പ്രജ്വൽ രേവണ്ണയുടെ ജാമ്യാപേക്ഷ ഹൈക്കോടതി നിരാകരിച്ചു
Tuesday, October 22, 2024 2:46 AM IST
ബംഗളൂരു: ലൈംഗികപീഡനക്കേസിൽ കർണാടകത്തിലെ ഹസാൻ മുൻ എംപി പ്രജ്വൽ രേവണ്ണ സമർപ്പിച്ച മൂന്ന് ജാമ്യഹർജികൾ കർണാടക ഹൈക്കോടതി തള്ളി.
രണ്ട് മാനഭംഗക്കേസുകളിലും ലൈംഗികപീഡനദൃശ്യങ്ങൾ വീഡിയോയിൽ ചിത്രീകരിച്ചു എന്ന മറ്റൊരു കേസിലുമുള്ള അപേക്ഷകളാണ് ജസ്റ്റീസ് എം. നാഗപ്രസന്നയുടെ ബെഞ്ച് നിരാകരിച്ചത്.
376ാം വകുപ്പ് പ്രകാരം എടുത്ത കുറ്റം നിലനിൽക്കില്ലെന്ന് പ്രജ്വലിന്റെ അഭിഭാഷകൻ വാദിച്ചെങ്കിലും കോടതി അംഗീകരിച്ചില്ല.