ഇന്ത്യ പലസ്തീനിലേക്ക് 30 ടണ് അവശ്യവസ്തുക്കൾ അയച്ചു
Wednesday, October 23, 2024 1:11 AM IST
ന്യൂഡൽഹി: പശ്ചിമേഷ്യയിൽ യുദ്ധം രൂക്ഷമാകുന്ന സാഹചര്യത്തിൽ പലസ്തീനിലേക്ക് 30 ടണ് അവശ്യവസ്തുക്കൾ ഇന്ത്യ അയച്ചെന്ന് വിദേശകാര്യമന്ത്രാലയം അറിയിച്ചു.
ഐക്യരാഷ്ട്രസഭയുടെ ദുരിതാശ്വാസ ഏജൻസിയിലൂടെയാണു സർജിക്കൽ ഉപകരണങ്ങളും ബിസ്കറ്റുകളും മരുന്നുകളും അടക്കമുള്ള അവശ്യവസ്തുക്കൾ കയറ്റുമതി ചെയ്തത്.
വടക്കൻ ഗാസയിലെ ഭക്ഷണലഭ്യത ദിനംപ്രതി കുറഞ്ഞുവരികയാണെന്ന് ലോക ഫുഡ് പ്രോഗ്രാം മുന്നറിയിപ്പ് നൽകിയതിനു പിന്നാലെയാണ് ഇന്ത്യയുടെ സഹായം.
ഒക്ടോബർ ഒന്നുമുതൽ വടക്കൻ ഗാസയിൽ ഭക്ഷണസാധനങ്ങളൊന്നും എത്തിയിട്ടില്ലെന്ന് ലോക ഫുഡ് പ്രോഗ്രാം അറിയിച്ചിരുന്നു.