തെലുങ്കാനയിൽ കോണ്ഗ്രസ് നേതാവിനെ വെട്ടിക്കൊന്നു
Wednesday, October 23, 2024 1:11 AM IST
ജഗ്തിയാൽ (തെലുങ്കാന): തെലുങ്കാനയിൽ കോണ്ഗ്രസ് നേതാവിനെ അക്രമികൾ വെട്ടിക്കൊന്നു. കോണ്ഗ്രസ് എംഎൽഎ ജീവൻ റെഡ്ഢിയുടെ അടുത്ത അനുയായി മരു ഗംഗാറെഡ്ഢി(56)യാണ് ഇന്നലെ രാവിലെ ജഗ്തിയാൽ ജില്ലയിലെ ജബിതാപൂർ ഗ്രാമത്തിൽ കൊല്ലപ്പെട്ടത്.
ബൈക്കിൽ സഞ്ചരിക്കുകയായിരുന്ന മരു ഗംഗാറെഡ്ഡിയെ അക്രമികൾ കാറുകൊണ്ട് ഇടിച്ചുവീഴ്ത്തി വെട്ടിക്കൊലപ്പെടുത്തുകയായിരുന്നു. ഉടൻതന്നെ അദ്ദേഹത്തെ നാട്ടുകാർ ആശുപത്രിയിൽ എത്തിച്ചെങ്കിലും മരിച്ചു. സംഭവത്തിൽ അന്വേഷണം നടന്നുവരികയാണെന്ന് പോലീസ് അറിയിച്ചു.