സ്വർണക്കടത്തിൽ അജിത്കുമാറിനെ ഉപയോഗിച്ചതു പുറത്തു വന്നപ്പോഴാണ് വിജിലൻസ് ഡയറക്‌ടർ സ്ഥാനത്തുനിന്ന് മാറ്റിയത്. അജിത്കുമാർ മുഖ്യമന്ത്രിയുടെ ബിജെപി നേതൃത്വവുമായുള്ള ലിങ്ക് ആണെന്നും മുഖ്യമന്ത്രിയുടെ പൊളിറ്റിക്കൽ അസൈൻമെന്‍റ് ആണ് അജിത്കുമാർ ചെയ്യുന്നതെന്നും സതീശൻ ആരോപിച്ചു.
കേരളത്തിന്‍റെ മണ്ണ് ദേശവിരുദ്ധ ഫണ്ട് കൊടുക്കുന്ന സംസ്ഥാനമാണെന്നു പറയുന്നത് ഇടതുപക്ഷത്തിനു ഭൂഷണമാണോ എന്ന് പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി ചോദിച്ചു. ആർഎസ്എസ് നേതാക്കളുമായി കൂടിക്കാഴ്ച നടത്തിയ എഡിജിപിക്ക് പരമാവധി സംരക്ഷണം നല്കാനാണ് സർക്കാർ ശ്രമിക്കുന്നതെന്ന് മോൻസ് ജോസഫ് പറഞ്ഞു.