ചാ​ത്ത​ന്നൂ​ർ: കെ​എ​സ്ആ​ർ​ടി​സി​യി​ൽ ച​ലോ ആ​പ് സ്ഥാ​പി​ക്കു​ന്ന​തോ​ടെ കെ​എ​സ്ആ​ർ​ടി​സി​ക്ക് സ​ർ​വീ​സ് ചാ​ർ​ജ് ഇ​ന​ത്തി​ൽ ഭാ​രി​ച്ച സാ​മ്പ​ത്തി​ക ബാ​ധ്യ​ത ഉ​ണ്ടാ​കു​മെ​ന്ന് ജീ​വ​ന​ക്കാ​ർ. ഒ​രു വ​ർ​ഷം സ​ർ​വീ​സ് ചാ​ർ​ജ് ഇ​ന​ത്തി​ൽ 11 കോ​ടി​യോ​ളം രൂ​പ​യാ​ണ് ന​ല്കേ​ണ്ട​ത്. 5500 ഇ​ല​ക്‌​ട്രോ​ണി​ക് ടി​ക്ക​റ്റ് മെ​ഷീ​ൻ (ഇ​ടി​എം) വാ​ങ്ങി​യ​തി​ന് ഏ​ക​ദേ​ശം അ​ഞ്ചു കോ​ടി​യോ​ളം (5,07,84,250) രൂ​പ​യാ​ണ് ചെ​ല​വാ​യ​ത്.

ച​ലോ മൊ​ബി​ലി​റ്റി പ്രൈ​വ​റ്റ് ലി​മി​റ്റ​ഡ് എ​ന്ന സ്വ​കാ​ര്യ ക​മ്പി​നി​യു​ടെ സേ​വ​ന​ങ്ങ​ളാ​ണ് കെ​എ​സ്ആ​ർ​ടി​സി തേ​ടി​യ​ത്. നാ​ഷ​ണ​ൽ കോ​മ​ൺ മൊ​ബി​ലി​റ്റി കാ​ർ​ഡ് (എ​ൻ​സി​എം​സി), ക്ലോ​സ് ഐ ​ലൂ​പ്പ് കാ​ർ​ഡ് എ​ന്നി​വ ഉ​പ​യോ​ഗി​ക്കാ​ൻ സാ​ധി​ക്കു​ന്ന ഡി​ജി​റ്റ​ൽ ടി​ക്ക​റ്റിം​ഗ് സൊ​ല്യൂ​ഷ​ൻ ആ​ണ് ഏ​ർ​പ്പെ​ടു​ത്തു​ന്ന​ത്. എ​ല്ലാ വി​ധ ക​ൺ​സ​ഷ​ൻ യാ​ത്ര​ക്കാ​രെ​യും യാ​ത്ര​ക്കാ​രു​ടെ ല​ഗേ​ജു​ക​ളെ​യും ഈ ​സേ​വ​ന​ത്തി​ൽനി​ന്ന് ഒ​ഴി​വാ​ക്കി​യി​ട്ടു​ണ്ട്.

സ​ർ​വീ​സ് ചാ​ർ​ജ് ഇ​ന​ത്തി​ൽ ഒ​രു ടി​ക്ക​റ്റി​ന് 13.7 പൈ​സ​യും ജി​എ​സ്ടി​യും ഉ​ൾ​പ്പെ​ടെ 17 പൈ​സ​യോ​ളം സ്വ​കാ​ര്യ ക​മ്പ​നി​ക്ക് ന​ല്ക​ണം. കെ​എ​സ്ആ​ർ​ടി​സി​യി​ൽ ക​ഴി​ഞ്ഞ മേ​യിലെ ക​ണ​ക്ക​നു​സ​രി​ച്ച് ഒ​രു ദി​വ​സം ഏ​ക​ദേ​ശം 18,93,594 യാ​ത്ര​ക്കാ​ർ സ​ഞ്ച​രി​ക്കു​ന്നുവെ​ന്നാ​ണ് വി​ല​യി​രു​ത്ത​ൽ. ഒ​രു ദി​വ​സം മൂ​ന്ന് ല​ക്ഷ​ത്തോ​ളം രൂ​പ​യും വ​ർ​ഷം 11 കോ​ടി രൂ​പ​യു​മാ​ണ് സ്വ​കാ​ര്യ ക​മ്പനി​ക്ക് ന​ല്കേ​ണ്ട​ത്. ഇ​ടി​എം വാ​ങ്ങി​യ​തി​ന്‍റെ ഇ​ര​ട്ടി​യോ​ളം തു​ക ഒ​രു വ​ർ​ഷം സ​ർ​വീ​സ് ചാ​ർ​ജാ​യി ക​മ്പ​നി ഈ​ടാ​ക്കും.


സ്വ​കാ​ര്യ​ക​മ്പ​നി​യു​ടെ സേ​വ​ന​ങ്ങ​ൾ​ക്ക് ര​ഹ​സ്യാ​ത്മ​ക​ത ഇ​ല്ലെ​ന്നും ആ​രോ​പ​ണ​മു​ണ്ട്. സ്വ​കാ​ര്യ ബ​സ് സ​ർ​വീ​സു​കാ​രും ഈ ​ക​മ്പ​നി​യു​ടെ സേ​വ​ന​ങ്ങ​ളാ​ണ് സ്വീ​ക​രി​ച്ചി​രി​ക്കു​ന്ന​ത്. കെ​എ​സ്ആ​ർ​ടി​സി​യു​ടെ ബ​സ് സ​ർ​വീ​സു​ക​ളു​ടെ വി​വ​ര​ങ്ങ​ൾ ചോ​ർ​ന്നു പോ​കാ​ൻ സാ​ധ്യ​ത കൂ​ടു​ത​ലാ​ണെ​ന്ന് ജീ​വ​ന​ക്കാ​രു​ടെ സം​ഘ​ട​ന​ക​ൾ ചൂ​ണ്ടി​ക്കാ​ട്ടു​ന്നു.

ആ​ദ്യ​ഘ​ട്ട ച​ർ​ച്ച​ക​ളി​ൽ സ്വ​കാ​ര്യ​ക​മ്പ​നി​യു​ടെ ജീ​വ​ന​ക്കാ​രു​ടെ സേ​വ​നം ല​ഭ്യ​മാ​ക്കാ​മെ​ന്ന് അ​റി​യി​ച്ചി​രു​ന്നെ​ങ്കി​ലും ഇ​പ്പോ​ൾ കെ​എ​സ്ആ​ർ​ടി​സി ജീ​വ​ന​ക്കാ​ർ ഇ​ത് കൈ​കാ​ര്യം ചെ​യ്യ​ണ​മെ​ന്ന നി​ല​പാ​ടി​ലാ​ണ് സ്വ​കാ​ര്യ ക​മ്പ​നി.

സ്വ​കാ​ര്യ ക​മ്പ​നി​യു​ടെ സേ​വ​നം തേ​ടി​യ​ത് അ​ഴി​മ​തി​ക്ക് വേ​ണ്ടി​യാ​ണെ​ന്ന് ജീ​വ​ന​ക്കാ​രു​ടെ സം​ഘ​ട​ന​​യാ​യ ഫോ​റം ഫോ​ർ ജ​സ്റ്റീ​സും തൊ​ഴി​ലാ​ളി സം​ഘ​ട​ന​യാ​യ ഐ​ടി​ഇ​എ​ഫും ആ​രോ​പി​ച്ചു.