സഭയ്ക്കെതിരായ പ്രതിഷേധങ്ങളില്‍ സന്യസ്തര്‍ പങ്കെടുക്കരുത്: സിഎംസി സുപ്പീരിയര്‍ ജനറല്‍
Friday, January 31, 2025 2:44 AM IST
കൊച്ചി: എറണാകുളം -അങ്കമാലി അതിരൂപതയിലെ പ്രശ്‌നങ്ങളുമായി ബന്ധപ്പെട്ട് തിരുസഭാ നേതൃത്വത്തിനും സീറോമലബാര്‍ സിനഡ് തീരുമാനത്തിനും എതിരായ പ്രതിഷേധപരിപാടികളില്‍ യാതൊരു കാരണവശാലും സന്യസ്തര്‍ പങ്കെടുക്കരുതെന്ന് സിഎംസി സന്യാസിനീ സമൂഹത്തിന്‍റെ സുപ്പീരിയര്‍ ജനറല്‍ സിസ്റ്റര്‍ ഗ്രേസ് തെരേസ് നിര്‍ദേശം നല്‍കി.
സിഎംസി പ്രൊവിന്ഷ്യല്മാർക്കും റീജണല്‍ സുപ്പീരിയർമാര്‍ക്കും സന്യാസിനിമാര്‍ക്കും അയച്ച കത്തിലാണ് ഈ നിര്‍ദേശം നല്‍കിയത്.
പ്രശ്‌നപരിഹാരത്തിന് ത്യാഗനിര്‍ഭരമായ പ്രാര്‍ഥനയും ജാഗരണവും ഉപവാസവും തീവ്രമാക്കണമെന്നും സുപ്പീരിയര്‍ ജനറല്‍ നിര്‍ദേശിച്ചു.