കോയന്പത്തൂർ കാർ ബോംബ് സ്ഫോടനം; മൂന്നു പേർ കൂടി അറസ്റ്റിൽ
Tuesday, October 22, 2024 2:14 AM IST
കോയമ്പത്തൂർ: കോയമ്പത്തൂരിലെ ഉക്കടം പ്രദേശത്ത് സ്ഥിതി ചെയ്യുന്ന കോട്ട ഈശ്വരൻ കോവിൽ ക്ഷേത്രത്തിനുമുന്നിൽ കാർ ബോംബ് സ്ഫോടനം നടത്തിയ സംഭവത്തിൽ മൂന്നു പേരെക്കൂടി എൻഐഎ അറസ്റ്റ് ചെയ്തു. അബു അനിബ, ശരൺ മാരിയപ്പൻ, ബവാസ് രഘുമാൻ എന്നിവരാണ് അറസ്റ്റിലായത്.
2022 ഒക്ടോബർ 23 നാണ് കാർബോംബ് സ്ഫോടനമുണ്ടായത്. സ്ഫോടനത്തിന് ഉത്തരവാദിയായ ജമേഷ മുബീൻ കാറിനുള്ളിൽ വെന്തുമരിച്ചു. സംഭവവുമായി ബന്ധപ്പെട്ട് ഇതുവരെ 15 പേരെ ദേശീയ അന്വേഷണ ഏജൻസി അറസ്റ്റ് ചെയ്തിട്ടുണ്ട്.