ബിഷപ്പിനെതിരായ കേസ്: കേരള കോണ്‍ഗ്രസ് ഉപവാസസമരം ഇന്ന്
Monday, March 31, 2025 5:06 AM IST
കോതമംഗലം: ബിഷപ് മാര്‍ ജോര്‍ജ് പുന്നക്കോട്ടിലിനെതിരേ വനംവകുപ്പ് എടുത്ത കേസ് റദ്ദാക്കണമെന്ന് ആവശ്യപ്പെട്ട് കേരള കോണ്‍ഗ്രസിന്‍റെ നേതൃത്വത്തില്‍ ഇന്ന് കോതമംഗലത്ത് ഉപവാസസമരം നടത്തും. കേരള കോണ്‍ഗ്രസ് ചെയര്‍മാന്‍ പി.ജെ. ജോസഫ് എംഎല്‍എ ഉദ്ഘാടനം ചെയ്യും. സമാപന സമ്മേളനം ഡീന്‍ കുര്യാക്കോസ് എംപി ഉദ്ഘാടനം ചെയ്യും.
വനംവകുപ്പ് ഓഫീസിനു മുന്നിലെ ഉപവാസ സമരത്തില്‍ കേരള കോണ്‍ഗ്രസ് വർക്കിംഗ് ചെയര്‍മാന്‍ പി.സി. തോമസ്, എക്‌സിക്യൂട്ടീവ് ചെയര്‍മാന്‍ മോന്‍സ് ജോസഫ് എംഎല്‍എ, സെക്രട്ടറി ജനറല്‍ ജോയ് ഏബ്രഹാം, ഡെപ്യൂട്ടി ചെയര്‍മാന്‍മാരായ ടി.യു. കുരുവിള, കെ. ഫ്രാന്‍സിസ് ജോര്‍ജ് എംപി, തോമസ് ഉണ്ണിയാടാന്‍, സംസ്ഥാന കോ-ഓര്‍ഡിനേറ്റര്‍ അപു ജോണ്‍ ജോസഫ്, ജില്ലാ പ്രസിഡന്‍റ് ഷിബു തെക്കുംപുറം, ഡിസിസി പ്രസിഡന്‍റ് മുഹമ്മദ് ഷിയാസ്, എംഎല്‍എമാരായ എല്‍ദോസ് കുന്നപ്പിള്ളി, മാത്യു കുഴല്‍നാടന്‍ തുടങ്ങിയവര്‍ പങ്കെടുക്കും.