ്സുമാരുടെയും മറ്റ് ആരോഗ്യപ്രവര്ത്തകരുടെയും കുറവ് പരിഹരിക്കുക എന്നതുമാണ് ഉടന്പടികൊണ്ട് ഉദ്ദേശിക്കുന്നതെന്ന് ഡോ. ബിജോ കുന്നുംപുറത്ത് പറഞ്ഞു.