യുപിയിൽ പാചകവാതക സിലിണ്ടർ സ്ഫോടനം; മരണം ആറായി
Wednesday, October 23, 2024 1:11 AM IST
ബുലന്ദ്ഷെഹർ: വീടിനുള്ളിൽ സൂക്ഷിച്ചിരുന്ന പാചകവാതക സിലിണ്ടർ പൊട്ടിത്തെറിച്ചുണ്ടായ സ്ഫോടനത്തിൽ മരിച്ചവരുടെ എണ്ണം ആറായി.
മരിച്ചവരിൽ മൂന്നു സ്ത്രീകളുമുണ്ട്. പരിക്കേറ്റു ചികിത്സയിൽ കഴിയുന്ന രണ്ടുപേരുടെ നില ഗുരുതരമാണ്. സെക്കന്ദരാബാദിലെ ആഷാ കോളനിയിൽ റിയാസുദിനും കുടുംബവും താമസിക്കുന്ന കെട്ടിടസമുച്ചയത്തിലാണു സ്ഫോടനമുണ്ടായത്. 18 പേർ ഈ സമയം കെട്ടിടത്തിലുണ്ടായിരുന്നു.