അ​ടൂ​ര്‍: മ​ല​ങ്ക​ര സു​റി​യാ​നി ക​ത്തോ​ലി​ക്കാ സ​ഭ പു​ന​രൈ​ക്യ വാ​ര്‍ഷി​കാ​ഘോ​ഷ​ത്തി​നു വാ​ര്‍ണാ​ഭ​മാ​യ തു​ട​ക്കം.

സ​മ്മേ​ള​ന ന​ഗ​റാ​യ അ​ടൂ​ര്‍ ഓ​ള്‍ സെ​യി​ന്‍റ്സ് പ​ബ്ലി​ക് സ്‌​കൂ​ളി​ലെ മാ​ര്‍ ഈ​വാ​നി​യോ​സ് ന​ഗ​റി​ല്‍ മേ​ജ​ര്‍ ആ​ര്‍ച്ച്ബി​ഷ​പ് ക​ര്‍ദി​നാ​ള്‍ മാ​ര്‍ ബ​സേ​ലി​യോ​സ് ക്ലീ​മി​സ് കാ​തോ​ലി​ക്കാ ബാ​വ പ​താ​ക ഉ​യ​ര്‍ത്തി​യ​തോ​ടെ​യാ​ണ് 95-ാമ​ത് പു​ന​രൈ​ക്യ വാ​ര്‍ഷി​ക സം​ഗ​മ​ത്തി​നു തു​ട​ക്ക​മാ​യ​ത്.

വി​വി​ധ രൂ​പ​ത​ക​ളി​ല്‍നി​ന്നും വൈ​ദി​ക ജി​ല്ല​ക​ളി​ല്‍നി​ന്നു​മു​ള്ള പ്ര​യാ​ണ​ങ്ങ​ള്‍ അ​ടൂ​ര്‍ സെ​ന്‍ട്ര​ല്‍ ജം​ഗ്ഷ​നി​ല്‍ സം​ഗ​മി​ച്ചു. പ്ര​യാ​ണ​ങ്ങ​ള്‍ ഒ​ന്നുചേ​ര്‍ന്നാ​ണ് പ്ര​ധാ​ന സ​മ്മേ​ള​ന വേ​ദി​യി​ലേ​ക്ക് എ​ത്തി​യ​ത്. തി​രു​വ​ന​ന്ത​പു​രം മേ​ജ​ര്‍ അ​തി​രൂ​പ​ത​യി​ല്‍നി​ന്നെ​ത്തി​യ ദീ​പ​ശി​ഖാ പ്ര​യാ​ണ​വും മാ​വേ​ലി​ക്ക​ര​യി​ലെ മാ​ര്‍ ഈ​വാ​നി​യോ​സ് മെ​ത്രാ​പ്പോ​ലീ​ത്ത​യു​ടെ ജ​ന്മ​ഗൃ​ഹ​ത്തി​ല്‍നി​ന്ന് എ​ത്തി​യ അ​ദ്ദേ​ഹ​ത്തി​ന്‍റെ ഛായാ​ചി​ത്ര​വും തി​രു​വ​ല്ല അ​തി​ഭ​ദ്രാ​സ​ന​ത്തി​ല്‍നി​ന്ന് എ​ത്തി​ച്ച മാ​ര്‍ തെ​യോ​ഫി​ലോ​സ് മെ​ത്രാ​പ്പോ​ലീ​ത്ത​യു​ടെ ഛായാ​ചി​ത്ര​വും വൈ​ദി​ക​രു​ടെ​യും അ​ല്മാ​യ നേ​താ​ക്ക​ളു​ടെ​യും യു​വ​ജ​ന​ങ്ങ​ളു​ടെ​യും നേ​തൃ​ത്വ​ത്തി​ല്‍ അ​ടൂ​രി​ല്‍ സം​ഗ​മി​ച്ചു.

പ​ത്ത​നം​തി​ട്ട രൂ​പ​ത​യി​ലെ റാ​ന്നി - പെ​രു​നാ​ട് വൈ​ദി​ക ജി​ല്ല​യി​ല്‍നി​ന്നു കാ​തോ​ലി​ക്കാ പ​താ​ക​യും സീ​ത​ത്തോ​ടു​നി​ന്നു വ​ള്ളി​ക്കു​രി​ശും പ​ന്ത​ള​ത്തു​നി​ന്നു സി​റി​ല്‍ മാ​ര്‍ ബ​സേ​ലി​യോ​സ് കാ​തോ​ലി​ക്കാ ബാ​വ​യു​ടെ ഛായാ​ചി​ത്ര​വും കോ​ന്നി വൈ​ദി​ക ജി​ല്ല​യി​ല്‍നി​ന്നു ബൈ​ബി​ളും പ​ത്ത​നം​തി​ട്ട വൈ​ദി​ക ജി​ല്ല​യി​ല്‍നി​ന്ന് ആ​ര്‍ച്ച്ബി​ഷ​പ് ബ​ന​ഡി​ക്ട് മാ​ര്‍ ഗ്രി​ഗോ​റി​യോ​സി​ന്‍റെ ഛായാ​ചി​ത്ര​വും വ​ഹി​ച്ചു​ള്ള പ്ര​യാ​ണ​ങ്ങ​ളും അ​ടൂ​ര്‍ സെ​ന്‍ട്ര​ലി​ല്‍ സം​ഗ​മി​ച്ചു. തു​ട​ര്‍ന്ന് പ്ര​യാ​ണ​ങ്ങ​ള്‍ വി​ശ്വാ​സി​ക​ളു​ടെ അ​ക​മ്പ​ടി​യോ​ടെ മാ​ര്‍ ഈ​വാ​നി​യോ​സ് ന​ഗ​റി​ലെ​ത്തി.


മ​ല​ങ്ക​ര സ​ഭ​യ്ക്കു വേ​റി​ട്ട ദൗ​ത്യം ഉ​ള്ള​തി​നാ​ലാ​ണ് വ​ര്‍ഷം​തോ​റും പു​ന​രൈ​ക്യ വാ​ര്‍ഷി​കം ന​ട​ക്കു​ന്ന​തെ​ന്ന് പ്ര​യാ​ണ​ങ്ങ​ളെ സ്വീ​ക​രി​ച്ചു ന​ല്‍കി​യ സ​ന്ദേ​ശ​ത്തി​ല്‍ ക​ര്‍ദി​നാ​ര്‍ മാ​ര്‍ ബ​സേ​ലി​യോ​സ് ക്ലീ​മി​സ് ബാ​വ പ​റ​ഞ്ഞു. പ​ത്ത​നം​തി​ട്ട ബി​ഷ​പ് സാ​മു​വേ​ല്‍ മാ​ര്‍ ഐ​റേ​നി​യോ​സ്, മാ​വേ​ലി​ക്ക​ര ബി​ഷ​പ് മാ​ത്യൂ​സ് മാ​ര്‍ പോ​ളി​ക്കോ​ര്‍പ്പോ​സ്, പൂ​ന ക​ട്കി ബി​ഷ​പ് മാ​ത്യൂ​സ് മാ​ര്‍ പ​ക്കോ​മി​യോ​സ്, പ​ത്ത​നം​തി​ട്ട രൂ​പ​ത​യു​ടെ പ്ര​ഥ​മ ബി​ഷ​പ് യൂ​ഹാ​നോ​ന്‍ മാ​ര്‍ ക്രി​സോ​സ്റ്റം തു​ട​ങ്ങി​യ​വ​ര്‍ സ​ന്നി​ഹി​ത​രാ​യി​രു​ന്നു.

തു​ട​ര്‍ന്ന് സ്റ്റീ​ഫ​ന്‍ ദേ​വ​സി അ​വ​ത​രി​പ്പി​ച്ച സം​ഗീ​ത സ​ദ​സു​ണ്ടാ​യി​രു​ന്നു. ഇ​ന്നു മു​ത​ല്‍ മൂ​ന്ന് ദി​വ​സം ഫാ. ​ഡാ​നി​യേ​ല്‍ പൂ​വ​ണ്ണ​ത്തി​ല്‍ ന​യി​ക്കു​ന്ന വ​ച​ന​ശു​ശ്രൂ​ഷ സ​മ്മേ​ള​ന ന​ഗ​റി​ല്‍ ന​ട​ക്കും. ഇ​ന്ന് വൈ​കു​ന്നേ​രം ആ​റി​ന് ആ​ര്‍ച്ച്ബി​ഷ​പ് തോ​മ​സ് മാ​ര്‍ കൂ​റി​ലോ​സ് ഉ​ദ്ഘാ​ട​നം ചെ​യ്യും. 20നാ​ണ് പു​ന​രൈ​ക്യ വാ​ര്‍ഷി​ക സ​ഭാ​സം​ഗ​മം.