ക​ല്ല​ന്തോ​ട്ടി​ൽ കൃഷിയിടം ഉഴുതുമറിച്ച് കാട്ടുപന്നിക്കൂട്ടം
Thursday, April 11, 2024 12:59 AM IST
ചി​റ്റൂ​ർ: ക​ല്ല​ന്തോ​ട്ടി​ൽ കാ​ട്ടു​പ​ന്നി​ക്കൂ​ട്ട​മെ​ത്തി വീ​ടി​നു പിറ​കി​ലെ കു​ല​വാ​ഴ​ക​ൾ കു​ത്തിവീ​ഴ്ത്തി വ്യാ​പ​ക നാ​ശം വ​രു​ത്തി. പെ​രു​മാ​ട്ടി ക​ല്ല​ന്തോ​ട് ത​ങ്ക​വേ​ലു​വി​ന്‍റെ വീ​ട്ടി​ലാ​ണ് സം​ഭ​വം. ചൊ​വ്വാ​ഴ്ച രാ​ത്രി 10.30നാ​ണ് പ​ന്നി​ക്കൂട്ടം എ​ത്തി​യ​ത്. അ​പ​ക​ട​ഭീ​തി​ കാ​ര​ണം വി​ട്ടു​കാ​ർ പു​റ​ത്തി​റ​ങ്ങി​യി​ല്ല. പ​തി​ന​ഞ്ചു വാ​ഴ​ക​ൾ പി​ഴു​തെ​റി​ഞ്ഞ​തി​ൽ എ​ട്ടെ​ണ്ണം കു​ലയ്ക്കാറായ വാഴകളാ​ണ്.

ക​ടു​ത്ത ജ​ല​ക്ഷാ​മ​ത്തി​ലും ഏ​റെ ശ്ര​ദ്ധ​യോ​ടെ പ​രി​പാ​ലി​ച്ച വാ​ഴ​ക​ളാ​ണ് പ​ന്നി​ക​ൾ ന​ശി​പ്പിച്ച​ത്. പ​ന്നി​ക​ൾ സ​മീ​പ​ത്തുത​ന്നെ​യു​ള്ള ക​വു​ങ്ങുതോ​ട്ട​ത്തി​ലി​റ​ങ്ങി കു​ത്തി ഗ​ർ​ത്ത​മു​ണ്ടാ​ക്കി​യി​ട്ടു​ണ്ട്.​ ന​ർ​ണി - ക​ല്യാ​ണ​പ്പേ​ട്ട പ്ര​ധാ​ന പാ​ത​യ്ക്ക​രി​കി​ലാ​ണ് ത​ങ്ക​വേ​ലു​വി​ന്‍റെ വീ​ടും തോ​പ്പു​മു​ള്ള​ത്.

രാ​ത്രിസ​മ​യ​ത്ത് ഇ​രു​ച​ക്ര വാ​ഹ​ന​ത്തി​ൽ റോ​ഡി​ൽ സ​ഞ്ചാ​രി​ക്കാ​ൻ യാ​ത്ര​ക്കാ​ർ ഭ​യ​പ്പെ​ടു​ന്ന സാ​ഹ​ച​ര്യ​മാ​ണ് നി​ല​വി​ലു​ള്ള​ത്. ജ​ല​ക്ഷ​ാമം നേ​രി​ടു​ന്ന പ​ന്നി​ക്കൂ​ട്ടം വീ​ടു​ക​ൾ​ക്കു പിറ​കി​ൽ സൂ​ക്ഷി​ക്കു​ന്ന ജ​ലം കു​ടി​ച്ചുതീ​ർ​ത്ത് തൊ​ട്ടി​യും ന​ശി​പ്പി​ച്ചാ​ണ് സ്ഥ​ലം വി​ടു​ന്ന​ത്.

പ​ന്നി​ക​ൾ കാ​ർ​ഷി​ക വി​ള​ ന​ശി​പ്പി​ച്ചാ​ൽ വ​നം വ​കു​പ്പ് ന​ഷ്ട​പ​രി​ഹാ​രം ന​ൽ​കു​മെ​ന്ന് വ്യ​വ​സ്ഥ​യു​ണ്ടെ​ങ്കി​ലും ഇ​തു​വരെ​യും അ​തു​ണ്ടാ​യി​ല്ലെ​ന്ന​തു വി​ള​നാ​ശം ഉ​ണ്ടാ​വു​ന്ന​വ​രെ ​നി​രാ​ശ​പ്പെ​ടു​ത്തു​ന്നു​​ണ്ട്.