ബംഗാൾ ഉൾക്കടലിലെ ന്യൂനമർദം ചുഴലിക്കാറ്റാകുമെന്ന് മുന്നറിയിപ്പ്
Wednesday, October 23, 2024 2:16 AM IST
ഭുവനേശ്വർ/കോൽക്കത്ത: ബംഗാൾ ഉൾക്കടലിൽ രൂപംകൊണ്ട ന്യൂനമർദം തീവ്രന്യൂനമർദ്ദമായി. ന്യൂനമർദം കിഴക്കൻ തീരത്തേക്കു നീങ്ങിയതോടെ ഒഡീഷയിൽ ശക്തമായ ചുഴലിക്കാറ്റ് വീശാൻ സാധ്യതയുണ്ടെന്ന് ഇന്ത്യൻ കാലാവസ്ഥാ വകുപ്പ് (ഐഎംഡി) ഡയറക്ടർ ജനറൽ മൃത്യുഞ്ജയ് മൊഹപത്ര അറിയിട്ടു.
ചുഴലിക്കാറ്റായി മാറിയ ന്യൂനമർദം വടക്കൻ ഒഡീഷ, പുരിക്കും സാഗർ ദ്വീപിനുമിടയിലുള്ള തെക്കൻ പശ്ചിമ ബംഗാൾ തീരങ്ങളിൽ 120 കിലോമീറ്റർ വേഗത്തിൽ വീശിയടിക്കുന്ന കൊടുങ്കാറ്റായി മാറാൻ സാധ്യതയുണ്ട്. മത്സ്യത്തൊഴിലാളികൾ വെള്ളിയാഴ്ചവരെ കടലിൽ പോകരുതെന്നു മുന്നറിയിപ്പ് നൽകിയിട്ടുണ്ട്.