പ​ത്ത​നം​തി​ട്ട: ശ​ബ​രി​മ​ല ദ​ർ​ശ​ന​ത്തി​നെ​ത്തി​യ രാ​ഷ്ട്ര​പ​തി ദ്രൗ​പ​ദി മു​ർ​മു എ​ത്തി​യ ഇ​ന്ത്യ​ൻ എ​യ​ർ ഫോ​ഴ്സ് ഹെ​ലി​കോ​പ്റ്റ​റി​ന്‍റെ ച​ക്ര​ങ്ങ​ൾ പ​ത്ത​നം​തി​ട്ട പ്ര​മാ​ടം ഇ​ൻ​ഡോ​ർ സ്റ്റേ​ഡി​യം ഗ്രൗ​ണ്ടി​ൽ ത​യാ​റാ​ക്കി​യ താ​ത്കാ​ലി​ക ഹെ​ലി​പ്പാ​ഡി​ൽ താ​ഴ്ന്നു.

ഇ​ന്ന​ലെ രാ​വി​ലെ രാ​ഷ്ട്ര​പ​തി ഹെ​ലി​കോ​പ്ട​റി​ൽ നി​ന്നി​റ​ങ്ങി കാ​ർ മാ​ർ​ഗം പ​ന്പ​യി​ലേ​ക്കു പു​റ​പ്പെ​ട്ട​തി​നു പി​ന്നാ​ലെ​യാ​ണ് ഹെ​ലി​കോ​പ്ട​റി​ന്‍റെ ച​ക്രം ഹെ​ലി​പ്പാ​ഡി​ലെ കോ​ൺ​ക്രീ​റ്റി​ൽ താ​ഴ്ന്ന​ത് പൈ​ല​റ്റി​ന്‍റെ ശ്ര​ദ്ധ​യി​ൽ​പെ​ട്ട​ത്. സു​ര​ക്ഷാ ഉ​ദ്യോ​ഗ​സ്ഥ​രു​ടെ​യും പോ​ലീ​സി​ന്‍റെ​യും സ​ഹാ​യ​ത്തോ​ടെ ഇ​തു പി​ന്നീ​ട് ത​ള്ളി നീ​ക്കു​ക​യാ​യി​രു​ന്നു.

മ​ണി​ക്കൂ​റു​ക​ൾ​ക്കു മു​ന്പ് ത​യാ​റാ​ക്കി​യ ഹെ​ലി​പ്പാ​ഡി​ലെ സി​മ​ന്‍റ് കോ​ൺ​ക്രീ​റ്റിം​ഗ് ഉ​റ​യ്ക്കാ​തി​രു​ന്ന​താ​ണ് ച​ക്രം താ​ഴാ​ൻ കാ​ര​ണ​മാ​യ​തെ​ന്നാ​ണ് നി​ഗ​മ​നം. സം​ഭ​വ​ത്തി​ൽ കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​വും എ​യ​ർ​ഫോ​ഴ്സ് ഉ​ദ്യോ​ഗ​സ്ഥ​രും വി​ശ​ദീ​ക​ര​ണം തേ​ടി​യി​ട്ടു​ണ്ട്. രാ​ഷ്ട്ര​പ​തി സ​ഞ്ച​രി​ച്ചി​രു​ന്ന ഹെ​ലി​കോ​പ്ട​റി​നൊ​പ്പം സു​ര​ക്ഷാ ഉ​ദ്യോ​ഗ​സ്ഥ​രു​മാ​യി മ​റ്റ് ര​ണ്ട് ഹെ​ലി​കോ​പ്ട​റു​ക​ൾ കൂ​ടി പ്ര​മാ​ട​ത്തെ ഹെ​ലി​പ്പാ​ഡി​ൽ ഇ​റ​ങ്ങി​യി​രു​ന്നു. മൂ​ന്ന് ഹെ​ലി​കോ​പ്ട​റു​ക​ളും വൈ​കു​ന്നേ​രം ഇ​തേ സ്ഥ​ല​ത്തു നിന്നുത​ന്നെ​യാ​ണ് തി​രു​വ​ന​ന്ത​പു​ര​ത്തേ​ക്ക് രാ​ഷ്ട്ര​പ​തി​യു​മാ​യി മ​ട​ങ്ങി​യ​ത്.

ഹെ​ലി​പ്പാ​ഡ് നി​ർ​മി​ച്ച​ത് ചൊ​വ്വാ​ഴ്ച രാ​ത്രി

രാ​ഷ്ട്ര​പ​തി ദ്രൗ​പ​ദി മു​ർ​മു​വി​ന്‍റെ ശ​ബ​രി​മ​ല സ​ന്ദ​ർ​ശ​നം മാ​സ​ങ്ങ​ൾ​ക്കു മു​ന്പേ തീ​രു​മാ​നി​ച്ചി​രു​ന്ന​താ​ണെ​ങ്കി​ലും പ്ര​മാ​ടം ഇ​ൻ​ഡോ​ർ സ്റ്റേ​ഡി​യ​ത്തി​ലെ ഹെ​ലി​പ്പാ​ഡ് സ​ജ്ജ​മാ​ക്കി​യ​ത് ചൊ​വ്വാ​ഴ്ച രാ​ത്രി​യാ​ണ്.നി​ല​യ്ക്ക​ൽ ഹെ​ലി​പാ​ഡി​ൽ കോ​പ്റ്റ​ർ ഇ​റ​ക്കാ​നാ​യി​രു​ന്നു നേ​രത്തേ ഉ​ദ്ദേ​ശി​ച്ചി​രു​ന്ന​തെ​ങ്കി​ലും കാ​ലാ​വ​സ്ഥ പ്ര​തി​കൂ​ല​മാ​യ​തി​നാ​ലാ​ണ് പ്ര​മാ​ടം ഇ​ൻ​ഡോ​ർ സ്റ്റേ​ഡി​യ​ത്തി​ലേ​ക്ക് മാ​റ്റാ​ൻ തീ​രു​മാ​ന​മു​ണ്ടാ​യ​ത്. കേ​ന്ദ്ര കാ​ലാ​വ​സ്ഥാ വ​കു​പ്പ് പ​ത്ത​നം​തി​ട്ട ജി​ല്ല​യി​ൽ ഓ​റ​ഞ്ച് അ​ല​ർ​ട്ട് കൂ​ടി പ്ര​ഖ്യാ​പി​ച്ച സാ​ഹ​ച​ര്യ​ത്തി​ലാ​ണ് മാ​റ്റ​മു​ണ്ടാ​യ​ത്. ചൊ​വ്വാ​ഴ്ച വൈ​കു​ന്നേ​ര​ത്തോ​ടെ ഹെ​ലി​പ്പാ​ഡി​ന്‍റെ നി​ർ​മാ​ണം പി​ഡ​ബ്ല്യു​ഡി തു​ട​ങ്ങി. ഇ​ന്ന​ലെ പു​ല​ർ​ച്ചെ​യാ​ണ് ഇ​ത് പൂ​ർ​ത്തീ​ക​രി​ച്ച​ത്.

റെ​ഡി​മി​ക്സ് ഉ​പ​യോ​ഗി​ച്ചാ​യി​രു​ന്നു നി​ർ​മാ​ണം. അ​പ​കാ​ത​യി​ല്ലെ​ന്ന് എ​യ​ർ​ഫോ​ഴ്സ് ഉ​ദ്യോ​ഗ​സ്ഥ​രും സു​ര​ക്ഷാ സേ​ന​യും പ​രി​ശോ​ധി​ച്ച് വി​ല​യി​രു​ത്തു​ക​യും ചെ​യ്ത​താ​ണെ​ന്ന് പ​റ​യു​ന്നു.

ഹെ​ലി​കോ​പ്ട​റി​ന്‍റെ ച​ക്രം കോ​ൺ​ക്രീ​റ്റി​ൽ താ​ഴ്ന്ന​തു വി​വാ​ദ​മാ​യ​തോ​ടെ​യാ​ണ് കേ​ന്ദ്ര സ​ർ​ക്കാ​ർ വ​കു​പ്പു​ക​ൾ സം​സ്ഥാ​ന​ത്തോ​ടു വി​ശ​ദീ​ക​ര​ണം തേ​ടി​യ​ത്. സു​ര​ക്ഷാ വീ​ഴ്ച​യു​ണ്ടാ​യി​ട്ടി​ല്ലെ​ന്നാ​ണ് സം​സ്ഥാ​നം ന​ൽ​കി​യ മ​റു​പ​ടി. ഹെ​ലി​കോ​പ്ടര്‍ ലാ​ൻ​ഡ് ചെ​യ്യാ​നു​ള്ള എ​ച്ച് ഭാ​ഗം കോ​ൺ​ക്രീ​റ്റ് ചെ​യ്യാ​നാ​ണ് നി​ർ​ദേ​ശി​ച്ചി​രു​ന്ന​തെ​ന്നും എ​ന്നാ​ൽ ലാ​ൻ​ഡിം​ഗ് സ​മ​യ​ത്ത് അ​ല്പം മാ​റി​പ്പോ​യ​തി​നാ​ലാ​ണ് ത​ള്ളി മാ​റ്റേ​ണ്ടി​വ​ന്ന​തെ​ന്നും ജി​ല്ലാ ക​ള​ക്ട​ർ എ​സ്. പ്രേം​കൃ​ഷ്ണ​ൻ പ​റ​ഞ്ഞു.


ഹെ​ലി​പ്പാ​ഡി​ൽ എ​ന്തെ​ങ്കി​ലും വി​ഷ​യ​മു​ണ്ടാ​യെ​ങ്കി​ൽ മ​ട​ക്ക യാ​ത്ര ഇ​വി​ടെ നി​ന്നാ​കു​മാ​യി​രു​ന്നി​ല്ല. ആ​ദ്യം കോ​ൺ​ക്രീ​റ്റ് ചെ​യ്ത ഹെ​ലി​പ്പാ​ഡി​ലാ​ണ് രാ​ഷ്ട്ര​പ​തി​യു​ടെ ഹെ​ലി​കോ​പ്ട​ർ താ​ഴ്ന്ന​ത്. പി​ന്നീ​ടു കോ​ൺ​ക്രീ​റ്റ് ചെ​യ്ത ര​ണ്ട് ഹെ​ലി​പ്പാ​ഡു​ക​ളി​ലാ​ണ് മ​റ്റു ര​ണ്ട് ഹെ​ലി​കോ​പ്ട​ർ സു​ഗ​മ​മാ​യി ലാ​ൻ​ഡ് ചെ​യ്ത​തെ​ന്നും ക​ള​ക്ട​ർ വി​ശ​ദീ​ക​രി​ച്ചു.

പ്ലാ​ൻ ബി ​ഉ​ണ്ടാ​യി​രു​ന്നി​ല്ല

രാ​ഷ്ട്ര​പ​തി ദ്രൗ​പ​ദി മു​ർ​മു​വി​ന്‍റെ സ​ന്ദ​ർ​ശ​ന​വു​മാ​യി ബ​ന്ധ​പ്പെ​ട്ട് പ്ലാ​ൻ ബി ​ത​യാ​റാ​ക്കു​ന്ന​തി​ൽ വീ​ഴ്ച​യു​ണ്ടാ​യെ​ന്ന് ആ​ക്ഷേ​പം. ശ​ബ​രി​മ​ല യാ​ത്ര​യ്ക്കു രാ​ഷ്ട്ര​പ​തി ത​യാ​റെ​ടു​ത്തു തു​ട​ങ്ങി​യി​ട്ടു ത​ന്നെ മാ​സ​ങ്ങ​ളാ​യി. ഇ​ത​നു​സ​രി​ച്ച് കേ​ന്ദ്ര സു​ര​ക്ഷാ സേ​ന പ​ല​ത​വ​ണ സം​സ്ഥാ​ന സ​ർ​ക്കാ​രും ജി​ല്ലാ ഭ​ര​ണ​കൂ​ട​വു​മാ​യി ബ​ന്ധ​പ്പെ​ട്ട് ച​ർ​ച്ച​ക​ൾ ന​ട​ത്തി​യി​രു​ന്നു. കേ​ന്ദ്ര സേ​ന​യു​ടെ കൂ​ടി നി​ർ​ദേ​ശ​പ്ര​കാ​ര​മാ​ണ് നി​ല​യ്ക്ക​ൽ ഹെ​ലി​​പാ​ഡ് തെ​ര​ഞ്ഞെ​ടു​ത്ത​ത്. എ​ന്നാ​ൽ മ​ഴ​ക്കാ​ല​മാ​യ​തി​നാ​ൽ നി​ല​യ്ക്ക​ലി​ൽ ഉ​ണ്ടാ​കാ​വു​ന്ന കാ​ലാ​വ​സ്ഥ പ്ര​ശ്ന​ങ്ങ​ൾ പ​രി​ഗ​ണി​ക്കാ​തെ​യാ​ണ് മു​ന്നോ​ട്ടു​പോ​യ​ത്.

രാ​ഷ്ട്ര​പ​തി​യു​ടെ സ​ന്ദ​ർ​ശ​ന​ത്തി​ന്‍റെ ത​ലേ​ന്നു മാ​ത്ര​മാ​ണ് നി​ല​യ്ക്ക​ലി​നു പ​ക​രം സം​വി​ധാ​നം ആ​ലോ​ചി​ച്ച​ത്. തി​രു​വ​ന​ന്ത​പു​ര​ത്തുനി​ന്ന് കാ​ർ ​മാ​ർ​ഗം പ​ന്പ​യി​ലെ​ത്തി​ക്കാ​ൻ ആ​ലോ​ചി​ച്ചെ​ങ്കി​ലും പ്രാ​യോ​ഗി​ക​മ​ല്ലെ​ന്നു ക​ണ്ട​തോ​ടെ​യാ​ണ് പ്ര​മാ​ടം ഇ​ൻ​ഡോ​ർ സ്റ്റേ​ഡി​യം പ​രി​ഗ​ണി​ച്ച​ത്.

ഇ​റ​ങ്ങാ​നു​ള്ള സ്ഥ​ലം മാ​റ്റി​യ​തോ​ടെ രാ​ഷ്ട്ര​പ​തി​യു​ടെ യാ​ത്രാ സ​മ​യ​ത്തി​ലും മാ​റ്റം വ​രു​ത്തേ​ണ്ടി​വ​ന്നു. നേരത്തേ നി​ശ്ച​യി​ച്ചി​രു​ന്ന​തി​ൽനി​ന്നും ഒ​രു മ​ണി​ക്കൂ​ർ നേ​രത്തെ തി​രു​വ​ന​ന്ത​പു​ര​ത്തു നി​ന്ന് പു​റ​പ്പെ​ട്ടു. പ്ര​മാ​ട​ത്ത് ഇ​റ​ങ്ങി​യ​ശേ​ഷം മ​ല്ല​ശേ​രി, കു​ന്പ​ഴ, മൈ​ല​പ്ര, വ​ട​ശേ​രി​ക്ക​ര, പെ​രു​നാ​ട്, ളാ​ഹ, ചാ​ല​ക്ക​യം വ​ഴി കാ​ർ മാ​ർ​ഗം 70 കി​ലോ​മീ​റ്റ​ർ സ​ഞ്ച​രി​ച്ചാ​ണ് രാ​ഷ്ട്ര​പ​തി​യും സം​ഘ​വും ശ​ബ​രി​മ​ല​യി​ലെ​ത്തി​യ​ത്.

മു​ന്പ് പ്ര​ധാ​ന​മ​ന്ത്രി ന​രേ​ന്ദ്ര​മോ​ദി, പ്ര​തി​പ​ക്ഷ നേ​താ​വ് രാ​ഹു​ൽ​ഗാ​ന്ധി, കേ​ന്ദ്ര​മ​ന്ത്രി​മാ​ർ, അ​നി​ൽ അം​ബാ​നി ‌ അ​ട​ക്ക​മു​ള്ള​വ​ർ ഹെ​ലി​കോ​പ്ട​റി​ൽ ഇ​റ​ങ്ങി​യി​ട്ടു​ള്ള ഗ്രൗ​ണ്ടാ​ണ് പ്ര​മാ​ട​ത്തേ​ത്. എ​ന്നാ​ൽ സ്ഥി​ര​മാ​യ ഹെ​ലി​പ്പാ​ഡ് സ​ജ്ജ​മ​ല്ലാ​ത്ത​തി​നാ​ലാ​ണ് കോ​ൺ​ക്രീ​റ്റിം​ഗ് വേ​ണ്ടി​വ​ന്ന​ത്. മ​ഴ പെ​യ്തു കു​തി​ർ​ന്ന മ​ണ്ണി​ലേ​ക്ക് റെ​ഡി​മി​ക്സ് ഉ​പ​യോ​ഗി​ച്ച് മൂന്ന്‌ ​ഹെ​ലി​പ്പാ​ഡു​ക​ൾ മ​ണി​ക്കൂ​റു​ക​ൾ​ക്കു​ള്ളി​ൽ ത​യാ​റാ​ക്കു​ക​യാ​യി​രു​ന്നു.