പാ​ല​ക്കാ​ട്: ഹീ​മോ​ഫീ​ലി​യ രോ​ഗി​ക​ളു​ടെ കൈ​യി​ൽ ല​ക്ഷ​ണ​മി​ല്ലാ​തെ മ​രു​ന്ന് കൊ​ടു​ത്തു​വി​ടു​ന്ന​തും രോ​ഗി​യെ സ്വ​യം മ​രു​ന്നെ​ടു​ക്കാ​ൻ അ​നു​വ​ദി​ക്കു​ന്ന​തും രോ​ഗി​യു​ടെ സു​ര​ക്ഷ​യെ ക​രു​തി നി​യ​ന്ത്രി​ച്ചി​രി​ക്കു​ന്ന​താ​യി ആ​രോ​ഗ്യ​വ​കു​പ്പ് മ​നു​ഷ്യാ​വ​കാ​ശ ക​മ്മീ​ഷ​നെ അ​റി​യി​ച്ചു.

ചി​റ്റൂ​ർ, ഒ​റ്റ​പ്പാ​ലം, പാ​ല​ക്കാ​ട് ജി​ല്ലാ ആ​ശു​പ​ത്രി, മ​ണ്ണാ​ർ​ക്കാ​ട്, ആ​ല​ത്തൂ​ർ താ​ലൂ​ക്ക് ആ​ശു​പ​ത്രി​ക​ൾ ഉ​ൾ​പ്പെ​ടെ ജി​ല്ല​യി​ലെ ആറ് ആ​ശു​പ​ത്രി​ക​ളി​ൽ ഹീ​മോ​ഫീ​ലി​യ മ​രു​ന്നു​ക​ൾ ല​ഭ്യ​മാ​ണെ​ന്നും പാ​ല​ക്കാ​ട് ജി​ല്ലാ ആ​ശു​പ​ത്രി സൂ​പ്ര​ണ്ട് ക​മ്മീ​ഷ​നെ അ​റി​യി​ച്ചു.

ഹീ​മോ​ഫീ​ലി​യ രോ​ഗി​ക​ളു​ടെ അ​വ​സ്ഥ പ​രി​താ​പ​ക​ര​മാ​ണെ​ന്ന് ആ​രോ​പി​ച്ച് സ​മ​ർ​പ്പി​ച്ച പ​രാ​തി​യി​ൽ ക​മ്മീ​ഷ​ൻ ആ​ക്ടിം​ഗ് ചെ​യ​ർ​പേ​ഴ്സ​ണും ജു​ഡീ​ഷ്യ​ൽ അം​ഗ​വു​മാ​യ കെ. ​ബൈ​ജു​നാ​ഥ് ആ​വ​ശ്യ​പ്പെ​ട്ട വി​ശ​ദീ​ക​ര​ണ​ത്തി​ലാ​ണ് ഇ​ക്കാ​ര്യ​മു​ള്ള​ത്. സം​സ്ഥാ​ന ഹീ​മോ​ഫീ​ലി​യ ടെ​ക്നി​ക്ക​ൽ ക​മ്മി​റ്റി​യു​ടെ നി​ർ​ദേ​ശ​പ്ര​കാ​രം മ​രു​ന്നു​ക​ൾ അ​ല​ർ​ജിക്ക് സാ​ധ്യ​ത​യു​ള്ള​തി​നാ​ൽ ഡോ​ക്ട​റു​ടെ മേ​ൽ​നോ​ട്ട​ത്തി​ൽ പ​രി​ശീ​ല​നം ല​ഭി​ച്ച ന​ഴ്സു​മാ​ർ മ​രു​ന്ന് കൊ​ടു​ക്കേ​ണ്ട​താ​ണെ​ന്ന് റി​പ്പോ​ർ​ട്ടി​ൽ പ​റ​യു​ന്നു.

അ​ത്യാ​വ​ശ്യ​ഘ​ട്ട​ത്തി​ൽ ഒ​രു ഡോ​സ് മ​രു​ന്ന് രോ​ഗി​ക്കു കൊ​ടു​ത്തു​വി​ടും. ബ്ലീ​ഡിംഗിന്‍റെ സ്വ​ഭാ​വ​മ​നു​സ​രി​ച്ച് എ​ത്ര ഡോ​സ് വേ​ണ​മെ​ന്നും ആ​ശു​പ​ത്രി പ്ര​വേ​ശ​നം ആ​വ​ശ്യ​മു​ണ്ടോ​യെ​ന്നും തീ​രു​മാ​നി​ക്കേ​ണ്ട​ത് ഡോ​ക്ട​റാ​ണ്. രോ​ഗി​യു​ടെ കൈ​യി​ലു​ള്ള മ​രു​ന്ന് തീ​ർ​ന്ന​താ​യി സ​ർ​ട്ടി​ഫി​ക്ക​റ്റ് ഹാ​ജ​രാ​ക്കി​യാ​ൽ ര​ണ്ടാ​മ​ത്തെ ഡോ​സ് ന​ൽ​കു​മെ​ന്നും റി​പ്പോ​ർ​ട്ടി​ൽ പ​റ​യു​ന്നു.

ഹീ​മോ​ഫീ​ലി​യ രോ​ഗി​ക​ൾ​ക്ക് ഇ​പ്പോ​ൾ ആ​ശു​പ​ത്രി​യി​ൽ ചെ​ന്നാ​ൽ മാ​ത്ര​മാ​ണ് ഫാ​ക്ട​ർ കി​ട്ടു​ന്ന​തെ​ന്നും ബ്ലീ​ഡിം​ഗ് തു​ട​ങ്ങി ആ​ശു​പ​ത്രി​യി​ൽ ചെ​ല്ലു​ന്ന​തി​നി​ട​യി​ൽ അ​ധി​ക​ര​ക്ത​സ്രാ​വം കാ​ര​ണം ബു​ദ്ധി​മു​ട്ടു​ണ്ടാ​വു​മെ​ന്നും പ​രാ​തി​ക്കാ​ര​നാ​യ ആ​ല​ത്തൂ​ർ സ്വ​ദേ​ശി ഡോ​ണ്‍ ജോ​യി പ​രാ​തി​യി​ൽ പ​റ​ഞ്ഞു.

എ​ന്നാ​ൽ ഈ ​ആ​വ​ശ്യം അം​ഗീ​ക​രി​ക്കാ​നാ​വി​ല്ലെ​ന്ന് ആ​ശാ​ധാ​രാ പ​ദ്ധ​തി നോ​ഡ​ൽ ഓ​ഫീ​സ​ർ ക​മ്മീ​ഷ​നെ അ​റി​യി​ച്ചു.