ജോ​ജി തോ​മ​സ്

നെ​ന്മാ​റ: ക്രി​സ്മ​സ് ആ​ഘോ​ഷി​ക്കാ​ൻ ന​ക്ഷ​ത്ര വി​പ​ണി സ​ജീ​വ​മാ​കു​ന്നു. ക്രി​സ്മ​സ് അ​ല​ങ്കാ​ര​ത്തി​നു​ള്ള ന​ക്ഷ​ത്ര​ങ്ങ​ളും പു​ൽ​ക്കൂ​ട്ടി​ൽ വെ​ക്കാ​നു​ള്ള വി​വി​ധ രൂ​പ​ങ്ങ​ളും അ​ല​ങ്കാ​ര​വ​സ്തു​ക്ക​ളും വ്യാ​പാ​ര സ്ഥാ​പ​ന​ങ്ങ​ളി​ൽ പ്ര​ദ​ർ​ശി​പ്പി​ച്ചു തു​ട​ങ്ങി.

വി​പ​ണി​യി​ൽ ക്രി​സ്മ​സ് അ​പ്പൂ​പ്പ​ന്‍റെ മു​ഖം​മൂ​ടി​ക​ളും വേ​ഷ​ങ്ങ​ളും വി​ല്പനയ്ക്ക് എ​ത്തി​യി​ട്ടു​ണ്ട്.

നി​റ​ത്തി​ലും രൂ​പ​ത്തി​ലും കൗ​തു​ക​മു​ണ​ർ​ത്തു​ന്ന സ്റ്റാ​റു​ക​ളാ​ണ് വി​പ​ണി​യു​ടെ പ്ര​ത്യേ​ക​ത. പ​ന്തി​ന്‍റെ രൂ​പ​ത്തി​ലു​ള്ള ന​ക്ഷ​ത്ര​ങ്ങ​ളും ധാ​രാ​ള​മാ​യി പ്ര​ദ​ർ​ശി​പ്പി​ച്ചി​ട്ടു​ണ്ട്.

വി​വി​ധ വ​ലി​പ്പ​ത്തി​ലു​ള്ള ബ​ഹു​വ​ർ​ണ ക​ട​ലാ​സ് ന​ക്ഷ​ത്ര​ങ്ങ​ളും തു​ണി​കൊ​ണ്ടു​ണ്ടാ​ക്കി​യ ന​ക്ഷ​ത്ര​ങ്ങ​ളി​ൽ തി​ള​ങ്ങു​ന്ന ബെ​ൽ​റ്റു​ക​ളും ആ​ന​ക്കൂ​ട​ക​ളി​ലേ​തു​പോ​ലു​ള്ള മു​ത്തു​ക​ളും സീ​ക്വ​ൻ​സു​ക​ളും തൂ​ങ്ങു​ന്ന ത​ര​ത്തി​ൽ പ​ക​ൽ​സ​മ​യ​ത്ത് ആ​ക​ർ​ഷി​ക്കു​ന്ന രീ​തി​യി​ലു​ള്ള ന​ക്ഷ​ത്ര​ങ്ങ​ളും വി​പ​ണി​യി​ൽ എ​ത്തി​യി​ട്ടു​ണ്ട്.

രാ​ത്രി സ​മ​യ​ങ്ങ​ളി​ൽ ശ്ര​ദ്ധ​യാ​ക​ർ​ഷി​ക്കു​ന്ന രീ​തി​യി​ലു​ള്ള ബ​ഹു​വ​ർ​ണ എ​ൽ​ഇ​ഡി ബ​ൾ​ബു​ക​ളു​ള്ള ന​ക്ഷ​ത്ര​ങ്ങ​ളും ന​ക്ഷ​ത്ര​ങ്ങ​ളി​ലെ ലൈ​റ്റു​ക​ളു​ടെ വേ​ഗ​ത കൂ​ട്ടാ​നും കു​റ​യ്ക്കാ​നും അ​തോ​ടൊ​പ്പം ജിം​ഗി​ൾ ബെ​ൽ​സ് സം​ഗീ​തം പൊ​ഴി​ക്കു​ന്ന​വ​യും പു​തു​താ​യി വി​പ​ണി​യി​ലെ​ത്തി​യി​ട്ടു​ണ്ട്.
കൂ​ടാ​തെ റെ​ഡി​മെ​യ്ഡ് പു​ൽ​ക്കൂ​ട്, ക്രി​സ്മ​സ് ട്രീ, ​പു​ൽ​ക്കൂടി​ന​ക​ത്ത് സ​ജ്ജീ​ക​രി​ക്കാ​നു​ള്ള തി​രു​പി​റ​വി​യു​ടെ​യും, ഉ​ണ്ണി​യേ​ശു​വി​ന്‍റേ​യും ഇ​ട​യ​ന്മാ​രു​ടെ​യും രൂ​പ​ങ്ങ​ൾ, മ​ണി​ക​ൾ, സാ​ന്താ​ക്ലോ​സ് തൊ​പ്പി​ക​ൾ തുടങ്ങിയവയും ക​ട​ക​ളി​ൽ പ്ര​ദ​ർ​ശി​പ്പി​ച്ച് വി​പ​ണി ആ​ക​ർ​ഷ​ക​മാ​ക്കു​ന്നു​ണ്ട് വ്യാ​പാ​രി​ക​ൾ.

ഓ​രോ ഇ​ന​ങ്ങ​ളു​ടെ​യും വി​ല വ​ലു​പ്പ​ത്തി​നും വ​ർ​ണ​ത്തി​നും അ​വ​യി​ൽ അ​ട​ങ്ങി​യി​രി​ക്കു​ന്ന സം​വി​ധാ​ന​ങ്ങ​ൾ​ക്കും അ​നു​സ​രി​ച്ചാ​ണു​ള്ള​ത്. ക്രി​സ്മ​സ് ആ​ശം​സ​ക​ൾ ന​വ മാ​ധ്യ​മ​ങ്ങ​ളി​ലേ​ക്ക് മാ​റി​യെ​ങ്കി​ലും ക്രി​സ്മ​സ് കാ​ർ​ഡു​ക​ളും ക​ട​ക​ളി​ൽ ല​ഭ്യ​മാ​ണ്.