സൂക്ഷിച്ചാൽ ദുഃഖിക്കേണ്ട:-കോവിഡ് അനന്തര കാലം എന്ന് പുനർ നിർവചിക്കപ്പെട്ട ഒരു കാലഘട്ടത്തിലാണ് നാമിപ്പോൾ ജീവിക്കുന്നത്. ക്ലാസുകൾ മാത്രമല്ല; അഡ്മിഷൻ പോലും ഓൺലൈനായി മാറിയ സാധ്യതയിലേയ്ക്ക് കാര്യങ്ങളെത്തിയിരിക്കുന്നു. ജൂൺ-ജൂലൈ മാസങ്ങളിൽ നടന്നിരുന്ന ഉന്നത വിദ്യാഭ്യാസ സ്ഥാപനങ്ങളിലെ പ്രവേശന നടപടികളൊക്കെ ഒാഗസ്റ്റ് - സെപ്റ്റംബർ - ഒക്ടോബർ മാസങ്ങളിലേയ്ക്ക് മാറിക്കഴിഞ്ഞു.
കോഴ്സുകളെയും പഠിപ്പിക്കുന്ന സ്ഥാപനങ്ങളെയും പറ്റി മനസിലാക്കുന്നതിനു മുൻപായി കോഴ്സുകൾക്ക്് അംഗീകാരം നൽകുന്ന ഒരു സർക്കാർ ഏജൻസിയുണ്ടെന്നറിയണം. ഈ ഏജൻസികൾ സ്ഥാപനങ്ങൾക്കും സ്ഥാപനത്തിലെ കോഴ്സുകൾ ക്കും നിശ്ചിത കാലത്തേയ്ക്ക് അംഗീകാരം നൽകിയിരിക്കും. വിദ്യാർഥികൾ ചേരാനാഗ്രഹിക്കുന്ന കോഴ്സിന് അംഗീകാരം ഉണ്ടോയെന്ന് ഉറപ്പു വരുത്തേണ്ടതുണ്ടെന്നു ചുരുക്കം. വിവിധങ്ങളായ കോഴ്സുകളും അവയ്ക്ക് അംഗീകാരം നൽകുന്ന സർക്കാർ ഏജൻസികളും ഏതൊക്കെയെന്ന് താഴെ വിവരി ക്കുന്നു.
I.യുജിസി(യൂണിവേഴ്സിറ്റി ഗ്രാൻഡ്സ് കമ്മീഷൻ)
ഇന്ത്യയിലെ എല്ലാ കേന്ദ്ര, സംസ്ഥാന യൂണിവേഴ്സിറ്റികളുടേയും, സ്വകാര്യ, കൽപ്പിത സർവകലാശാലകളുടേയും അവയ് ക്കു കീഴിലെ സർക്കാർ -എയ്ഡഡ് -സ്വാശ്രയ കോളേജുകളുടേയും, സ്വയംഭരണ കോളേജുകളുടേയും അംഗീകൃത ഏജൻസി, യൂണിവേഴ്സിറ്റി ഗ്രാൻറ്റ് കമ്മീഷൻ (UGC) ആണ്. കേന്ദ്ര മാനവ വിഭവശേഷി വകുപ്പിനു കീഴിലുള്ള ഈ കമ്മിഷനാണ്, മേൽ സൂചിപ്പിച്ച മുഴുവൻ ഉന്നത വിദ്യാഭ്യാസ സ്ഥാപനങ്ങളുടേയും അപ്പെക്സ് സമിതി. കോ ഴ്സുകൾ തെരഞ്ഞെടുക്കു ന്ന തിനു മുന്പ് സ്ഥാപനത്തിന്റെ യും കോഴ്സിന്റെയും ഗുണനിലവാരം യുജിസിയുമായി ബന്ധപ്പെട്ട് ഉറപ്പു വരുത്തേണ്ട ബാധ്യത അപേക്ഷാർത്ഥിക്കുണ്ട്. രാജ്യത്തെ അംഗീകാരമുള്ള യൂണിവേഴ്സിറ്റികളെയും കൽപ്പിത സർവ്വകലാശാലകളേയും സംബന്ധിച്ച വിവരങ്ങൾക്ക്, യുജിസിയുടെ തന്നെ ഔദ്യോഗിക വെബ്സൈറ്റ് www.ug c.ac.in സന്ദർശിച്ച് ഉറപ്പു വരുത്തേണ്ടതാണ്.
കേരളത്തിൽ പിഎസ്സിയുമായി ബന്ധപ്പെട്ട ജോലികൾ ലഭിക്കുന്നതിന്, അപേക്ഷാർഥി കേരളത്തിലെ സർവകലാശാലകളിലല്ല പഠിച്ചിരിക്കുന്നതെങ്കിൽ, പ്രസ്തുത സർവകലാശാലയുടെ നിർദിഷ്ട കോഴ്സ്, കേരളത്തിലെ ഏതെങ്കിലും സർവകലാശാലയിലെ പ്രസ്തുത കോഴ്സുമായി തുല്യതയുണ്ടെന്ന തുല്യതാ സർട്ടിഫിക്കേറ്റ് ഹാജരാക്കേണ്ടതുണ്ട്. അതുകൊണ്ട് തന്നെ, കേരളത്തിനു പുറത്ത് വിവിധ കോളജുകളിൽ പ്രവേശനം നേടുന്നതിനു മുൻപ് കോഴ്സിന് കേരളത്തിലെ സർവകലാശാലകൾ തുല്യതാ സർട്ടിഫിക്കറ്റുകൾ നൽകിയിട്ടുണ്ടോയെന്നും ഉറപ്പു വരുത്തണം.
2.എഐസിടിഇ(ഒാൾ ഇന്ത്യ കൗൺസിൽ ഫോർ ടെക്നിക്കൽ എജുക്കേഷൻ)
എൻജിനിയറിംഗ്, എൻജിനി യറിംഗ് ഡിപ്ലോമ, മാനേജ്മെന്റ്, ഹോട്ടൽ ആ ൻഡ് അഗ്രികൾചറൽ മാനേജ്മെന്റ്, എംസിഎ തുടങ്ങിയ കോഴ്സുകൾക്ക് അംഗീകാരം നൽകേണ്ട ഏജൻസി, ആൾ ഇന്ത്യ കൗൺസിൽ ഫോർ ടെക്നിക്കൽ എഡ്യുക്കേഷൻ (AlC TE) ആണ്. എഐസിടിഇയുടെ അംഗീകാരത്തോടൊപ്പം അതത് സംസ്ഥാനത്തിന്റെ അംഗീകാരം കൂടി പരിശോധിക്കണം. കേരളത്തിനകത്തും പുറത്തും ഈ കോഴ്സുകളിൽ പ്രവേശനം നേടുന്നതിനു മുൻപായി AlCTE വെബ് സൈറ്റായ www.aicte-indi a.org സന്ദർശിച്ച് വിവരങ്ങൾ ഉറപ്പു വരുത്തണം.
3. സിഒഎ(കൗൺസിൽ ഓഫ് ആർകിടെക്ചർ)
രാജ്യത്തെ വിവിധ സംസ്ഥാനങ്ങളിലെ ആർകിടെക്ട് കോഴ്സുകൾക്കും അവ പഠിപ്പിക്കുന്ന സ്ഥാപനങ്ങൾക്കും അംഗീകാരം നൽകുന്നത് കൗൺസിൽ ഓഫ് ആർകിടെക്ചർ (COA) ആണ്. ഈ രംഗത്ത് പ്രഫഷണൽ ആർകിടെക്ട് ആയി പ്രവർത്തിക്കുവാൻ COA സർട്ടിഫിക്കേഷൻ അനിവാര്യമാണ്. വിശദ വിവരങ്ങൾക്ക് സിഒഎയുടെ വെബ് സൈറ്റായ www.co a.gov.in/ സന്ദർശിക്കുക.
4. പിസിഐ. (ഫാർമസി കൗൺസിൽ ഓഫ് ഇന്ത്യ)
ഫാർമസി സംബന്ധമായ കോഴ്സുകൾക്ക് (ഡിഫാം, ബി.ഫാം, എംഫാം, ഫാംഡി)ഫാർമസി കൗൺസിൽ ഓഫ് ഇന്ത്യയുടേയും അതാത് സംസ്ഥാനങ്ങളിലെ ഫാർമസി കൗൺസിലിന്റേയും അംഗീകാരമാവശ്യമുണ്ട്. ഫാർമസി കോഴ്സുകളിൽ പ്രവേശനമാഗ്രഹിക്കുന്നവർ ഫാർമസി കൗൺസിലിന്റെ സൈറ്റായ www.pci.ni c.in നോക്കി വിവരങ്ങൾ ഉറപ്പു വരുത്തണം.
5.എംസിഐ(മെഡിക്കൽ കൗൺസിൽ ഓഫ് ഇന്ത്യ)
എല്ലാ അലോപ്പതി മെഡിക്കൽ കോഴ്സുകൾക്കും അന്തിമാംഗീകാരം നൽകുന്നത് മെഡിക്കൽ കൗൺസിൽ ഓഫ് ഇന്ത്യയാണ്. മെഡിക്കൽ കൗൺസിലിന്റെ വെബ് സൈറ്റ് www.mciindia.or g ആണ്. മെഡിക്കൽ കൗൺസിലിന്റെ പേര്, ദേശീയ ആരോഗ്യ മിഷൻ എന്നാക്കി മാറ്റിയിട്ടുണ്ട്.
6. ഡിസിഐ(ഡെന്റൽ കൗൺസിൽ ഓഫ് ഇന്ത്യ)
രാജ്യത്തെ ദന്ത മേഖല സംബന്ധിച്ച കോഴ്സുകൾക്ക് ഇന്ത്യൻ ഡെന്റൽ കൗൺസിലിന്റെ അംഗീകാരം നിർബന്ധമായും വേണം. കൗൺസിലുമായി ബന്ധപ്പെട്ട വിവരങ്ങൾക്ക് www.dc iindia.org സന്ദർശിക്കുക.
7. സി.സി.എച്ച്.(സെൻട്രൽ കൗൺസിൽ ഓഫ് ഹോമിയോപ്പതി)
ഹോമിയോപ്പതിയുമായി ബണ്ഡപ്പെട്ട കോഴ്സുകൾ, അവ നടത്തുന്ന സ്ഥാപനങ്ങൾ എന്നിവയുടെ അംഗീകാരവും ഹോമിയോപ്പതി മരുന്നുകളുടെ ഗുണ നിലവാരം നിർണയിക്കുവാനുള്ള അധികാരവും സെൻട്രൽ കൗൺസിൽ ഓഫ് ഹോമിയോപ്പതിയിൽ നിക്ഷിപ്തമാണ്്. മേൽ സൂചിപ്പിക്കപ്പെട്ട മേഖലകളുമായി ബന്ധപ്പെട്ട കാര്യങ്ങൾക്ക്, സെൻട്രൽ കൗൺസിൽ ഓഫ് ഹോമിയോപ്പതിയുടെ വെബ് സൈറ്റായ www.cchind ia.co m സന്ദർശിക്കണം.
8. സിസിഐഎം (സെൻട്രൽ കൗൺസിൽ ഓഫ് ഇന്ത്യൻ മെഡിസിൻ)
ആയുർവേദം, സിദ്ധ, യുനാനി തുടങ്ങിയ ചികിത്സാ രീതികളുടെ നിലവാരം, ഇത് സംബണ്ഡിച്ച കോഴ്സുകൾ, പ്രസ്തുത കോഴ്സുകൾ നടത്തുന്ന സ്ഥാപനങ്ങൾ, അവയുടെ അംഗീകാരം എന്നിവ സെൻട്രൽ കൗൺസിൽ ഓഫ് ഇന്ത്യൻ മെഡിസിന്റെ അധികാര പരിധിയിൽ വരുന്നു. ഈ മേഖലയുമായി ബന്ധപ്പെട്ട വിശദ വിവരങ്ങൾക്ക്, www.cc imindia.org സന്ദർശിച്ച്, കാര്യങ്ങൾ ഉറപ്പു വരുത്തേണ്ടതാണ്. എന്നാൽ ആയുർവേദം, യുനാനി, സിദ്ധ, നാച്ചുറോപ്പതി, യോഗ എന്നീ മേഖലകളുടെ കൺട്രോൾ ബോഡിയായി ആയുഷ് (Ayush) വകുപ്പിന് കേന്ദ്ര സർക്കാർ രൂപം നൽകിയിട്ടുണ്ട്.
9. ഐഎൻസി (ഇന്ത്യൻ നേഴ്സിംഗ് കൗൺസിൽ)
നഴ്സിംഗിനുള്ള അംഗീകാരം അതാതു സ്ഥാപനങ്ങൾക്കു ലഭിക്കേണ്ടത് അഖിലേന്ത്യാ തലത്തിൽ ഇന്ത്യൻ നേഴ്സിംഗ്കൗൺസിലിന്റെയും ഒപ്പം അതാതു സംസ്ഥാനങ്ങളിലെ നഴ്സിംഗ്് കൗൺസിലിനന്റെയുമാണ്. ഇതു സംബന്ധിച്ച വിവരങ്ങൾക്ക്, നഴ് സിംഗ് കൗൺസിലിന്റെ വെബ് സൈറ്റായ www.indiannursin gcouncil.org പരിശോധിക്ക ണം.
10. പാരാ മെഡിക്കൽ കൗൺസിൽ ഓഫ് ഇന്ത്യ
പാരാമെഡിക്കൽ കോഴ്സുകൾക്ക് അന്തിമാംഗീകാരം നൽകുന്നത് ഇന്ത്യൻ പാരാ മെഡിക്കൽ കൗൺസിലും അതാത് സംസ്ഥാനങ്ങളിലെ പാരാ മെഡിക്കൽ കൗൺസിലുകളുമാണ്. ഈ മേഖലയുമായി ബന്ധപ്പെട്ട വിവരങ്ങൾ www.p arame dicalcounc ilofindia.org സന്ദർശിച്ച് ഉറപ്പു വരുത്ത ണം.
12. ആർസിഐ (റീഹാബിലിറ്റേഷൻ കൗൺസിൽ ഓഫ് ഇന്ത്യ)
അംഗ വൈകല്യമുള്ളവരെ കുറിച്ചുള്ള പഠന സംബന്ധമായ കോഴ്സുകൾക്ക് റീഹാബിലിറ്റേഷൻ കൗൺസിൽ ഓഫ് ഇന്ത്യയുടെ അംഗീകാരം അത്യന്താപേക്ഷിതമാണു. റീഹാബിലിറ്റേഷൻ, സ്പെഷ്യൻ എഡ്യുക്കേഷൻ എന്നിവയുമായി ബന്ധപ്പെട്ട കോഴ്സുകളും അധ്യാപക പരിശീലനവുമെല്ലാം ഈ കൗൺസിലിൻ കീഴിൽ വരുന്നു. വിശദ വിവരങ്ങൾക്ക് www.rehabcoun cil.nic.in കാണുക.
13. ബാർ കൗൺസിൽ ഓഫ് ഇന്ത്യ
രാജ്യത്തെ നിയമ പഠനത്തിന്റെയും പഠിപ്പിക്കുന്ന സ്ഥാപനങ്ങളുടേയും നിലവാരം നിർണ യിക്കുക, നിയമബിരുദം പൂർത്തിയാക്കിയവർക്ക് എൻറോൾ ചെയ്ത് അഭിഭാഷകരായി പ്രാക്ടീസ് ചെയ്യാനുള്ള സാഹചര്യമൊരുക്കുക, നിയമ ബിരുദം നൽകാൻ യൂണിവേഴ്സിറ്റികൾക്കും കോളജുകൾക്കും വേണ്ട നിലവാരവും മാനദണ്ഡവും നിശ്ചയിക്കുക, അവയ്ക്ക് അംഗീകാരം നൽകുക തുടങ്ങിയവയും ബാർ കൗൺസിലിന്റെ അധികാരപരിധിയിൽപ്പെടുന്നു. വിവരങ്ങൾക്ക് www.barcouncilofindia.org.
14. ഐ.സി.എ.ആർ(ഇന്ത്യൻ കൗൺസിൽ ഓഫ് അഗ്രിക്കൾച്ചറൽ റിസർച്ച്)
കാർഷികാനുബന്ധ കോഴ്സുകളായ അഗ്രിക്കൾച്ചറൽ, അഗ്രിക്കൾച്ചറൽ എൻജിനിയറിങ്ങ്, ഹോർട്ടിക്കൾച്ചർ, ഫിഷറീസ്, വെറ്ററിനറി, ഫോറസ്ട്രി തുടങ്ങിയ കോഴ്സുകൾക്ക് രാജ്യത്ത് അംഗീകാരം നൽകുന്നത്, ഇന്ത്യൻ കൗൺസിൽ ഓഫ് അഗ്രിക്കൾച്ചറൽ റിസർച്ച് (ICAR) ആണ്. കാർഷിക മേഖലയുമായി ബന്ധപ്പെട്ട് പ്രവർത്തിച്ചു വരുന്ന സർവകലാശാലകൾ, ഗവേഷണ സ്ഥാപനങ്ങൾ, കോളജുകൾ തുടങ്ങിയവയൊക്കെ ഇന്ത്യൻ കൗൺസിൽ ഓഫ് അഗ്രിക്കൾച്ചറൽ റിസർച്ചിനു കീഴിൽ വരുന്നു. അവയുടെ അംഗീകാരം സംബന്ധിച്ച വിവരങ്ങൾക്ക് ww w.icar.org.in പരിശോധിക്കാം.
15.എൻസിടിഇ(നാഷണൽ കൗൺസിൽ ഫോർ ടീച്ചർ എഡ്യുക്കേഷൻ)
രാജ്യത്തെ അധ്യാപക പരിശീലന കോഴ്സുകൾക്ക് അംഗീകാരം നൽകുന്നതും നിലവിലെ അധ്യാപക പരിശീലനത്തിന്റെ കാര്യക്ഷമത ഉറപ്പു വരുത്താനാവശ്യമായ നിർദേശങ്ങൾ നൽകുന്നതും നാഷണൽ കൗൺസിൽ ഫോർ ടീച്ചർ എഡ്യുക്കേഷൻ ആണ്. ഒരു വർഷ ദൈർഘ്യമുണ്ടായിരുന്ന വിദ്യാഭ്യാസത്തിലെ ബിരുദ-ബിരുദാനന്തര കോഴ്സുകൾ നാലു സെമസ്റ്ററോടെ രണ്ടു വർഷമാക്കിയതും ഇതേ നാഷണൽ കൗൺസിൽ ഫോർ ടീച്ചർ എഡ്യുക്കേഷൻ തന്നെയാണ്. രാജ്യത്തെ മെച്ചപ്പെട്ട അധ്യാപക പരിശീലനത്തിനായി, നാലു മേഖലകളിൽ റീജണൽ ഇൻസ്റ്റിറ്റ്യൂട്ടുകളും നാഷണൽ കൗൺസിൽ ഫോർ ടീച്ചർ എഡ്യുക്കേഷൻ നടത്തുന്നുണ്ട്. നാലു വർഷത്തെ ഇന്റഗ്രേറ്റഡ് പഠനവും ഈയടുത്തായി എൻസിടിഇ അധ്യാപക പരിശീലനത്തിന് നിഷ്ക്കർഷിച്ചിട്ടുണ്ട്.
അധ്യാപക പരിശീലന രംഗത്ത്, അംഗീകാരമുള്ള കോഴ്സുകളെക്കുറിച്ചും പഠിപ്പിക്കുന്ന സ്ഥാപനങ്ങളെക്കുറിച്ചും അറിയാൻ നാഷണൽ കൗൺസിൽ ഫോർ ടീച്ചർ എഡ്യുക്കേഷന്റെ വെബ്സൈറ്റായ www.ncte-india.org സന്ദർശിക്കുക.
16. ഡയറക്ടർ ജനറൽ ഓഫ് ഷിപ്പിംഗ്
പ്ലസ് ടു കഴിഞ്ഞ നിരവധി വിദ്യാർത്ഥികളുടെ സ്വപ്ന മേഖലയാണ് മാരിടൈം. മറൈൻ സംബന്ധമായ വിവിധ കോഴ്സുകൾക്കും അവ ആധികാരികമായി പഠിപ്പിക്കുന്ന സ്ഥാപനങ്ങൾക്കും കേന്ദ്ര ഷിപ്പിങ് മന്ത്രാലയത്തിന്റെ അംഗീകാരം നിർബന്ധമാണ്. ഇതുമായി ബന്ധപ്പെട്ട വിശദ വിവരങ്ങൾക്ക് ഷിപ്പിംഗ് മന്ത്രാലയത്തിന്റെ വെബ്സൈറ്റായ www.dgshipping.gov.in.
17. അയാട്ട (ഇന്റർനാഷണൽ എയർ ട്രാൻസ്പോർട്ട് അസോസിയേഷൻ)
ട്രാവൽ ആൻഡ് ടൂറിസം സംബന്ധമായ കോഴ്സുകളുടെ രാജ്യാന്തരതലത്തെ അംഗീകൃത ഏജൻസി, ജനീവ ആസ്ഥാനമായി പ്രവർത്തിക്കുന്ന അയാട്ട (INT ER NATIOA NL AIR TRANSPORT ASSOC IAT ION) ആണ്. വിവരങ്ങൾക്ക് ww w.iata.org .
18. ഡി.ജി.സി.എ.(ഡയറക്ടർ ജനറൽ ഓഫ് സിവിൽ ഏവിയേഷൻ)
എയർക്രാഫ്റ്റ് മെയിന്റനൻസ് എഞ്ചിനിയറിങ്ങ്, പൈലറ്റ് (SPL & CPL)തുടങ്ങി വ്യോമയാന കോഴ്സുകൾക്കും അവ പഠിപ്പിക്കുന്ന സ്ഥാപനങ്ങൾക്കും ഡയറക്ടർ ജനറൽ ഓഫ് സിവിൽ ഏവിയേഷന്റെ അഫിലിയേഷനും അംഗീകാരവും ആവശ്യമാണ്. വിവരങ്ങൾക്ക് ഡയറക്ടർ ജനറൽ ഓഫ് സിവിൽ ഏവിയേഷന്റെ വെബ്സൈറ്റായ ww w.dgca.go v.in സന്ദർശിക്കണം.
19. ഡിസ്റ്റൻസ് എജുക്കേഷൻ (വിദൂര വിദ്യാഭ്യാസ) കൗൺസിൽ
വിവിധ കാരണങ്ങൾ കൊണ്ട് റെഗുലർ പഠനം സാധ്യമല്ലാത്തവർക്കായി, വിവിധ സർവകലാശാലകൾ ഒരുക്കിയിരിക്കുന്ന സൗകര്യമാണ് വിദൂരവിദ്യാഭ്യാസം.വിദൂര വിദ്യാഭ്യാസം മുഖാന്തിരം നടത്തുന്ന പ്രാക്ടിക്കൽ അധിഷ്ഠിത ബിരുദ - ബിരുദാനന്തര കോഴ്സുകൾക്ക് താരതമ്യേന മൂല്യം കുറവാണെങ്കിലും പ്രാക്ടിക്കലില്ലാത്ത ബിരുദ - ബിരുദാനന്തര കോഴ്സുകൾക്ക് രാജ്യത്തെ ഭൂരിഭാഗം സർവകലാശാലകളും തുല്യതാ സർട്ടിഫിക്കേറ്റ് നൽകുന്നുണ്ട്.രാജ്യത്തെ വിവിധ സർവകലാശാലകളുടെ കീഴിൽ നടത്തുന്ന വിദൂര വിദ്യാഭ്യാസ കോഴ്സുകളുടെ നിലവാരം നിർണയിക്കുന്ന ഏജൻസിയാണു വിദൂര വിദ്യാഭ്യാസ കൗൺസിൽ. കോഴ്സുകളെ സംബന്ധിച്ചും സർവകലാശാലകകളെ കുറിച്ചും കൂടുതൽ വിവരങ്ങൾക്ക് www.de c.ac.in സന്ദ ർശിക്ക ണം.
20. ഐസിഎഐ( ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടന്റ്സ് ഇന്ത്യ )
ചാർട്ടേഡ് അക്കൗണ്ടറ്റ് ആക ണമെങ്കിൽ ഇൻസ്റ്റിറ്റ്യൂട്ട് ഓഫ് ചാർട്ടഡ് എക്കൗണ്ടൻ്റ്സ് ഇന്ത്യ ( ICAl) നടത്തുന്ന മൂന്നു ഘട്ട പരീക്ഷകൾ പാസാകേണ്ടതു ണ്ട്. ഐസിഎഐയുടെ പ്രവ ർത്തന ങ്ങളെകുറിച്ചറിയുന്നതിന് www.i cai.org സന്ദർശിക്കുക.
21. ഐസിഎസ്ഐ(ഇൻസ്റ്റിറ്റ്യൂട്ട് ഓഫ് കമ്പനി സെക്രട്ടറീസ് ഓഫ് ഇന്ത്യ)
കമ്പനി സെക്രട്ടറി ആകാൻ ഇൻസ്റ്റിറ്റ്യൂട്ട് ഓഫ് കമ്പനി സെക്രട്ടറീസ് ഓഫ് ഇന്ത്യ (ICSl) നടത്തുന്ന രണ്ടുഘട്ട (എക്സിക്യൂ ട്ടീവ് ആൻഡ് പ്രഫഷണൽ) പരീക്ഷൾ പാസാകണം. പരീക്ഷാ നടത്തിപ്പും പുതിയ കമ്പനി സെക്രട്ടറിമാരെ നിശ്ചയിക്കുന്നതും ഐസിഎസ്ഐ ആണ്. വിവരങ്ങൾക്ക് www.icsi.edu സന്ദർശിക്കുക.
22. എൻസിവിടി (നാഷണൽ കൗൺസിൽ ഫോർ വൊക്കേഷണൽ ട്രയിനിംഗ് )
ഇൻഡസ്ട്രിയൽ ട്രെയിനിംഗ് ഇൻസ്റ്റിറ്റ്യൂട്ടുകളുടെ കോഴ്സുകൾ സർട്ടിഫൈ ചെയ്യുന്നത് നാഷണൽ കൗൺസിൽ ഫോർ വൊക്കേഷണൽ ട്രയിനിംഗ് ആണ്. ഒരു വർഷത്തേയും രണ്ടു വർഷത്തേയും ഐടി ഐ ഡിപ്ലോമകൾക്കു ചേരുമ്പോൾ പ്രസ്തുത സ്ഥാപനം നൽകുന്ന സർട്ടിഫിക്കറ്റ് എൻസിവിടി യുടെ അംഗീകാരമുള്ളതാണോയെന്ന് ഉറപ്പു വരുത്തണം. വിവരങ്ങൾ www.n cv tmis.gov.in, www.det.kerala.go v.in ൽ.
ലേഖകൻ തൃശൂർ സെന്റ്് തോമസ് കോളജിൽ ഫിസിക്സ് അധ്യാപക നാണ്.daisonpanengadan@ gmail.com. ഫോൺ : 9497 315495.
ഡോ. ഡെയ്സൻ പാണേങ്ങാടൻ