ന്യൂ​ഡ​ൽ​ഹി: ഡ​ൽ​ഹി മ​ദ്യ​ന​യ​വുമാ​യി ബ​ന്ധ​പ്പെ​ട്ട പ​ണ​ത്ത​ട്ടി​പ്പു കേ​സി​ൽ ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ളി​ന്‍റെ റി​മാ​ൻ​ഡ് ഏ​പ്രി​ൽ ഒ​ന്നു വ​രെ നീ​ട്ടി. ഡ​ൽ​ഹി റോ​സ് അ​വ​ന്യു കോ​ട​തി​യി​ലെ പ്ര​ത്യേ​ക സി​ബി​ഐ ജ​ഡ്ജി കാ​വേ​രി ബ​വേ​ജ​യാ​ണ് ക​സ്റ്റ​ഡി കാ​ലാ​വ​ധി നീ​ട്ടി​യ​ത്.

ക​ഴി​ഞ്ഞ 21 ന് ​രാ​ത്രി​യാ​ണ് കേ​ജ​രി​വാ​ളി​നെ എ​ൻ​ഫോ​ഴ്സ്മെ​ന്‍റ് ഡ​യ​റ​ക്‌​ട​റേ​റ്റ് അ​റ​സ്റ്റ് ചെ​യ്ത​ത്. ആ​റു ദി​വ​സ​ത്തെ ഇ​ഡി ക​സ്റ്റ​ഡി കാ​ലാ​വ​ധി ഇ​ന്ന​ലെ അ​വ​സാ​നി​ച്ച​തി​നെ​ത്തു​ട​ർ​ന്നാ​ണ് കേ​ജ​രി‌​വാ​ളി​നെ കോ​ട​തി​യി​ൽ ഹാ​ജ​രാ​ക്കി​യ​ത്. കേ​സി​ൽ ജാ​മ്യം അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ടു കേ​ജ​രി​വാ​ൾ ഡ​ൽ​ഹി ഹൈ​ക്കോ​ട​തി​യെ സ​മീ​പി​ച്ചെ​ങ്കി​ലും ഹ​ർ​ജി ത​ള്ളി​യി​രു​ന്നു.

അ​തേ​സ​മ​യം, ഇ​ഡി ചോ​ദ്യം ചെ​യ്യു​ന്പോ​ൾ കേ​ജ​രി​വാ​ൾ ഒ​ഴി​ഞ്ഞു​മാ​റു​ക​യാ​ണെ​ന്നും ഗോ​വ​യി​ലെ ചി​ല വ്യ​ക്തി​ക​ളെ ഉൾപ്പെടുത്തി അ​ദ്ദേ​ഹ​ത്തെ ചോ​ദ്യം ചെ​യ്യേ​ണ്ടതുണ്ടെ​ന്നും അ​ഡീ​ഷ​ണ​ൽ സോ​ളി​സി​റ്റ​ർ ജ​ന​റ​ൽ എ​സ്.​വി. രാ​ജു കോ​ട​തി​യെ അ​റി​യി​ച്ചു. മു​ഖ്യ​മ​ന്ത്രി എ​ന്ന പ്രി​വി​ലേ​ജ് കേ​ജ​രി​വാ​ൾ ഇ​ഡി​ക്കു മു​ന്നി​ൽ ഉ​പ​യോ​ഗി​ക്കു​ന്നു​ണ്ടെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

ആം​ആ​ദ്മി പാ​ർ​ട്ടി ഗോ​വ മേ​ധാ​വി അ​മി​ത് പ​ലേ​ക്ക​റെ​യും മ​റ്റു പാ​ർ​ട്ടി നേ​താ​ക്ക​ളെ​യും ചോ​ദ്യം ചെ​യ്യാ​ൻ കോ​ട​തി വി​ളി​ച്ചി​ട്ടു​ണ്ട്. ഇ​വ​രോ​ട് ഇ​ന്ന​ലെ ഗോ​വ​യി​ലെ ഇ​ഡി ഓ​ഫീ​സി​ൽ എ​ത്താ​നാ​ണു നി​ർ​ദേ​ശി​ച്ചി​രു​ന്ന​ത്. ഇ​ന്ന​ലെ കോ​ട​തി​യി​ൽ കേ​സ് നേ​രി​ട്ടു വാ​ദി​ച്ച കേ​ജ​രി​വാ​ൾ റി​മാ​ൻ​ഡി​നെ എ​തി​ർ​ത്തി​ല്ല. ത​നി​ക്കെ​തി​രേ​യു​ള്ള കേ​സ് രാ​ഷ്‌​ട്രീ​യ​പ്രേ​രി​ത​മാ​ണെ​ന്ന് കോ​ട​തി​യെ ധ​രി​പ്പി​ച്ചു.

കേ​ന്ദ്ര അ​ന്വേ​ഷ​ണ ഏ​ജ​ൻ​സി​ക​ൾ ത​നി​ക്കെ​തി​രേ വ​രു​ന്ന തെ​ളി​വു​ക​ൾ മാ​ത്ര​മാ​ണ് ശേ​ഖ​രി​ക്കു​ന്ന​ത്. പി​ടി​ച്ചെ​ടു​ത്ത ഇ​ല​ക്‌​ട്രോ​ണി​ക് ഉ​പ​ക​ര​ണ​ങ്ങ​ൾ അ​ണ്‍ലോ​ക്ക് ചെ​യ്യാ​ൻ തന്നെ നി​ർ​ബ​ന്ധി​ക്കാനാവില്ലെന്നു കേ​ജ​രി​വാ​ൾ കോ​ട​തി​യെ ബോധിപ്പിച്ചു.


""നി​രീ​ക്ഷ​ണം തു​ട​രും'' പ്രതികരണവുമായി വീണ്ടും അ​മേ​രി​ക്ക

ന്യൂ​ഡ​ൽ​ഹി: അ​ര​വി​ന്ദ് കേ​ജ​രി​വാ​ളി​ന്‍റെ അ​റ​സ്റ്റു​മാ​യി ബ​ന്ധ​പ്പെ​ട്ട് പ്ര​തി​ക​ര​ണം തു​ട​ർ​ന്ന് അ​മേ​രി​ക്ക. ബാ​ങ്ക് അ​ക്കൗ​ണ്ടു​ക​ൾ മ​ര​വി​പ്പി​ച്ച​തി​നെ​ത്തു​ട​ർ​ന്ന് മു​ഖ്യ പ്ര​തി​പ​ക്ഷ പാ​ർ​ട്ടി​യാ​യ കോ​ണ്‍ഗ്ര​സ് ബു​ദ്ധി​മു​ട്ടി​ലാ​യെ​ന്ന ആ​രോ​പ​ണ​വും ശ്ര​ദ്ധ​യി​ൽ​പ്പെ​ട്ടി​ട്ടു​ണ്ടെ​ന്ന് അ​മേ​രി​ക്ക​ൻ വി​ദേ​ശ​കാ​ര്യ വ​ക്താ​വ് മാ​ത്യു മി​ല്ല​ർ പ​റ​ഞ്ഞു.

കേ​ജ​രി​വാ​ളി​ന്‍റെ അ​റ​സ്റ്റു​ൾ​പ്പെ​ടെ​യു​ള്ള കാ​ര്യ​ങ്ങ​ൾ കൃ​ത്യ​മാ​യി നി​രീ​ക്ഷി​ക്കു​ന്നു​ണ്ടെ​ന്ന് യു​എ​സ് വി​ദേ​ശ​കാ​ര്യ വ​ക്താ​വ് വ്യ​ക്ത​മാ​ക്കി.

ഇ​തേ വി​ഷ​യ​ത്തി​ൽ നേ​ര​ത്തേ പ്ര​തി​ക​രി​ച്ച​തി​ന് യു​എ​സ് ദൗ​ത്യസം​ഘ​ത്തി​ന്‍റെ ഉ​പ​മേ​ധാ​വി ഗ്ലോ​റി​യ ബെ​ർ​ബെ​ന​യെ നേ​രി​ട്ട് വി​ളി​ച്ചു​വ​രു​ത്തി ഇ​ന്ത്യ പ്ര​തി​ഷേ​ധം അ​റി​യി​ച്ചി​രു​ന്നു. ഇ​ത്ത​രം പ​രാ​മ​ർ​ശ​ങ്ങ​ൾ അ​നാ​രോ​ഗ്യ​ക​ര​മാ​യ പ്ര​വ​ണ​ത​യാ​ണെ​ന്നും മ​റ്റു രാ​ജ്യ​ങ്ങ​ളു​ടെ പ​ര​മാ​ധി​കാ​ര​ത്തെ ബ​ഹു​മാ​നി​ക്ക​ണ​മെ​ന്നും ഇ​ന്ത്യ പ​റ​ഞ്ഞു. ഇ​തി​നു പി​ന്നാ​ലെ​യാ​ണ് അ​മേ​രി​ക്ക വീ​ണ്ടും പ്ര​തി​ക​ര​ണം ആ​വ​ർ​ത്തി​ച്ച​ത്.

കേ​ജ​രി​വാ​ളി​ന്‍റെ അ​റ​സ്റ്റി​ൽ നേ​ര​ത്തേ ജ​ർ​മ​ൻ വി​ദേ​ശ​കാ​ര്യ​മ​ന്ത്രാ​ല​യ വ​ക്താ​വ് സ​മാ​ന​മാ​യ അ​ഭി​പ്രാ​യ​പ്ര​ക​ട​നം ന​ട​ത്തി​യ​പ്പോ​ഴും ജ​ർ​മ​ൻ മി​ഷ​ൻ ഡെ​പ്യൂ​ട്ടി ചീ​ഫി​നെ കേ​ന്ദ്ര വി​ദേ​ശ​കാ​ര്യ മ​ന്ത്രാ​ല​യം വി​ളി​ച്ചു​വ​രു​ത്തി അ​തൃ​പ്തി അ​റി​യി​ച്ചി​രു​ന്നു.

അ​തേ​സ​മ​യം, അ​മേ​രി​ക്ക​യു​ടെ ര​ണ്ടാ​മ​ത്തെ പ്ര​തി​ക​ര​ണ​ത്തി​നെ​തി​രേ​യും കേ​ന്ദ്ര വി​ദേ​ശ​കാ​ര്യ മ​ന്ത്രാ​ല​യം രം​ഗ​ത്തെ​ത്തി. യു​എ​സ് വി​ദേ​ശ​കാ​ര്യ വ​ക്താ​വി​ന്‍റെ പ​രാ​മ​ർ​ശ​ങ്ങ​ൾ അ​നാ​വ​ശ്യ​വും അ​സ്വീ​കാ​ര്യ​വു​മാ​ണെ​ന്ന് ഇ​ന്ത്യ​ൻ വി​ദേ​ശ​കാ​ര്യ വ​ക്താ​വ് ര​ൺ​ധീ​ർ ജ​യ്‌​സ്വാ​ൾ പ​റ​ഞ്ഞു.