ഒ​റ്റ​പ്പാ​ലം -ചെ​ർ​പ്പു​ള​ശേരി പാ​ത​യി​ൽ വൈ​ദ്യു​തിതൂ​ണു​ക​ൾ മാ​റ്റു​ന്നു
Tuesday, September 17, 2024 1:50 AM IST
ഒ​റ്റ​പ്പാ​ലം:​ ഒ​റ്റ​പ്പാ​ലം-​ചെ​ർ​പ്പു​ള​ശേരി പ്ര​ധാ​ന പാ​ത​യി​ൽ വൈ​ദ്യു​ത​ത്തൂ​ണു​ക​ൾ മാ​റ്റി തു​ട​ങ്ങി. റോ​ഡ് ന​വീ​ക​ര​ണ​ഭാ​ഗ​മാ​യി 11 കി​ലോ​മീ​റ്റ​ർ ദൂ​ര​ത്തെ വൈ​ദ്യു​ത​ത്തൂ​ണു​ക​ളാ​ണ് മാ​റ്റു​ന്ന​ത്. 18 ട്രാ​ൻ​സ്‌​ഫോ​ർ​മ​റു​ക​ളും 384 വൈ​ദ്യു​ത​ത്തൂ​ണു​ക​ളു​മാ​ണ് ഒ​റ്റ​പ്പാ​ലം, കോ​ത​കു​റു​ശി കെഎ​സ്ഇബി സെ​ക്ഷ​ൻ ഓ​ഫീ​സ് പ​രി​ധി​ക​ളി​ൽ​നി​ന്ന്‌ മാ​റ്റു​ന്ന​ത്. ഇ​തി​നു​വേ​ണ്ടി​യു​ള്ള 2.49 കോ​ടി രൂ​പ റോ​ഡ് ന​വീ​ക​ര​ണ​ച്ചു​മ​ത​ല​യു​ള്ള കേ​ര​ള റോ​ഡ് ഫ​ണ്ട് ബോ​ർ​ഡ് കെഎ​സ്ഇബിയി​ൽ കെ​ട്ടി​വെ​ച്ചി​രു​ന്നു.

ഉ​യ​രം​കൂ​ടി​യ ഇ​രു​മ്പ് തൂ​ണു​ക​ളാ​ണ് പു​തു​താ​യി സ്ഥാ​പി​ക്കു​ന്ന​ത്. ഒ​റ്റ​പ്പാ​ലം പ​രി​ധി​യി​ൽ 12 ട്രാ​ൻ​സ്‌​ഫോ​ർ​മ​റു​ക​ളും 264 വൈ​ദ്യു​ത​ത്തൂ​ണു​ക​ളും കോ​ത​കു​റു​ശി പ​രി​ധി​യി​ൽ ആ​റ്‌ ട്രാ​ൻ​സ്‌​ഫോ​ർ​മ​റു​ക​ളും 120 തൂ​ണു​ക​ളും മാ​റ്റും. ജ​ല അഥോ​റി​റ്റി​യു​ടെ പൈ​പ്പ് ലൈ​നു​ക​ളും മാ​റ്റി​സ്ഥാ​പി​ക്കു​ന്നു​ണ്ട്. റോ​ഡ​രി​കി​ലെ മ​ര​ങ്ങ​ളും മു​റി​ച്ചു​മാ​റ്റും. 11 കി​ലോ​മീ​റ്റ​ർ ദൂ​രം​വ​രു​ന്ന പാ​ത വീ​തി​കൂ​ട്ടി റ​ബറൈ​സ് ചെ​യ്താ​ണ് ന​വീ​ക​രി​ക്കു​ന്ന​ത്.


ഒ​റ്റ​പ്പാ​ലം-​ചെ​ർ​പ്പു​ള​ശേരി പാ​ത ന​വീ​ക​രി​ക്കു​ന്ന​തി​ന്‍റെ ര​ണ്ടാം​ഘ​ട്ട​ത്തി​ൽ ഉ​ൾ​പ്പെ​ടു​ത്തി​യു​ള്ള പ​ദ്ധ​തി​യാ​ണി​ത്. കീ​ഴൂ​ർ റോ​ഡ് മു​ത​ൽ ചെ​ർ​പ്പു​ള​ശേരി​വ​രെ​യു​ള്ള ഭാ​ഗ​ത്തെ വി​പു​ലീ​ക​ര​ണം നേ​ര​ത്തേ പൂ​ർ​ത്തി​യാ​യി​രു​ന്നു.