ഡ്രൈ​വ​ർ​മാ​രും ക​ണ്ട​ക്ട​ർ​മാ​രും അ​റി​യാ​ൻ... ലൈ​സ​ൻ​സ് ഇ​ല്ലെ​ങ്കി​ൽ കു​ടു​ങ്ങും
Sunday, October 1, 2023 1:33 AM IST
ഒറ്റ​പ്പാ​ലം:​ സ്വ​കാ​ര്യ ബ​സു​ക​ളി​ൽ ക​ണ്ട​ക്ട​ർ​മാ​രും ഡ്രൈ​വ​ർ​മാ​രും ലൈ​സ​ൻ​സ് ഇ​ല്ലാ​തെ സ​ർ​വീ​സ് ന​ട​ത്തു​ന്ന​താ​യി എ​ൻ​ഫോ​ഴ്സ്മെ​ന്‍റ് വി​ഭാ​ഗം ക​ണ്ടെ​ത്തി. സ്വ​കാ​ര്യ ബ​സു​ക​ളി​ൽ ലൈ​സ​ൻ​സ് പ​രി​ശോ​ധ​ന ശ​ക്ത​മാ​ക്കാ​ൻ അ​ധി​കൃ​ത​ർ ന​ട​പ​ടി​ക​ൾ തു​ട​ങ്ങി.

നേ​ര​ത്തെ ഒ​റ്റ​പ്പാ​ല​ത്ത് വി​ദ്യാ​ർ​ഥി​നിയ്​ക്ക് യാ​ത്രാ ഇ​ള​വു ന​ല്​കാ​തെ പാ​തി​വ​ഴി​യി​ൽ ഇ​റ​ക്കി​വി​ട്ട സം​ഭ​വം വി​വാ​ദ​മാ​യ​തി​നെ തു​ട​ർ​ന്ന് മോ​ട്ടോ​ർ വാ​ഹ​ന വ​കു​പ്പ് അ​ധി​കൃ​ത​ർ പ​രി​ശോ​ധ​ന ന​ട​ത്തി​യി​രു​ന്നു.

ഇ​തു പ്ര​കാ​രം സ്വ​കാ​ര്യ ബ​സ് ക​ണ്ട​ക്ട​ർ​ക്കു ലൈ​സ​ൻ​സ് ഇ​ല്ലെ​ന്നു ക​ണ്ടെ​ത്തി​യ​തി​നു പി​ന്നാ​ലെ മോ​ട്ടോ­­ർ​വാ​ഹ​ന വ​കു​പ്പ് വ്യാ​പ​ക​മാ​യി പ​രി​ശോ​ധ​ന ന​ട​ത്താ​നാ​ണ് ന​ട​പ​ടി​ക​ൾ അ​നു​വ​ർ​ത്തി​ച്ചി​രി​ക്കു​ന്ന​ത്.

ഇ​തി​ൻ്റെ ഭാ​ഗ​മാ​യി ക​ഴി​ഞ്ഞ ദി​വ​സം ജി​ല്ല​യി​ലെ വി​വി​ധ​യി​ട​ങ്ങ​ളി​ലാ​യി സ്വ​കാ​ര്യ ബ​സു​ക​ളി​ൽ എ​ൻ​ഫോ​ഴ്സ്മെ​ന്‍റ് വി​ഭാ​ഗം ന​ട​ത്തി​യ പ​രി​ശോ​ധ​ന​യി​ൽ ആറ് ക​ണ്ട​ക്ട​ർ​മാ​ർ​ക്കു ലൈ​സ​ൻ​സ് ഇ​ല്ലെ​ന്നു ക​ണ്ടെ​ത്തി​യി​രു​ന്നു. ഇ​വ​ർ​ക്കു പി​ഴ​യും ചു​മ​ത്തി.

ക​ണ്ട​ക്ട​ർ ലൈ​സ​ൻ​സ് എ​ടു​ത്ത ശേ​ഷ​മേ ഇ​നി ബ​സി​ൽ ജോ​ലി​ക്കു ക​യ​റാ​വൂ എ​ന്നു ക​ർ​ശ​ന നി​ർ​ദേ​ശ​വും ന​ല്കി. ക​ഴി​ഞ്ഞ​യാ​ഴ്ച​യാ​ണു ക​ണ്ണി​യം​പു​റം വ​ള്ളു​വ​നാ​ട് ആ​ശു​പ​ത്രി സ്റ്റോ​പ്പി​ൽ നി​ന്നു ബ​സ് ക​യ​റി​യ എ​ൻ​ജി​നീ​യ​റി​ങ് വി​ദ്യാ​ർ​ഥി​നി​യെ യാ​ത്രാ ഇ​ള​വു ന​ൽ​കാ​തെ ജീ​വ​ന​ക്കാ​ർ തൊ​ട്ട​ടു​ത്ത സ്റ്റോ​പ്പി​ൽ ഇ​റ​ക്കി​വി​ട്ട​ത്.

വി​ദ്യാ​ർ​ഥി​നി​യു​ടെ പ​രാ​തി​യി​ൽ മോ​ട്ട​ർ​വാ​ഹ​ന വ​കു​പ്പ് ന​ട​ത്തി​യ അ​ന്വേ​ഷ​ണ​ത്തി​ൽ, ക​ണ്ട​ക്ട​റു​ടെ ലൈ​സ​ൻ​സ് 6 വ​ർ​ഷം മു​ൻ​പു കാ​ലാ​വ​ധി തീ​ർ​ന്ന​താ​ണെ​ന്നു ക​ണ്ടെ​ത്തി​യി​രു​ന്നു.

ഇ​തോ​ടെ​യാ​ണു സ്വ​കാ​ര്യ ബ​സു​ക​ളി​ൽ ലൈ​സ​ൻ​സ് ഇ​ല്ലാ​തെ ജോ​ലി ചെ​യ്യു​ന്ന ക​ണ്ട​ക്ട​ർ​മാ​ർ വ​ർ​ധി​ച്ച​താ​യി ഉ​ദ്യോ​ഗ​സ്ഥ​ർ​ക്കു സൂ​ച​ന ല​ഭി​ച്ച​ത്. പാ​ല​ക്കാ​ട്–​കു​ള​പ്പു​ള്ളി, പാ​ല​ക്കാ​ട്–​ചെ​ർ​പ്പു​ള​ശ്ശേ​രി, ചെ​ർ​പ്പു​ള​ശ്ശേ​രി–​ഒ​റ്റ​പ്പാ​ലം റൂ​ട്ടു​ക​ളി​ലാ​യി​രു​ന്നു ക​ഴി​ഞ്ഞ ദി​വ​സം പ​രി​ശോ​ധ​ന. 3 റൂ​ട്ടു​ക​ളി​ലും ലൈ​സ​ൻ​സി​ല്ലാ​തെ ജോ​ലി ചെ​യ്യു​ന്ന ക​ണ്ട​ക്ട​ർ​മാ​രെ ക​ണ്ടെ​ത്താ​നാ​യി.

6 പേ​രും ഇ​തു​വ​രെ ലൈ​സ​ൻ​സ് എ​ടു​ക്കാ​ത്ത​വ​രാ​ണെ​ന്നും മോ​ട്ടോർ വാ​ഹ​ന​വ​കു​പ്പ് ക​ണ്ടെ​ത്തി. ടി​ക്ക​റ്റ് ന​ൽ​കാ​ത്ത 12 ബ​സ് ജീ​വ​ന​ക്കാ​ർ​ക്കെ​തി​രെ​യും എ​ൻ​ഫോ​ഴ്സ്മെ​ന്‍റ് വി​ഭാ​ഗം ന​ട​പ​ടി​യെ​ടു​ത്തു. പ​രി​ശോ​ധ​ന തു​ട​രാ​നാ​ണ് അ​ധി​കൃ​ത​രു​ടെ തീ​രു​മാ​നം.

Copyright @ 2022 , Rashtra Deepika Ltd.