പാർലമെന്റിലേക്ക് മാർച്ച് നടത്തുമെന്ന് വ്യാപാരി- വ്യവസായി ഏകോപന സമിതി
Wednesday, October 23, 2024 1:11 AM IST
ന്യൂഡൽഹി: കേന്ദ്രസർക്കാരിന്റെ വ്യാപാരിവിരുദ്ധ നിലപാടുകൾക്കെതിരേ ഫെബ്രുവരി ആദ്യവാരം പാർലമെന്റിലേക്ക് മാർച്ച് സംഘടിപ്പിക്കുമെന്ന് കേരള വ്യാപാരി-വ്യവസായി ഏകോപന സമിതി.
ഭാരതീയ ഉദ്യോഗ വ്യാപാർ മണ്ഡലിന്റെ നേതൃത്വത്തിൽ രാജ്യത്തെ എല്ലാ സംസ്ഥാനങ്ങളിൽനിന്നുമായി പതിനായിരക്കണക്കിന് വ്യാപാരികൾ മാർച്ചിൽ പങ്കെടുക്കുമെന്നും കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റും ഭാരതീയ ഉദ്യോഗ വ്യാപാർ മണ്ഡൽ ദേശീയ വൈസ് പ്രസിഡന്റുമായ രാജു അപ്സര അറിയിച്ചു.
ഓണ്ലൈൻ ഭീമന്മാർ പരന്പരാഗത വ്യാപാരമേഖലയെ തകർക്കുന്നതിനും ജിഎസ്ടിയുടെ വർധിച്ച നികുതിയിലും കേന്ദ്രസർക്കാരിന്റെ വ്യാപാരവിരുദ്ധ നിലപാടുകൾക്കെതിരേയുമാണ് മാർച്ച് സംഘടിപ്പിക്കുന്നത്.
വ്യാപാരിവിരുദ്ധ നയങ്ങൾക്കെതിരേ ശക്തമായ സമരം സംഘടിപ്പിക്കാൻ ഡൽഹിയിൽ നടന്ന ദേശീയ എക്സിക്യൂട്ടീവ് യോഗമാണ് തീരുമാനിച്ചത്. കേരളത്തിൽനിന്ന് 5000 വ്യാപാരികളെ മാർച്ചിൽ പങ്കെടുപ്പിക്കും.