പ്ലാച്ചിമട പോലെയല്ല എലപ്പുള്ളിയെന്നു ജനതാദൾ
Friday, January 31, 2025 1:36 AM IST
തിരുവനന്തപുരം: പ്ലാച്ചിമടയ്ക്കു സമാനമല്ല എലപ്പുള്ളിയിലെ ബ്രൂവറി പ്ലാന്‍റ് എന്ന് ജനതാദൾ- എസ് സംസ്ഥാന പ്രസിഡന്‍റ് മാത്യു ടി. തോമസ് എംഎൽഎ. ഭൂഗർഭജലം വൻതോതിൽ ഉൗറ്റിയെടുക്കാനുള്ള പദ്ധതി എന്ന നിലയിലാണ് പ്ലാച്ചിമട കൊക്കോകോള പദ്ധതിയെ പാർട്ടി എതിർത്തത്.
ഈ ജനകീയ പ്രക്ഷോഭത്തിന് ജനതാദൾ-എസ് നേതൃപരമായ പങ്കു വഹിച്ചിരുന്നു.
ഒരിറ്റു ഭൂഗർഭജലം പോലും ഉപയോഗിക്കാതെയും ജനങ്ങളുടെ കുടിവെള്ളത്തിനും ജലസേചന ആവശ്യങ്ങൾക്കും ഒരു വിധത്തിലും തടസമാകാതെയുമാണ് ബ്രൂവറി പ്ലാന്‍റ് സ്ഥാപിക്കുന്നതെന്ന് ജനതാദൾ-എസ് നേതൃയോഗത്തിൽ മന്ത്രി കെ. കൃഷ്ണൻകുട്ടി വ്യക്തമാക്കുകയായിരുന്നു.
മന്ത്രിമാറ്റം എന്നൊരു വിഷയം പാർട്ടിയുടെ അജൻഡയിൽ ഇല്ലെന്ന് മാത്യു ടി. തോമസ് പറഞ്ഞു.