സെര്വിക്കല് കാന്സറിനെ പ്രതിരോധിക്കാന് വാക്സിന് നല്കും: മുഖ്യമന്ത്രി
Wednesday, October 4, 2023 12:31 AM IST
കൊച്ചി: സ്ത്രീകളില് വര്ധിച്ചുവരുന്ന സെര്വിക്കല് കാന്സറിനെ പ്രതിരോധിക്കാന് വികസിതരാജ്യങ്ങളുടെ മാതൃകയില് വാക്സിനേഷന് നല്കുന്നതിനുള്ള പ്രവര്ത്തനങ്ങള് സംസ്ഥാനത്ത് ആരംഭിക്കുമെന്ന് മുഖ്യമന്ത്രി പിണറായി വിജയന്.
കാന്സറിനെ ചെറുക്കുന്നതിന് ശക്തമായ ഇടപെടലുകളാണ് കേരളം നടത്തിക്കൊണ്ടിരിക്കുന്നതെന്നും മുഖ്യമന്ത്രി പറഞ്ഞു.
എറണാകുളം ജനറല് ആശുപത്രിയുടെ പുതിയ കാന്സര് സ്പെഷാലിറ്റി ബ്ലോക്കിന്റെ ഉദ്ഘാടനം നിര്വഹിച്ചു സംസാരിക്കുകയായിരുന്നു മുഖ്യമന്ത്രി.