വ​ട​ക്ക​ഞ്ചേ​രി: ശോ​ഭാ അ​ക്കാ​ദ​മി​യി​ൽ ന​ട​ന്ന ജി​ല്ലാ സ​ഹോ​ദ​യ ര​ണ്ടാം മേ​ഖ​ല ഫു​ട്ബോ​ൾ ചാ​മ്പ്യ​ൻ​ഷി​പ്പി​ൽ 16 വ​യ​സി​ൽ താ​ഴെ പ്രാ​യ​മു​ള്ള കു​ട്ടി​ക​ളു​ടെ വി​ഭാ​ഗ​ത്തി​ൽ ത​ത്ത​മം​ഗ​ലം ചി​ന്മ​യ സ്കൂ​ൾ ഒ​ന്നാം സ്ഥാ​ന​വും സെ​ന്‍റ് മേ​രീ​സ് സ്കൂ​ൾ ര​ണ്ടാം സ്ഥാ​ന​വും ക​ര​സ്ഥ​മാ​ക്കി. 19 വ​യ​സി​ൽ താ​ഴെ​യു​ള്ള കു​ട്ടി​ക​ളു​ടെ വി​ഭാ​ഗ​ത്തി​ൽ കൊ​ല്ലങ്കോ​ട് ശ്രീനാ​രാ​യ​ണഗു​രു പ​ബ്ലി​ക് സ്കൂ​ൾ വി​ജ​യി​ക​ളാ​യി.

പ​ല്ലാ​വൂ​ർ ചി​ന്മ​യ സ്കൂ​ൾ ര​ണ്ടാം സ്ഥാ​ന​ക്കാ​രാ​യി. പ​തി​നാ​റ് വ​യ​സി​ൽ താ​ഴെ​യു​ള്ള കു​ട്ടി​ക​ളു​ടെ വി​ഭാ​ഗ​ത്തി​ൽ മി​ക​ച്ച ക​ളി​ക്കാ​ര​നാ​യി ത​ത്ത​മം​ഗ​ലം ചി​ന്മ​യ വി​ദ്യാ​ല​യ​ത്തി​ലെ അ​ദ്വൈ​തി​നെ തെ​ര​ഞ്ഞെ​ടു​ത്തു. ബെ​സ്റ്റ് ഗോ​ൾ കീ​പ്പ​ർ ട്രോ​ഫി​യും ഇ​തേ സ്കൂ​ളി​ലെ ആ​ര്യ​ൻ ദാ​സ് എ​ന്ന താ​ര​ത്തി​നാ​ണ്.

19 വ​യ​സി​ൽ താ​ഴെ​യു​ള്ള കു​ട്ടി​ക​ളു​ടെ വി​ഭാ​ഗ​ത്തി​ൽ മി​ക​ച്ച ക​ളി​ക്കാ​ര​നു​ള്ള ട്രോ​ഫി ശ്രീനാ​രാ​യ​ണ പ​ബ്ലി​ക് സ്കൂ​ളി​ലെ എം.​മോ​ഹി​ത് നേ​ടി​യ​പ്പോ​ൾ മി​ക​ച്ച ഗോ​ൾ​കീ​പ്പ​റി​നു​ള്ള ട്രോ​ഫി പ​ല്ലാ​വൂ​ർ ചി​ന്മ​യ വി​ദ്യാ​ല​യ​ത്തി​ലെ ആ​ദി​ശേ​ഷ​നും സ്വ​ന്ത​മാ​ക്കി.

ഒ​മ്പ​ത് സ്കൂ​ളു​ക​ൾ ചാ​മ്പ്യ​ൻ​ഷി​പ്പി​ൽ പ​ങ്കെ​ടു​ത്തു. ഇ​ന്ത്യ​ൻ ഫുട്ബോ​ൾ ടീ​മി​ന്‍റെ മു​ൻ നാ​യ​ക​ൻ ഐ.എം. വി​ജ​യ​ൻ ചാ​മ്പ്യ​ൻ​ഷി​പ്പ് ഉ​ദ്ഘാ​ട​നം ചെ​യ്തു. സ​ഹോ​ദ​യ ഫു​ട്ബോ​ൾ ക​മ്മി​റ്റി ക​ൺ​വീ​ന​റും സെ​ന്‍റ് പോ​ൾ​സ് സെ​ന്‍റർ സ്കൂ​ൾ പ്രി​ൻ​സി​പ്പ​ലു​മാ​യ സി.​വി.​ പ്രേം​ജി​ത് അ​ധ്യ​ക്ഷ​ത വ​ഹി​ച്ചു.

ശോ​ഭ അ​ക്കാ​ദ​മി പ്രി​ൻസി​പ്പ​ൽ എം.ആ​ർ. മൃ​ദു​ല, വൈ​സ് പ്രി​ൻ​സി​പ്പ​ൽ എ​സ്.​സി. ദീ​പ എ​ന്നി​വ​ർ പ്ര​സം​ഗി​ച്ചു.