ഇന്തോനേഷ്യയിൽ മത്സ്യത്തിന്റെ കുത്തേറ്റ് ഇറ്റാലിയൻ സഞ്ചാരി മരിച്ചു
Wednesday, October 23, 2024 1:11 AM IST
ജക്കാർത്ത: ഇന്തോനേഷ്യയിൽ കടലിൽ സർഫിംഗിനിടെ കൊന്പൻ സ്രാവിന്റെ കുത്തേറ്റ് വിദേശ യുവതി മരിച്ചു. ഇറ്റലി സ്വദേശിനി ജൂലിയ മാൻഫ്രീനി (36) യാണു മരിച്ചത്.
പടിഞ്ഞാറൻ സുമാത്രയിലെ മെന്റാവായ് ദ്വീപിൽ കഴിഞ്ഞദിവസം രാവിലെ 9.30 ഓടെയായിരുന്നു സംഭവം.
യുവതിയുടെ നെഞ്ചിനാണ് മത്സ്യത്തിന്റെ കുത്തേറ്റത്. സർഫിംഗിൽ ഇറ്റലിയിൽ അറിയപ്പെടുന്ന വ്യക്തിയാണു ജൂലിയ.
സർഫ് കോച്ചുകൂടിയായ ജൂലിയ സർഫ് ട്രാവൽ ഏജൻസിയായ അവാവെയുടെ സ്ഥാപകകൂടിയാണ്.