ഗാസയിൽ വാക്സിനേഷൻ മുടങ്ങി
Wednesday, October 23, 2024 11:59 PM IST
കയ്റോ: ഇസ്രേലി സേന വ്യോമാക്രമണം തുടരുന്നതിനാൽ വടക്കൻ ഗാസയിൽ പോളിയോ വാക്സിനേഷൻ നീട്ടിവച്ചതായി ലോകാരോഗ്യ സംഘടന അറിയിച്ചു.
ഗാസയിലെ 1.2 ലക്ഷത്തോളം കുട്ടികൾക്ക് തുള്ളിമരുന്നു നല്കാനുള്ള പദ്ധതിയുടെ അന്തിമഘട്ടം ഇന്നലെ തുടങ്ങേണ്ടിയിരുന്നതാണ്. ഇസ്രേലി ആക്രമണം മൂലം രക്ഷിതാക്കൾക്കു കുട്ടികളുമായി വാക്സിനേഷൻ കേന്ദ്രങ്ങളിലെത്താൻ കഴിയുന്നില്ല. ജനങ്ങളുടെയും ആരോഗ്യപ്രവർത്തകരുടെയും സുരക്ഷ അപകടത്തിലാണെന്നു ലോകാരോഗ്യ സംഘടന ചൂണ്ടിക്കാട്ടി.
25 വർഷത്തിനുശേഷം ഗാസയിൽ പോളിയോ സ്ഥിരീകരിച്ച പശ്ചാത്തലത്തിലാണു വാക്സിനേഷൻ തുടങ്ങിയത്.