കണ്ണട ലെന്‍സ് നിര്‍മാണരംഗത്തേക്ക് ബോചെ
Thursday, September 19, 2024 12:27 AM IST
തൃശൂര്‍: കണ്ണട ലെന്‍സ് നിര്‍മാണരംഗത്ത് പുതിയ കാല്‍വയ്പുമായി ബോചെ. ബോബി ഗ്രൂപ്പിന്‍റെ ഏറ്റവും പുതിയ സംരംഭമായ ബോചെ ആര്‍എക്‌സ് ലെന്‍സിന്‍റെ മാനുഫാക്ചറിംഗ് യൂണിറ്റ് 22ന് രാവിലെ 10.30ന് ബോചെ ഉദ്ഘാടനം ചെയ്യും.
നടി മാളവിക മേനോന്‍ മുഖ്യാതിഥിയാകും. ബോചെ ലെന്‍സിന്‍റെ വിശാലമായ ഒഫ്താല്‍മിക് മാനുഫാക്ചറിംഗ് യൂണിറ്റ് തൃശൂര്‍ ചിറ്റിശേരിയിലാണു പ്രവര്‍ത്തനമാരംഭിക്കുന്നത്.
നിര്‍മിത ബുദ്ധിയുടെയും ഡിജിറ്റല്‍ ഫ്രീഫോം ടെക്‌നോളജിയുടെയും സഹായത്തോടെ അമേരിക്കന്‍ ലെന്‍സ് കട്ടിംഗ് മെഷീന്‍, സ്വിസ് നിര്‍മിത കോട്ടിംഗ് മെഷീന്‍ എന്നിങ്ങനെ അത്യാധുനിക യന്ത്രങ്ങള്‍ ഉപയോഗിച്ചാണ് ലെന്‍സുകളുടെ നിര്‍മാണം. ഇന്ത്യയില്‍ മാത്രമല്ല, അന്താരാഷ്‌ട്രവിപണിയിലും ഇനിമുതല്‍ ബോചെ ലെന്‍സുകള്‍ ലഭ്യമാകുമെന്ന് ബോചെ അറിയിച്ചു.