ADVERTISEMENT

ADVERTISEMENT

പറക്കോട്ടുകാവ് താലപ്പൊലി; അവലോകനയോഗം ചേർന്നു

തിരുവില്വാമല: പറക്കോട്ടുകാവ് താലപ്പൊലിയുടെ നടത്തിപ്പ് സുഗമമാക്കുന്നതിന് വില്വാദ്രിനാഥ ക്ഷേത്രം ഹാളിൽ യു.ആർ. പ്രദീപ് എംഎൽഎയുടെ അധ്യക്ഷതയിൽ യോഗം ചേർന്നു. പഞ്ചായത്ത് വൈസ് പ്രസിഡന്‍റ്് എം. ഉദയൻ, തലപ്പിള്ളി തഹസീൽദാർ രാജേഷ്, എ സിപി സന്തോഷ്, സിഐ മുഹമ്മദ് ബഷീർ എന്നിവർ സംസാരിച്ചു.

ആരോഗ്യം, റവന്യു, പോലീസ്, അഗ്നിരക്ഷാസേന , എക്സൈസ്, സോഷ്യൽ ഫോറസ്ട്രി, ഭക്ഷ്യ സുരക്ഷ, തദ്ദേശ സ്വയംഭരണം, കെഎസ്ഇബി, വാട്ടർ അതോറ്റി തുടങ്ങിയ വകുപ്പുകളിലെ ഉദ്യോഗസ്ഥർ, താലപ്പൊലി കമ്മറ്റി ഭാരവാഹികൾ, ക്ഷേത്ര ഉപദേശക സമിതി ഭാരവാഹികൾ, രാഷ്ട്രീയ പാർട്ടി പ്രതിനിധികൾ,വ്യാപാരി വ്യവസായി ഭാരവാഹികൾ എന്നിവർ പങ്കെടുത്തു.

ADVERTISEMENT

തൃശൂരിന്‍റെ തൊഴിൽപ്പൂരത്തിന് ‘പൂരത്തിരക്ക് ’

രാമവർമപുരം: തൃശൂരിന്‍റെ തൊഴിൽപ്പൂരത്തിന് പൂരത്തിരക്ക്. ആയിരക്കണക്കിന് ഉദ്യോഗാർഥികൾ എത്തിച്ചേർന്നു. വിജ്ഞാനകേരളം ജനകീയ കാന്പയിന്‍റെ ഭാഗമായാണ് തൃശൂരിൽ മെഗാ ജോബ് ഫെയർ സംഘടിപ്പിച്ചത്. ഗവ. എൻജിനീയറിംഗ് കോളജ്, വിമല കോളജ് എന്നിവിടങ്ങളിലാണ് ജോബ് ഫെയർ നടത്തിയത്. 25.000 ത്തിലധികം പേരാണ് ഡിജിറ്റൽ വർക്ക് ഫോഴ്സ് മാനേജ്മെന്‍റ് സിസ്റ്റത്തിലൂടെ രജിസ്ട്രേഷൻ പൂർത്തീകരിച്ചു മേളയ്ക്കെത്തിയത്. 151 തൊഴിൽദാതാക്കളിൽനിന്ന് 577 വ്യത്യസ്തമേഖലകളിലായി 35000 തൊഴിലുകൾ വിജ്ഞാനകേരളം ജനകീയ കാന്പയിനിലൂടെ നൽകാനാണ് ലക്ഷ്യമിട്ടിരിക്കുന്നത്. ഫ്രാൻസിസ് മാർപാപ്പയുടെ നിര്യാണത്തെതുടർന്ന് ഉദ്ഘാടനചടങ്ങുകൾ പൂർണമായി ഒഴിവാക്കിയാണ് മേള സംഘടിപ്പിച്ചത്. മന്ത്രി കെ. രാജൻ, മുൻമന്ത്രി ഡോ. തോമസ് ഐസക് എന്നിവർ മെഗാ ജോബ് ഫെയർ നടക്കുന്ന കോളജുകളിലെത്തിയിരുന്നു. പത്ത് തൊഴിൽദാതാക്കൾ പങ്കെടുക്കുന്ന വെർച്ച്വൽ ജോബ് ഫെയറും അപ്രന്‍റീസ്ഷിപ്പ് ഡ്രൈവും ഇൻഫ്ളുവൻസേഴ്സ് മീറ്റും മെഗാ ജോബ് ഫെയറിന്‍റെ ഭാഗമായുണ്ടായിരുന്നു. മുന്നോടിയായി സംഘടിപ്പിച്ച വെർച്വൽ മേളകളിൽ തൊഴിൽ ലഭിച്ച 617 ഉദ്യോഗാർഥികളുടെ ഓഫർ ലെറ്ററുകളും തൊഴിലിലേക്കുള്ള ചുരുക്കപ്പട്ടികയിൽ ഉൾപ്പെട്ട 512 പേർക്കുള്ള സർട്ടിഫിക്കറ്റുകളും ജോബ് സ്റ്റേഷനുകൾവഴി വിതരണം ചെയ്തു.തൊഴിൽപ്പൂരത്തിനു വരുന്ന ഉദ്യോഗാർഥികൾക്കായി വടക്കേസ്റ്റാൻഡിൽനിന്ന് രാവിലെമുതൽ ഗവ. എൻജിനീയറിംഗ് കോളജിലേക്കു കൂടുതൽ ബസ് സർവീസുകൾ കെഎസ്ആർടിസി സജ്ജീകരിച്ചിരുന്നു. ഗതാഗതനിയന്ത്രണത്തിനായി സിറ്റി പോലീസിന്‍റെ നേതൃത്വത്തിൽ പ്രത്യേക ക്രമീകരണങ്ങളും ഒരുക്കിയിരുന്നു. കുടുംബശ്രീയുടെ ഫുഡ് കോർട്ടുകൾ തൊഴിൽമേള നടന്ന രണ്ടു കോളജുകളിലും പ്രവർത്തിച്ചു. തൊഴിൽമേളയുടെ സുഗമമായ നടത്തിപ്പിനായി എൻഎസ്എസ്, എൻസിസി വോളന്‍റിയർമാരുടെ സേവനവും ലഭ്യമാക്കിയിരുന്നു. സ്വന്തം ലേഖകൻ

പൂരം വൈബൊരു വൈബാണ്...പൂരം കൊടിയേറ്റ് ബുധനാഴ്ച, സാന്പിൾ നാലിന്

തൃശൂർ: വീണ്ടും ഒരു പൂരക്കാലമെത്തി. തൃശൂർ പൂരക്കാഴ്ചകളിലേക്കു ജാലകം തുറക്കാൻ കാത്തിരിക്കുകയാണ്. സ്വരാജ് റൗണ്ടിൽ പൂരത്തിന്‍റെ വരവറിയിച്ച് പൂമരങ്ങൾ പൂത്തു. മൂന്നിടങ്ങളിൽ നിലപ്പന്തലുകൾ ഉയരുന്നു. ഇനിയുള്ള ദിവസങ്ങളും പൂരത്തിന്‍റേതാണ്... ഓരോ വർഷവും പൂരമുണ്ടെങ്കിലും എല്ലാ പൂരവും തൃശൂർക്കാർക്ക് ആദ്യത്തെ പൂരംപോലെയാണ്. പൂരത്തിനുവേണ്ടിയുള്ള കാത്തിരിപ്പിനാണ് പൂരത്തെക്കാൾ ആവേശമെന്നു പറയാറുണ്ട്. മേയ് ആറിനാണ് ഇത്തവണ തൃശൂർ പൂരം. ഈ മാസം 30നു ബുധനാഴ്ച പൂരം കൊടിയേറും. പ്രധാന പങ്കാളികളായ തിരുവന്പാടി -പാറമേക്കാവ് ക്ഷേത്രങ്ങൾക്കുപുറമെ എട്ടു ഘടകക്ഷേത്രങ്ങളിലും 30-നാണ് കൊടിയേറ്റ്. മേയ് നാലിനാണ് സാന്പിൾ വെടിക്കെട്ട്. പൂരം വെടിക്കെട്ടുപോലെതന്നെ ജനസാഗരം തിങ്ങിനിറയുന്ന സാന്പിൾ വെടിക്കെട്ട് കാണാനെത്തുന്നവർക്കു കണ്ണിനു വിരുന്നൊരുക്കി ആനച്ചമയപ്രദർശനങ്ങളും പന്തൽക്കാഴ്ചകളുമുണ്ടാകും. പൂരം എക്സിബിഷന്‍റെ കാൽനാട്ടലോടെതന്നെ തൃശൂരിൽ പൂരാവേശത്തിനു തിരികൊളുത്തും. എക്സിബിഷനാണ് പൂരത്തിന്‍റെ മറ്റൊരു വിളംബരം. എക്സിബിഷനു പ്രവേശനം തുടങ്ങുന്നതോടെ തൃശൂരിൽ തിരക്കായി. സ്വരാജ് റൗണ്ടിലേക്കു കയറി കുറച്ചുകഴിഞ്ഞാൽ എക്സിബിഷന്‍റെ അനൗണ്‍സ്മെന്‍റ് കേൾക്കാം. സന്ധ്യ മയങ്ങുന്നതോടെ എക്സിബിഷൻ ഗ്രൗണ്ട് വൈദ്യുതലങ്കാരങ്ങളിൽ നിറയും. പന്തൽപണിക്കു തുടക്കംമുതൽക്കേ മാർക്കിടുന്ന പൂരപ്രേമികളുണ്ട്. തിരുവന്പാടി വിഭാഗം നായ്ക്കനാലിലും നടുവിലാലിലും പാറമേക്കാവ് വിഭാഗം മണികണ്ഠനാലിലുമാണ് പന്തലുകൾ ഉയർത്തുന്നത്. സാന്പിൾ വെടിക്കെട്ടിനുകൂടി മാർക്കിട്ടാൽ പിറ്റേന്നു പൂരം തുടങ്ങുകയാണ്. 36 മണിക്കൂർനീളും പൂരം. മഠത്തിൽവരവും ഇലഞ്ഞിത്തറമേളവും തെക്കോട്ടിറക്കവും കുടമാറ്റവും കഴിഞ്ഞ് പുലർച്ചെ വെടിക്കെട്ടെന്ന ക്ലൈമാക്സിലേക്കു നീളുന്ന പൂരക്കാഴ്ചകൾ. അതു കഴിഞ്ഞു പിറ്റേന്നു പകൽപ്പൂരവും ഉപചാരം ചൊല്ലലും അവസാനത്തെ വെടിക്കെട്ടുംകഴിഞ്ഞ് പൂരക്കഞ്ഞിയും മാന്പഴപ്പുളിശേരിയും കഴിച്ച് പൂരപ്പറന്പിൽനിന്നു യാത്രപറയുന്പോൾ ഓരോ പൂരപ്രേമിയും അടുത്ത പൂരത്തിനെത്തുമെന്നു മനസുകൊണ്ട് ഉറപ്പിച്ചിരിക്കും. സ്വന്തം ലേഖകൻ

പൂരം സുരക്ഷാക്രമീകരണങ്ങൾ ശക്തിപ്പെടുത്തി: ഡിജിപി

തൃശൂർ: പഹൽഗാം ആക്രമണത്തിന്‍റെ പശ്ചാത്തലത്തിൽ തൃശൂർ പൂരം സുരക്ഷാക്രമീകരണങ്ങൾ കൂടുതൽ ശക്തിപ്പെടുത്തിയതായി സംസ്ഥാന പോലീസ് മേധാവി ഷേഖ് ദർവേഷ് സാഹിബ് പത്രസമ്മേളനത്തിൽ പറഞ്ഞു. നാലായിരത്തിലധികം പോലീസുകാരെ വിന്യസിക്കും. സുരക്ഷാചുമതലയിലുള്ള എല്ലാ സീനിയർ ഓഫീസർമാരും ഇൻസ്‌പെക്ടർമാരും പരിചയസമ്പന്നരായിരിക്കും. പോലീസ് വകുപ്പ് രണ്ടുമാസംമുമ്പേപൂരത്തിന്‍റെ സുരക്ഷാനടപടികൾ ആരംഭിച്ചിരുന്നു. വിന്യസിക്കുന്ന സേനാംഗങ്ങളിൽ 35 ഡിവൈഎസ്പിമാർ, 71 ഇൻസ്‌പെക്ടർമാർ, 280 എഎസ്ഐ, എസ്‌സിപിഒ റാങ്കിലുള്ളവർ, 3400ഓളം സിപിഒമാർ, 200 വനിതാ സിപിഒമാർ എന്നിവരുൾപ്പെടുന്നു. പത്തു ഡ്രോണുകളും ഒരു ആന്‍റി ഡ്രോൺ സിസ്റ്റവും വിന്യസിക്കും. സുരക്ഷയുമായി ബന്ധപ്പെട്ട സജ്ജീകരണങ്ങൾ പൂർത്തിയായി. പൂരത്തിനെത്തുന്നവർക്കു കഴിഞ്ഞവർഷത്തെക്കാൾ കൂടുതൽ പാർക്കിംഗ് സൗകര്യം ഒരുക്കിയിട്ടുണ്ട്. 44 ഇടങ്ങളിലാണ് പാർക്കിംഗ് സജ്ജമാക്കിയിട്ടുള്ളത്. നഗരത്തിൽ 337 സിസിടിവി കാമറ സ്ഥാപിച്ചു. ലഹരി ഉപയോഗം തടയാൻ സ്പെഷൽ സ്‌ക്വാഡിനെയും നിയോഗിച്ചിട്ടുണ്ട്. പൂരവുമായി ബന്ധപ്പെട്ട എല്ലാ വിഭാഗങ്ങളുമായും കൂടിയാലോചിച്ചാണ് കാര്യങ്ങൾ നടത്തുന്നതെന്നും ഡിജിപി പറഞ്ഞു.

കുടമാറ്റം കാണാൻ ആഗ്രഹം: ഗവർണർ

തൃശൂർ: കേരള ഗവർണർ രാജേന്ദ്ര വിശ്വനാഥ് ആർലേക്കറെ തൃശൂർ പൂരത്തിനു ക്ഷണിച്ച് തിരുവന്പാടി ദേവസ്വം. രാജ്ഭവനിലെത്തിയാണ് ബോർഡ് അംഗങ്ങൾ അദ്ദേഹത്തെ ക്ഷണിച്ചത്. തൃശൂർ പൂരത്തെക്കുറിച്ച് ഗവർണറോടു ദേവസ്വം പ്രസിഡന്‍റ് പദ്മശ്രീ ഡോ. സുന്ദർമേനോൻ വിശദീകരിച്ചു. കുടമാറ്റം നേരിൽ കാണാൻ ആഗ്രഹമുണ്ടെന്നും എത്താൻ പരമാവധി ശ്രമിക്കാമെന്നും ഗവർണർ പറഞ്ഞു. കുടമാറ്റദിവസം പിതാവിന്‍റെ ശ്രാദ്ധദിനമാണെങ്കിലും ഗവർണർ വൈകീട്ട് എത്താൻ ശ്രമിക്കുമെന്നു സുന്ദർമേനോൻ പറഞ്ഞു. പൂരത്തിന്‍റെ തെക്കോട്ടിറക്കത്തിന്‍റെ ഛായാചിത്രവും ഗവർണർക്കു സമ്മാനിച്ചാണ് ദേവസ്വം അംഗങ്ങൾ മടങ്ങിയത്.

ആയിരത്തോളം ഇനം മാങ്ങകളുമായി മാങ്ങമേള നാളെയും മറ്റന്നാളും

തൃശൂർ: ആയിരത്തോളം ഇനം മാങ്ങകളുമായി ട്രിച്ചൂർ അഗ്രിഹോർട്ടി കൾച്ചറൽ സൊസൈറ്റിയുടെ മാങ്ങമേള നാളെയും മറ്റന്നാളും ടൗൺ ഹാളിൽ നടക്കും. നാട്ടിൽ അപൂർവമായി കാണുന്നതും പ്രചാരത്തിലുള്ളതുമായ മാങ്കോ ഐസ്‌ക്രീം, ഹൃദ്യ, തുരുവരമ്പ്, വിനോ മാജിക്, ആര്യ, ഡോൾഫിൻ, മാവേലി, പൊന്നൂസ് തുടങ്ങിയ മാങ്ങയിനങ്ങൾ പേരെഴുതി പ്രദർശിപ്പിക്കും. ലോകത്തിലെ വലിപ്പംകൂടിയ മാങ്ങയിനങ്ങളിൽ ഒന്നായ, എട്ടുകിലോ വരുന്ന മാങ്കോശ്രീയും മേളയിലുണ്ടാകും. മികച്ചയിനം മാവിൻതൈകളുടെയും മാങ്ങ ഉത്പന്നങ്ങളുടെയും പ്രദർശനവും വില്പനയും നടക്കും. ശാസ്ത്രീയമായ മാവുകൃഷിയെക്കുറിച്ച് സെമിനാറുകളും പരിപാലനത്തെക്കുറിച്ചുള്ള നിർദേശങ്ങളും സംശയങ്ങൾക്കു മറുപടിയുമായി മാങ്കോ ക്ലിനിക്കും സംഘടിപ്പിച്ചിട്ടുണ്ട്. വീട്ടിലുണ്ടാകുന്ന മാങ്ങകൾ മത്സരാടിസ്ഥാനത്തിൽ പ്രദർശിപ്പിക്കാൻ വ്യക്തികൾക്ക് അവസരമുണ്ട്. കൃഷിവകുപ്പ്, കാർഷിക സർവകലാശാല, ഇൻഡിജിനസ് മാങ്കോ ട്രീ കൺസർവേഷൻ പ്രോജക്ട്, ഡിടിപിസി എന്നിവയുടെ സഹകരണത്തോടെ സംഘടിപ്പിക്കുന്ന മാങ്ങമേള നാളെ രാവിലെ പത്തിനു മേയർ എം.കെ. വർഗീസ് ഉദ്ഘാടനം ചെയ്യും. പി. ബാലചന്ദ്രൻ എംഎൽഎ അധ്യക്ഷത വഹിക്കും. ചിത്രരചനാമത്സരവും വ്യക്തികൾക്കുള്ള മാങ്ങ പ്രദർശനമത്സരവും രാവിലെയാണ്. ഉച്ചതിരിഞ്ഞു രണ്ടിന് സെമിനാർ. ഭക്ഷ്യവിഭവങ്ങളുടെ പാചകമത്സരം മറ്റന്നാൾ രാവിലെ 11ന്. മേളയുടെ സമാപനം വൈകീട്ട് അഞ്ചിന് ജില്ലാ പഞ്ചായത്ത് പ്രസിഡന്‍റ് വി.എസ്. പ്രിൻസ് ഉദ്ഘാടനം ചെയ്യും. പ്രതിപക്ഷനേതാവ് രാജൻ ജെ.പല്ലൻ പങ്കെടുക്കും. പത്രസമ്മേളനത്തിൽ ട്രിച്ചൂർ അഗ്രിഹോർട്ടികൾച്ചറൽ സൊസൈറ്റി പ്രസിഡന്‍റ് അഡ്വ. രഘു കെ. മാരാത്ത്, ടി.ആർ. സഖിൽ, സെക്രട്ടറി അനിൽ പൊറ്റെക്കാട്ട്, ട്രഷറർ അഡ്വ. ഷോബി ടി. വർഗീസ്, വൈസ് പ്രസിഡന്‍റ് വിനോജ് കുറുവത്ത് എന്നിവർ പങ്കെടുത്തു.

അന്തിക്കാട് കൃഷ്ണപ്രസാദിനും വെള്ളാങ്കല്ലൂർ അനൂപിനും സ്കന്ദ പുരസ്കാരം

പഴുവിൽ: പഴുവിൽ മാധവമാരാർ സ്മാരക സ്കന്ദപുരസ്കാരം ചെണ്ടകലാകാരൻ അന്തിക്കാട് കൃഷ്ണപ്രസാദിനും ഇലത്താളകലാകാരൻ വെള്ളാങ്കല്ലൂർ അനൂപിനും സമ്മാനിക്കുമെന്നു പഴുവിൽ രഘുമാരാർ പത്രക്കുറിപ്പിൽ അറിയിച്ചു. പഴുവിൽ ശ്രീ സുബ്രഹ്മണ്യസ്വാമിക്ഷേത്രത്തിലെ പള്ളിവേട്ട ദിനമായ 28നു രാവിലെ 11നു ക്ഷേത്രാങ്കണത്തിൽ നടക്കുന്ന ചടങ്ങിൽ കൊച്ചിൻ ദേവസ്വം ബോർഡ് പ്രസിഡന്‍റ് ടി. രവീന്ദ്രൻ പുരസ്കാരം സമ്മാനിക്കും. 25,000 രൂപയും പൊന്നാടയും പ്രശസ്തിപത്രവുമാണു പുരസ്കാരം.

ഒന്നിനി ശ്രുതിതാഴ്ത്തി പാടുക പൂങ്കുയിലേ ജയചന്ദ്രൻസ്മൃതി ഒന്നിന്

തൃശൂർ: ഗസറ്റഡ് സർക്കാർ ഉദ്യോഗസ്ഥരുടെ സംഘടനയായ ജില്ലാ ഓഫീസേഴ്സ് ക്ലബ് ഗായകൻ പി. ജയചന്ദ്രനെ അനുസ്മരിച്ചുസംഘടിപ്പിക്കുന്ന സംഗീതനിശ ജയചന്ദ്രൻസ്മൃതി മേയ് ഒന്നിനു വൈകീട്ട് ആറിന് അയ്യന്തോളിലെ വനിതാ ഇൻഡോർ സ്റ്റേഡിയത്തിൽ നടക്കും. ജയചന്ദ്രന്‍റെ ഗാനങ്ങൾ കോർത്തിണക്കിയുള്ള ഒന്നിനി ശ്രുതിതാഴ്ത്തി പാടുക പൂങ്കുയിലേ എന്ന പരിപാടിയിൽ 23 ഗായകർ 25ഓളം ഗാനങ്ങൾ ആലപിക്കും. സർക്കാർ ജീവനക്കാർ വരച്ച ചിത്രങ്ങളുടെ പ്രദർശനവും രാവിലെ പത്തുമുതൽ ഉണ്ടാകും.

തൃശൂര്‍ പൂരം ഹിന്ദു മഹാസംഗമം ഇന്നും നാളെയും

തൃശൂര്‍: പൂരത്തോടനുബന്ധിച്ച് പാഞ്ചജന്യം ഭാരതം സാംസ്‌കാരികസംഘടനയുടെ നേതൃത്വത്തിൽ സംഘടിപ്പിക്കുന്ന തൃശൂര്‍ പൂരം ഹിന്ദു മഹാസംഗമം ഇന്നും നാളെയും എംജി റോഡിലെ ശ്രീശങ്കര ഹാളിൽ നടക്കും. ഇന്നു വൈകീട്ട് നാലിനു സന്യാസിശ്രേഷ്ഠരും തന്ത്രിമുഖ്യന്മാരും പങ്കെടുക്കുന്ന വിളംബരഘോഷയാത്ര പാറമേക്കാവ് ക്ഷേത്രത്തിൽനിന്ന് ആരംഭിച്ച് വടക്കുന്നാഥക്ഷേത്രംവഴി തിരുവന്പാടി ക്ഷേത്രത്തിൽ സമാപിക്കും. നാളെ രാവിലെ 9.30ന് അറ്റോര്‍ണി ജനറല്‍ ഓഫ് ഇന്ത്യ ആര്‍. വെങ്കിട്ടമണി ഉദ്ഘാടനം ചെയ്യും. കേന്ദ്ര വിദ്യാഭ്യാസമന്ത്രാലയം ഭാഷാസമിതി അംഗം എം.വി. നടേശന്‍ അധ്യക്ഷനാകും. പൂരം ഹിന്ദുമഹാസംഗമ വിളംബരം വടക്കുന്പാട്ട് നാരായണൻ നിർവഹിക്കും. ഉച്ചയ്ക്കുശേഷം 2.30നു യൂത്ത് പാർലമെന്‍റ്. വൈകീട്ട് യതിസംഗമവും സമാപനവും ഉടുപ്പി പേജാവർ മഠാധിപതി സ്വാമി വിശ്വപ്രസന്നതീർഥ ഉദ്ഘാടനം ചെയ്യും. വിവിധ ഹോമങ്ങളും പൂജകളും സംഗമത്തിന്‍റെ ഭാഗമായി നടക്കും. പത്രസമ്മേളനത്തിൽ സ്വാമി നന്ദാത്മജാനന്ദ, ഡോ. എം.വി. നടേശൻ, യു. പുരുഷോത്തമൻ, എൻ.വി. ദേവദാസ് വർമ, കെ.പി. രാജഗോപാൽ എന്നിവർ പങ്കെടുത്തു.

കേരള സംഗീതനാടക അക്കാദമി വാർഷികം ആഘോഷിച്ചു

തൃശൂർ: കേരള സംഗീതനാടക അക്കാദമിയുടെ 67-ാം വാർഷികം കൂടിയാട്ടം ആചാര്യൻ ജി. വേണു ഉദ്ഘാടനം ചെയ്തു. അമച്വർ നാടകവേദിയിലെ രംഗശില്പമേഖലയ്ക്കു നൽകിയ സംഭാവനകൾ പരിഗണിച്ച് ഇത്തവണത്തെ ചിറയിൻകീഴ് ഡോ. ജി. ഗംഗാധരൻനായർ പുരസ്കാരം കെ. അലിയാറിന് അക്കാദമി ചെയർമാൻ മട്ടന്നൂർ ശങ്കരൻ കുട്ടി സമർപ്പിച്ചു. അക്കാദമി വൈസ്ചെയർമാൻ പി.ആർ. പുഷ്പവതി, കാഞ്ചന ജി. നായർ, കെ. അലിയാർ, അക്കാദമി സെക്രട്ടറി കരിവെള്ളൂർ മുരളി, അക്കാദമി നിർവാഹകസമിതി അംഗം സഹീർ അലി തുടങ്ങിയവർ പ്രസംഗിച്ചു. തുടർന്ന് സിറാജ് അമലിന്‍റെ നേൃത്വത്തിൽ മെഹ്ഫിൽ അരങ്ങേറി.

ഓൾ കേരള ഇന്‍റർ ബാർ അസോസിയേഷൻ ക്രിക്കറ്റ് ടൂർണമെന്‍റ് ഇന്നുമുതൽ

തൃശൂർ: ബാർ അസോസിയേഷന്‍റെ നേതൃത്വത്തിൽ ഓൾ കേരള ഇന്‍റർ ബാർ അസോസിയേഷൻ 20-20 ക്രിക്കറ്റ് ടൂർണമെന്‍റ് ഇന്നുമുതൽ മേയ് മൂന്നുവരെ ശ്രീ കേരളവർമ കോളജ് ഗ്രൗണ്ടിൽ നടക്കും. ഇന്നുരാവിലെ എട്ടിനു ഹൈക്കോടതി ജഡ്ജിമാരായ ജസ്റ്റിസ് പി.എം. മനോജ്, ജസ്റ്റിസ് കെ.വി. ജയകുമാർ എന്നിവർ ചേർന്ന് ഉദ്ഘാടനം ചെയ്യും. പദ്മശ്രീ ഐ.എം. വിജയൻ മുഖ്യാതിഥിയായിരിക്കും. തൃശൂർ ബാർ അസോസിയേഷൻ പ്രസിഡന്‍റ് അഡ്വ. എം.വി. ഗോപാലകൃഷ്ണൻ അധ്യക്ഷത വഹിക്കും. ഇന്ത്യയിലാദ്യമായി എട്ടു ബാർ അസോസിയേഷനുകളിലെ വനിതാ ടീമുകളെ ഉൾപ്പെടുത്തിയുള്ള ക്രിക്കറ്റ് ടൂർണമെന്‍റും നടക്കും. സമാപനദിനത്തിൽ ഹൈക്കോടതി ജഡ്ജി ജസ്റ്റീസ് ശോഭ അന്നമ്മ ഈപ്പൻ വിതരണം ചെയ്യും. ജില്ലാ ജഡ്‌ജി പി.പി. സെയ്‌തലവി പങ്കെടുക്കും. പത്രസമ്മേളനത്തിൽ ടൂർണമെന്‍റ് കമ്മിറ്റി ചെയർമാൻ അഡ്വ. എം.വി. ഗോപാലകൃഷ്ണൻ, അഡ്വ. ബൈജു എ.ജോസഫ്, അഡ്വ. ഷാജി ജെ. കോടങ്കണ്ടത്ത്, അഡ്വ. ടി. ജെനിഷ് ജോസ്, അഡ്വ. ഷില്ലി വിജയൻ എന്നിവർ പങ്കെടുത്തു.

തെരുവുനായ്ക്കൂട്ടത്തിന്‍റെ ആക്രമണം: വിദ്യാര്‍ഥിനിക്കു പരിക്ക്

ഇരിങ്ങാലക്കുട: പൊറത്തിശേരിയില്‍ തെരുവുനായ് ആക്രമണത്തില്‍ വിദ്യാര്‍ഥിനിക്കു പരിക്കേറ്റു. കൂട്ടുകാര്‍ക്കൊപ്പം കളികഴിഞ്ഞ് വീട്ടിലേക്കു മടങ്ങുകയായിരുന്ന പൊറത്തിശേരി കോലുകുളം റോഡില്‍ കുഴിചാടത്തില്‍ ഷിബിന്‍റെയും ജിജിയുടെയും മകള്‍ ഒമ്പതുവയസുള്ള അമേയയ്ക്കാണ് പരിക്കേറ്റത്. കഴിഞ്ഞദിവസം വൈകീട്ട് നാലരയോടെയാണ് സംഭവം. വീടിന്‍റെ ഗേറ്റിനുസമീപത്ത് ആറു നായ്ക്കള്‍ ചേര്‍ന്നാണ് കുട്ടിയെ ആക്രമിച്ചത്. ഈ സമയത്ത് വീട്ടുമുറ്റത്തുനിന്നിരുന്ന ജിജി ഓടിയെത്തി നായ്ക്കളെ ഓടിച്ചു. കാലിനു പരിക്കേറ്റ അമേയ ജനറല്‍ ആശുപത്രിയില്‍ ചികിത്സതേടി. നായ്ക്കൂട്ടം സമീപത്തെ മറ്റൊരു കുട്ടിയെയും സ്ത്രീയെയും ആക്രമിക്കാന്‍ ശ്രമിച്ചു. ഇവര്‍ ഓടി വീടിനകത്തു കയറിയതിനാല്‍ കടിയേല്‍ക്കാതെ രക്ഷപ്പെട്ടു.

മുനയ്ക്കക്കടവ് അഴിമുഖത്ത് അനധികൃത മണലെടുപ്പ്: തീരവാസികൾ പ്രക്ഷോഭത്തിന്

ചാവക്കാട്: കടപ്പുറം പഞ്ചായത്ത് ഒൻപതാം വാർഡ് അഴിമുഖം തീരദേശ പോലീസ് സ്റ്റേഷന് വടക്കുഭാഗത്തുനിന്ന് ചേറ്റുവ പുഴയുടെ തീരത്തിനോടുചേർന്ന് അനധികൃതമായി സ്വകാര്യ വ്യക്തികളുടെ നേതൃത്വത്തിൽ മണലെടുക്കാനുള്ള നടപടികൾ ആരംഭിച്ചു. ഇത് തടയാനായി ലേബർ യൂണിയൻ കോ - ഓർഡിനേഷൻ കമ്മിറ്റിയുടെ നേതൃത്വത്തിൽ നാട്ടുകാർ പ്രക്ഷോഭത്തിന്. ഈ പ്രദേശത്തുനിന്ന് മണൽ എടുക്കുമ്പോൾ പുഴയുടെ തീരം ഇടിയുകയും ഉപ്പുവെള്ളം കയറുമെന്നും നാട്ടുകാർ പറയുന്നു. ജനങ്ങൾക്ക് ദുരിതം തീർക്കുന്ന മണലെടുപ്പിൽനിന്ന് വ്യക്തികളെ തടയണമെന്നാണ് തീരവാസികളുടെ ആവശ്യം. വലിയ പാരിസ്ഥിതിക പ്രശ്നങ്ങൾക്ക് ഇടയാക്കുമെന്നും ചൂണ്ടിക്കാണിക്കുന്നു. മുമ്പ് ഈ പ്രദേശത്തുനിന്ന് മണലെടുക്കുവാനുള്ള നീക്കം മുനയ്ക്കക്കടവ് ഫിഷ് ലാൻഡിംഗ് സെന്‍റർ ലേബർ യൂണിയൻ കോ ഓർഡിനേഷൻ കമ്മിറ്റിയുടെ നേതൃത്വത്തിൽ ജില്ലാ കളക്ടറെ അറിയിക്കുകയും കളക്ടർ മണൽ എടുക്കുന്നത് നിർത്തിവെക്കണമെന്ന് ഉത്തവ് നൽകിയിരുന്നു. ഇത് നിലനിൽക്കേയാണ് സ്വകാര്യ വ്യക്തിയുടെ നേതൃത്വത്തിൽ അഴിമുഖം ചേറ്റുവ പുഴയുടെ തീരത്തുനിന്ന് അനധികൃതമായി മണൽ എടുക്കുന്നത്. ഇതിന് ബോട്ടുകളും യന്ത്രസാമഗ്രികളും എത്തി ക്കഴിഞ്ഞു. തടയാൻ പൊതുജനങ്ങളെ സംഘടിപ്പിച്ച് ശക്തമായ ജനകീയ പ്രക്ഷോഭവുമായി മുന്നോട്ടുപോകുമെന്ന് മുനയ്ക്കക്കടവ് ഫിഷ് ലാൻഡിംഗ് സെന്‍റർ ലേബർ യൂണിയൻ കോ ഓർഡിനേഷൻ കമ്മിറ്റി ഭാരവാഹികൾ അറിയിച്ചു.

കാട്ടാനകളുടെ വിളയാട്ടം; കൃഷിനാശം

എളനാട്: 11-ാം വാർഡ് തിരുമണിയിൽ കർഷകരായ കൃഷ്ണന്‍റെയും കീഴ്പാലക്കാട് മനോജിന്‍റെയും വിളകൾ കാട്ടാനകളുടെ വിളയാട്ടത്തിൽ നശിച്ചു. കർഷകനായ കൃഷ്ണന്‍റെ 15ലധികം വാഴകൾ നശിപ്പിക്കപ്പെട്ടു. അതിർത്തിപ്രദേശമായ വനമേഖലയിൽനിന്നു വന്നെത്തിയ കാട്ടാനകൾ കമ്പിവേലി തകർത്താണ് അതിരാവിലെ കൃഷ്ണന്‍റെ കൃഷിയിടത്തിൽ എത്തിയത്. ചക്ക വലിച്ചുതിന്നശേഷം ആനകൾ കൃഷിയിടത്തിലെ ടാങ്കിലെ വെള്ളവും കുടിച്ചാണ് പിൻവാങ്ങിയത്. മനോജിന്‍റെ കൃഷിയിടത്തിലെ തെങ്ങുകളും കവുങ്ങും മറ്റും നശിപ്പിക്കപ്പെട്ടിട്ടുണ്ട്. മറ്റ് കാർഷികവിളകളും നശിപ്പിച്ചു. എളനാട് ഫോറസ്റ്റ് ഓഫീസർ സനൽ അടങ്ങിയ വനപാലകർ കാട്ടാനകൾ നശിപ്പിച്ച കൃഷിയിടങ്ങൾ സന്ദർശിച്ചു. ഗ്രാമപഞ്ചായത്ത് അംഗം നീതു ഷൈജു, കൂടാതെ കേരള കർഷകസംഘം നേതാക്കളായ കെ.സി. ജോർജ്, പി.ടി. സാജു, എം. പൊന്നുമണി തുടങ്ങിയവരും എത്തിച്ചേർന്നിരുന്നു.

തടി കയറ്റിവന്ന ലോറി മറിഞ്ഞു

വടക്കാഞ്ചേരി: തടി കയറ്റിവന്ന ലോറി മറിഞ്ഞു. ഡ്രൈവർ അത്ഭുതകരമായി രക്ഷപ്പെട്ടു. തൃശൂർ - ഷൊർണൂർ സംസ്ഥാനപാതയിൽ കരുതക്കാട് വച്ചായിരുന്നു കഴിഞ്ഞദിവസം അർധരാത്രിയിൽ ലോറി മറിഞ്ഞത്. ഇതേസമയത്ത് മറ്റു വാഹനങ്ങൾ വരാതിരുന്നതും വൻ അപകടം ഒഴിവായി. പിന്നീട് മറ്റൊരു ലോറികൊണ്ടുവന്ന് തടികൾ മാറ്റിയാണ് പ്രതിസന്ധിക്ക് പരിഹാരമായത്. ഏറെനേരം ഈ റൂട്ടിൽ ഗതാഗതവും തടസപ്പെട്ടു.

ബിജെപി പ്രതിഷേധ പ്രകടനം നടത്തി

തൃശൂർ: ബിജെപി സംസ്ഥാന വൈസ് പ്രസിഡന്‍റ് ശോഭ സുരേന്ദ്രന്‍റെ പുതൂർക്കരയിലെ വീടിനുമുന്നിൽ സ്ഫോടനമുണ്ടായതിൽ പ്രതിഷേധിച്ച് ബിജെപി സിറ്റി ജില്ലാ കമ്മിറ്റി പ്രതിഷേധപ്രകടനം നടത്തി. കോർപറേഷൻ ഓഫീസിനുമുൻപിൽ ബിജെപി മേഖലാ പ്രസിഡന്‍റ് ഉണ്ണികൃഷ്ണൻ ഉദ്ഘാടനംചെയ്തു. സിറ്റി ജില്ലാ പ്രസിഡന്‍റ് ജസ്റ്റിൻ ജേക്കബ് അധ്യക്ഷതവഹിച്ചു. സംസ്ഥാനസമിതി അംഗം ഉല്ലാസ് ബാബു, സംസ്ഥാന സെക്രട്ടറി എ. നാഗേഷ്, ജില്ലാ ജനറൽസെക്രട്ടറിമാരായ പി.കെ. ബാബു, അഡ്വ. കെ.ആർ. ഹരി തുടങ്ങിയവർ പ്രസംഗിച്ചു.

നെഹ്റു പാർക്ക് പൂട്ടിയതിൽ കോണ്‍ഗ്രസ് പ്രതിഷേധം

തൃശൂർ: അപ്രഖ്യാപിതമായി നാലുദിവസമായി നെഹ്റു പാർക്ക് പൂട്ടിയിട്ടതിൽ പ്രതിഷേധിച്ച് കോണ്‍ഗ്രസ് കൗണ്‍സിലർമാർ പാർക്കിനുമുന്നിൽ നടത്തിയ പ്രതിഷേധസമരം പ്രതിപക്ഷനേതാവ് രാജൻ ജെ. പല്ലൻ ഉദ്ഘാടനം ചെയ്തു. മാതാപിതാക്കളോടൊപ്പം പാർക്കിലെത്തിയ സൈറ (അന്തിക്കാട്), കീർത്തന (കുറ്റുമുക്ക്) എന്നീ കുട്ടികളെ കൈകളിൽ ഊഞ്ഞാലാട്ടിയായിരുന്നു സമരോദ്ഘാടനം. നാലുദിവസംമുന്പുണ്ടായ കാറ്റിലും മഴയിലും പാർക്കിലെ രണ്ടു മരങ്ങൾ ഒടിഞ്ഞുവീണതു വെട്ടിമാറ്റി സുരക്ഷയോടെ പാർക്ക് തുറന്നുകൊടുക്കേണ്ടതിനുപകരം ഇത്രയും ദിവസം അടച്ചിട്ടതു കൊച്ചുകുട്ടികളോടുകാണിച്ച അനീതിയാണ്. വെക്കേഷൻ സമയമായതിനാലും പൂരം എക്സിബിഷൻ നടക്കുന്നതിനാലും കുട്ടികളുമായി മാതാപിതാക്കളടക്കം പതിനായിരക്കണക്കിനാളുകളാണു പാർക്കിൽ കയറാനാകാതെ നിരാശരായി മടങ്ങിയതെന്നും രാജൻ പല്ലൻ കുറ്റപ്പെടുത്തി. പാർക്ക് പ്രവർത്തിക്കില്ലെന്ന ബോർഡ് കൗണ്‍സിലർമാർ അഴിച്ചുമാറ്റി. സുരക്ഷാസംവിധാനങ്ങളൊരുക്കി ഉച്ചയ്ക്കു പാർക്ക് തുറന്നുകൊടുത്തില്ലെങ്കിൽ മേയറുടെ ചേംബറിനുള്ളിൽ സമരം ചെയ്യുമെന്നു മുന്നറിയിപ്പുനൽകി. ഇ.വി. സുനിൽരാജ് അധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർമാൻ ജയപ്രകാശ് പൂവത്തിങ്കൽ, കൗണ്‍സിലർമാരായ ലാലി ജെയിംസ്, സിന്ധു ആന്‍റോ, വിനേഷ് തയ്യിൽ, എബി വർഗീസ്, സുനിത വിനു, അഡ്വ.വില്ലി, ആൻസി ജേക്കബ് എന്നിവർ പങ്കെടുത്തു.

ഇരുമ്പുവടികൊണ്ട് ചുമട്ടുതൊഴിലാളിയെ കൊലപ്പെടുത്താൻ ശ്രമം: പ്രതി അറസ്റ്റിൽ

തൃപ്രയാർ: സെന്‍ററിലെ ചുമട്ടു തൊഴിലാളി നാട്ടിക സ്വദേശി നമ്പേട്ടിവീട്ടിൽ രാധാകൃഷ്ണനെ (56) ഇരുമ്പുവടി കൊണ്ട് തലയ്ക്കടിച്ച് കൊലപ്പെടുത്താൻ ശ്രമിച്ച കേസിൽ ഒരു പ്രതികൂടി അറസ്റ്റിൽ. താന്ന്യം തോട്ടാഞ്ചിറ ദേശത്ത് പട്ടാട്ട് വീട്ടിൽ സനിലിനെ (29) യാണ് പെരിങ്ങോട്ടുകരയിൽ നിന്നും വലപ്പാട് പോലീസ് അറസ്റ്റ് ചെയ്തത്. കേസിലെ പ്രതികളായ റോഷൻ, കാർത്തിക്, സായ് രാജ് എന്നിവരെ നേരത്തെ പിടികൂടിയിരുന്നു. വലപ്പാട് പോലീസ് സ്റ്റേഷൻ ഇൻസ്പെക്ടർ എം.കെ. രമേഷ്, സബ് ഇൻസ്പെക്ടർ സദാശിവൻ, സീനിയർ സിവിൽ പോലീസ് ഓഫിസർമാരായ ലെനിൻ, സിവിൽ പോലീസ് ഓഫിസർമാരായ ജെസ്ലിൻ തോമസ്, സിജി എന്നിവരാണ് അന്വേഷണസംഘത്തിലുണ്ടായിരുന്നത്. ഒളിവിൽ കഴിഞ്ഞിരുന്ന പ്രതി അറസ്റ്റിൽ വലപ്പാട്: വധശ്രമ കേസിൽ ശിക്ഷാ വിധിക്കു ശേഷം കോടതിയിൽ ഹാജരാകാതെ ഒളിവിൽ കഴിഞ്ഞിരുന്ന പ്രതി അറസ്റ്റിൽ. നാട്ടിക എകെജി ദേശത്ത് മന്നംപറമ്പിൽ സന്ദീപ് (28) ആണ് നാട്ടിക പരിസരത്തു നിന്നും വലപ്പാട് പോലീസ് പിടികൂടിയത്. കോടതി അറസ്റ്റ് വാറണ്ട് പുറപ്പെടുവിച്ചതിനെ തുടർന്ന് പോലീസ് ഇയാളെ അന്വേഷിച്ചു വരികയായിരുന്നു. വലപ്പാട് പോലീസ് സ്റ്റേഷൻ ഇൻസ്പെക്ടർ എം.കെ. രമേഷ്, മനോജ്, രാജേഷ് കുമാർ, ബിജേഷ്, ജെസ്ലിൻ തോമസ് എന്നിവർ പ്രതിയെ പിടികൂടിയ സംഘത്തിലുണ്ടായി.

ഭീകരാക്രമണത്തിനെതിരേ സിഐടിയു പ്രതിഷേധം

തൃശൂർ: കാഷ്മീരിലെ പഹൽഗാമിലെ തീവ്രവാദി ആക്രമണത്തിനെതിരേ സിഐടിയു തൃശൂർ ഏരിയ കമ്മിറ്റിയുടെ നേതൃത്വത്തിൽ പ്രതിഷേധപ്രകടനവും പൊതുയോഗവും നടത്തി. സിഐടിയു ജില്ലാ ജനറൽ സെക്രട്ടറി യു.പി. ജോസഫ് ഉദ്ഘാടനംചെയ്തു. ടി. സുധാകരൻ, എം.ആർ. രാജൻ, കെ. മുരളീധരൻ, പി.എ. ലെജുക്കുട്ടൻ, യു. സതീഷ് കുമാർ, പ്രബിൻ പ്രഭാകരൻ എന്നിവർ പ്രസംഗിച്ചു.

സ്വർണക്കാവ് താലപ്പൊലി ഇന്ന്

പഴയന്നൂർ: നീർണമുക്ക് സ്വർണക്കാവ് ഭഗവതി ക്ഷേത്രത്തിൽ താലപ്പൊലി നീർണമുക്ക്, പടിഞ്ഞാറേക്കര ദേശങ്ങളുടെ നേതൃത്വത്തിൽ ഇന്ന് ആഘോഷിക്കും. ഇന്ന് താലപ്പൊലിക്ക് രാവിലെ ക്ഷേത്രത്തിൽ ഗണപതിഹോമം, നിറമാല, പ്രസാദ വിതരണം, നീർണമുക്ക് ദേശത്തിന്‍റെ നേതൃത്വത്തിൽ ഉച്ചയ്ക്ക് മൂന്നുമണിക്ക് മൂന്ന് ആന പാണ്ടിമേളം എന്നിവയുടെ അകമ്പടിയോടെ വിളക്കുതാലം പടിക്കൽ നിന്ന് എഴുന്നള്ളിപ്പ് എന്നിവ ഉണ്ടാകും. ആമ്പാടി ബാലൻ തിടമ്പേന്തും. പടിഞ്ഞാറേക്കര ദേശത്തിന്‍റെ നേതൃത്വത്തിൽ പഴയന്നൂർ ഭഗവതി ക്ഷേത്രത്തിൽ നിന്ന് മൂന്ന് ആന, പഞ്ചവാദ്യം എന്നിവയുടെ അകമ്പടിയോടെ കാവിലേക്ക് എഴുന്നള്ളിപ്പും നടക്കും. നന്തിലത്ത് ഗോപാലകൃഷ്ണൻ തിടമ്പേറ്റും. പഞ്ചവാദ്യത്തിന് മായന്നൂർ രാജു പ്രാമാണ്യം വഹിക്കും. വൈകീട്ട് 7.30ന് മേളത്തോടെ കാവുകയറ്റം, രാത്രി തായമ്പക എന്നിവയുണ്ടാകും.

ദേവാലയങ്ങളിൽ തിരുനാൾ

കുറുമാൽ സെന്‍റ്് ജോർജ് കൈപ്പറമ്പ്: കുറുമാൽ സെന്‍റ് ജോർജ് ദേവാലയത്തിൽ ഇടവക മധ്യസ്ഥനായ വിശുദ്ധ ഗീവർഗീസിന്‍റേയും, വിശുദ്ധ സെബസ്ത്യാനോസിന്‍റേയും തിരുനാൾ ഇന്ന് ആഘോഷിക്കും. ഇന്നുരാവിലെ പത്തിന് ആഘോഷമായ പാട്ടു കുർബാനയ്ക്ക് ഫാ. ഡേവിസ് പുലിക്കോട്ടിൽ മുഖ്യകാർമികാനാകും. ഫാ. റാഫേൽ പൊറത്തൂർ തിരുനാൾ സന്ദേശം നൽകും. ഫാ. ഡേവിഡ് പേരാമംഗലം സഹകാർമികനാകും. വൈകിട്ട് നാലിന് നടക്കുന്ന വിശുദ്ധ കുർബാനയ്ക്ക് ഫാ. ജോയൽ പുലിക്കോട്ടിൽ കാർമികനാകും. തുടർന്ന് പൊൻകുരിശിന്‍റേയും മുത്തുകുടകളുടെയും അകമ്പടിയോടെ സെന്‍റ് ജോസഫ് കപ്പേളയിലേക്ക് തിരുനാൾ പ്രദക്ഷിണവും ഉണ്ടായിരിക്കും. ഇന്നലെ വൈകുന്നേരം ആറിന് പ്രസുദേന്തി വാഴ്ചയും രൂപം എഴുന്നള്ളിപ്പും ദീപാലങ്കാര സ്വിച്ച് ഓൺ കർമവും നടന്നു. നാളെ രാവിലെ 6.30നുള്ള വിശുദ്ധ കുർബാനയ്ക്കുശേഷം യൂണിറ്റുകളിലേക്കുള്ള അമ്പുപ്രദക്ഷിണവും നടക്കും. ചൊവ്വാഴ്ച രാവിലെ ഇടവകയിലെ മരിച്ചുപോയവർക്ക് വേണ്ടിയുള്ള വിശുദ്ധ കുർബാനയും പൊതു ഒപ്പീസിനോടും കൂടെ തിരുനാളിന് സമാപനം ആകും. ഇടവക വികാരി റവ. ഡോ. സേവ്യാർ ക്രിസ്റ്റി പള്ളിക്കുന്നത്ത്, ജനറൽ കൺവീനർ ഫ്രാൻസോ ഫ്രാൻസിസ്, കൈകാരന്മാരായ കെ.പി. ഷാജു, സി.ജെ. ബിൻസൻ, മറ്റു കൺവീനർമാരും യൂണിറ്റ് ഭാരവാഹികളും നേതൃത്വം നൽകുന്നു. പാലയൂരിൽ പുതുഞായർ തിരുനാൾ ഇന്ന് പാലയൂർ: മാർ തോമ മേജർ ആർക്കി എപ്പിസ്കോപ്പൽ തീർഥകേന്ദ്രത്തിൽ മാർ തോമാശ്ലീഹായുടെ പുതുഞായർ തിരുനാൾ ഇന്ന് ആഘോഷിക്കും. തിരുനാൾ കൊടിയേറ്റവും പ്രദക്ഷിണവും മറ്റ് തിരുകർമങ്ങളും ഇന്നലെ ബോട്ടുകുളം കപ്പേളയിൽ നടന്നു. ആർച്ച് പ്രീസ്റ്റ് റവ. ഡോ. ഡേവിസ് കണ്ണമ്പുഴ, സഹവികാരി ഫാ. ക്ലിന്‍റ് പാണേങ്ങാടൻ എന്നിവർ കാർമികരായിരുന്നു. ഇന്നുരാവിലെ 6.30ന് തളിയക്കുളം കപ്പേളയിൽ ആഘോഷമായ ദിവ്യബലി തുടർന്ന് പ്രദക്ഷിണം. രാവിലെ പത്തിനും വൈകീട്ട് 5.30നും വിശുദ്ധ കുർബാന. തിരുവില്വാമല സെന്‍റ് ജോർജ് തിരുവില്വാമല: സെന്‍റ് ജോർജ് ഓർത്തഡോക്‌സ് സിറിയൻ പള്ളിയിൽ പരിശുദ്ധ ഗീവർഗീസ് സഹദായുടെ ഓർമപ്പെരുനാൾ ഇന്ന് ആഘോഷിക്കും. 7.30 ന് പ്രഭാത നമസ്കാരം, 8.30ന് വികാരി ഫാ. കുരിയാക്കോസ് ജോൺസന്‍റെ മുഖ്യകാർമികത്വത്തിൽ വിശുദ്ധ കുർബാന, പത്തിന് പെരുന്നാൾ സന്ദേശം, തുടർന്ന് പ്രദക്ഷിണം, ആശിർവാദം, നേർച്ച സദ്യ എന്നിവ നടക്കും.

കുരിയച്ചിറയിൽ ലഹരിവിരുദ്ധ മനുഷ്യച്ചങ്ങല

കുരിയച്ചിറ: ലഹരിക്കെതിരേ കുരിയച്ചിറ ലഹരിവിരുദ്ധ കൂട്ടായ്മയുടെ നേതൃത്വത്തിൽ മനുഷ്യച്ചങ്ങല തീർത്തു. ഒല്ലൂർ സ്റ്റേഷൻ ഹൗസ് ഓഫീസർ പി.എം. വിമോദ് ഫ്ലാഗ് ഓഫ് ചെയ്തു. കോർപറേഷൻ കൗണ്‍സിലർമാർ, മതനേതാക്കൾ, രാഷ്ട്രീയനേതാക്കൾ, റസിഡന്‍റ്സ് അസോസിയേഷൻ പ്രതിനിധികൾ, വിവിധ സംഘടനാപ്രതിനിധികൾ എന്നിവർക്കുപുറമെ സ്ത്രീകളും കുട്ടികളും ഉൾപ്പെടെ 500 ഓളം പേർ പങ്കെടുത്തു. തുടർന്നുനടന്ന പൊതുയോഗത്തിൽ അഡ്വ. എൻ.ഒ. ഇനാശു ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. കൂട്ടായ്മ ചെയർമാൻ സി.എൽ. ജോയ് അധ്യക്ഷത വഹിച്ചു. പ്രദേശത്തെ പൂർണമായും ലഹരിവിമുക്തമാക്കാൻ വേണ്ട പ്രയത്നങ്ങൾ ഘട്ടംഘട്ടമായി കൂട്ടായ്മ ചെയ്യുമെന്നും അദ്ദേഹം പറഞ്ഞു. ഡോ. ടോമി ഫ്രാൻസിസ് സ്വാഗതം പറഞ്ഞു.

ഉടുക്കുവാദ്യ ശാസ്താംപാട്ട് കലാസംഘം വാർഷികം

വടക്കാഞ്ചേരി: മച്ചാട് ഗുരുസ്മരണ ഉടുക്കുവാദ്യ ശാസ്താംപാട്ട് കലാ സംഘം 44-ാം വാർഷികാഘോഷം 27ന് വടക്കാഞ്ചേരി കേരളവർമ പൊതുവായനശാല ഹാളിൽ നടത്തുമെന്ന് ഭാരവാഹികൾ പത്രസമ്മേളനത്തിൽ പറഞ്ഞു. ഉച്ചയ്ക്ക് ഒന്നുമുതൽ ഗുരുപൂജ,തുടർന്ന് ശാസ്താംപാട്ട് മാമാങ്കം നടക്കും. വൈകീട്ട് നാലിന് നടക്കുന്ന പുരസ്കാര സമ്മേളനം കേരള സംഗീതനാടക അക്കാദമി സെക്രട്ടറി കരിവള്ളൂർ മുരളി ഉദ്ഘാടനംചെയ്യും. കേരള കലാമണ്ഡലം വിസിറ്റിംഗ് പ്രഫസർ പെരിങ്ങോട് ചന്ദ്രൻ വിശിഷ്ടാതിഥിയായി പങ്കെടുക്കും. ചടങ്ങിൽ ശാസ്താംപാട്ട് കുലപതി മച്ചാട് സുബ്രമഹ്ണ്യന് വിശേഷാൽ പുരസ്കാരംനൽകി ആദരിക്കും. കൂടാതെ വിവിധ മേഖലകളിൽ മികവുതെളിയിച്ചവരെ ചടങ്ങിൽ ആദരിക്കുമെന്നും ഭാരവാഹികൾ പറഞ്ഞു. പത്രസമ്മേളനത്തിൽ ശാസ്താംപാട്ട് കലാ സംഘം രക്ഷാധികാരി മച്ചാട് സുബ്രഹ്മണ്യൻ,വൈസ് പ്രസിഡന്‍റ് എം.എസ്. സുജിത്ത്, ട്രഷറർ കെ.എസ് . ദിലീപ്, വി.കെ. ശിവരാമൻ തുടങ്ങിയവർ പങ്കെടുത്തു.

ശുചിമുറി മാലിന്യംനീക്കാൻ ഇനി നഗരസഭയും

ചാവക്കാട് : നഗരസഭയുടെ പരിധിക്ക് അകത്തും പുറത്തുമുള്ള വീടുകളിൽനിന്നും സ്ഥാപനങ്ങളിൽ നിന്നും കക്കൂസ് മാലിന്യം നീക്കംചെയ്യാൻ നഗരസഭയിൽ വാഹനസൗകര്യമായി. നഗരസഭയുടെ പുതിയ മൊബൈൽ എഫ്എസ്ടിപി വാഹനം എത്തി. സെപ്റ്റിക് മാലിന്യ സംസ്കരണത്തിന് പുതിയ അധ്യായം കുറിക്കുകയാണ്. വീടുകളിലും മറ്റും എത്തി കുറഞ്ഞ ചെലവിൽ സെപ്റ്റിക് മാലിന്യം നീക്കം ചെയ്യും.പുതുതായി വാങ്ങിയ മൊബൈൽ ഫീക്കൽ സ്ലഡ്ജ് ട്രീറ്റ്മെന്‍റ്് പ്ലാന്‍റ് വാഹനത്തിന്‍റെ നിരക്കുകൾ കൗൺസിൽ തീരുമാനിച്ചു. നഗരസഭാ പരിധിക്കുള്ളിലെ വീടുകൾക്ക് 6,000 രൂപയും പുറത്തുള്ളവർക്ക് 7,500 രൂപയുമാണ് സേവന നിരക്ക്. ഹോട്ടലുകൾക്കും ലോഡ്ജുകൾക്കും (8000 ലിറ്റർ വരെ) നഗരപരിധിക്കുള്ളിൽ 8,000 രൂപയും പുറത്ത് 10,000 രൂപയും ഈടാക്കും. ഫ്ലാറ്റുകൾക്ക് (15,000 ലിറ്റർ വരെ) നഗരപരിധിക്കുള്ളിൽ 20,000 രൂപയും പുറത്തുള്ളവർക്ക് 25,000 രൂപയുമാണ് നിരക്ക്. ബി.പി.എൽ ഗുണഭോക്താക്കൾക്ക് 10 ശതമാനം ഇളവും അനുവദിച്ചിട്ടുണ്ട്. നഗരസഭ പരിധിയിലെ വീടുകൾക്ക് ആദ്യത്തെ ആറുമാസം 5000 രൂപ നിരക്കിൽ ലഭിക്കുന്നതാണ്. നഗരസഭാധ്യക്ഷ ഷീജ പ്രശാന്ത് അധ്യക്ഷയായിരുന്നു.

സ്വകാര്യമില്ലുകളുടെ വിലപേശൽ; നെല്ലുസംഭരണം പ്രതിസന്ധിയിൽ

അന്നമനട: അന്നമനട മേഖലയിൽ നെല്ലുസംഭരണം പ്രതിസന്ധിയിൽ. സ്വകാര്യമില്ലുകളുടെ അനാവശ്യ വിലപേശലാണു കാരണം. ഒരു ക്വിന്‍റല്‍ നെല്ലിന് ഏഴു കിലോ കിഴിവുകൊടുക്കണമെന്ന ആവശ്യമാണ് സ്വകാര്യ മില്ലുകൾ മുന്നോട്ടുവയ്ക്കുന്നതെന്നാണ് കർഷകർ പറയുന്നത്. കാലം തെറ്റിയെത്തുന്ന കാലാവസ്ഥയെയും പൊള്ളുന്ന വെയിലിനെയും അവഗണിച്ച് പകലന്തിയോളം കഠിനാധ്വാനം ചെയ്യുന്ന കർഷകരെ കനത്ത സാമ്പത്തിക ബാധ്യതയിലേക്കു തള്ളിവിടുന്ന നിലപാടാണ് സ്വകാര്യമില്ലുകൾ സ്വീകരിക്കുന്നതെന്നാണ് പരാതി. അന്നമനട, മേലഡൂര്‍, കുമ്പിടി, കീഴഡൂര്‍, എടയാറ്റൂര്‍ പ്രദേശങ്ങളിലെ പാടശേഖരങ്ങളിലാണു നിലവിൽ പ്രതിസന്ധി രൂക്ഷമായിരിക്കുന്നത്. നാടിനെ അന്നമൂട്ടുന്നവരോട് സ്വകാര്യ മില്ലുകൾ പുലർത്തുന്ന നിഷേധാത്മകത നിലപാടിനെതിരെ സർക്കാരിന്‍റെ അടിയന്തര ഇടപെടൽ ഉണ്ടാകണമെന്നാണ് പൊതുവികാരം. പാലക്കാട്, വടക്കാഞ്ചേരി മേഖലകളിലെ സ്വകാര്യ മില്ലുകള്‍ക്കാണു നെല്ല് ഏറ്റെടുക്കാനുള്ള ചുമതല. ഇവരുടെ പ്രതിനിധികളെത്തി നെല്ലിന് ഉണക്ക് കുറവും പതിര് കൂടുതലാണെന്നും ചൂണ്ടിക്കാട്ടിയാണ് കിഴിവ് ആവശ്യപ്പെട്ടത്. ക്വിന്‍റലിന് 2820 രൂപ നിരക്കില്‍ ഏറ്റെടുക്കുന്ന നെല്ലില്‍നിന്ന് ഏഴുകിലോ കിഴിവ് നല്‍കുമ്പോള്‍ 200 രൂപയോളം കര്‍ഷകര്‍ നഷ്ടം സഹിക്കേണ്ട സ്ഥിതിയാണെന്ന് കര്‍ഷക സംഘം മേഖല സെക്രട്ടറി പി.കെ. മോഹനന്‍ പറഞ്ഞു. ഉണക്കി പതിര് നീക്കം ചെയ്തശേഷമാണു നെല്ല് സംഭരണത്തിനു തയാറാക്കുന്നതെെന്നും മില്ലുടമകളുടെ വാദം ശരിയല്ലെന്നും സെക്രട്ടറി പറഞ്ഞു. നെൽകൃഷിയെ പ്രോത്സാഹിപ്പിക്കാനും തരിശിടം കൃഷിയോഗ്യമാക്കാനും വിവിധ പദ്ധതികൾ ആസൂത്രണം ചെയ്യുന്ന സർക്കാർ സംവിധാനങ്ങൾ ഒട്ടേറെ പ്രതിസന്ധികളെ അതിജീവിച്ച് ഉത്പാദിപ്പിച്ചെടുക്കുന്ന വിളവിന് അർഹമായ വില നൽകി സംഭരിക്കാൻ നടപടി സ്വീകരിക്കണമെന്നും സ്വകാര്യമില്ലുടമകൾ അനാവശ്യ വിലപേശലുകൾ ഒഴിവാക്കണമെന്നുമാണ് കർഷകർ ആവശ്യപ്പെടുന്നത്. കഴിഞ്ഞ രണ്ടു മാസങ്ങളിലായി വിളവെടുത്ത ടൺകണക്കിന് നെല്ല് ആഴ്ചകളായി തുറസായ വീടുകളുടെ മുറ്റത്തും കൂട്ടിയിട്ടിരിക്കുകയാണ്. പഞ്ചായത്തിലെ ഇരുന്നൂറോളം കർഷകരാണു വിപണി കണ്ടെത്താനാകാതെ ദുരിതം നേരിടുന്നത്.

ഫ്രാൻസിസ് മാർപാപ്പയ്ക്ക് ആത്മപ്രണാമം

ചാലക്കുടി: ഫ്രാൻസിസ് മാർപാപ്പയ്ക്ക് ആത്മപ്രണാമം അർപ്പിച്ച് ചാലക്കുടിയിൽ മൗനജാഥയും അനുസ്മരണവും നടത്തി. ചാലക്കുടി സെന്‍റ് മേരീസ് ദേവാലയത്തിന്‍റെയും നഗരസഭയുടെയും പൗരാവലിയുടെയും നേതൃത്വത്തിൽ നടത്തിയ മൗനജാഥയിൽ വൻജനാവലി പങ്കെടുത്തു. ദേവാലയത്തിൽ ഫ്രാൻസിസ് മാർപാപ്പയ്ക്കുവേണ്ടി നടത്തിയ അനുസ്മരണ സമൂഹബലിക്കുശേഷം മൗന‌ജാഥ ആരംഭിച്ചു. ഇരിങ്ങാലക്കുട ബിഷപ് മാർ പോളി കണ്ണൂക്കാടൻ, നഗരസഭ ചെയർമാൻ ഷിബു വാലപ്പൻ, വൈസ് ചെയർപേഴ്സൻ സി. ശ്രീദേവി, പ്രതിപക്ഷ നേതാവ് സി.എസ്. സുരേഷ്, വികാരി ഫാ. വർഗീസ് പാത്താടൻ, മുൻ ചെയർമാൻമാരായ എബി ജോർജ്, അഡ്വ. കെ.ബി. സുനിൽകുമാർ എന്നിവരും കെ.എ. ഉണ്ണികൃഷ്ണൻ, ജോയി മൂത്തേടൻ തുടങ്ങിയവരും നേതൃത്വം നൽകി. ടൗൺ ചുറ്റി നടത്തിയ മൗന‌ജാഥ ഇൻഡോർ സ്റ്റേഡിയത്തിൽ സമാപിച്ചു. തുടർന്ന് മാർപാപ്പയുടെ ചിത്രത്തിൽ പുഷ്പാർച്ചന നടത്തി. തുടർന്നുനടത്തിയ അനുസ്മരണ സമ്മേളനത്തിൽ ബിഷപ് മാർ പോളി കണ്ണൂക്കാടൻ, ബെന്നി ബെഹനാൻ എംപി, സനീഷ്കുമാർ ജോസഫ് എംഎൽഎ, നഗരസഭ ചെയർമാൻ ഷിബു വാലപ്പൻ, ടൗൺ ഇമാം ഹുസൈൻ ബാഗവി, രഹ്ന ഗുരുദർശന, ഫാ. വർഗീസ് പാത്താടൻ, യു. എസ്. അജയ്കുമാർ, സുഭാഷ് ചന്ദ്രദാസ് എന്നിവർ പ്രസംഗിച്ചു. ഫ്രാൻസിസ് മാർപാപ്പയെക്കുറിച്ച് ഡോക്യുമെന്‍ററി പ്രദർശിപ്പിച്ചു. മുൻഗുരുവായൂർ മേൽശാന്തി ശ്രീഹരി മൂർക്കന്നൂർ മാർപാപ്പയെ അനുസ്മരിച്ച് കീർത്തനം ആലപിച്ചു. കൊടകരയില്‍ പാപ്പാ അനുസ്മരണം കൊടകര: സെന്‍റ് ജോസഫ്‌സ് ഫൊറോന പള്ളിയുടെ ആഭിമുഖ്യത്തില്‍ ഫ്രാന്‍സിസ് മാര്‍പാപ്പ അനുസ്മരണം നടത്തി. കൊടകര മേല്‍പ്പാലത്തിനുകീഴെ സംഘടിപ്പിച്ച അനുസ്മരണയോഗം ഇരിങ്ങാലക്കുട രൂപത വികാരി ജനറാള്‍ മോണ്‍. വില്‍സന്‍ ഈരത്തറ ഉദ്ഘാടനം ചെയ്തു. ഫൊറോന വികാരി ഫാ. ജെയ്‌സന്‍ കരിപ്പായി അധ്യക്ഷത വഹിച്ചു. സനീഷ്‌കുമാര്‍ ജോസഫ് എംഎല്‍എ, കൊടകര പഞ്ചായത്ത് വൈസ് പ്രസിഡന്‍റ്് കെ.ജി. രജീഷ്, അഴകത്ത്മനക്കല്‍ ഹരി നമ്പൂതിരി, കൊടകര ജുമാമസ്ജിദ് ഇമാം അലി സഖാഫി, അസി. വികാരി ഫാ. ലിന്‍റോ കാരേക്കാടന്‍, സിസ്റ്റര്‍ ജ്യോതിസ്, സിസ്റ്റര്‍ അര്‍പ്പിത, ഇടവക ട്രസ്റ്റി ജോസ് മാത്യു ഊക്കന്‍, കണ്‍വീനര്‍ തോംസൺ തന്നാടന്‍ എന്നിവര്‍ പ്രസംഗിച്ചു.

നഗരസഭ തനതുഫണ്ടിൽനിന്നും വിധവാപെൻഷൻ നൽകാൻ തീരുമാനം

ചാലക്കുടി: മുടങ്ങിയ വിധവപെൻഷൻ നഗരസഭ തനതുഫണ്ടിൽ നിന്നും നൽകാനുള്ള കൗൺസിൽ തിരുമാനത്തിനെതിരെ നഗരസഭ സെക്രട്ടറിയുടെ വിയോജനക്കുറിപ്പ് അടിയന്തര കൗൺസിൽ അംഗീകരിച്ചില്ല. തനതുഫണ്ടിൽനിന്നുതന്നെ മുടങ്ങിയ പെൻഷൻതുക നൽകാൻ കൗൺസിൽ വീണ്ടും തീരുമാനിച്ചു. പുനർവിവാഹിതയല്ല എന്ന സർട്ടിഫിക്കറ്റ് സമയപരിധിക്കുള്ളിൽ അപ് ലോഡ് ചെയ്യാത്തതിനാൽ ജനുവരി മാസത്തെ തടസപ്പെട്ട വിധവ, അവിവാഹിത പെൻഷൻ ഗുണഭോക്താക്കൾക്കു നഗരസഭയുടെ തനതുഫണ്ടിൽ നിന്നും പെൻഷൻ തുക സമാശ്വാസ സഹായമായി നൽകാൻ 22 ന് നഗരസഭ കൗൺസിൽ ഐക്യകണ്ഠേന എടുത്ത തീരുമാനത്തിൽ സെക്രട്ടറിയുടെ വിയോജനം ഉണ്ടായ സാഹചര്യത്തിൽ ഇതു മറികടക്കാൻ ചേർന്ന അടിയന്തര കൗൺസിൽ യോ ഗത്തിലാണു നേരത്തെ എടുത്ത തീരുമാനം മാറ്റേണ്ടതില്ലെന്നും തനതുഫണ്ടിൽനിന്നും തുക നൽകാനും തീരുമാനിച്ചത്. നഗരസഭയുടെ തനതുഫണ്ടിൽ നിന്നും പെൻഷൻ തുക നൽകാനുള്ള തീരുമാനം നിലവിൽ സാധാരണയായി എടുക്കുന്ന നടപടിയല്ലാത്തതിനാലും ബജറ്റിൽ ഇതിനാവശ്യ മായ വിഹിതം നേരത്തേ വകയിരുത്തിയിട്ടില്ലാത്തതിനാലും സെക്രട്ടറിയുടെ വിയോജനക്കുറിപ്പ് സ്വാഭാവികമാണെന്ന് ചെയർമാൻ കൗൺസിലിനെ അറിയിച്ചു. പെൻഷൻ മുടങ്ങിയതു ഭരണസമിതിക്കുവന്ന വീഴ്ചയാണെന്നും കൗൺസിലർമാരുടെ ഓണറേറിയം എടുത്ത് പെൻഷൻ കൊടുക്കണമെന്നും തനതുഫണ്ടിൽനിന്നും തുക എടുക്കുന്നതിന് സർക്കാർ അനുമതി ലഭിക്കുമ്പോൾ തുക തിരിച്ചു നൽകാവുന്നതാണെന്നും പ്രതിപക്ഷ ലീഡർ സി.എസ്. സുരേഷും ബിജി സദാനന്ദൻ, വി.ജെ. ജോജി, ബിന്ദു ശശികുമാർ, കെ.എസ്. സുനോജ് എന്നിവരും അഭിപ്രായപ്പെട്ടു. തീരുമാനത്തിൽ പ്ര തിഷേധിച്ച് പ്രതിപക്ഷം ഇറങ്ങി പ്പോയി. തടസപ്പെട്ട പെൻഷൻ തുക എത്രയും വേഗം ഗുണഭോക്താക്കൾക്ക് നൽകുകയാണ് കൗൺസിൽ ചെയ്യേണ്ടതെന്നും ഇതിന് അടിയന്തരമായ് തനതുഫണ്ടിൽ നിന്നും തുക നൽകണമെന്നും പെൻഷൻ മുടങ്ങിയ കാര്യത്തിൽ വീഴ്ചവരുത്തിയവർക്കെതിരെ പരിശോധിച്ച് നടപടി സ്വീകരിക്കാവുന്നതാണെന്നും യുഡി എഫ് ലീഡർ ബിജു എസ്. ചിറയത്ത്, എബി ജോർജ്, വി.ഒ. പൈലപ്പൻ, ആലീസ് ഷിബു, കെ.വി. പോൾ, എം.എം. അനിൽകുമാർ എന്നിവർ പറഞ്ഞു. പെൻഷൻ തടസപ്പെട്ട വിഷയത്തിൽ ആരുടെ ഭാഗത്തുനിന്ന് വീഴ്ച ഉണ്ടായിട്ടുണ്ടെങ്കിലും സർക്കാർ നിർദേശത്തിനനുസരിച്ച് നടപടി സ്വീകരിക്കുമെന്നും ചെയർമാൻ ഷിബു വാലപ്പൻ പറഞ്ഞു.

ലഹരിക്കെതിരേ ചവളർ സൊസൈറ്റിയുടെ സംസ്ഥാന ഫുട്‌ബോൾ ടൂർണമെന്‍റ് തുടങ്ങി

കൊരട്ടി: ലഹരിക്കെതിരെ ശ്രീരാമവിലാസം ചവളർ സൊസൈറ്റി കൊരട്ടി യൂണിയൻ ഒരുക്കുന്ന അഖില കേരള സെവൻസ് ഫുട്‌ബോൾ ടൂർണമെന്‍റ്് കൊരട്ടി പഞ്ചായത്ത് മൈതാനിയിൽ തുടങ്ങി. പള്ളിപ്പറമ്പിൽ വള്ളിയമ്മ അഞ്ചക്കളവൻ സ്മ‌ാരക ട്രോഫിക്കും 20,000 രൂപ കാഷ് അവാർഡിനും കണ്ണമ്പിള്ളി ജാനകി രാമൻ റണ്ണേഴ്‌സ് ട്രോഫിക്കും 10,000 രൂപ കാഷ് അവാർഡിനുംവേണ്ടി നടന്ന വിവിധ മത്സരങ്ങളിൽ ഫ്രണ്ട്‌സ് മേലൂർ, എഫ്‌സി മാണിക്യമംഗലം, ഈവനിംഗ് പ്ലെയേഴ്‌സ് ശങ്കര കാലടി, എൽഎം ടെൻ തൃശൂർ ടീമുകൾ സെമിയിൽ പ്രവേശിച്ചു. മത്സരങ്ങളുടെ ഉദ്ഘാടനം കൊരട്ടി എസ്ഐ സി.പി. ഷിബു നിർവഹിച്ചു. ലഹരിവിരുദ്ധ പ്രതിജ്‌ഞ ചൊല്ലി. യൂണിയൻ പ്രസിഡന്‍റ്് കെ.കെ. ഷാജു അധ്യക്ഷത വഹിച്ചു. സംസ്ഥാന വൈസ് പ്രസിഡന്‍റ് പ്രഭാകരൻ മാച്ചാമ്പിള്ളി, സംസ്ഥാന സംഘടന സെക്രട്ടറി ബൈജു കെ. മാധവൻ, പഞ്ചായത്ത് അംഗം ബിജി സുരേഷ്, യൂണിയൻ ഭാരവാഹികൾ എന്നിവർ പ്രസംഗിച്ചു. സെമി, ഫൈനൽ മത്സരങ്ങൾ ഇന്നു നടക്കും. വൈകീട്ട് ആറിന് സമാപന സമ്മേളനത്തിന്‍റെ ഉദ്ഘാടനവും സമ്മാനവിതരണവും സനീഷ്‌കുമാർ ജോസഫ് എംഎൽഎ നിർവഹിക്കും. ഗ്രാമപഞ്ചായത്ത് പ്രസിഡന്‍റ്് പി.സി. ബിജു മുഖ്യാതിഥിയാകും. ചെറുവാളൂര്‍ ഫുട്‌ബോള്‍: ഫൈനല്‍ ഇന്ന് കൊരട്ടി: ചെറുവാളൂര്‍ ഗ്രൗണ്ട് ബ്രദേഴ്‌സ് ക്ലബ് വാളൂര്‍ നായര്‍ സമാജം സ്‌കൂള്‍ ഗ്രൗണ്ടില്‍ സംഘടിപ്പിക്കുന്ന ഫ്ലഡ്‌ലിറ്റ് സെവന്‍സ് ഫുട്‌ബോള്‍ ടൂര്‍ണമെന്‍റിന്‍റെ ഫൈനല്‍ മത്സരം ഇന്നു വൈകീട്ട് എട്ടിന് നടക്കും. ഫൈനലില്‍ ചീനിക്കാസ് ചാലക്കുടി ഹാപ്പി ഫ്രണ്ട്‌സ് ചെറുവാളൂരിനെ നേരിടും. ആദ്യ സെമി ഫൈനലില്‍ ചീനിക്കാസ് ചാലക്കുടി ഏകപക്ഷീയമായ രണ്ടു ഗോളുകള്‍ക്ക് ഓര്‍ബിറ്റ് അബുദാബിയെ തോല്പിച്ചാണ് ഫൈനലിലെത്തിയത്. രണ്ടാം സെമിയില്‍ ഹാപ്പി ഫ്രണ്ട്‌സ് ചെറുവാളൂര്‍ ബേസിക് പെരുമ്പാവൂരിനെ ഒന്നിനെതിരെ മൂന്നുഗോളുകള്‍ക്കാണ് തോല്പിച്ചത്. ഫൈനൽ മത്സരത്തില്‍ സനീഷ്‌കുമാര്‍ ജോസഫ് എംഎല്‍എ മുഖ്യാതിഥിയാകും.

വീട്ടില്‍ സൂക്ഷിച്ച് അനധികൃത മദ്യവില്പന; ഒരാള്‍ അറസ്റ്റില്‍

ഇരിങ്ങാലക്കുട: വീട്ടില്‍ സൂക്ഷിച്ച് അനധികൃതമായി മദ്യവില്പന നടത്തുകയായിരുന്നയാളെ ഇന്ത്യന്‍ നിര്‍മിത വിദേശമദ്യവുമായി പിടികൂടി. കരൂപ്പടന്ന ജനതാകോര്‍ണര്‍ സ്വദേശി പെരുമ്പിലായില്‍ ഉണ്ണി (52) യാണ് അറസ്റ്റിലായത്. രഹസ്യവിവരം ലഭിച്ചതനുസരിച്ച് കരൂപ്പടന്നയിലെ ഇയാളുടെ വീട്ടില്‍ പരിശോധന നടത്തിയപ്പോഴാണ് 500 മില്ലിയുടെ ഒമ്പതു കുപ്പികളിലായി 4.5 ലിറ്റര്‍ ഇന്ത്യന്‍നിര്‍മിത വിദേശമദ്യം പിടിച്ചെടുത്തത്. ഇയാളെ അറസ്റ്റ് ചെയ്തു. ഇരിങ്ങാലക്കുട സിഐ എം.എസ്. ഷാജന്‍, എസ് ഐമാരായ സി.എം. ക്ലീറ്റസ്, മുഹമ്മദ്റാഷി, സുബിന്‍, എഎസ്‌ഐ സിന്ധു, സിപിഒമാരായ എം.എം. ഷാബു, ജിജില്‍കുമാര്‍ എന്നിവര്‍ ചേര്‍ന്നാണ് ഉണ്ണിയെ അറസ്റ്റ്ചെയ്തത്.

ഫാൻ പൊട്ടിവീണ് അഞ്ചുപേർക്കു പരിക്ക്

ചാലക്കുടി: താഴൂരിലെ ഹാളിൽ ഫാൻ പൊട്ടിവീണ് പിഞ്ചുകുഞ്ഞടക്കം അഞ്ചുപേർക്കു പരിക്കേറ്റു. മനസമ്മതശേഷം ഹാളിൽ റിസപ്ഷൻ നടക്കുന്നതിനിടെയാണു വലിയ ഫാൻ പൊട്ടിവീണത്. ഇന്നലെ രണ്ടരയോടെയാണു സംഭവം. ഹാളിന്‍റെ മേൽക്കൂരയിൽ ഘടിപ്പിച്ചിരുന്ന ഫാനിന്‍റെ വെൽഡിംഗ് പൊട്ടി ആളുകൾക്കിടയിലേക്ക് വീഴുകയായിരുന്നു. സംഭവസമയം അന്പതോളം പേർ ഹാളിനകത്ത് ഉണ്ടായിരുന്നു. അപകടത്തിൽ പരിക്കേറ്റ കുറ്റിച്ചിറ തത്തമ്പിള്ളി വീട്ടിൽ ബേബി (50), താഴൂർ ഞാറേക്കാടൻ വീട്ടിൽ ഷീജ പോൾ, (40) കലിക്കൽ സ്വദേശി തോപ്പിൽ വീട്ടിൽ ആദിത്യൻ (19) മാരാംകോട് വലിയവീട്ടിൽ ഇവ (2),ചെമ്പൻകുന്ന് തത്തമ്പിള്ളി വീട്ടിൽ വർഗീസ് (63) എന്നിവരെ ചാലക്കുടി സെന്‍റ് ജെയിംസ് ആശുപത്രിയിൽ പ്രവേശിപ്പിച്ചു. ബേബിയുടെ തലയ്ക്കേറ്റ പരിക്ക് സാരമുള്ളതായതിനാൽ വിദഗ്ധചികിത്സക്കായി രാജഗിരി ആശുപത്രിയിലേക്കു മാറ്റി.

റോഡുകളുടെ നിർമാണത്തിന് എട്ടുകോടി രൂപ അനുവദിച്ചു

ചാലക്കുടി: നിയോജകമണ്ഡലത്തിലെ അഞ്ചു റോഡുകളുടെ നിർമാണത്തിനായി എട്ടു കോടി രൂപ അനുവദിച്ചതായി സനീഷ്‌കുമാർ ജോസഫ് എംഎൽഎ അറിയിച്ചു. 40 എം എസ്‌എസ് നിലവാരത്തിലാണു റോഡുകളുടെ നിർമാണം നടത്തുന്നത്. കോടശേരി പഞ്ചായത്തിലെ കുറ്റിക്കാട് റോഡ് മുതൽ - കൂർക്കമറ്റം - സൗത്ത് മാരാംകോട് - അക്ക്വേഷ്യറോഡ് വരെ (1.5 കോടി), കാലടി - വെട്ടുകടവ് റോഡ് (70 ലക്ഷം ) കോർമല ആശ്രമം - ചെമ്പൻകുന്ന് - പുളിങ്കര - മാരാംകോട് - പാല ഗ്രൗണ്ട് റോഡ് വരെ ( 2.30 കോടി), കൊടകര പഞ്ചായത്തിൽ ദേശീയപാതയിൽനിന്ന് ആരംഭിച്ച് തേശേരിയിലൂടെ ചീക്കമാണ്ടി അമ്പലം പരിസരം വഴി പഴമ്പിള്ളി ഗ്രൗണ്ടിനോടുചേർന്ന് കനാൽ പാലം വരെയുള്ള റോഡ് (1 .2 കോടി ), ചട്ടിക്കുളം തലവരിപ്പാറ റോഡ് മുതൽ കുറ്റിക്കാട് റോഡ് വഴി പരിയാരം പഞ്ചായത്തിലെ ത്രിപ്പാപ്പിള്ളി റോഡ് വരെ ( 2.3 കോടി ) തുടങ്ങിയ റോഡുകളുടെ നിർമാണത്തിനായാണു തുക അനുവദിച്ചിരിക്കുന്നത്. തദ്ദേശസ്വയഭരണ വകുപ്പ് എൻജിനീയറിംഗ് വിഭാഗത്തിനാണു പ്രവൃത്തികളുടെ നിർവഹണച്ചുമതല. പ്രവൃർത്തികൾക്കാവശ്യമായ എസ്റ്റിമേറ്റ് തയാറാക്കി തുടർനടപടികൾ ആരംഭിച്ചു.

സ്‌നേഹസംഗമവും യാത്രയയപ്പും

ഇരിങ്ങാലക്കുട: നഗരസഭ 19-ാം വാര്‍ഡില്‍ സ്‌നേഹസംഗമവും 31 വര്‍ഷത്തെ സ്തുത്യര്‍ഹസേവനത്തിനുശേഷം വിരമിക്കുന്ന അങ്കണവാടി അധ്യാപിക ഐ.വി. ഗിരിജക്ക് യാത്രയയപ്പും സംഘടിപ്പിച്ചു. നഗരസഭ ചെയര്‍പേഴ്‌സണ്‍ മേരിക്കുട്ടി ജോയ് ഉദ്ഘാടനം നിര്‍വഹിച്ചു. വാര്‍ഡ് കൗണ്‍സിലര്‍ ഫെനി എബിന്‍ വെള്ളാനിക്കാരന്‍ അധ്യക്ഷത വഹിച്ചു. നഗരസഭ വൈസ് ചെയര്‍മാന്‍ ബൈജു കുറ്റിക്കാടന്‍ മുഖ്യാതിഥിയായിരുന്നു. മുന്‍ കൗണ്‍സിലര്‍മാരായ തോമസ് കോട്ടോളി, റോക്കി ആളൂക്കാരന്‍, ഗീത ബിനോയ്, സിഡിപിഒ ജയ റെജി, ജനറല്‍ കണ്‍വീനര്‍ അഡ്വ. ഹോബി ജോളി,വയോമിത്രം ക്ലബ് പ്രസിഡന്‍റ് ലാസര്‍ കോച്ചേരി എന്നിവര്‍ പ്രസംഗിച്ചു.

ശിശുവിദ്യാപോഷിണി എൽപി സ്കൂൾ സർക്കാർ ഏറ്റെടുക്കുന്നു

കൊടുങ്ങല്ലൂർ: എറിയാട് ശിശുവിദ്യാപോഷിണി എൽപി സ്കൂൾ സർക്കാർ ഏറ്റെടുക്കുന്നു. 28‌ന് പകൽ 2.30 ന് സ്കൂൾ ശതാബ്ദിയാഘോഷ സമാപന സമ്മേളനത്തിൽ സർക്കാർ വിദ്യാലയപ്രഖ്യാപനം മന്ത്രി ആർ. ബിന്ദു നടത്തുമെന്ന് ഇ.ടി. ടൈസൺ എം എൽഎ വാർത്താസമ്മേളനത്തിൽ പറഞ്ഞു. എറിയാട് പഞ്ചായത്തിൽ അക്ഷര വെളിച്ചം പകർന്ന സ്കൂൾ സ്ഥാപിതമായി 101 വർഷം പിന്നിടുമ്പോഴാണ് സർക്കാർ ഏറ്റെടുക്കുന്നത്. സിംഗിൾ മാനേജ്മെന്‍റ്് വിദ്യാലമായി ആരംഭിച്ച് സ്റ്റാഫ് മാനേജ്മെന്‍റ് വിദ്യാലമായി മാറുകയായിരുന്നു. യാതൊരു പ്രതിഫലേഛയുമില്ലാതെ സ്റ്റാഫ് മാനേജ്മെന്‍റിന്‍റെ അപേക്ഷ സർക്കാർ പരിഗണിച്ചാണ് സ്കൂൾ സർക്കാർ ഏറ്റടുക്കുന്നത്. ഇതിന്‍റെ ഭാഗമായി കുടുംബശ്രീ, ആശാപ്രവർത്തകർ, ഹരിത കർമസേന എന്നിവർ പങ്കെടുക്കുന്ന ഘോഷയാത്രയും കുട്ടികളും പൂർവവിദ്യാർഥികളും അവതരിപ്പിക്കുന്ന കലാപരിപാടികളും ഉണ്ടാകും. ഇ.ടി. ടൈസൺ എംഎൽഎ അധ്യക്ഷനാകും. കളക്ടർ അർജുൻ പാണ്ഡ്യൻ മുഖ്യാതിഥിയാകും. വാർത്താസമ്മേളനത്തിൽ എറിയാട് പഞ്ചായത്ത് പ്രസിഡന്‍റ് കെ.പി. രാജൻ, പ്രധാന അധ്യാപിക കെ. സരിത, പിടിഎ പ്രസിഡന്‍റ് കെ.എ. സിദ്ധീഖ്, കെ.എ. അഫ്സൽ എന്നിവർ പങ്കെടുത്തു.

നേത്രചികിത്സ തിമിരശസ്ത്രക്രിയാക്യാമ്പ് ഇന്ന്

ഇരിങ്ങാലക്കുട: പി.എല്‍. തോമന്‍ മെമ്മോറിയല്‍ ചാരിറ്റബിള്‍ ട്രസ്റ്റും കൊമ്പൊടിഞ്ഞാമാക്കല്‍ ലയണ്‍സ് ക്ലബ് ഇന്‍റര്‍നാഷണലും ഐ ഫൗണ്ടേഷന്‍ ആശുപത്രിയും സംയുക്തമായി പി.എല്‍. തോമന്‍ മെമ്മോറിയല്‍ ചാരിറ്റബിള്‍ ക്ലിനിക്കില്‍ നേത്ര പരിശോധനതിമിര ശസ്ത്രക്രിയ ക്യാമ്പ് ഇന്ന് സംഘടിപ്പിക്കും. ലയണ്‍സ് ക്ലബ് ഡിസ്ട്രിക്ട് കോ-ഓര്‍ഡിനേറ്റര്‍ ജോണ്‍സന്‍ കോലങ്കണ്ണി ഉദ്ഘാടനം ചെയ്യും. സെക്രട്ടറി അഡ്വ. എം.എസ്. രാജേഷ് അധ്യക്ഷത വഹിക്കും. കൂടുതല്‍ വിവരങ്ങള്‍ക്കും രജിസ്‌ട്രേഷനും 944 6540890, 9539343242 എന്നീ നമ്പറുകളില്‍ ബന്ധപ്പെടുക.

കൂടല്‍മാണിക്യം ഉത്സവം; അലങ്കാരപ്പന്തലിനു കാല്‍നാട്ടി

ഇരിങ്ങാലക്കുട: കൂടല്‍മാണിക്യം ഉത്സവത്തിന്‍റെ ഭാഗമായി നിര്‍മിക്കുന്ന ബഹുനില അലങ്കാരപ്പന്തലിന്‍റെയും ദീപാലങ്കാരത്തിന്‍റെയും കാല്‍നാട്ട് നടന്നു. കിഴക്കേ ഗോപുരനടയില്‍നിന്ന് ആഘോഷമായാണ് അലങ്കരിച്ച കൊടിമരം കുട്ടംകുളം പരിസരത്തെത്തിച്ചത്. വിശേഷാല്‍ പൂജകള്‍ക്ക് തന്ത്രി വല്ലഭന്‍ നമ്പൂതിരിപ്പാട് മുഖ്യകാര്‍മികത്വം വഹിച്ചു. ഐസിഎല്‍ ഫിന്‍കോര്‍പ് ഗ്രൂ പ്പാണ് ദീപാലങ്കാര സമര്‍പ്പണം നടത്തുന്നത്. മുനിസിപ്പല്‍ ചെയര്‍പേഴ്‌സണ്‍ മേരിക്കുട്ടി ജോയ്, വൈസ് ചെയര്‍മാന്‍ ബൈജു കുറ്റിക്കാടന്‍, ദേവസ്വം ചെയര്‍മാന്‍ അഡ്വ. സി.കെ. ഗോപി, ഐസിഎല്‍ സിഎംഡി കെ.ജി. അനില്‍കുമാര്‍, ഡിവൈഎസ്പി കെ.ജി. സുരേഷ്, സിഐ എം.എസ്. ഷാജന്‍, എക്‌സൈസ് സിഐ മണികണ്ഠന്‍ തുടങ്ങിയവര്‍ പങ്കെടുത്തു.

വാഹനാപകടത്തിൽ പരിക്കേറ്റ വീട്ടമ്മ മരിച്ചു

മുല്ലശേരി: ചാലക്കുടിയിലുണ്ടായ വാഹനാപകടത്തിൽ പരിക്കേറ്റ് ചികിത്സയിലായിരുന്ന മുല്ലശേരി സ്വദേശിനി മരിച്ചു. മുല്ലശേരി ഊരകം നാലുപുരക്കൽ മല്ലിക(59) ആണ് മരിച്ചത്. 19ന് രാവിലെ പത്തരയോടെ ചാലക്കുടി ദേശീയപാതയിൽ വച്ചായിരുന്നു അപകടം. ഇവർ സഞ്ചരിച്ചിരുന്ന ടാറ്റ സുമോ നിയന്ത്രണം വിട്ട് വൈദ്യുതി പോസ്റ്റിൽ ഇടിക്കുകയായിരുന്നു. സംസ്കാരം ഇന്ന് രാവിലെ 9.30 ന് മുല്ലശേരി എലവത്തൂർ ക്രിമറ്റോറിയത്തിൽ. മക്കൾ: അനീഷ്, സുമേഷ്, സിനി. മരുമക്കൾ: സന്ധ്യ, വിബിന, പ്രവീൺ.

പ്രവാസി കുഴഞ്ഞുവീണ് മരിച്ചു

കൊടുങ്ങല്ലൂർ: സ്കൂട്ടർ ഓടിക്കവെ റോഡിൽ കുഴഞ്ഞുവീണ് പ്രവാസി മരിച്ചു. കൊമ്പത്തുകടവ് പനങ്ങാടൻ ധർമപാലൻ(70) ആണ് മരിച്ചത്. ഇന്നലെ ഉച്ചകഴിഞ്ഞ് 3.30 ന് ശൃംഗപുരം ശിവക്ഷേത്രത്തിനു സമീപത്തെ റോഡിലാണ് സംഭവം. രാവിലെ എറണാകുളത്തെ ആശുപത്രിയിൽ ഡോക്ടറെ കണ്ട് കൊടുങ്ങല്ലൂരിലെത്തിയശേഷം മരുന്ന് വാങ്ങാൻ മെഡിക്കൽ ഷോപ്പിലേക്ക് പോകുമ്പോഴാണ് കുഴഞ്ഞുവീണത്. ഓടിക്കൂട്ടിയവർ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു. ഏറെനാൾ വിദേശത്തായിരുന്ന ധർമപാലൻ ഇപ്പോൾ നാട്ടിൽ കൃഷി നടത്തുകയാണ്. മൃതദേഹം എആർ ആശുപത്രി മോർച്ചറിയിൽ. ഭാര്യ: രമണി. മക്കൾ: ധീരജ്, ദീപക്, ദിനേഷ് മരുമക്കൾ: അജിത, ലിമി.

രണ്ടാഴ്ച മുമ്പ് കാണാതായയാള്‍ കിണറ്റില്‍ മരിച്ചനിലയില്‍

ഗുരുവായൂര്‍: വീട്ടില്‍നിന്ന് രണ്ടാഴ്ച മുമ്പ് കാണാതായ വയോധികനെ കിണറ്റില്‍ മരിച്ചനിലയില്‍ കണ്ടെത്തി. പാലബസാര്‍ രായംമരയ്ക്കാല്‍ വീട്ടില്‍ അര്‍.വി.അബ്ദുള്‍ റഹ്മാൻ(79) ആണ് മരിച്ചത്. ബ്രഹ്‌മകുളം പാലബസാര്‍ ആല്‍മാവിനടുത്ത് ആളൊഴിഞ്ഞ പറമ്പിലെ കിണറ്റിലാണ് മൃതദേഹം കണ്ടത്. ഇന്നലെ തൊഴിലുറപ്പ് തൊഴിലാളികൾ തോട് വൃത്തിയാക്കുന്നതിനിടയിലാണ് കിണറ്റിൽ മൃതദേഹം കണ്ടത്. പോലീസും അഗ്നിരക്ഷാ സേനയുമെത്തി പുറത്തെടുത്തു. ഭാര്യ: സഫിയ. മക്കള്‍: ഷാഹുല്‍ ഹമീദ്, സെയ്‌നുദീന്‍, ലത്തീഫ്, ആരിഫ, ഷൈലിനി. മരുമക്കള്‍: ബദറുദ്ദീന്‍, ഷംസു, ഷെമി, ഫെമി, ഷജി.

അകമല തോട് കെെയേറി മതിൽകെട്ടുന്നു

വടക്കാഞ്ചേരി: അകമല തോട് കെെയേറി മതിൽകെട്ടുന്നു. അധികൃതർ മൗനം പാലിക്കുന്നതായി പ്രദേശവാസികൾ. ഓട്ടുപാറയിൽകഴിഞ്ഞ വെള്ളപ്പൊക്കത്തിൽ തോടിന് വീതിയില്ലാത്തതുകൊണ്ട് സമീപത്തുള്ള വീടുകളിൽ വെള്ളം കയറുകയും നാശനഷ്ടം ഉണ്ടാകുകയും ചെയ്തു. റോഡ് കെെയേറി കെട്ടിടം പണിയുന്നത് ഇറിഗേഷൻ ഡിപ്പാർട്ട്മെന്‍റും നഗരസഭ അധികാരികളും തിരിഞ്ഞുനോക്കുന്നി ല്ലെന്ന് വ്യാപക പരാതിയുണ്ട്. വടക്കാഞ്ചേരി പുഴയിലേക്ക് പോകുന്ന അകമലയിലെ പ്രധാന തോടിന്‍റെ ഇരുവശവും കെെയേറിയാണ് കെട്ടിട നിർമാണം.അതുകൊണ്ടു തന്നെസർവേ നടത്തി കയ്യേറിയ തോടും ഭൂമിയും തിരിച്ചുപിടിക്കാൻ അധികൃതർ തയാറാകണമെന്നും തോട്ടിലുള്ള ചെളിയും മണ്ണും നീക്കം ചെയ്യാനും നടപടി ഉണ്ടാകണമെന്നാണ് പ്രദേശവാസികളുടെ ആവശ്യം. വിഷയം നടപ്പിലായാൽ അടുത്തകാലവർഷം വെള്ളപ്പൊക്കത്തിൽനിന്ന് സമീപവാസികൾ രക്ഷപ്പെടുമെന്നും പ്രദേശവാസികൾ പറഞ്ഞു.

അമലയിൽ പാരാമെഡിക്കൽ ഡിപ്ലോമ വിതരണം

തൃശൂർ: അമല മെഡിക്കൽ കോളജിൽ നടത്തിയ പാരാമെഡിക്കൽ ഡിപ്ലോമ വിതരണം കേരള ആരോഗ്യസർവകലാശാല പാരാമെഡിക്കൽ മുൻ ഡീൻ ഡോ. എസ്. ശങ്കർ നിർവഹിച്ചു. അമല ഡയറക്ടർ ഫാ.ജൂലിയസ് അറയ്ക്കൽ അധ്യക്ഷത വഹിച്ചു. അസോസിയേറ്റ് ഡയറക്ടർ ഫാ. ആന്‍റണി മണ്ണുമ്മൽ, കോഴ്സ് പ്രിൻസിപ്പൽ ഡോ. എം.സി. സാവിത്രി, അഡ്മിനിസ്ട്രേറ്റീവ് ഓഫീസർ അഡ്വ. ശാന്തി പോൾ, ട്യൂട്ടർ രേഷ്മ രാജേന്ദ്രൻ, വിദ്യാർഥി പ്രതിനിധി സെൽമ വർഗീസ് എന്നിവർ പ്രസംഗിച്ചു.

ദേവാലയങ്ങളിൽ തിരുനാൾ

അരിമ്പൂർ സെന്‍റ് ആന്‍റണീസ് അരിമ്പൂർ: സെന്‍റ് ആന്‍റണീസ് പള്ളിയിലെ സംയുക്ത തിരുനാൾ ആഘോഷത്തിന് കൊടിയേറി. കണ്ടശാംകടവ് ഫൊറോന പള്ളി വികാരി ഫാ. റാഫേൽ ആക്കാമറ്റത്തിൽ കാർമികനായി. വികാരി ഫാ. ജോളി തട്ടിൽ സഹ കാർമികനായി. മേയ് രണ്ട്, മൂന്ന്, നാല്, അഞ്ച് തീയതികളിലാണ് തിരുനാൾ ആഘോഷം. സഹ വികാരി ഫാ. ജസ്വിൻ വാഴപ്പിള്ളി, തിരുനാൾ കമ്മിറ്റി ജനറൽ കൺവീനർ അബിൻ ജോസ് പൊന്മാണി, ട്രസ്റ്റിമാരായ ജോസ് ചാലിശേരി, മൈക്കിൾ മുത്തുപറമ്പിൽ, ബാബു കാഞ്ഞിരത്തിങ്കൽ രാജു ജോർജ് എന്നിവർ നേതൃത്വം നൽകി. മറ്റം നിത്യസഹായമാതാ മറ്റം: മറ്റം നിത്യസഹായ മാതാവിന്‍റെ തീർഥകേന്ദ്രത്തിൽ 87-ാം തിരുനാളിന് കൊടിയേറി. തൃശൂർ അതിരൂപത വികാരി ജനറാൾ മോൺ. ജെയ്സൻ കൂനംപ്ലാക്കൽ കൊടിയേറ്റം നിർവഹിച്ചു. മേയ് 2, 3, 4, 5, 6 തീയതികളിലാണ് തിരുനാളാഘോഷം. തിരുനാൾവരെയുള്ള ദിവസങ്ങളിൽ രാവിലെ ആറിനും വൈകീട്ട് അഞ്ചിനും നവനാൾ തിരുക്കർമങ്ങൾ നടക്കും. വികാരി റവ.ഡോ. ഫ്രാൻസിസ് ആളൂർ, അസിസ്റ്റന്‍റ് വികാരി ഫാ. ഫ്രാങ്കോ ചെറുതാണിക്കൽ, ട്രസ്റ്റിമാരായ സി.കെ. ജോയ്, ജോൺസൺ കാക്കശേരി, പി.എ. സ്റ്റീഫൻ, ജോൺസൺ സി തോമസ്, തിരുനാൾ ജനറൽ കൺവീനർ എം.ജെ. ജോഷി, ജോയിന്‍റ് ജനറൽ കൺവീനർ ആൽബർട്ട് ജോസഫ് തുടങ്ങിയവർ നേതൃത്വംനൽകി. തിരുനാളിനോടനുബന്ധിച്ച് തീർത്ഥകേന്ദ്രത്തിൽ മരിയൻ ബൈബിൾ കൺവൻഷൻ തുടങ്ങി. ഫാ.സിന്‍റോ പൊന്തേക്കൻ, ഫാ. റോയി വേളക്കൊമ്പിൽ, സന്തോഷ് കരുമത്ര എന്നിവർ കൺവൻഷനു നേതൃത്വം നൽകി. ഇന്നും നാളെയും രാവിലെ ഒൻപതു മുതൽ വൈകീട്ട് അഞ്ചുവരെ കുമ്പസാരം, കൗൺസിലിംഗ് എന്നിവയ്ക്ക് സൗകര്യമുണ്ടായിരിക്കും എന്ന് വികാരി റവ.ഡോ. ഫ്രാൻസിസ് ആളൂർ അറിയിച്ചു. ഒല്ലൂർ മേരിമാതാ ഒല്ലൂർ: മേരിമാതാ പള്ളിയിൽ പരിശുദ്ധ മേരിമാതാവിന്‍റെയും വിശുദ്ധ മിഖായേൽ മാലാഖയുടെയും വിശുദ്ധ സെബസ്ത്യാനോസിന്‍റെയും വിശുദ്ധ കൊച്ചുത്രേസ്യയുടെയും സംയുക്തതിരുനാൾ കൊടിയേറി. ഒല്ലൂർ സെന്‍റ് ആന്‍റണീസ് ഫൊറോന പള്ളി വികാരി ഫാ. വർഗീസ് കുത്തൂർ കൊടിയേറ്റം നിർവഹിച്ചു. നവനാൾതിരുക്കർമങ്ങൾക്കും അദ്ദേഹം കാർമികത്വം വഹിച്ചു. വികാരി ഫാ. ജോയ് ചിറ്റിലപ്പിള്ളി, അസിസ്റ്റന്‍റ് വികാരി ഫാ. ജിയോ ആലപ്പാട്ട്, കൈക്കാരന്മാരായ ഡേവിസ് ചെക്കനാത്ത്, പോൾ വാഴക്കാല, പോളി പെല്ലിശേരി, കിരൺ കുരിയൻ, ജനറൽ കൺവീനർ റെയ്നി മൊയലൻ, പബ്ലിസിറ്റി കൺവീനർ ഡേവിസ് കൊള്ളന്നൂർ തുടങ്ങിയവർ നേതൃത്വം നൽകി. മേയ് രണ്ട്, മൂന്ന്, നാല്, അഞ്ച് തീയതികളിലാണ് തിരുനാൾ. കുരിയച്ചിറ സെന്‍റ് ജോസഫ്സ് കുരിയച്ചിറ: സെന്‍റ് ജോസഫ്സ് ദേവാലയത്തിൽ വിശുദ്ധ യൗസേപ്പിതാവിന്‍റെ 94-ാം പ്രതിഷ്ഠാതിരുനാളിന്‍റെ കൊടിയേറ്റം ബസിലിക്ക റെക്ടർ ഫാ. തോമസ് കാക്കശേരി നിർവഹിച്ചു. വികാരി ഫാ. തോമസ് വടക്കൂട്ട്, അസിസ്റ്റന്‍റ് വികാരി ഫാ. ജിയോ വേലൂക്കാരൻ, ഫാ. അക്ഷയ് കുന്നേൽ എംഎസ്ജെ, നടത്തുകൈക്കാരൻ ഡേവിഡ് കുണ്ടുകുളങ്ങര, കൈക്കാരന്മാരായ തോമസ് എലുവത്തിങ്കൽ, ജോസി ചീനിക്കൽ, ആന്‍റണി ചിറമേൽ, ജനറൽ കണ്‍വീനർ ഡോ. മേജോ കാക്കശേരി, പ്രതിനിധിയോഗ സെക്രട്ടറി ജോണ്‍സണ്‍ കൊക്കൻ, ഏകോപനസമിതി കണ്‍വീനർ ജോണ്‍സണ്‍ പാലിയേക്കര എന്നിവർ നേതൃത്വം നൽകി. കാവീട് സെന്‍റ് ജോസഫ്സ്‌ ഗുരുവായൂർ: കാവീട് സെന്‍റ് ജോസഫ്സ്‌ പള്ളിയിലെ വിശുദ്ധ യൗസേപ്പിതാവിന്‍റെയും വിശുദ്ധ സെബസ്ത്യാനോസ്‌ സഹദായുടെയും മർത്ത് മറിയത്തിന്‍റെയും സംയുക്ത തിരുനാളിന് കൊടികയറി. വികാരി ഫാ. ഫ്രാൻസിസ് നീലങ്കാവിൽ കൊടിയേറ്റം നിർവഹിച്ചു.തുടർന്ന് ലദീഞ്ഞ്, നൊവേന, വിശുദ്ധ കുർബാന എന്നിവ ഉണ്ടായി. പാലയൂർ പള്ളി അസി. വികാരി ഫാ. ക്ലിന്‍റ് പാണെങ്ങാടൻ വിശുദ്ധബലിക്ക് കാർമികനായി. കൈക്കാരന്മാരായ സി.ജി. റാഫേൽ, സണ്ണി ചീരൻ, നിതിൻ ചാർലി, തിരുനാൾ ജനറൽ കൺവീനർ സി.വി. ജെയ്സൺ എന്നിവർ നേതൃത്വം നൽകി. മേയ് 2, 3, 4, 5 തീയതികളിലാണ് തിരുനാൾ ആഘോഷം. പഴുവിൽ സെന്‍റ് ആന്‍റണീസ് പഴുവിൽ: സെന്‍റ് ആന്‍റണീസ് ഫൊറോന പള്ളിയിലെ വിശുദ്ധ അന്തോണീസിന്‍റെ തീർഥകേന്ദ്രത്തിലെ ഊട്ടുതിരുനാൾ മേയ് 2, 3, 4, 5 ദിവസങ്ങളിലായി ആഘോഷിക്കുമെന്ന് വികാരി റവ. ഡോ. വിൻസെന്‍റ് ചെറുവത്തൂർ, അസിസ്റ്റന്‍റ് വികാരി ഫാ. ഡേവിസ് പുലിക്കോട്ടിൽ എന്നിവർ പത്രസമ്മേളനത്തിൽ അറിയിച്ചു. തിരുനാളിന് മുന്നോടിയായി നവനാൾ തിരുക്കർമങ്ങൾ ഇന്നലെ ആരംഭിച്ചു. തിരുനാൾ കൊടിയേറ്റം നാളെ വൈകീട്ട് അഞ്ചിന് വിശുദ്ധ കുർബാനയ്ക്കുശേഷം പഴുവിൽ ഫൊറോന വികാരി റവ.ഡോ. വിൻസെന്‍റ്് ചെറുവത്തൂർ നിർവഹിക്കും. ദീപാലങ്കാരം സ്വിച്ചോൺ മേയ് രണ്ടിന് വൈകീട്ട് 4.30നുള്ള വിശുദ്ധ കുർബാനയ്ക്ക് ശേഷം നടക്കും. ദീപാലങ്കാരം സ്വിച്ചോൺ സി.സി. മുകുന്ദൻ എംഎൽഎ നിർവഹിക്കും. അന്നേദിവസം പഴുവിൽ മതസൗഹൃദ കൂട്ടായ്മ സമ്മേളനവും നടക്കും. മൂന്നിന് ഇടവകപള്ളിയിൽ വൈകീട്ട് നാലിനുള്ള വിശുദ്ധ കുർബാനയ്ക്കുശേഷം കൂടുതുറക്കൽ ശുശ്രൂഷ, തുടർന്ന് തീർഥകേന്ദ്രത്തിലേക്ക് പ്രദക്ഷിണം എന്നിവ നടക്കും. കുടുംബകൂട്ടായ്മകളിൽ നിന്നുള്ള വള എഴുന്നള്ളിപ്പുകൾ വൈകീട്ട് തീർത്ഥകേന്ദ്രത്തിൽ സമാപിക്കും. തിരുനാൾദിനമായ നാലിന് രാവിലെ 6.30 ന് ഇടവകപള്ളിയിലും എട്ടിനും 10.30നും വൈകീട്ട് നാലിനും തീർഥകേന്ദ്രത്തിലും വിശുദ്ധ കുർബാന ഉണ്ടായിരിക്കും. അടിമസമർപ്പണം രാവിലെ പത്തിനും ആഘോഷമായ തിരുനാൾ പാട്ടുകുർബാന രാവിലെ 10.30 നും. വൈകീട്ട് നാലിനുള്ള വിശുദ്ധ കുർബാനയ്ക്ക് ശേഷം തീർഥകേന്ദ്രത്തിൽനിന്ന് ഇടവകപള്ളിയിലേക്ക് പ്രദക്ഷിണം നടത്തും. മൂന്നിന് വൈകീട്ട് ഏഴുമുതൽ രാത്രി പത്തുവരെയും നാലിനു രാവിലെ ഒൻപതുമുതൽ ഉച്ചയ്ക്ക് രണ്ടുവരെയും നേർച്ച ഊട്ട് ഉണ്ടായിരിക്കും.അഞ്ചിന് വൈകീട്ട് ഏഴിന് ആലപ്പുഴ ഭീമാസ് ബ്ലൂഡയമണ്ട് അവതരിപ്പിക്കുന്ന ഗാനമേള ഉണ്ടായിരിക്കും. പത്രസമ്മേളനത്തിൽ മാനേജിംഗ് ട്രസ്റ്റി ടിന്‍റോ ജോസ്, തിരുനാൾ ജനറൽ കൺവീനർ ആന്‍റൺ വർഗീസ്, പബ്ലിസിറ്റി കൺവീനർ സ്റ്റീഫൻ ലാസർ, പിആർഒ ടെബി വർഗീസ്‌ എന്നിവരും പങ്കെടുത്തു. ഊരോക്കാട് ഉണ്ണിമിശിഹാ പുന്നംപറമ്പ്: മച്ചാട് സെന്‍റ്് ആന്‍റണീസ് ദേവാലയത്തിനു കീഴിലെ ഊരോക്കാട് ഉണ്ണിമിശിഹാ ദേവാലയത്തിലെ തിരുനാൾ ഇന്നും നാളെയും ആഘോഷിക്കും. ഇന്ന് വൈകീട്ട് 6.30 ന് ലദീഞ്ഞ്, നൊവേന, വിശുദ്ധ കുർബാനയ്ക്ക് ശേഷം കൂടുതുറക്കൽ ശുശ്രൂഷയും, പ്രസുദേന്തിവാഴ്ച, പ്രദക്ഷിണം എന്നിവ നടക്കും. തിരുക്കർമങ്ങൾക്ക് കത്തോലിക്കസഭ പത്രം മാനേജിംഗ് എഡിറ്റർ ഫാ. ബിൽജുവാഴപ്പിള്ളി മുഖ്യകാർമികനാകും. തിരുനാൾദിനമായ നാളെ രാവിലെ പത്തിന് ലദീഞ്ഞ്, നൊവേന തുടർന്ന് ആഘോഷമായ തിരുനാൾ പാട്ടുകുർബാന, സന്ദേശം എന്നീ തിരുകർമങ്ങൾക്ക് പൂമല ലിറ്റിൽ ഫ്ളവർ പള്ളി വികാരി ഫാ. സിന്‍റോ തൊറയൻ കാർമികനാകും. ചടങ്ങുകൾക്ക് ഇടവക വികാരി ഫാ.ആന്‍റോ ഒല്ലൂക്കാരൻ, ജനറൽ കൺവീനർ ബാബു തൈക്കാട്ടുചിറയിൽ, കൈക്കാരൻമാരായ അനീഷ് കൊല്ലംകുന്നേൽ, ജോഷി ചിറമ്മൽ എന്നിവർ നേതൃത്വം നൽകും. മുറ്റിച്ചൂർ സെന്‍റ്് പീറ്റേഴ്സ് അന്തിക്കാട്: മുറ്റിച്ചൂർ സെന്‍റ്് പീറ്റേഴ്സ് പള്ളിയിലെ വിശുദ്ധ പത്രോസ് ശ്ലീഹായുടെയും പരിശുദ്ധ വേളാങ്കണ്ണി മാതാവിന്‍റെയും സംയുക്ത തിരുന്നാൾ ഇന്നും നാളെയും ആഘോഷിക്കുന്നു. ഇന്ന്് വൈകീട്ട് 6.30ന് പ്രസുദേന്തി വാഴ്ച, വിശുദ്ധ കുർബാന, ലദീഞ്ഞ്, നൊവേന, തിരുസ്വരൂപങ്ങൾ പന്തലിൽ പ്രതിഷ്ഠിക്കുന്നു. നാളെ വൈകീട്ട് അഞ്ചിനുള്ള ആഘോഷമായ തിരുനാൾ കുർബാനയ്ക്ക് കണ്ടശാംകടവ് പള്ളി അസി. വികാരി ഫാ. അജിത്ത് ചിറ്റിലപ്പിള്ളി മുഖ്യകാർമികത്വം വഹിക്കും. ഫാ. ജോബിഷ് പാണ്ടിയാമാക്കിൽ തിരുനാൾ സന്ദേശം നൽകും. തുടർന്ന് പ്രദക്ഷിണം വർണമഴ, നേർച്ച ഊട്ട്, വാദ്യമേളം. രാത്രി പത്തിന് തിരുസ്വരൂപങ്ങളുടെ എഴുന്നള്ളിപ്പ് പള്ളിയിൽ സമാപിക്കും. പുത്തൻപീടിക പള്ളി വികാരി ഫാ. ജോസഫ് മുരിങ്ങാത്തേരി, അസി. വികാരി ഫാ.ജോഫിൻ അക്കരപട്ട്യേക്കൽ, തിരുനാൾ കൺവീനർ സെബാസ്റ്റ്യൻ ചിറയത്ത്, പബ്ലിസിറ്റി കൺവീനർ സി.ജെ. എഡിസൻ, ട്രസ്റ്റിമാരായ സി. സി. ജോസഫ്, സി.ജെ. വിൻസെന്‍റ് എന്നിവർ നേതൃത്വം നൽകും. ഒല്ലൂക്കര സെന്‍റ് ജോസഫ് ഒല്ലൂക്കര: സെന്‍റ് ജോസഫ് ദേവാലയത്തിൽ മേയ് മൂന്നുമുതൽ അഞ്ചുവരെ നടക്കുന്ന വിശുദ്ധ യൗസേപ്പിതാവിന്‍റെയും വിശുദ്ധ സെബസ്ത്യാനോസിന്‍റെയും സംയുക്ത തിരുനാളിനു ഫാ. ജിതിൻ ഫ്രാൻസിസ് കൊടിയേറ്റി. വികാരി ഫാ. മാത്യു വെട്ടത്ത്, ജനറൽ കണ്‍വീനർ ജോണ്‍സണ്‍ ആവോക്കാരൻ, കണ്‍വീനർമാർ ജ്യോതിസ് ജോസ്, ഷൈജു പുല്ലൻ, ജൈസൻ, കൈക്കാരന്മാരായ ഷൈൻ, വില്യംസ്, തോംസണ്‍ എന്നിവർ നേതൃത്വം നൽകി. ചെന്പൂക്കാവ് സേക്രഡ് ഹാര്‌ട്ട് തൃശൂർ: ചെന്പൂക്കാവ് തിരുഹൃദയ ദേവാലയത്തിലെ സംയുക്ത തിരുനാളിനു മുൻവികാരി ഫാ. ഡെയ്സൻ മുണ്ടോപുറം കൊടിയേറ്റി. വികാരി ഫാ. ജോയ് അടന്പുകുളം, ജനറൽ കണ്‍വീനർ അഡ്വ. ജോയ് ബാസ്റ്റ്യൻ ചാക്കോള, കൈക്കാരന്മാരായ പോൾ മാളിയേക്കൽ, ജോണ്‍ പടുതല, വിനു കുണ്ടുകുളം, വിനോജ്, വിവിധ കമ്മിറ്റി കണ്‍വീനർമാർ, ജോയിന്‍റ് കണ്‍വീനർമാർ എന്നിവർ നേതൃത്വം നൽകി. മേയ് മൂന്നുമുതൽ അഞ്ചുവരെയാണ് തിരുനാൾ. രണ്ടിനു വൈകീട്ട് ദീപാലങ്കാരത്തിന്‍റെ സ്വിച്ച് ഓണ്‍ കർമം നടക്കും. മൂന്നിനു രാവിലെ കൂടുതുറക്കലും വൈകീട്ട് വിവിധ യൂണിറ്റുകളിൽനിന്നുള്ള അന്പു പ്രദക്ഷിണവും. നാലിനു രാവിലെ 10ന് തിരുനാൾകുർബാന, വൈകീട്ട് പ്രദിക്ഷണം, തുടർന്ന് ഗാനമേള.

മണലൂരിൽ വീണ്ടും മോഷണം

കാഞ്ഞാണി: ദിവസങ്ങൾക്കുള്ളിൽ മണലൂരിൽ വീണ്ടും മോഷണം. രണ്ട് ക്ഷേത്രങ്ങളിലെ ഭണ്ഡാരങ്ങൾ കുത്തിത്തുറന്ന നിലയിൽ കണ്ടെത്തി. കാഞ്ഞാണി തൃക്കുന്നത്ത് മഹാവിഷ്ണു ക്ഷേത്രത്തിന്‍റേയും മണലൂർ കണ്ടങ്ങത്ത് ഭദ്രകാളി ക്ഷേത്രത്തിന്‍റേയും ഭണ്ഡാരങ്ങളാണ് കുത്തിത്തുറന്ന നിലയിൽ കണ്ടെത്തിയത് . ഇന്നലെ രാത്രിയിലാണ് രണ്ട് ക്ഷേത്രങ്ങളുടെയും ഭണ്ഡാരങ്ങൾ കുത്തിപ്പൊളിച്ചിട്ടുള്ളത്. രാവിലെ ക്ഷേത്രജീവനക്കാർ എത്തിയപ്പോഴാണ് മോഷണശ്രമം കണ്ടെത്തിയത്. ഭണ്ഡാരം കുത്തിപ്പൊളിക്കാൻ ഉപയോഗിച്ചതായി കരുതുന്ന വലിയ പിക്കാസ് സമീപത്തുനിന്നു കണ്ടെത്തി. ക്ഷേത്രഭാരവാഹികൾപോലിസിനെ അറിയിച്ചതിനെതുടർന്ന് പോലിസെത്തി അന്വേഷണം ആരംഭിച്ചു. സിസിടിവി കാമറയിൽ മോഷ്ടാവിന്‍റെ ദൃശ്യം പതിഞ്ഞിട്ടുള്ളതിനാൽ മോഷ്ടാവിനെ കണ്ടെത്താനുള്ള ശ്രമത്തിലാണ്. കഴിഞ്ഞവർഷം സമീപത്തെ ക്ഷേത്രത്തിലും ഓടുപൊളിച്ചുകയറി മോഷണം നടന്നിരുന്നു. മണലൂർ ഗ്രാമപഞ്ചായത്തിൽ ക്ഷേത്രങ്ങൾ കേന്ദ്രികരിച്ചുള്ള മോഷണം വ്യാപകമായിരിക്കുകയാണ്. കാരമൂക്ക് പുതൃക്കോവ് നരസിംഹമൂർത്തി ക്ഷേത്രത്തിൽ നാലുതവണയും കഴിഞ്ഞദിവസം കരിക്കൊടി വെണ്ണക്കൽ ക്ഷേത്രത്തിലും മോഷണശ്രമം നടന്നിരുന്നു.

ക.ൂടല്‍മാണിക്യം കിഴക്കേനടയിലെ ആനപ്പടി വീതികൂട്ടുന്നു

ഇരിങ്ങാലക്കുട: ഉത്സവത്തിനുമുന്‍പേ കൂടല്‍മാണിക്യക്ഷേത്രത്തിലെ കിഴക്കേ നടപ്പുരയുടെ തെക്ക് ആനവയറന്‍ മതിലിലെ ആനപ്പടിയുടെ വീതികൂട്ടുന്നു. ഇതിന്‍റെ ആദ്യഘട്ടമെന്നനിലയില്‍ നിലവിലുള്ള വാതില്‍ പൊളിച്ചുപണിയും. അഞ്ചുമീറ്റര്‍ വീതിയില്‍ അഞ്ചുമീറ്റര്‍ ഉയരത്തില്‍ നിര്‍മിക്കുന്ന പുതിയ പടി പുറമേനിന്നുള്ള സഹായത്തോടെയാണ് പൂര്‍ത്തിയാക്കുന്നത്. സുരക്ഷാക്രമീകരണങ്ങള്‍ സംബന്ധിച്ച് ചേരുന്ന യോഗങ്ങളിലെല്ലാം വാതിലിന്‍റെ വീതികൂട്ടണമെന്ന് പോലീസും അഗ്‌നിരക്ഷാ സേനയും ആവശ്യപ്പെട്ടിരുന്നു. ഉത്സവസമയത്ത് എഴുന്നള്ളിപ്പും വൈകീട്ട് കലാപരിപാടികളും വിളക്കും കാണാന്‍ ക്ഷേത്രത്തിലെത്തുന്ന ഭക്തര്‍ അകത്തേയ്ക്ക് പ്രവേശിക്കുന്നതും മടങ്ങുന്നതും ഇതുവഴിയാണ്. ഉത്സവകാലത്ത് ആനകളും ഈ വഴി ഉപയോഗിക്കാറുള്ളതിനാലാണ് ആനവാതിലെന്നു ഇതിനുപേര്. നേരത്തേ ഉത്സവക്കാലത്ത് ക്ഷേത്രത്തിനകത്ത് ആനയിടഞ്ഞ സമയങ്ങളില്‍ ഇതുവഴി പുറത്തേക്കു വരാന്‍ ജനങ്ങള്‍ തിക്കുംതിരക്കുംകൂട്ടി പലപ്പോഴും അപകടങ്ങളുണ്ടായിട്ടുണ്ട്. ആനപ്പടി വീതികൂട്ടി നിര്‍മിക്കുന്നതിന്‍റെ ഭാഗമായി വാസ്തുവിദഗ്ധന്‍ പഴങ്ങാപ്പറമ്പില്‍ ഉണ്ണികൃഷ്ണന്‍ നമ്പൂതിരി ക്ഷേത്രത്തിലെത്തി പരിശോധിച്ചു. താംബൂലപ്രശ്‌നം നടത്തിയശേഷമാണ് വാതില്‍ വീതികൂട്ടി നിര്‍മിക്കാന്‍ തീരുമാനിച്ചത്.

ദേവാലയങ്ങളില്‌ തിരുനാളാഘോഷം

കൊറ്റനല്ലൂര്‍ ഫാത്തിമമാതാ ദേവാലയം ഇടവകമധ്യസ്ഥയായ പരിശുദ്ധ ഫാത്തിമമാതാവിന്‍റെയും വിശുദ്ധ സെബസ്ത്യാനോസിന്‍റെയും തിരുനാളിന് കൊടിയേറി. വികാരി ഫാ. പോള്‍ എ. അമ്പൂക്കന്‍ തിരുനാളിന്‍റെ കൊടിയേറ്റു നിര്‍വഹിച്ചു. അമ്പെഴുന്നള്ളിപ്പുദിനമായ ഇന്നു രാവിലെ 6.30ന് നടക്കുന്ന ദിവ്യബലിക്ക് ബിഷപ് മാര്‍ പോളി കണ്ണൂക്കാടന്‍ മുഖ്യകാര്‍മികത്വം വഹിക്കും. തുടര്‍ന്ന് അമ്പ് വള വെഞ്ചരിപ്പ്, ലദീഞ്ഞ്, നൊവേന, പ്രദക്ഷിണം, രൂപം എഴുന്നള്ളിച്ചുവയ്ക്കല്‍ എന്നിവ നടക്കും. രാത്രി 10ന് യൂണിറ്റുകളുടെ അമ്പ് എഴുന്നള്ളിപ്പുകള്‍ പള്ളിയില്‍ സമാപിക്കും. തിരുനാള്‍ദിനമായ നാളെ രാവിലെ 6.30ന് ദിവ്യബലി, 10ന് നടക്കുന്ന ആഘോഷമായ തിരുനാള്‍ ദിവ്യബലിക്ക് ഫാ. വിപിന്‍ കുരിശുതറ സിഎംഐ മുഖ്യകാര്‍മികത്വം വഹിക്കും. രൂപത വികാരി ജനറാള്‍ മോണ്‍. ജോളി വടക്കന്‍ സന്ദേശം നല്‍കും. ഫാ. ആല്‍ബിന്‍ കൂനമ്മാവ് സഹകാര്‍മികനായിരിക്കും. ഉച്ചതിരിഞ്ഞ് 3.30ന് ഇടവകയില്‍നിന്നുള്ള വൈദികര്‍ നയിക്കുന്ന ദിവ്യബലി. 4.30ന് ആരംഭിക്കുന്ന തിരുനാള്‍പ്രദക്ഷിണം രാത്രി ഏഴിന് പള്ളിയില്‍ സമാപിക്കും. തുടര്‍ന്ന് പരിശുദ്ധ കുര്‍ബാനയുടെ ആശീര്‍വാദം, ലൈറ്റ് ഷോ, വര്‍ണവിസ്മയം, വാദ്യമേളങ്ങള്‍ എന്നിവ ഉണ്ടായിരിക്കും. 28ന് രാവിലെ 6.30ന് പൂര്‍വികര്‍ക്കുവേണ്ടിയുള്ള ദിവ്യബലി, സെമിത്തേരി സന്ദര്‍ശനം, ഒപ്പീസ് എന്നിവ ഉണ്ടായിരിക്കും. വൈകീട്ട് 6.30ന് അങ്ങാടി അമ്പ് മണ്ണാര്‍മൂലയില്‍നിന്ന് ആരംഭിച്ച് രാത്രി 10ന് പള്ളിയില്‍ സമാപിക്കും. എട്ടാമിട തിരുനാള്‍ ദിനമായ മെയ് നാലിന് രാവിലെ ഒമ്പതിന് തിരുനാള്‍ ദിവ്യബലി, സന്ദേശം, പ്രദക്ഷിണം. ഫാ. ജോണ്‍ പോള്‍ ഒഎഫ്എം മുഖ്യകാര്‍മികത്വംവഹിക്കും. വൈകീട്ട് അഞ്ചിന് നടക്കുന്ന ദിവ്യബലിക്ക് ഫാ. ബിനോയ് പൊഴോലിപറമ്പില്‍ കാര്‍മികനായിരിക്കും. ആറിന് ഇടവകദിനത്തോടനുബന്ധിച്ച പൊതുസമ്മേളനവും കലാവിരുന്നും ഉണ്ടായിരിക്കും. അമ്പനോളി സെന്‍റ് ജോര്‍ജ് ദേവാലയം ഇടവകമധ്യസ്ഥനായ വിശുദ്ധ ഗീവര്‍ഗീസ് സഹദായുടെ തിരുനാളിനു കൊടിയേറി. വികാരി ഫാ. ആഷില്‍ കൈതാരന്‍ കൊടിയേറ്റം നിര്‍വഹിച്ചു. തിരുക്കര്‍മങ്ങള്‍ക്കു ഹൊസൂര്‍ രൂപതയിലെ കോടമ്പാക്കം ഇടവക വികാരി ഫാ. ഫ്രാങ്കോ പറപ്പുള്ളി കാര്‍മികത്വംവഹിച്ചു. ഇന്നുവൈകുന്നേരം 5.30ന് ഇരിങ്ങാലക്കുട രൂപത മതബോധന ഡയറക്ടര്‍ ഫാ. റിജോയ് പഴയാറ്റിലിന്‍റെ മുഖ്യകാര്‍മികത്വത്തില്‍ വിശുദ്ധ കുര്‍ബാന, പ്രസുദേന്തിവാഴ്ച, വിശുദ്ധന്‍റെ രൂപം ഇറക്കല്‍, രൂപം എഴുന്നള്ളിച്ചുവയ്ക്കല്‍, നേര്‍ച്ചയൂട്ട് ആശീര്‍വാദം, നേര്‍ച്ചയൂട്ട് എന്നിവ നടക്കും. നാളെ രാവിലെ ഒമ്പതിന് തലശേരി അതിരൂപതാംഗം ഫാ. ലിന്‍സ് വെട്ടുവയലിന്‍റെ മുഖ്യകാര്‍മികത്വത്തില്‍ ആഘോഷമായ തിരുനാള്‍ കുര്‍ബാന ഉണ്ടാകും. പാലാരിവട്ടം പിഒസി ബൈബിള്‍ അപ്പസ്‌തോലേറ്റ് സെക്രട്ടറി റവ.ഡോ. ജോജു കോക്കാട്ട് തിരുനാള്‍സന്ദേശം നല്‍കും. തുടര്‍ന്ന് പ്രദക്ഷിണം, കോഴിനേര്‍ച്ച, ലേലം എന്നിവ നടക്കും. വൈകുന്നേരം ആറിന് ഇടവകദിനാഘോഷവും മതബോധന കുടുംബസമ്മേളന ഭക്തസംഘടനാ വാര്‍ഷികവും ഇരിങ്ങാലക്കുട രൂപത വികാരി ജനറാള്‍ മോണ്‍. വിത്സണ്‍ ഈരത്തറ ഉദ്ഘാടനംചെയ്യും. രൂപത ഫാമിലി അപ്പസ്‌തൊലേറ്റ് ഡയറക്ടര്‍ റവ.ഡോ. ജോജി പാലമറ്റം അധ്യക്ഷതവഹിക്കും. തുടര്‍ന്ന് ഇടവകാംഗങ്ങളുടെ കലാപരിപാടികളും അരങ്ങേറും. തിരുനാളാഘോഷങ്ങള്‍ക്ക് വികാരി ഫാ. ആഷില്‍ കൈതാരന്‍, കൈക്കാരന്മാരായ ബെന്നി കോട്ടവളപ്പില്‍, ലിജോ മംഗലന്‍, ജനറല്‍ കണ്‍വീനര്‍ ഡേവിസ് മംഗലന്‍, ജോ. ജനറല്‍കണ്‍വീനര്‍ പോളി ഞാറേക്കാടന്‍ എന്നിവരുടെ നേതൃത്വത്തില്‍ വിവിധ കമ്മിറ്റികള്‍ പ്രവര്‍ത്തിക്കുന്നു. നെല്ലായി സെന്‍റ് മേരീസ് ദേവാലയം വിശുദ്ധ യൂദാ തദേവൂസിന്‍റെ ഊട്ടുതിരുനാളിന് നാളെ കൊടിയേറുമെന്ന് വികാരി ഫാ. തോമസ് എളങ്കുന്നപ്പുഴ അറിയിച്ചു. രാവിലെ ആറിന് ഇരിങ്ങാലക്കുട രൂപത വികാരി ജനറാൾ മോണ്‍. വില്‍സണ്‍ ഈരത്തറ കൊടികയറ്റം നിര്‍വഹിക്കും. 29, 30 തീയതികളിലാണ് തിരുനാള്‍ ആഘോഷം. 29ന് വൈകീട്ട് 5.30ന് ഫാ. സിന്‍റോ നങ്ങിണി, ഫാ. ലിബിന്‍ മച്ചിങ്ങല്‍, ഫാ. ഡെല്‍ബി തെക്കുംപുറം എന്നിവരുടെ കാര്‍മികത്വത്തില്‍ പ്രസുദേന്തിവാഴ്ച, ലദീഞ്ഞ്, ദിവ്യബലി, നൊവേന, ദേവാലയംചുറ്റി പ്രദക്ഷിണം, പന്തലിലേക്ക് രൂപംഎഴുന്നള്ളിച്ചുവയ്ക്കല്‍ എന്നിവ ഉണ്ടാകും. തിരുനാള്‍ദിനമായ 30ന് വൈകീട്ട് 4.30ന് നടക്കുന്ന പാട്ടുകുര്‍ബാനയ്ക്ക് ഫാ. ഡേവിസ് കൂട്ടാല മുഖ്യകാര്‍മികത്വം വഹിക്കും. ഫാ. ടോണി മണക്കുന്നേല്‍ തിരുനാള്‍സന്ദേശം നല്‍കും. തുടര്‍ന്ന് പ്രദക്ഷിണം, ഊട്ടുനേര്‍ച്ച എന്നിവ ഉണ്ടാകും. ജനറല്‍ കണ്‍വീനര്‍ ജോസ് മൂത്തേടന്‍, സീക്കോ മഞ്ഞളി, വില്‍സന്‍ കാരാത്ര, ജോര്‍ജ് മഞ്ഞളി, ജോണ്‍സന്‍ കൈപ്പിള്ളിപറമ്പില്‍ എന്നിവരും പത്രസമ്മേളനത്തില്‍ പങ്കെടുത്തു. ‌ നോർത്ത് ചാലക്കുടി സെന്‍റ് ജോസഫ് ദേവാലയം വിശുദ്ധ യൗസേപ്പിതാവിന്‍റെ ഊട്ടുതിരുനാളിന് ഫാ. സെബാസ്റ്റ്യൻ കളത്തിപ്പറമ്പിൽ കൊടി ഉയർത്തി. തുടർന്നുള്ള ദിവസങ്ങളിൽ വൈകീട്ട് 5.30ന് ആഘോഷമായ ദിവ്യബലി, നൊവേന, ലദീഞ്ഞ്, പ്രദക്ഷിണം. മേയ് നാലിന് രാവിലെ 6.15ന് ദിവ്യബലി, രൂപം എഴുന്നള്ളിച്ചുവയ്ക്കൽ, ഒമ്പതിന് പ്രസുദേന്തിവാഴ്ച, ആഘോഷമായ ദിവ്യബലി. ഫാ. ജോയൽ പുലിക്കോട്ടിൽ കാർമികത്വം വഹിക്കും. ഫാ. പോളി പടയാട്ടി സന്ദേശം നൽകും. നേർച്ചഭക്ഷണം ആശീർവാദം, നാലിനു ദിവ്യബലി, പ്രദക്ഷിണം, 7.30ന് ഗാനമേള എന്നിവയുണ്ടാകും. കൊടകര സെന്‍റ് ജോസഫ്‌സ് ഫൊറോനാ ദേവാലയം വിശുദ്ധ യൗസേപ്പിതാവിന്‍റെ ഊട്ടുതിരുനാളിനു കൊടിയേറി. ഇരിങ്ങാലക്കുട രൂപത വികാരി ജനറാള്‍ മോണ്‍. വില്‍സണ്‍ ഈരത്തറ കൊടികയറ്റം നിര്‍വഹിച്ചു. കൊടകര ഫൊറോന വികാരി ഫാ. ജെയ്‌സണ്‍ കരിപ്പായി, സഹ. വികാരി ഫാ. ലിന്‍റോ കാരേക്കാടന്‍ എന്നിവര്‍ സഹകാര്‍മികത്വംവഹിച്ചു. മേയ് നാലിനാണ് ഊട്ടുതിരുനാള്‍.

ചായക്കടകള്‍ കത്തിനശിച്ചു; ഒഴിവായത് വന്‍ദുരന്തം

ഇരിങ്ങാലക്കുട: ഠാണാവില്‍ ബൈപാസ് റോഡില്‍ പ്രവര്‍ത്തിക്കുന്ന കോഫി ഷോപ്പ് ഭാഗികമായി കത്തിനശിച്ചു. ഉച്ചയ്ക്ക് മൂന്നരയോടെയാണ് പ്രദേശത്തെ മുഴുവന്‍ പരിഭ്രാന്തിയിലാക്കി സികെകെ കോംപ്ലക്‌സില്‍ പ്രവര്‍ത്തിക്കുന്ന ടീ സ്‌പോട്ട് എന്ന കടയില്‍ ഗ്യാസ് സിലിണ്ടറില്‍നിന്നുള്ള ചോര്‍ച്ചയെതുടര്‍ന്ന് തീപിടിച്ചത്. വിവരമറിയച്ചതിനെ തുടര്‍ന്ന് ഇരിങ്ങാലക്കുട അഗ്‌നിശമനാ വിഭാഗത്തില്‍നിന്നുള്ള രണ്ട് യൂണിറ്റെത്തി മുക്കാല്‍മണിക്കൂര്‍നേരത്തെ ശ്രമഫലമായിട്ടാണ് തീയണച്ചത്. ഫ്രിഡ്ജും അലമാരിയും അടക്കമുള്ളവ കത്തി നശിച്ചു. ഇരിങ്ങാലക്കുട റെയില്‍വേസ്റ്റേഷന്‍ റോഡിലുള്ള കൃഷ്ണകുമാറിന്‍റെ ഉടമസ്ഥതയിലാണ് സ്ഥാപനം പ്രവര്‍ത്തിക്കുന്നത്. ടീ സ്‌പോട്ടിനോടുചേര്‍ന്നുള്ള സ്‌നേഹ സ്റ്റോഴ്‌സ് എന്ന കോഫി ഷോപ്പിലേക്കും തീ വ്യാപിച്ചു. ഇരു കടകളിലുമായി ആറോളം ഗ്യാസ് സിലിണ്ടറുകള്‍ ഉണ്ടായിരുന്നതായി അഗ്‌നിശമനാവിഭാഗം ഉദ്യോഗസ്ഥര്‍ പറഞ്ഞു. തീപ്പിടുത്തമുണ്ടായ ഉടനെ ടീ സ്‌പോട്ടിലെ ജീവനക്കാര്‍ പുറത്തിറങ്ങുകയായിരുന്നു. പുക ഉയര്‍ന്നതോടെ മുകള്‍നിലയില്‍ പ്രവര്‍ത്തിക്കുന്ന ബാങ്കിലെ ജീവനക്കാരും പുറത്തിറങ്ങിയതായും ഭീതിനിറഞ്ഞ സാഹചര്യമായിരുന്നുവെന്നും അടുത്തുള്ള കടകളിലെ ജീവനക്കാര്‍ പറഞ്ഞു. അടുത്തുള്ള കണ്ണട കടയുടെ ബോര്‍ഡും ഭാഗികമായി കത്തിനശിച്ചിട്ടുണ്ട്. സ്റ്റേഷന്‍ ഓഫീസര്‍ കെ.എസ്. ഡിബിന്‍, ഉദ്യോഗസ്ഥരായ നിഷാദ്, ലൈജു, പ്രദീപ്, ദിലീപ്, സുമേഷ്, മഹേഷ്, സന്ദീപ്, ജെറിന്‍, ഹോംഗാര്‍ഡുമാരായ ലിസ്റ്റന്‍, ജയ്‌ജോ, രാജു, സുഭാഷ് എന്നിവര്‍ രക്ഷാപ്രവര്‍ത്തനങ്ങള്‍ക്ക് നേതൃത്വംനല്‍കി.

ഹോട്ടലിലെത്തിയ കുടുംബത്തിനെ ആക്രമിച്ച കേസിൽ യുവാവ് അറസ്റ്റിൽ

കയ്പമംഗലം: പെരിഞ്ഞനം കൊറ്റംകുളത്ത് ഹോട്ടലിൽ ഭക്ഷണം കഴിക്കാനെത്തിയ കുടുംബത്തിനെ ആക്രമിച്ച കേസിൽ യുവാവ് അറസ്റ്റിൽ. പെരിഞ്ഞനം പൊന്മാനിക്കുടം സ്വദേശി കാക്കരാലിവീട്ടിൽ സെമീറിനെ(44)യാണ് കയ്പമംഗലം പോലീസ് അറസ്റ്റ് ചെയ്തത്. കൊറ്റംകുളത്തുള്ള ഹോട്ടലിന്‍റെ മുൻവശം പാർക്കിംഗ് ഏരിയയിൽ ബുധനാഴ്ച രാത്രി പതിനൊന്നരയോടെയായിരുന്നു സംഭവം. തന്‍റെ കുടുംബത്തിനെ അസഭ്യംപറഞ്ഞതു ചോദ്യംചെയ്തത കൊറ്റംകുളം സ്വദേശി മതിലകത്തുവീട്ടിൽ സിജിലിനെ മുഖത്തടിച്ചു. ഇതുകണ്ട് തടയാൻവന്ന ഉമ്മയെയും ഭാര്യയെയും മകളെയും ദേഹോപദ്രവമേൽപ്പിച്ചു. ഈ സംഭവത്തിലാണ് അറസ്റ്റ്. കയ്പമംഗലം സിഐ കെ.ആർ. ബിജു, എസ്ഐ അഭിലാഷ്, എഎസ്ഐ അൻവറുദീൻ, സീനിയർ സിവിൽ പോലീസ് ഓഫീസർ ഗിരീശൻ, സിവിൽ പോലീസ് ഓഫീസർ ഫറൂഖ് എന്നിവർചേർന്നാണ് പ്രതിയെ പിടികൂടിയത്.

കഞ്ചാവുകേസ്: ഒരാള്‍കൂടി പിടിയില്‍

കൊടകര: കഴിഞ്ഞദിവസം വാസുപുരത്തുനിന്ന് കഞ്ചാവ് പിടികൂടിയതുമായി ബന്ധപ്പെട്ട് ഒരാളെക്കൂടി കൊടകര പോലീസ് പിടികൂടി. മറ്റത്തൂര്‍ ഓളിപ്പാടം സ്വദേശി കൊളത്തൂര്‍ രഞ്ജു(40)വിനെയാണ് ഓപ്പറേഷന്‍ ഡി ഹണ്ടിന്‍റെ ഭാഗമായി പിടികൂടിയത്. രഹസ്യവിവരത്തിന്‍റെ അടിസ്ഥാനത്തില്‍ ചാലക്കുടി ഡിവൈഎസ്പി കെ. സുമേഷിന്‍റെ നേതൃത്വത്തില്‍ വ്യാഴാഴ്ച കൊടകര - വെള്ളിക്കുളങ്ങര റോഡില്‍ വാസുപുരത്തിനുസമീപം നടത്തിയ പരിശോധനയില്‍ കാല്‍കിലോ കഞ്ചാവുമായി ബിബിന്‍ എന്നയാളെ അറസ്റ്റുചെയ്തിരുന്നു. അന്വേഷണത്തില്‍ രഞ്ജുവിനുവേണ്ടിയാണ് ബിബിന്‍ കഞ്ചാവ് കൊണ്ടുവന്നതെന്നും കഞ്ചാവ് കൊണ്ടുവന്നതിന് ഉപയോഗിച്ച സ്‌കൂട്ടര്‍ രഞ്ജുവിന്‍റെതാണെന്നും കണ്ടെത്തിയതിനെ തുടര്‍ന്നാണ് രഞ്ജുവിനെ കേസിലെ രണ്ടാംപ്രതിയായി ചേര്‍ത്ത് പിടികൂടിയത്. രഞ്ജുവിനെ പോലീസ് നീരിക്ഷിക്കുന്നതായി മനസിലാക്കിയതിനെ തുടര്‍ന്ന് കഞ്ചാവ് കടത്തിക്കൊണ്ടുവരുന്നതിനായി ബിബിനെ അയക്കുകയായിരുന്നെന്ന് പോലീസ് പറഞ്ഞു. പിടിയിലായ രഞ്ജു വെള്ളിക്കുളങ്ങര, കൊടകര, കാട്ടൂര്‍, കൊരട്ടി, വെള്ളിക്കുളങ്ങര സ്‌റ്റേഷനുകളിലും പാലക്കാട് എക്‌സൈസ് ഓഫീസിലുമായി നിരവധി ക്രിമിനല്‍കേസുകളില്‍ ഉള്‍പ്പെട്ടയാളാണെന്നും തമിഴ്‌നാട് ദിണ്ഡിഗല്‍ മൂലനൂര്‍ പോലീസ് സ്‌റ്റേഷനില്‍ 12 കിലോ കഞ്ചാവുമായി രഞ്ജുവിനെ നേരത്തെ പിടികൂടിയിട്ടുണ്ടെന്നും പോലീസ് അറിയിച്ചു.

തനതുഫണ്ടിൽനിന്നു വിധവാ പെൻഷൻ: അടിയന്തര കൗൺസിൽ ഇന്ന്

ചാലക്കുടി: നഗരസഭയുടെ തനത് ഫണ്ടിൽനിന്നു വിധവ പെൻഷൻ തുക നൽകാനുള്ള തീരുമാനത്തിൽ സെക്രട്ടറിയുടെ വിയോജനക്കുറിപ്പ് മറികടക്കാൻ അടിയന്തിര കൗൺസിൽചേരുന്നു. വിയോജനക്കുറിപ്പ് സ്വഭാവികമാണെന്ന് നഗരസഭ ചെയർമാൻ ഷിബു വാലപ്പൻ വ്യക്തമാക്കി. സെക്രട്ടറിയുടെ വിയോജനം മറ്റൊരു കൗൺസിൽ യോഗതീരുമാനത്തോടെ നടപ്പിലാക്കുക എന്നതാണ് ചട്ടം. ഇതിന്‍റെ അടിസ്ഥാനത്തിലാണ് ഇന്നുരാവിലെ 10.30ന് അടിയന്തര കൗൺസിൽ യോഗംചേരുന്നത്. കഴിഞ്ഞ കൗൺസിൽ യോഗത്തിൽ സർക്കാർ അനുമതിയോടെ പെൻഷൻ തുക തനത് ഫണ്ടിൽനിന്നു നൽകാൻ തീരുമാനിച്ചത് ഐകകണ്ഠ്യേനയാണെന്ന് ചെയർമാൻ പറഞ്ഞു. ഒപ്പംതന്നെ കൗൺസിലർമാരുടെ തുഛമായ ഓണറേറിയം എടുത്ത് പെൻഷൻ കൊടുക്കണമെന്ന് പറയുന്നവരുടെ യുക്തി വെറും രാഷ്ട്രീയപ്രഹസനമാണ്. പെൻഷൻ തടസപ്പെട്ട വിഷയത്തിൽ ആരുടെ ഭാഗത്തുനിന്ന് വീഴ്ച ഉണ്ടായാലും സർക്കാർ നിർദേശത്തിനനുസരിച്ച് നടപടി സ്വീകരിക്കുന്നതിലും വീഴ്ചവരുത്തിയവരിൽനിന്നു തുക ഈടാക്കുന്നതിലും കൗൺസിൽ മടി കാണിക്കില്ലെന്നും ചെയർമാൻ അറിയിച്ചു. ഇക്കാര്യത്തിൽ പ്രതിപക്ഷം തർക്കങ്ങൾ ഉണ്ടാക്കുന്നത് സമയബന്ധിതമായി പെൻഷൻ തുക നൽകുന്നതിന് തടസമുണ്ടാക്കാനെ ഇടവരുത്തുവെന്നും ചെയർമാൻ ചൂണ്ടിക്കാട്ടി. എന്നാല്‌ നഗരസഭയുടെ വീഴ്ചമൂലം ബുദ്ധിമുട്ടിലായവരെ സഹായിക്കാന്‍ കഴിഞ്ഞ കൗണ്‍സില്‍ യോഗത്തില്‍ ഇടതു കൗണ്‍സിലംഗങ്ങളും സ്വതന്ത്രാംഗങ്ങളുമടക്കം എട്ടുപേര്‍ തങ്ങളുടെ ഒരുമാസത്തെ ഓണറേറിയം വാഗ്ദാനംചെയ്യുകയും ഭരണപക്ഷത്തെ കൗണ്‍സിലംഗങ്ങളും ഇതിന് തയാറാകണമെന്നും ബാക്കിതുക ജീവനക്കാരില്‍നിന്ന് പിരിച്ചെടുക്കണമെന്നും ആവശ്യപ്പെട്ടിരുന്നതായി എല്‍ഡിഎഫ് പാര്‍ലമെന്‍ററി പാര്‍ട്ടി ലീഡര്‍ സി.എസ്. സുരേഷ് പറഞ്ഞു. പ്രതിപക്ഷാവശ്യം തള്ളിക്കളഞ്ഞത് പത്രവാര്‍ത്തയില്‍ ഇടം നേടാനായിരുന്നു. തനത് ഫണ്ടില്‍നിന്ന് പണംകൊടുക്കാന്‍ നിയമതടസം ഉണ്ടാകുമെന്നറിഞ്ഞിട്ടും അത്തരം തീരുമാനവുമായിതന്നെ മുന്നോട്ടുപോയത് പെന്‍ഷന്‍ നിഷേധിക്കപ്പെട്ടവരെ വീണ്ടും ചതിക്കുന്ന പ്രവണതയായിരുന്നും സുരേഷ് പറഞ്ഞു. പ്രതിപക്ഷനിര്‍ദേശം ഉള്‍ക്കൊണ്ട് തീരുമാനം എടുത്തിരുന്നെങ്കില്‍ പെന്‍ഷന്‍ നിഷേധിക്കപ്പെട്ടവര്‍ക്കൊരു സഹായമാകുമായിരുന്നെന്നും അദ്ദേഹം പറഞ്ഞു. ഇനിയെങ്കിലും തെറ്റുപറ്റിയത് സമ്മതിക്കണം. പ്രതിപക്ഷാംഗങ്ങള്‍ കഴിഞ്ഞ കൗണ്‍സിലില്‍ പറഞ്ഞ നിര്‍ദേശം നടപ്പിലാക്കാന്‍ തയാറാണെന്നും സുരേഷ് പറഞ്ഞു.

ഫ്രാൻസിസ് പാപ്പായുടെ അനുസ്മരണംനടത്തി

മാള: സെന്‍റ് സ്റ്റനിസ്ലാവോസ് ഫൊറോന ഇടവകയുടെ നേതൃത്വത്തിൽ ഫ്രാൻസിസ് മാർപാപ്പയുടെ വിയോഗത്തിൽ അനുശോചിച്ചു മൗനജാഥയും പുഷ്പാർച്ചനയും അനുശോചനസമ്മേളനവും നടത്തി. പള്ളി അങ്കണത്തിൽ നടന്ന അനുശോചനയോഗത്തിൽ വികാരി ഫാ. ജോർജ് പാറേമൻ അധ്യക്ഷതവഹിച്ചു. വി.ആർ. സുനിൽകുമാർ എംഎൽഎ അനുസ്മരണപ്രഭാഷണംനടത്തി. മാള മഹല്ല് ഇമാം സുബൈർ മന്നാനി, ഫാ. അനൂപ് സിഎസ്ഐ, സിസ്റ്റർ പ്രശാന്ത് എസ്ഡി, എ. എ. അഷറഫ്, ജി. കിഷോർകുമാർ, ഡേവിസ് പാറേക്കാട്ട്, ഷീല ജോസ്, ബിന്നി തോമസ് എന്നിവർ അനുശോചനസന്ദേശം നല്കി. കൈക്കാരൻ ജോൺസൻ ചെല്ലക്കുടം സ്വാഗതവും ജോഫി ജോസ് നന്ദിയും പറഞ്ഞു. കൈക്കാരൻമാരായ സ്റ്റാൻലി പോൾ, ബേബി ഇട്ടീര, സഹവികാരിമാരായ ഫാ. ഫ്രാങ്കോ പാണാടൻ, ഫാ. വിബിൻ വേരംപിലാവിൽ എന്നിവർ പരിപാടികൾക്ക് നേതൃത്വംനല്കി. ആദരാഞ്ജലി അർപ്പിച്ചു ചാലക്കുടി: എഫ്സിസി അൽവേർണിയ പ്രൊവിൻസിന്‍റെ കീഴിലുള്ള സാരഥി ഡ്രൈവേഴ്സ് കൂട്ടായ്മ ഫ്രാൻസിസ് മാർപാപ്പയ്ക്ക് ആദരാഞ്ജലികൾ അർപ്പിച്ചു. സാരഥി നാഷണൽ കോ-ഓര്‌ഡിനേറ്റർ ഫാ. സെബാസ്റ്റ്യൻ, സ്റ്റേറ്റ് ഡയറക്ടർ ഫാ. ടോം, അസിസ്റ്റന്‍റ് പ്രൊവിൻഷ്യൽ സിസ്റ്റർ വിനയ ബാസ്റ്റിൻ, പ്രോവിൻസ് ആനിമേറ്റർ സിസ്റ്റർ വിനീത മാത്യു എന്നിവരും നൂറുകണക്കിന് ഓട്ടോറിക്ഷ ഡ്രൈവർമാരും അവരുടെ ആനിമേറ്റേഴ്സ് സിസ്റ്റേഴ്സും പങ്കെടുത്തു.

പുരസ്കാരോത്സവവും ഡോക്യുമെന്‍ററി ഫിലിം ഫെസ്റ്റിവലും നടത്തി

തൃശൂർ: കേരള പഞ്ചായത്ത് വാർത്താചാനലിന്‍റെ മൂന്നാമത് പുരസ്കാരോത്സവവും തദ്ദേശക ഡോക്യുമെന്‍ററി ഫിലിം ഫെസ്റ്റിവലും തൃശൂരിൽ സമാപിച്ചു. ടൗണ്‍ഹാളിൽ ഡോക്യുമെന്‍ററി ഫെസ്റ്റിവൽ ഉദ്ഘാടനം ജില്ലാ പഞ്ചായത്ത് പ്രസിഡന്‍റ് വി.എസ്. പ്രിൻസ് നിർവഹിച്ചു. എല്ലാ ജില്ലകളിൽനിന്നുമുള്ള തദ്ദേശസ്വയംഭരണ സ്ഥാപനങ്ങളിലെ പ്രസിഡന്‍റ്, സെക്രട്ടറി എന്നിവരും ജനപ്രതിനിധികളും പങ്കെടുത്തു. മന്ത്രി ആർ. ബിന്ദു പുരസ്കാരോത്സവം ഉദ്ഘാടനവും പുരസ് കാരപ്രഖ്യാപനവും നടത്തി. ചടങ്ങിൽ പദ്മശ്രീ ഐ.എം. വിജയനെ മന്ത്രി ആദരിച്ചു. ബ്ലോക്ക് പഞ്ചായത്ത് സംസ്ഥാനതലത്തിൽ കോതമംഗലവും ഗ്രാമപഞ്ചായത്ത് സംസ്ഥാനതലത്തിൽ വെള്ളാങ്കല്ലൂരും ഒന്നാംസ്ഥാനം നേടി. മന്ത്രി കെ. രാജൻ തദ്ദേശ കണ്ണാടി ഫോട്ടോ പ്രകാശനവും സമഗ്ര പുരസ്കാരപ്രഖ്യാപനവും നിർവഹിച്ചു. കിംസ് ഹോസ്പിറ്റൽ കാൻസർ സെന്‍റർ സിഇഒ രശ്മി ഐഷ വിശിഷ്ടാതിഥിയായിരുന്നു.

വാർഷികാഘോഷ ധൂർത്ത് വെല്ലുവിളി: അനൂപ് ജേക്കബ്‌

തൃശൂർ: സർക്കാരി‌ന്‍റെ വാർഷികാഘോഷ ധൂർത്ത് ആശ‌സമരത്തോടുള്ള വെല്ലുവിളിയാണെന്നു കേരള കോൺഗ്രസ്‌ - ജേക്കബ് നേതാവ് അനൂപ് ജേക്കബ് എംഎൽഎ. ജില്ലാ നേതൃത്വ സംഗമം ഉദ്ഘാടനം ചെയ്യുകയായിരുന്നു അദ്ദേഹം. ന്യായമായ വേതനവർധനവിനുവേണ്ടി സമരംചെയ്യുന്ന ആശ വർക്കർമാരുടെയും അങ്കണവാടി ജീവനക്കാരുടെയും പ്രശ്നങ്ങൾ പരിഹരിക്കാൻ വിമുഖത പുലർത്തുന്ന സർക്കാർ ആഘോഷങ്ങൾക്കുള്ള പന്തലിനും പരസ്യത്തിനുമായി കോടിക്കണക്കിനു രൂപയാണു ധൂർത്തടിക്കുന്നത്. പൊതുസമൂഹം ഇതു തിരിച്ചറിയുമെന്നും അനൂപ് ജേക്കബ് പറഞ്ഞു. ജില്ലാ പ്രസിഡന്‍റ് പി.എം. ഏലിയാസ് അധ്യക്ഷത വഹിച്ചു. ചെയർമാൻ വാക്കനാട് രാധാകൃഷ്ണൻ മുഖ്യപ്രഭാഷണം നടത്തി. കെ.ആർ. ഗിരിജൻ, പ്രഫ. ജോണി സെബാസ്റ്റ്യൻ, സോമൻ കൊ ളപ്പാറ, പി.പി. ജെയിംസ്, വസന്തൻ ചിയ്യാരം തുടങ്ങിയവർ പ്രസംഗിച്ചു.

വിജ്ഞാനകേരളം മെഗാ തൊഴിൽമേള ഇന്ന്

തൃശൂർ: വിജ്ഞാന കേരളം മെഗാ തൊഴിൽമേള ഇന്ന്. അന്പതു പവലിയനുകളും അഭിമുഖത്തിനു 137 ക്ലാസ് മുറികളും ഒരുങ്ങി. ഇന്നലെ ഉച്ചയോടെ മേയർ, ജില്ലാ പഞ്ചായത്ത് പ്രസിഡന്‍റ്, മറ്റ് ഉദ്യോഗസ്ഥർ എന്നിവരുടെ നേതൃത്വത്തിൽ അവസാനവട്ട വിലയിരുത്തലുകൾ നടത്തി. ജില്ലയിൽ 35,000 പേർക്കു തൊഴിൽ നൽകാനാണ് ലക്ഷ്യമിടുന്നത്. ഡിജിറ്റൽ വർക്ക്ഫോഴ്സ് മാനേജ്മെന്‍റ് സിസ്റ്റത്തിൽ പേരു രജിസ്റ്റർ ചെയ്തവർക്കാണ് മേളയിൽ പങ്കെടുക്കാൻ അവസരം. 137 തൊഴിൽദാതാക്കൾ 455 തരത്തിലുള്ള ജോലികളാണു വാഗ്ദാനം ചെയ്തിട്ടുള്ളത്. ഗവ. എൻജിനിയറിംഗ് കോളജും വിമല കോളജുമാണ് വേദികൾ. 16 ബ്ലോ ക്ക് പഞ്ചായത്ത്, ഏഴു നഗരസഭ, കോർപറേഷൻ എന്നിങ്ങനെ തരംതിരിച്ചാണ് പവലിയനുകൾ. ബ്ലോക്ക് പവലിയനുകളിൽ പഞ്ചായത്തുതിരിച്ചു പ്രത്യേകം സബ് കൗണ്ടറുകളുണ്ട്. ഓരോ കൗണ്ടറിലും മൂന്നു പഞ്ചായത്ത് ജീവനക്കാരുണ്ടാകും. കൗണ്ടറിലെ ക്യു ആർ കോഡിൽ നോക്കിയാൽ ഉദ്യോഗാർഥികളുടെ യോഗ്യതയും അപേക്ഷിച്ച ജോലിയുമുൾപ്പടെ വിവരങ്ങൾ ലഭിക്കും. ഒരാൾക്കു മൂന്ന് അഭിമുഖത്തിൽ പങ്കെടുക്കാം. ടോക്കണ്‍ അനുസരിച്ചു നിശ്ചിത ക്ലാസ് മുറിയിലെ അഭിമുഖത്തിൽ പങ്കെടുക്കാം. എൻജിനിയറിംഗ് കോളജിൽ 72 ക്ലാസ് മുറികളും വിമല കോളജിൽ 65 ക്ലാസ് മുറികളും അഭിമുഖത്തിന് ഒരുക്കി. തൊഴിൽദാതാക്കൾ, കെ ഡിസ്ക്, തദ്ദേശസ്ഥാപനങ്ങൾ, വിജ്ഞാന കേരളം, എൻഎസ്എസ് വോളന്‍റിയർമാർ ഉൾപ്പടെ രണ്ടായിരംപേർ ഉദ്യോഗാർഥികൾക്കു സഹായത്തിനുണ്ടാകും.

തിരുവന്പാടിയുടെ പന്തലുകൾക്കു കാൽനാട്ടി, നഗരം പൂരലഹരിയിലേക്ക്

സ്വന്തം ലേഖകൻ തൃശൂർ: തൃശൂർ പൂരത്തോടനുബന്ധിച്ച് തിരുവന്പാടി വിഭാഗം നടുവിലാലിലും നായ്ക്കനാലിലും ഉയർത്തുന്ന നിലപ്പന്തലുകൾക്കു കാൽനാട്ടി. ചെറുതുരുത്തി ആരാധന പന്തൽ വർക്സിന്‍റെ സെയ്തലവിയാണ് നടുവിലാൽ പന്തൽ നിർമിക്കുന്നത്. നായ്ക്കനാൽ പന്തലിന്‍റെ നിർമാണച്ചുമതല ചേറൂർ മണികണ്ഠൻ പള്ളത്തിനാണ്. കേന്ദ്രസഹമന്ത്രി സുരേഷ് ഗോ പി, മേയർ എം.കെ. വർഗീസ്, മുൻ മന്ത്രി വി.എസ്. സുനിൽകുമാർ, ഡിസിസി പ്രസിഡന്‍റ് ജോസഫ് ടാജറ്റ്, കൗണ്‍സിലർമാർ, തിരുവ ന്പാടി ദേവസ്വം പ്രസിഡന്‍റ് ഡോ. ടി.എ.സുന്ദർമേനോൻ, സെക്രട്ടറി കെ. ഗിരീഷ്കുമാർ, ദേവസ്വം ഭാരവാഹികൾ, തട്ടകക്കാർ, പൂരപ്രേമികൾ എന്നിവർ പങ്കെടുത്തു. മുതിർന്ന കമ്മിറ്റി മെന്പർ എ. മോഹൻകുമാറിന്‍റെ നേതൃത്വത്തിലായിരുന്നു ചടങ്ങുകൾ. പാറമേക്കാവ് വിഭാഗം മണികണ്ഠനാലിൽ ഉയർത്തുന്ന പന്തലിന്‍റെ നിർമാണം പുരോഗമിക്കുകയാണ്. പാറമേക്കാവിനു പിന്നാ ലെ തിരുവന്പാടിയും പന്തലുകളുടെ പണികൾ തുടങ്ങിയതോടെ നഗരം പൂരലഹരിയിലേക്കു കടന്നു. 30നാണ് തൃശൂർ പൂരം കൊടിയേറ്റം. മേയ് നാലിനാണ് സാന്പിൾ വെടിക്കെട്ട്. സാന്പിളിനെത്തുന്ന ആൾക്കൂട്ടം പന്തലുകൾകൂടി കണ്ടാണ് നഗരത്തിൽനിന്നു മടങ്ങുക. അപ്പോഴേക്കും പണികൾ പൂർത്തിയാക്കാൻ രാപ്പകലില്ലാതെയാണ് പന്തലുകാർ നിർമാണപ്രവർത്തനങ്ങളുമായി മുന്നോ ട്ടുപോകുന്നത്. പന്തൽപണി തുടങ്ങിയതോടെ പതിവുപോലെ സ്വരാജ് റൗണ്ടിൽ ഗതാഗതക്കുരുക്കും തുടങ്ങി.

കുണ്ടായി - ചൊക്കന റോഡിൽ കാട്ടാനക്കൂട്ടമിറങ്ങി ഭീതിപരത്തി

പാലപ്പിള്ളി: കുണ്ടായി ചൊക്കന റോഡിൽ കാട്ടാനക്കൂട്ടം ഇറങ്ങിയതു ഭീതിപരത്തി. കഴിഞ്ഞ ദിവസം ഉച്ചതിരിഞ്ഞ് റോഡ് മുറിച്ചുകടന്ന ആനക്കൂട്ടം റബർ തോട്ടത്തിൽ തമ്പടിച്ചിരിക്കുകയാണ്. ചൊക്കന റബർ പ്ലാന്‍റേഷനിൽ ഇറങ്ങിയ ഇരുപതോളം ആനകളിൽ കുട്ടികൾ ഉൾപ്പടെയുള്ള 11 ആനകളാണ് റോഡിൽ ഇറങ്ങിയത്. ചിന്നംവിളിച്ച് റോഡ് മുറിച്ചുകടന്ന ആനക്കൂട്ടത്തെ കണ്ട് വാഹനയാത്രക്കാർ ഏറെനേരം റോഡിൽ കുടുങ്ങി. വളവുള്ള ഭാഗത്ത് ഇറങ്ങുന്ന ആനക്കൂട്ടത്തിന് മുൻപിൽ അകപ്പെടുന്ന വാഹനയാത്രക്കാർ പലപ്പോഴും തലനാരിഴയ്ക്കാണു രക്ഷപ്പെടുന്നത്. പ്രദേശത്ത് നിലയുറപ്പിച്ചിരിക്കുന്ന ആനക്കൂട്ടം പകൽസമയങ്ങളിൽ റോഡിലിറങ്ങുന്നതു നാട്ടുകാരെ ആശങ്കയിലാക്കുകയാണ്. ദിവസങ്ങളായി കുണ്ടായി ജനവാസമേഖലയിൽ ഭീതിപരത്തുന്ന കൂട്ടംതെറ്റിയ ഒറ്റയാനെക്കൊണ്ട് പൊറുതിമുട്ടിയിരിക്കുന്നതിനിടെയാണ് ആനക്കൂട്ടത്തിന്‍റെ ശല്യവും. ആനകളെ കാടുകയറ്റി പ്രദേശവാസികൾക്ക് സുരക്ഷയൊ രുക്കാൻ നടപടി വേണമെന്ന ആവശ്യമുയരുമ്പോഴും യാതൊരു നടപടിയും വനംവകുപ്പിന്‍റെ ഭാഗത്തുനിന്നുണ്ടാകുന്നില്ലെന്നാണ് നാട്ടുകാരുടെ ആക്ഷേപം.

ഫ്രാൻസിസ് മാർപാപ്പയ്ക്ക് ആദരമർപ്പിച്ച് തൃശൂർ, ഇരിങ്ങാലക്കുട പൗരാവലി

തൃശൂർ: ഫ്രാൻസിസ് മാർപാപ്പയ്ക്കു സ്നേഹാദരങ്ങൾ അർപ്പിച്ച് തൃശൂരിൽ നടന്ന അനുസ്മരണറാലിയിൽ പങ്കെടുത്തത് ആയിരങ്ങൾ. വൈദികർ, സന്യസ്തർ, ഭക്തസംഘടനാപ്രതിനിധികൾ, വിശ്വാസികൾ, സാമൂഹിക സാംസ്കാരികരംഗത്തെ പ്രമുഖരടക്കം അണിനിരന്ന അനുസ്‍മരണറാലിക്കു പരിശുദ്ധ വ്യാകുലമാതാവിൻ ബസിലിക്കയിൽനിന്നാണ് തുടക്കമായത്. റാലിക്കു മുന്നോടിയായി അതിരൂപത സഹായമെത്രാൻ മാർ ടോണി നീലങ്കാവിലിന്‍റെ മുഖ്യകാർമികത്വത്തിൽ വിശുദ്ധ കുർബാനയും ഉണ്ടായിരുന്നു. കരങ്ങൾ കൂപ്പിയും പ്രാർഥനകൾ ചൊല്ലിയും പരിശുദ്ധ പിതാവിന് ആദരമേകി നടന്ന അനുസ്മരണപ്രാർഥനാറാലി നഗരംചുറ്റി സെന്‍റ് തോമസ് കോളജിലെ മോണ്‍. ജോണ്‍ പാലോക്കാരൻ സ്ക്വയറിൽ സമാപിച്ചു. തൃശൂർ ദേവമാത പ്രൊവിൻഷ്യൽ ഡോ. ജോസ് നന്തിക്കര സിഎംഐ അനുസ്‍മരണപ്രഭാഷണം നടത്തി. വിശുദ്ധിതന്നെയാണ് ഏറ്റവും വലിയ ത്യാഗമെന്നും വിശുദ്ധിതന്നെയാണ് ഏറ്റവും വലിയ സ്ഥാനമെന്നും തെളിയിച്ച പരിശുദ്ധനായിരുന്നു ഫ്രാൻസി സ് മാർപാപ്പയെന്നു ഡോ. ജോസ് നന്തിക്കര പറഞ്ഞു. കരുണ, ആനന്ദം, പ്രത്യാശ എന്നിവ ചേർന്നാൽ അതിനുള്ള ഉത്തരവും ഫ്രാൻസീസ് പാപ്പയാണ്. പ്രത്യാശയുടെ തീർത്ഥാടകരാകാനാണ് അദ്ദേഹം ലോകത്തോട് ആവശ്യപ്പെട്ടത്. അതിനായി ഒപ്പം നടക്കുകയാണു വേണ്ടതെന്നും പരസ്പരമുള്ള സംഭാഷണവും ഐക്യവും പങ്കാളിത്തവും ഉണ്ടാകേണ്ടതിന്‍റെ ആവശ്യകതയും പാപ്പ ആവർത്തിച്ചുപറയാറുണ്ടായിരുന്നെന്നും അദ്ദേഹം അനുസ്മരിച്ചു. യാക്കോബായ സിറിയൻ സഭ തൃശൂർ ഭദ്രാസനാധിപൻ കുര്യാക്കോസ് മോർ ക്ലീമീസ് മെത്രാപ്പോലീത്ത, പൗരസ്ത്യ കൽദായ സുറിയാനി സഭാധ്യക്ഷൻ മാർ ഔഗിൻ കുര്യാക്കോസ്, മലബാർ സ്വതന്ത്ര സുറിയാനി സഭാധ്യക്ഷൻ (തൊഴിയൂർ) സിറിൾ മാർ ബസേലിയോസ് പ്രഥമൻ എന്നിവർ പ്രാർഥനകൾക്കു കാർമികത്വം വഹിച്ചു. അതിരൂപത സഹായമെത്രാൻ മാർ ടോണി നീലങ്കാവിൽ, മേയർ എം.കെ. വർഗീസ്, പി. ബാലചന്ദ്രൻ എംഎൽഎ, ജില്ലാ പഞ്ചായത്ത് പ്രസിഡന്‍റ് വി.എസ്. പ്രിൻസ്, സ്വാമി നന്ദാത്മജാനന്ദ, അതിരൂപത വികാരി ജനറാൾ മോണ്‍. ജോസ് കോനിക്കര, കൊച്ചിൻ ദേവസ്വം ബോർഡ് പ്രസിഡന്‍റ് കെ. രവീന്ദ്രൻ, പാറമേക്കാവ് ദേവസ്വം പ്രസിഡന്‍റ് ഡോ. എം. ബാലഗോപാൽ, സെക്രട്ടറി ജി. രാജേഷ്, ഉസ്താദ് സ്വാലിക് മാലിക്കി, കോർപറേഷൻ പ്രതിപക്ഷനേതാവ് രാജൻ ജെ. പല്ലൻ, അതിരൂപത ഏകോപനസമിതി സെക്രട്ടറി ഡോ. ടോണി ജോസഫ് തുടങ്ങി സാമൂഹ്യസാംസ്കാരിക ആത്മീയ രംഗത്തെ പ്രമുഖർ ചടങ്ങിൽ പങ്കെടുത്തു. ഫ്രാൻസീസ് മാർപാപ്പയുടെ ഛായാചിത്രത്തിൽ പുഷ്പാർച്ചനയും ഉണ്ടായിരുന്നു. ഇരിങ്ങാലക്കുട: ഹൃദയത്തില്‍ നന്മയുള്ളവര്‍ക്കേ സന്തോഷം കൈ വരികയുള്ളൂവെന്നും ആ സന്തോഷം മറ്റുള്ളവര്‍ക്കും പകര്‍ന്നു നല്‍കണമെന്നുനമ്മെ പഠിപ്പിച്ച വ്യക്തിയാണ് ഫ്രാന്‍സിസ് പാപ്പായെന്ന് മാര്‍ പോളി കണ്ണൂക്കാടന്‍. കാലംചെയ്ത ഫ്രാ ന്‍സിസ് പാപ്പായോടുള്ള ആദരസൂചകമായി ഇരിങ്ങാലക്കുട രൂപതയുടെയും പൗരാവലിയുടെയും നേതൃത്വത്തില്‍ ഇരിങ്ങാ ലക്കുട ടൗണ്‍ഹാളില്‍ നടന്ന അനുസ്മരണ സന്ധ്യയില്‍ പ്രസം ഗിക്കുകയായിരുന്നു ബിഷപ്. ഹൃദയത്തില്‍ ആഴമേറിയ വിശ്വാ സവും പ്രകൃതിയോടുള്ള വലിയ ആദരവും സഹോദരങ്ങളോ ടുള്ള സൗഹാര്‍ദവും ഏവരിലും നന്മ കൈവരിക്കുവാന്‍ സഹാ യിക്കുമെന്നു ഫ്രാന്‍സിസ് പാപ്പാ നമ്മെ ഉദ്‌ബോധിപ്പിച്ചു. സെന്‍റ് തോമസ് കത്തീഡ്രലില്‍ നടന്ന അനുസ്മരണ ദിവ്യബലിക്ക് മാര്‍ പോളി കണ്ണൂക്കാടന്‍ മുഖ്യകാര്‍മികത്വം വഹി ച്ചു. ദിവ്യബലിക്കുശേഷം നടന്ന ഒപ്പീസിന് ബിഷപ് മാര്‍ പോളി കണ്ണൂക്കാടന്‍, മൈസൂര്‍ രൂപത മുന്‍ ബിഷപ് ഡോ. തോമസ് വാ ഴപ്പിള്ളി എന്നിവര്‍ നേതൃത്വം നല്‍കി. കത്തീഡ്രല്‍ അങ്കണത്തില്‍നിന്നും ആരംഭിച്ച അനുസ്മരണറാലി ഠാണാ ജംഗ്ഷന്‍, ബസ് സ്റ്റാന്‍ഡ് വഴി ടൗണ്‍ഹാളില്‍ സമാപിച്ചു. തുടര്‍ന്ന് ഫ്രാന്‍സിസ് പാപ്പായുടെ ഛാ യാചിത്രത്തിനു മുന്നില്‍ പുഷ്പാര്‍ച്ചന നടത്തി. തുടര്‍ന്നു നടന്ന അനുസ്മരണ സമ്മേളനത്തില്‍ സനീഷ്‌കുമാര്‍ ജോസഫ് എംഎല്‍എ, ഇരിങ്ങാലക്കുട നഗരസഭ ചെയര്‍പേഴ്‌സണ്‍ മേരി ക്കുട്ടി ജോയ്, രൂപത മുഖ്യവികാരി ജനറാള്‍ മോണ്‍. ജോസ് മാളി യേക്കല്‍, കത്തീഡ്രല്‍ വികാരി റവ.ഡോ. ലാസര്‍ കുറ്റിക്കാടന്‍, മുൻ സർക്കാർ ചീഫ്‌വിപ്പ് അഡ്വ. തോമസ് ഉണ്ണിയാടന്‍, ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്‍റ് ലളിത ബാലന്‍, മുരിയാട് ഗ്രാമപഞ്ചായത്ത് പ്രസിഡന്‍റ്് ജോസ് ചിറ്റിലപ്പിള്ളി, ആളൂര്‍ ഗ്രാമപഞ്ചായത്ത് പ്രസിഡന്‍റ് കെ.ആര്‍. ജോജോ, കാട്ടൂര്‍ ഗ്രാമപഞ്ചായത്ത് പ്രസിഡന്‍റ് ടി.ഡി. ലത, പടിയൂര്‍ ഗ്രാമ പഞ്ചായത്ത് പ്രസിഡന്‍റ്് ലിജി രതീഷ്, ദേവസ്വം ബോര്‍ഡ് ചെയര്‍മാന്‍ അഡ്വ. സി.കെ. ഗോപി, ഠാണാ ജുമാ മസ്ജിദ് ഇമാം കബീര്‍ മൗലവി, മുന്‍ മുനിസിപ്പല്‍ ചെയര്‍മാന്‍ എം.പി. ജാക്‌സണ്‍, മുനിസിപ്പല്‍ പ്രതിപക്ഷനേതാവ് അഡ്വ. കെ.ആര്‍. വിജയ, ഇരിങ്ങാലക്കുട ഉദയ പ്രൊവിന്‍സ് പ്രൊവിന്‍ഷ്യല്‍ സുപ്പീരിയര്‍ സിസ്റ്റര്‍ ധന്യ സിഎംസി, എസ്എന്‍ബിഎസ് പ്രസിഡന്‍റ്് കിഷോര്‍‌കുമാര്‍, എന്‍എസ്എസ് താലൂക്ക് യൂണിയന്‍ പ്രസിഡന്‍റ് അഡ്വ. ശങ്കരന്‍കുട്ടി, ഹിന്ദു ഐക്യവേദി പ്രസിഡന്‍റ്് നന്ദന്‍, സിപിഎം പ്രതിനിധി വി.എ. മനോജ്കുമാര്‍, സിപിഐ പ്രതിനിധി കെ. ശ്രീകുമാര്‍, ബിജെപി പ്രതിനിധി കൃപേഷ് ചെമ്മണ്ട, മുകുന്ദപുരം തഹസില്‍ദാര്‍ സിമേഷ് സാഹു, മുനിസിപ്പല്‍ സെക്രട്ടറി എ.എച്ച്. ഷാജിക്ക്, കത്തീഡ്രല്‍ ട്രസ്റ്റി ജോമോന്‍ തട്ടില്‍ മണ്ടി എന്നിവര്‍ അനുസ്മരണപ്രഭാഷണങ്ങള്‍ നടത്തി. രൂപത വികാരി ജനറാള്‍ മോണ്‍. ജോളി വടക്കന്‍ സ്വാഗതവും പാസ്റ്ററല്‍ കൗണ്‍സില്‍ സെക്രട്ടറി ഡേവിസ് ഊക്കന്‍ നന്ദിയും പറഞ്ഞു.

കഥകളി മദ്ദള ആചാര്യൻ കലാമണ്ഡലം നാരായണൻ നായർ അന്തരിച്ചു

എരുമപ്പെട്ടി: പ്രസിദ്ധ കഥകളി മദ്ദള ആചാര്യൻ കലാമണ്ഡലം നാരായണൻ നായർ (79) അന്തരിച്ചു. വാർധക്യ സഹജമായ അസുഖങ്ങളെ തുടർന്ന് ചികിത്സയിലിരിക്കെ ഇന്നലെ പുലർച്ചെ അഞ്ചിന് തൃശൂർ അമല മെഡിക്കൽ കോളജിൽ വച്ചായിരുന്നു അന്ത്യം. കലാമണ്ഡലം അപ്പുകുട്ടി പൊതുവാളുടെ ആദ്യകാല ശിഷ്യരിൽ പ്രധാനിയായിരുന്നു നാരായണൻ നായർ. ചിട്ട വിടാതെയുള്ള വാദന ശൈലി ഇദ്ദേഹത്തെ മറ്റുള്ള മദ്ദള വിദ്വാന്മാരിൽ നിന്നും വേറിട്ട് നിർത്തിയിരുന്നു. ഇക്കഴിഞ്ഞ കോട്ടയ്ക്കൽ വിശ്വംഭര ക്ഷേത്ര ഉത്സവം ആയിരുന്നു അവസാനത്തെ അരങ്ങ്. കേരള കലാമണ്ഡലം അവാർഡ്, സംഗീത നാടക അക്കാദമി അവാർഡ്, നിരവധി കഥകളി ക്ലബുകളുടെ അവാർഡുകൾ എന്നിവ കരസ്ഥമാക്കിയിട്ടുണ്ട്. അമേരിക്ക, യൂറോപ്യൻ രാജ്യങ്ങൾ, ജപ്പാൻ, ഓസ്ട്രേലിയ, ന്യൂസിലാൻഡ് അടക്കം 50 ൽ പരം വിദേശ രാജ്യങ്ങളിൽ തന്‍റെ കലാ സപര്യ അദ്ദേഹം അവതരിപ്പിച്ചിട്ടുണ്ട്. രണ്ടു വർഷം മുന്പ് അന്തരിച്ച പ്രസിദ്ധ ഓട്ടൻ തുള്ളൽ കലാകാരി കലാമണ്ഡലം ദേവകി ടീച്ചറായിരുന്നു പത്നി. ദീർഘകാലം ഇരിങ്ങാലക്കുട ഉണ്ണായി വാരിയർ കലാനിലയം, കേരള കലാമണ്ഡലം എന്നീ സ്ഥാപനങ്ങളിൽ അധ്യാപകനായിരുന്നു. പത്നി ദേവകിയോടൊപ്പം അഹമ്മദാബാദ് ദർപ്പണയിലും തുടർന്ന് നാട്ടിൽ നെല്ലുവായി ശ്രീ ധന്വന്തരി കലാക്ഷേത്രത്തിലും അധ്യാപനായിരുന്നതുവഴി നിരവധി ശിഷ്യരെ കലാലോകത്തിനു സംഭാവന ചെയ്തിട്ടുണ്ട്. കേരളത്തിലെ പ്രശസ്തരായ നിരവദി മദ്ദള വിദ്വാൻമാർ നാരായണൻ നായരുടെ ശിഷ്യ സമ്പത്തിലുണ്ട്. സംസ്കാരം നടത്തി. മക്കൾ: പ്രസാദ്, പ്രസീദ. മരുമക്കൾ: രാജശേഖരൻ നെല്ലുവായ്, കലാമണ്ഡലം സംഗീത.

വീണ് തലയ്ക്കു പരിക്കേറ്റ മധ്യവയസ്‌ക മരിച്ചു

പട്ടിക്കാട്: വീടിനുള്ളിൽ വീണ് തലയ്ക്ക് പരിക്കേറ്റ മധ്യവയസ്‌ക മരിച്ചു. പട്ടിക്കാട് അന്തിക്കാടൻ വീട്ടിൽ ജോയ് ഭാര്യ ഷീല(56) ആണ് മരിച്ചത്. സംസ്‌കാരം ഇന്ന് 4.30ന് പട്ടിക്കാട് മാർ തോമാ ശ്ലീഹ പള്ളി സെമിത്തേരിയിൽ. മക്കൾ: സനോ, ജിഷ. ഇന്നലെ ഉച്ചയ്ക്കാണ് ഷീല വീടിനുള്ളിൽ വീണ് തലയ്ക്ക് പരിക്കേറ്റത്. ഉടൻ തൃശൂർ ജില്ലാ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.

വയോധികദമ്പതികളെ വീട്ടിൽ മരിച്ചനിലയിൽ കണ്ടെത്തി

വാടാനപ്പിള്ളി: നടുവിൽക്കരയിൽ വയോധികദമ്പതികളെ വീട്ടിൽ മരിച്ചനിലയിൽ കണ്ടെത്തി. ബോധാനന്ദവിലാസം എൽപി സ്കൂളിനു പടിഞ്ഞാറ് കൊടുവത്ത‌ുപറമ്പിൽ പ്രഭാകരൻ (72), ഭാര്യ കുഞ്ഞിപ്പെണ്ണ് (75) എന്നിവരാണ് മരിച്ചത്. കിടപ്പുരോഗിയായിരുന്ന കുഞ്ഞിപ്പെണ്ണിനെ വീടിനുള്ളിൽ കട്ടിലിലും പ്രഭാകരനെ വീടിന്‍റെ മുറ്റത്തുമാണ് മരിച്ചനിലയിൽ കണ്ടെത്തിയത്. പരിശോധനയുടെ ഭാഗമായി പാലിയേറ്റീവ് പ്രവർത്തകർ വെള്ളിയാഴ്ച ഉച്ചയ്ക്കുശേഷം സമീപനിവാസിയെയും കൂട്ടി വീട്ടിലെത്തി അകത്തുകയറി നോക്കിയപ്പോഴാണ് കുഞ്ഞിപ്പെണ്ണിനെ മരിച്ചനിലയിൽകണ്ടത്. തുടർന്നു പ്രഭാകരനെ അന്വേഷിച്ചപ്പോഴാണ് വീടിന്‍റെ മുറ്റത്തു കിഴക്കുഭാഗത്തായി പ്രഭാകരനെയും മരിച്ചുകിടക്കുന്നതായി കണ്ടത്. വിവരം അറിയിച്ചതോടെ വാടാനപ്പള്ളി പൊലീസ് സ്ഥലത്തെത്തി. ജനപ്രതിനിധികളും നാട്ടുകാരും സ്ഥലത്തു തടിച്ചുകൂടി. ഡിവൈഎസ്പി വി.കെ. രാജു, വാടാനപ്പിള്ളി സിഐ ബി.എസ്. ബിനു, എസ്ഐമാരായ ശ്രീലക്ഷ്മി, മുഹമ്മദ് റാഫി എന്നിവരുടെ നേതൃത്വത്തിൽ പോലിസ് പരിശോധന നടത്തി. വിരലടയാള വിദഗ്ധരും പരിശോധനയ്ക്കെത്തിയിരുന്നു. ഭക്ഷണം കഴിച്ചുകൊണ്ടിരിക്കേ കുഞ്ഞിപ്പെണ്ണ് മരിച്ചതാകാമെന്നാണ് പോലിസ് നിഗമനം. സമീപം പാത്രത്തിൽ ചോറും ഉണ്ടായിരുന്നു. ഭാര്യ മരിച്ചതോടെ സമീപവാസികളെ അറിയിക്കാനുള്ള ഓട്ടത്തിനിടെ പ്രഭാകരൻ കുഴഞ്ഞുവീണ് മരിച്ചതാകാമെന്നുമാണ് പോലിസ് പറയുന്നത്. മൃതദേഹം ഇൻക്വസ്റ്റ് നടത്തി പോസ്റ്റ്മോർട്ടത്തിനായി സന്ധ്യയോടെ തൃശൂർ മെഡിക്കൽ കോളജ് ആശുപത്രിയിലേക്കു കൊണ്ടുപോയി. പോസ്റ്റ്മോർട്ടത്തിനുശേഷമേ മരണകാരണം വ്യക്തമാകൂ. ഇണപിരിയാത്ത ദമ്പതികളായിരുന്നു പ്രഭാകരനും കുഞ്ഞിപ്പെണ്ണും. മാങ്ങ പൊട്ടിച്ച് കണ്ടശാംകടവ് മാർക്കറ്റിൽ കൊണ്ടുപോയി വിൽപ്പന നടത്തിവന്നിരുന്നു. മക്കളില്ലാത്തതിനാൽ ഇരുവരും ഒരുമിച്ചായിരുന്നു മാങ്ങപൊട്ടിക്കലും നടപ്പും. ഇണപിരിയാത്ത ദന്പതികൾ മരണത്തിലും ഒന്നിച്ചു

തടിലോറി കണ്ടെയ്നർ ലോറിയിൽ ഇടിച്ച് ക്ലീനർ മരിച്ചു

കുട്ടനെല്ലൂർ: ദേശീയപാതയിൽ ഫ്ലൈ ഓവറിനു സമീപം തടി കയറ്റിയ ലോറി നിർത്തിയിട്ടിരുന്ന കണ്ടെയ്നർ ലോറിയിലിടിച്ചുണ്ടായ അപകടത്തിൽ തടിലോറിയിലെ ക്ലീനർ മരിച്ചു. ഈരാറ്റുപേട്ട സ്വദേശി ബഷീർ(50) ആണ് മരിച്ചത്. ഒരാൾക്ക് ഗുരുതര പരിക്കറ്റു. ഇന്നലെ പുലർച്ചെ 4.40 നായിരുന്നു അപകടം. എറണാകുളത്തുനിന്ന് പാലക്കാട് ഭാഗത്തേക്ക് പോയിരുന്ന തടി കയറ്റിയ ലോറിയാണ് ദേശീയപാതയോരത്ത് നിർത്തിയിട്ടിരുന്ന കണ്ടെയ്നർ ലോറിയിൽ ഇടിച്ചത്. ഇടിയുടെ ആഘാതത്തിൽ ലോറിക്കുള്ളിൽ കുടുങ്ങിയവരെ ഫയർഫോഴ്സും പോലീസും ചേർന്ന് പുറത്തെടുത്തു. ഗുരുതരമായി പരിക്കേറ്റ ബഷീറിനെ ആശുപത്രിയിൽ എത്തിക്കുന്നതിനു മുന്പേ മരിച്ചു. പരിക്കേറ്റ ഡ്രൈവറെ സ്വകാര്യ ആശുപത്രിയിൽ പ്രവേശിപ്പിച്ചു. ഒല്ലൂർ പോലീസ് മേൽനടപടികൾ സ്വീകരിച്ചു.

പുതിയ ദേശീയ വിദ്യാഭ്യാസനയം പിൻവലിക്കണം: കെഎൻടിഇഒ

തൃശൂർ: വിദ്യാഭ്യാസമേഖലയിലെ വർഗീയവത്കരണവും വാണിജ്യവത്കരണവും പ്രോത്സാഹിപ്പിക്കുകയെന്ന ലക്ഷ്യത്തിൽ കേന്ദ്രസർക്കാർ നടപ്പാക്കിയ പുതിയ ദേശീയ വിദ്യാഭ്യാസനയം പിൻവലിക്കണമെന്നു കേരള നോണ്‍ ടീച്ചിംഗ് എംപ്ലോയീസ് ഓർഗനൈസേഷൻ ജില്ലാ സമ്മേളനം. മുരളി പെരുനെല്ലി എംഎൽഎ ഉദ്ഘാടനം ചെയ്തു. ജില്ലാ പ്രസിഡന്‍റ് ലൈജു വർഗീസ് അധ്യക്ഷനായി. ജില്ലാ സെക്രട്ടറി പി.എ. സണ്ണി പ്രവർത്തനറിപ്പോർട്ടും സംസ്ഥാന പ്രസിഡന്‍റ് കെ. ഗിരിധരൻ സംഘടനാറിപ്പോർട്ടും അവതരിപ്പിച്ചു. വിരമിക്കുന്ന ജീവനക്കാർക്കുള്ള യാത്രയയപ്പുസമ്മേളനം എഫ്എസ്ഇടിഒ ജില്ലാ സെക്രട്ടറി ഇ. നന്ദകുമാർ ഉദ്ഘാടനം ചെയ്തു. എൻജിഒ യൂണിയൻ ജില്ലാ സെക്രട്ടറി പി. വരദൻ, ശ്രീകൃഷ്ണ കോളജ് പ്രിൻസിപ്പൽ പി.എസ്. വിജോയ് എന്നിവർ പ്രസംഗിച്ചു. സോജൻ പി. ജോണ്‍ സെക്രട്ടറിയായും ലൈജു വർഗീസ് പ്രസിഡന്‍റായും ലിജു എൻ. ശർമ ട്രഷററായും 20 അംഗ കമ്മിറ്റിയെ തെരഞ്ഞെടുത്തു.

പാന്പുകൾക്ക് ഇതു പ്രജനനകാലം സൂക്ഷിച്ചില്ലെങ്കിൽ പണി ഇഴഞ്ഞുവരും

സി.ജി. ജിജാസൽ തൃശൂർ: പാന്പുകൾക്ക് ഇതു പ്രജനനകാലം. സൂക്ഷിച്ചില്ലെങ്കിൽ പണി ഇഴഞ്ഞുവരുമെന്നു പാന്പുവിദഗ്ധർ. ചൂടിന്‍റെ കാഠിന്യം വർധിച്ചതോടെ തണുപ്പുതേടി പാന്പുകൾ വീടുകളിലും തൊടികളിലും കയറിക്കൂടുന്നതു സർവസാധാരണമാണെന്നും എന്നാൽ കൃത്യമായ മുന്നൊരുക്കങ്ങളിലൂടെ ഇവയെ ഒഴിവാക്കാൻ കഴിയുമെന്നും വിദഗ്ധർ വ്യക്തമാക്കുന്നു. പതിവുവർഷങ്ങളെ അപേക്ഷിച്ച് പാന്പുകളെ കാണുന്നതു വർധിച്ചുവരുന്നതിന്‍റെ കാരണം അസഹ്യമായ ചൂടാണ്. വേനൽക്കാലത്തിന്‍റെ തുടക്കത്തിൽ ഇണചേരുന്ന പാന്പുകൾക്ക് ഇപ്പോൾ പ്രജനനകാലമായതിനാൽതന്നെ ഇനിയുള്ള ദിവസങ്ങളിൽ ഇവയെ കൂടുതലായി കാണാനും സാധ്യതയേറെയാണ്. ഏപ്രിൽ, മേയ് മാസങ്ങൾ പാന്പുകളുടെ മുട്ടകൾ വിരിഞ്ഞ് പുറത്തിറങ്ങാനുള്ള കാലംകൂടിയാണ്. ഗ്രാമപ്രദേശങ്ങളെക്കാൾ നഗരപ്രദേശങ്ങളിലാണ് പാന്പുകളെ കൂടുതലായി ഇപ്പോൾ കാണുന്നതെന്നും പറയുന്നു. ഗ്രാമപ്രദേശങ്ങളിലെപ്പോലെ പാന്പുകൾക്കു സുരക്ഷിതമായി സ്ഥലങ്ങൾ കുറവായതിനാലാണ് നഗരങ്ങളിൽ ഇവയെ കൂടുതൽ പുറത്തുകാണുന്നതത്രെ. മൂർഖനാണ് താരം ജില്ലയിൽ കൂടുതൽ കണ്ടുവരുന്ന വിഷപ്പാന്പുകളിൽ മുൻപിൽ നിൽക്കുന്നതു മൂർഖൻപാന്പുകളാണ്. ഇവയ്ക്കു പിറകിലാണ് അണലിയും വെള്ളിക്കെട്ടനും. പീച്ചി ഭാഗത്തു രാജവെന്പാലകളെ വരെ കണ്ടെത്തുന്പോൾ നഗരത്തിൽ അയ്യന്തോൾ, പൂങ്കുന്നം എന്നിവിടങ്ങളിൽ കാണുന്നവയിൽ ഏറെയും മൂർഖനാണ്. റസിഡൻഷ്യൽ ഏരിയകളിൽ ഭക്ഷണാവശിഷ്ടങ്ങൾ അലക്ഷ്യമായി തള്ളുന്നതും അതിനെതുടർന്ന് എലിശല്യം വർധിച്ചുവരുന്നതുമാണ് പാന്പുശല്യം കൂടാൻ ഇടയാക്കുന്നത്. അല്പവിവരം ആപത്ത് പലരും പാന്പുപിടിത്തം കുട്ടിക്കളിയായി കാണുന്നത് അവയെക്കുറിച്ച് കൃത്യമായ ധാരണയില്ലാത്തതിനാലാണെന്നു വിദഗ്ധർ ചൂണ്ടിക്കാട്ടുന്നു. വീഡിയോകളിൽ കാണുന്നത് അനുകരിക്കാൻ ശ്രമിക്കുന്നതും ആളുകളുടെ മുൻപിൽ ആളാകാൻ കാണിക്കുന്ന പരാക്രമങ്ങളും അപകടങ്ങൾ വിളിച്ചുവരുത്തും. മലന്പാന്പ് ആണെന്നുകരുതി അണലിയെ പിടികൂടുന്നതും അപകടത്തിൽപ്പെടുന്നതും ഇതുകൊണ്ടാണ്. അതെല്ലാം തെറ്റാണ്: ജോജു മുക്കാട്ടുകര പാന്പുകളെ ഒഴിവാക്കാൻ പാൽക്കായം ബെസ്റ്റാണെന്ന് ഒരുകൂട്ടർ, മണ്ണെണ്ണയാണ് നല്ലതെന്നു മറ്റു ചിലർ. വെളുത്തുള്ളിയും തുളസിയും എല്ലാം സൂപ്പറാണെന്നു വേറെ ചിലർ. എന്നാൽ ഇതെല്ലം തെറ്റാണെന്നു സ്നേക്ക് റെസ്ക്യു ട്രെയിനർ ജോജു മുക്കാട്ടുകര പറയുന്നു. പാന്പുകളെ ആകർഷിക്കാനും ഒഴിവാക്കാനും ചെടികൾക്കു കഴിയുമെന്നതും തെറ്റാണ്. ‌മണ്ണെണ്ണ ശരീരത്തിൽ പതിഞ്ഞാൽ പാന്പുകൾക്കു പൊള്ളലേൽക്കാനും അവരുടെ ശകലങ്ങൾ നശിക്കാനും അവ ചാവാനും സാധ്യതയുണ്ടെങ്കിലും, മണ്ണെണ്ണഗന്ധം പാന്പുകളെ ഒഴിവാക്കുമെന്നു പറയുന്നതു തെറ്റാണ്. മാർക്കറ്റുകളിൽ സുലഭമായി ലഭിക്കുന്ന കാർബോളിക് ആസിഡിനും പാന്പുകളെ ഒഴിവാക്കാൻ കഴിയില്ലെന്ന് അദ്ദേഹം പറഞ്ഞു. പാന്പുകളെ ഒഴിവാക്കാൻ പാന്പുകളെ ഒഴിവാക്കാൻ വീടും പരിസരവും വൃത്തിയാക്കുകയാണ് പ്രധാനം. ചൂടിൽനിന്നു രക്ഷനേടാൻ പാന്പുകൾ തണുപ്പും ഈർപ്പവുമുള്ള സ്ഥലങ്ങൾ തേടിവരും. വിറകുകൾ, ചപ്പുചവറുകൾ എന്നിവ കൂട്ടിയിടുന്നത് ഒഴിവാക്കുക. വീടുകളുടെയും തറകളുടെയും വിടവുകൾ അടയ്ക്കുക. വാതിലുകളും ജനാലകളും അടച്ചിടുന്നതും നല്ലതാണ്. കുറ്റിക്കാടുകളും ചെടികളും ഒഴിവാക്കുക. അലക്ഷ്യമായി ഭക്ഷണാവശിഷ്ടങ്ങൾ വലിച്ചെറിയാതിരിക്കുക. വിഷപ്പാന്പുകളുടെ കടിയേറ്റാലുള്ള മുൻകരുതലുകൾ 1. പാന്പുകടിയേറ്റ വ്യക്തിയെ ഓടാനോ നടക്കാനോ അനുവദിക്കാതിരിക്കുക. 2. കടികൊണ്ട ഭാഗം കത്തി, ബ്ലേഡ് തുടങ്ങി മൂർച്ചയുള്ള വസ്തുക്കൾ ഉപയോഗിച്ച് കീറിമുറിക്കാതിരിക്കുക. 3. ആ വ്യക്തിയെ ഭയപ്പെടുത്താതിരിക്കുക, പകരം സമാധാനിപ്പിക്കുക. 4. പാന്പുകടിയേറ്റ വ്യക്തിയെ നിരപ്പായ തറയിൽ കിടത്തുക. 5. ആന്‍റി സ്നേക് വെനം ഉള്ള ആശുപത്രികളിൽ ഉടൻ വൈദ്യ‌സഹായം ലഭ്യമാക്കുക. ഓർക്കുക 1. പച്ചമരുന്നുകൾ ഒഴിവാക്കുക. 2. മുറിവേറ്റ ഭാഗം സോപ്പും വെള്ളവും ഉപയോഗിച്ചു കഴുകരുത്. 3. മുറിവേറ്റ ഭാഗം പൊള്ളിക്കാതിരിക്കുക. 4. പാന്പുകടിയേറ്റ ഭാഗത്തു മുറുക്കിക്കെട്ടുന്നത് ഒഴിവാക്കുക. എമർജൻസി നന്പർ വനംവകുപ്പിന്‍റെ എമർജൻസി നന്പർ 9188407531. ജോജു മുക്കാട്ടുകര (സ്നേക്ക് റെസ്ക്യു ട്രെയിനർ ജില്ലാ കോ ഓർഡിനേറ്റർ) 9745547906.

മിന്നൽ പരിശോധന; ബസുകൾ കുടുങ്ങി

തൃശൂർ: നിരോധിത എയർഹോണുകളും അനാവശ്യ സ്റ്റിക്കറുകളും നന്പർ പ്ലേറ്റിലെ ക്രമക്കേടുകളും ഉൾപ്പെടെ നിയമലംഘനങ്ങൾ നടത്തിയ സ്വകാര്യ ബസുകൾക്കു പിടിവീണു. തൃശൂർ ശക്തൻ സ്റ്റാൻഡിൽ നടത്തിയ പരിശോധനയിൽ 22 ബസുകളിൽ എയർഹോണും രണ്ടു ബസുകളിൽ മൾട്ടിട്യൂണ്‍ ഹോണും ഘടിപ്പിച്ചെന്നു കണ്ടെത്തി. ബസ് ജീവനക്കാർ ഭക്ഷണത്തിനും വിശ്രമത്തിനും പോകുന്ന സമയത്തായിരുന്നു പരിശോധന. പരിശോധന മണത്തറിഞ്ഞ നിരവധി ബസുകൾ സ്റ്റാൻഡിൽ കയറാതെ മുങ്ങി. തൃശൂർ എൻഫോഴ്സ്മെന്‍റ് ആർടിഒ കെ.ബി. സിന്ധുവിന്‍റെ നിർദേശത്തിലായിരുന്നു പരിശോധന. എയർഹോണ്‍ സംബന്ധിച്ച കേസുകൾ വെർച്വൽ കോടതിക്ക് അയച്ചു. മൾട്ടി ട്യൂണ്‍ ഹോണുകളും ബസുകളിൽ കളർ കോഡ് ഉള്ളതിനാൽ അനാവശ്യ സ്റ്റിക്കറുകളും നീക്കംചെയ്യാൻ ഉദ്യോഗസ്ഥർ നിർദേശിച്ചു. ഫിറ്റ്നസ് ടെസ്റ്റ് പാസായതിനുപിന്നാലെ ബസുകളിൽ സ്റ്റിക്കറുകളും നിയമലംഘനവും പ്രത്യക്ഷപ്പെടുന്നെന്നു കണ്ടെത്തിയായിരുന്നു മിന്നൽപരിശോധന. ബസുകൾക്കുമുന്പിലെ ചില്ലിൽ പതിക്കുന്ന സ്റ്റിക്കറുകൾ കാഴ്ചമറയ്ക്കും. കാൽനടയാത്രികരെയും ചെറുവാഹനങ്ങളും കാണില്ല. ഇക്കാര്യങ്ങൾ ശ്രദ്ധിക്കണമെന്ന് ഉദ്യോഗസ്ഥർ നിർദേശിച്ചു. ആദ്യമൊന്ന് അന്പരന്നെങ്കിലും ഉദ്യോഗസ്ഥരുടെ പരിശോധനയ്ക്കു യാത്രക്കാരുടെ പിന്തുണയും ലഭിച്ചു. വരുംദിവസങ്ങളിലും പരിശോധനയുണ്ടാകുമെന്നും വാതിലുകൾ അടയ്ക്കാതെ സർവീസ് നടത്തുന്ന വാഹനങ്ങൾക്കെതിരേ നടപടിയെടുക്കുമെന്നും ഉദ്യോഗസ്ഥർ പറഞ്ഞു. മോട്ടോർ വെഹിക്കിൾസ് ഇൻസ്പെക്ടർമാരായ പി.വി. ബിജു, കെ. അശോക് കുമാർ, കെ.ബി. ഷിജോ, അസിസ്റ്റന്‍റ് മോട്ടോർ വെഹിക്കിൾ ഇൻസ്പെക്ടർമാരായ വി.എം. വിനോദ്, വി.ബി. സജീവ്, പ്രശാന്ത് പിള്ള, സി.ജെ. ഷോണ്‍, ടി.പി. സനഷ്, സുമേഷ് തോമസ്, വി.സി. ബിജു, ഡ്രൈവർ എം.എൽ. തോമസ് എന്നിവർ പരിശോധനയിൽ പങ്കെടുത്തു.

മൂന്നാംഘട്ട ഡിജിറ്റൽ റീസർവേയ്ക്ക് തുടക്കം

ഒളരിക്കര: തൃശൂർ ജില്ലയിലെ മൂന്നാംഘട്ട ഡിജിറ്റൽ റീസർവേയ്ക്കു തുടക്കം. ഒളരിക്കര നവജ്യോതി ടീച്ചർ എഡ്യൂക്കേഷൻ സെന്‍ററിൽ പി. ബാലചന്ദ്രൻ എംഎൽഎ ഉദ്ഘാടനം ചെയ്തു. 20 ശതമാനം ഭൂപ്രദേശം ഡ്രോണ്‍ ഉപയോഗിച്ചും അവശേഷിക്കുന്നവ കോർസ് ആർടികെ, റോബോട്ടിക്സ് ഇടിഎസ് എന്നിവയുപയോഗിച്ചും അളക്കാനാണു ലക്ഷ്യമിടുന്നത്. ഭൂമികൈമാറ്റം, രജിസ്ട്രേഷൻ, പ്രീ മ്യൂട്ടേഷൻ സ്കെച്ച്, ബാധ്യതാസർട്ടിഫിക്കറ്റ്, ഭൂനികുതി അടവ്, ന്യായവിലനിർണയം, ഓട്ടോ മ്യൂട്ടേഷൻ, ലൊക്കേഷൻ സ്കെച്ച്, തരംമാറ്റം എന്നീ സേവനങ്ങൾ ഒറ്റ പോർട്ടൽവഴി നടപ്പാക്കാൻ ലക്ഷ്യമിട്ട സർവേ 2021ൽ ആരംഭിച്ചെങ്കിലും സംസ്ഥാനത്തെ 1666 വില്ലേജുകളിൽ വിരലിലെണ്ണാവുന്ന സ്ഥലത്തുമാത്രമാണു നടന്നത്. രണ്ടാംഘട്ടത്തിൽ ആറുലക്ഷം ഹെക്ടർ മാത്രമാണ് അളന്നത്. മേയർ എം.കെ. വർഗീസ്, കോർപറേഷൻ പ്രതിപക്ഷനേതാവ് രാജൻ ജെ. പല്ലൻ, കൗണ്‍സിലർമാരായ ലാലി ജെയിംസ്, അഡ്വ. റെജീന, കെ. രാമനാഥൻ, ശ്രീലാൽ ശ്രീധർ, സജിത ഷിബു, സിപിഐ പ്രതിനിധി ഷാജു കുണ്ടോളി, തൃശൂർ താലൂക്ക് തഹസിൽദാർ ടി. ജയശ്രീ, സർവേ ഡെപ്യൂട്ടി ഡയറക്ടർ വി.ഡി. സിന്ധു തുടങ്ങിയവർ പങ്കെടുത്തു.

രണ്ടാംഘട്ടമായി 5.68 കോടി ധനസഹായം

തൃശൂർ: കാലവർഷക്കെടുതിയിൽ വീടുകൾക്കു നാശംസംഭവിച്ചവർക്കു വിതരണംചെയ്യാൻ 5.68 കോടികൂടി അനുവദിച്ചു. 23നു ചേർന്ന മന്ത്രിസഭായോഗത്തിലാണു തീരുമാനമെന്നു റവന്യൂ മന്ത്രി കെ. രാജൻ പറഞ്ഞു. 2024-ലെ കനത്ത മഴയിൽ വീടുകൾക്കു വൻതോതിൽ നാശം സംഭവിച്ചിരുന്നു. എസ്ഡിആർഎഫ് വിഹിതമായി 8.88 കോടി നേരത്തേ അനുവദിച്ചിരുന്നു. പ്രത്യേക ദുരന്തമായി സർക്കാർ അംഗീകരിക്കുന്ന പ്രകൃതിക്ഷോഭങ്ങൾക്കാണ് എസ്ഡിആർഎഫ് വിഹിതത്തോടൊപ്പം സിഎംഡിആർഎഫിൽനിന്നുള്ള വിഹിതംകൂടി ചേർത്തു പരമാവധി തുക അനുവദിക്കുന്നത്. കനത്ത മഴയിലും വെള്ളപ്പൊക്കത്തിലും തൃശൂർ ജില്ലയിലെ വീടുകൾക്കുണ്ടായ കനത്ത നാശനഷ്ടം പരിഗണിച്ച് പ്രത്യേക ദുരന്തമായി അംഗീകരിച്ച് പരമാവധി തുക അനുവദിക്കണമെന്നാവശ്യപ്പെട്ട് മന്ത്രി കെ. രാജൻ മുഖ്യമന്ത്രിക്കു സമർപ്പിച്ച നിവേദനത്തിന്‍റെ അടിസ്ഥാനത്തിലാണ് നടപടി. അനുവദിച്ച ആകെ തുക 14.56 കോടിയാകുമെന്നും 1810 കുടുംബങ്ങൾക്ക് ആനുകൂല്യം ലഭിക്കുമെന്നും മന്ത്രി പറഞ്ഞു. കുറഞ്ഞതു 15 ശതമാനം നാശമുണ്ടായ വീടുകൾക്കാണ് സഹായം. 70 ശതമാനത്തിനു മുകളിൽ നാശം സംഭവിച്ച വീടുകൾക്കു പൂർണമായി നഷ്ടം കണക്കാക്കിയാണു തുക അനുവദിച്ചത്. നാലു ലക്ഷം രൂപ ഇവർക്കു ലഭിക്കും. 1,80,000 രൂപ മാത്രമാണ് എസ്ഡിആർഎഫ് വിഹിതം. ശേഷിക്കുന്ന 2,20,000 രൂപ സിഎംഡിആർഎഫിൽനിന്നാണു നൽകുന്നതെന്നും മന്ത്രി പറഞ്ഞു.

ഫ്രാൻസിസ് മാർപാപ്പയ്ക്ക് ആദരം

തൃശൂരിൽ അനുസ്മരണ റാലി ഇന്ന് തൃശൂർ: ഫ്രാൻസിസ് മാർപാപ്പയ്ക്ക് ആദരമർപ്പിച്ച് തൃശൂർ അതിരൂപതയുടെ ആഭിമുഖ്യത്തിൽ ഇന്ന് അനുസ്മരണദിനമായി ആചരിക്കും. വൈകീട്ടു നാലിനു പുത്തൻപള്ളി ബസിലിക്കയിൽ അതിരൂപത സഹായമെത്രാൻ മാർ ടോണി നീലങ്കാവിലിന്‍റെ മുഖ്യകാർമികത്വത്തിൽ വിശുദ്ധ കുർബാന അർപ്പിക്കും. ബസിലിക്കയിൽനിന്ന് ആരംഭിക്കുന്ന അനുസ്മരണ പ്രാർഥനാറാലി നഗരംചുറ്റി തൃശൂർ സെന്‍റ് തോമസ് കോളജിലെ മോണ്‍. ജോണ്‍ പാലോക്കാരൻ ചത്വരത്തിൽ സമാപിക്കും. തൃശൂർ ദേവമാതാ പ്രൊവിൻഷ്യൽ റവ.ഡോ. ജോസ് നന്തിക്കര സിഎംഐ അനുസ്മരണപ്രഭാഷണം നടത്തും. മതമേലധ്യക്ഷൻമാരും സാമൂഹിക- രാഷ്ട്രീയ- സാംസ്കാരികരംഗത്തെ പ്രമുഖരും ആദരാഞ്ജലിയർപ്പിക്കും. ഇടവകകളിൽനിന്നു റാലിയിലും സമ്മേളനത്തിലും പങ്കെടുക്കാൻ എത്തുന്നവരുടെ വാഹനങ്ങൾ ആർച്ച്ബിഷപ് ഹൗസ് വളപ്പ്, ഡിബിസിഎൽസി, പുത്തൻപള്ളി ബൈബിൾ ടവർ, ലൂർദ് കത്തീഡ്രൽ എന്നിവിടങ്ങളിൽ പാർക്ക് ചെയ്യണം. ഇരിങ്ങാലക്കുടയില്‍ ഇന്ന് അനുസ്മരണ സന്ധ്യ ഇരിങ്ങാലക്കുട: കാലംചെയ്ത ഫ്രാന്‍സീസ് മാർപാപ്പയോടുള്ള ബഹുമാനാര്‍ഥം പാപ്പായുടെ സംസ്‌കാരചടങ്ങുകള്‍ നടക്കുന്ന നാളെ പ്രാര്‍ഥനാദിനമായി ആചരിക്കുമെന്നു ബിഷപ് മാര്‍ പോളി കണ്ണൂക്കാടന്‍ അറിയിച്ചു. അന്നേദിവസം രൂപതാതിര്‍ത്തിക്കുള്ളിലെ വിദ്യാഭ്യാസസ്ഥാപനങ്ങള്‍ ഉള്‍പ്പടെയുള്ള എല്ലാ കത്തോലിക്കാസ്ഥാപനങ്ങള്‍ക്കും അവധിയായിരിക്കും. രൂപതയുടെ നേതൃത്വത്തില്‍ കത്തീഡ്രല്‍ ഇടവകയുടെയും ഇരിങ്ങാലക്കുട പൗരാവലിയുടെയും സഹകരണത്തോടെ മാർപാപ്പയുടെ ബഹുമാനാര്‍ഥം ഇന്ന് അനുസ്മരണസന്ധ്യ സംഘടിപ്പിക്കും. ഉച്ചകഴിഞ്ഞ‌ു 3.30നു കത്തീഡ്രലിൽ ഫ്രാന്‍സിസ് പാപ്പായ്ക്കുവേണ്ടിയുള്ള അനുസ്മരണബലി അര്‍പ്പിക്കും. തുടർന്ന് 4.30നു ടൗണ്‍ഹാളിലേക്ക് അനുസ്മരണറാലി നടക്കും. തുടർന്ന് 5.30നു ടൗണ്‍ ഹാളില്‍ പൊതുസമ്മേളനം. മത കക്ഷിരാഷ്ട്രീയ‌ഭേദമന്യേ പ്രമുഖര്‍ പങ്കെടുക്കും.

പി.കെ. ചാത്തന്‍മാസ്റ്റര്‍ ജന്മശതാബ്ദി സംഗമവും കെപിഎംഎസ് സംസ്ഥാന സമ്മേളനവും

ഇരിങ്ങാലക്കുട: പി.കെ. ചാത്തന്‍ മാസ്റ്റര്‍ ജന്മശതാബ്ദിസംഗമവും കെപിഎംഎസ് അമ്പത്തിനാലാം സംസ്ഥാനസമ്മേളനവും ഇന്നും നാളെയും മറ്റെന്നാളും ഇരിങ്ങാലക്കുടയില്‍നടക്കും. അയ്യങ്കാവ് മൈതാനം, ടൗണ്‍ഹാള്‍ എന്നിവടങ്ങളിലായി കൊടിമര, പതാക, ബാനര്‍ ജാഥകള്‍, സെമിനാര്‍, പ്രകടനം, പൊതുസമ്മേളനം, പ്രതിനിധിസമ്മേളനം എന്നിവയാണ് പരിപാടികളെന്ന് സ്വാഗതസംഘം ചെയര്‍മാന്‍ സി.എ. ശിവന്‍, ജനറല്‍ കണ്‍വീനര്‍ ലോചനന്‍ അമ്പാട്ട് എന്നിവര്‍ പത്രസമ്മേളനത്തില്‍ അറിയിച്ചു. ഇന്ന് വൈകീട്ട് മൂന്നിന് സ്മൃതിമണ്ഡപങ്ങളില്‍നിന്നു ആരംഭിക്കുന്ന കൊടിമര ജാഥകള്‍ക്ക് അഞ്ചിന് അയ്യങ്കാവ് മൈതാനിയില്‍ സ്വീകരണംനല്‍കും. 5.30ന് നടക്കുന്ന സെമിനാര്‍ പട്ടികജാതിവര്‍ഗ കമ്മീഷന്‍ മുന്‍ ചെയര്‍മാന്‍ ബി.എസ്. മാവോജി ഉദ്ഘാടനംചെയ്യും. നാളെ വെകീട്ട് കുട്ടംകുളം ക്ഷേത്രമൈതാനത്തുനിന്നു ആരംഭിക്കുന്ന പ്രകടനത്തെ തുടര്‍ന്ന് 5.30ന് നടക്കുന്ന ജന്മശതാബ്ദിസംഗമം കേന്ദ്രമന്ത്രി ജോര്‍ജ് കുര്യന്‍ ഉദ്ഘാടനംചെയ്യും. എറണാകുളം, തൃശൂര്‍ ജില്ലകളില്‍ നിന്നായി പതിനായിരത്തോളംപേര്‍ സമ്മേളനത്തില്‍ പങ്കെടുക്കും. സംസ്ഥാനത്ത് കഴിഞ്ഞ എഴുവര്‍ഷത്തിനുള്ളില്‍ പട്ടികജാതി വിഭാഗങ്ങള്‍ക്ക് അനുവദിച്ച 7,000 കോടി രൂപയോളം വകമാറ്റിയും ലാപ്‌സാക്കിയും നഷ്ടപ്പെടുത്തിയതിനെതിരേ നിയമനടപടി സ്വീകരിക്കാന്‍ സമ്മേളനം ആവശ്യപ്പെടുമെന്നു സംഘാടകര്‍ പറഞ്ഞു.

സംസ്ഥാന മനുഷ്യാവകാശ സംരക്ഷണകേന്ദ്രം വാർഷികം

ചാലക്കുടി: സംസ്ഥാന മനുഷ്യാവകാശ സംരക്ഷണകേന്ദ്രത്തിന്‍റെ 25-ാമത് വാർഷികം 27ന് 10.30ന് ചാലക്കുടി ഹോളിഫാമിലി ചർച്ച് ഓഡിറ്റോറിയത്തിൽ നടത്തും. ഇതിന്‍റെ ഭാഗമായി എക്സിബിഷനും സെമിനാറും പ്രഭാഷണങ്ങളുംനടക്കും. വിവരാവകാശനിയമം മനുഷ്യാവകാശസംരക്ഷണത്തിന് എന്നതിനെ ആധാരമാക്കി സംഘടനയുടെ നേതൃത്വത്തിൽനടക്കുന്ന വിപുലമായ പ്രചാരണപരിപാടിയുടെയും വാർഷികത്തിന്‍റെയും ഉദ്ഘാടനം രാവിലെ 10.30ന് സംസ്ഥാന വിവരാവകാശ കമ്മീഷണർ ഡോ.എ. അബ്ദുൾ ഹക്കിം നിർവഹിക്കും. പ്രസിഡന്‍റ് അഡ്വ.സി. ശിവരാജൻ അധ്യക്ഷതവഹിക്കും. ഉച്ചയ്ക്ക് 12.10ന് വിവരാവകാശനിയമം എന്ന വിഷയത്തിൽ അഡ്വ.ഡി.ബി. ബിനു പ്രഭാഷണംനടത്തും. ഉച്ചയ്ക്ക് 2.10 മുതൽ നടക്കുന്ന സെമിനാറിൽ പ്രഫ.കെ.ബി. വേണുഗോപാൽ മോഡറേറ്ററാകും. മനുഷ്യാവകാശ കമ്മീഷൻ ചെയർമാൻ പി. മോഹനദാസ്, ജോസഫ് സി.മാത്യു, അഡ്വ. ജോസ് എബ്രഹാം, അഡ്വ.ആർ. മുരളീധരൻ എന്നിവർ സെമിനാറിൽ പങ്കെടുക്കും. തുടർന്ന് ആദരസമ്മേളനം നടക്കുമെന്ന് വാർത്താസമ്മേളനത്തിൽ ജനറൽ സെക്രട്ടറി ജോയ് കൈതാരത്ത്, ട്രഷറർ വി.കെ. കാസിം, പ്രഫ. കെ.ബി. വേണുഗോപാൽ, ഡേവിസ് കാഞ്ഞിരത്തിങ്കൽ, കെ.വി. ജോസഫ് എന്നിവർ അറിയിച്ചു.

പിടിച്ചെടുത്ത ലഹരിവസ്തുക്കള്‍ നശിപ്പിച്ചു

ഇരിങ്ങാലക്കുട: ലഹരിക്കെതിരേ നടക്കുന്ന ഓപ്പറേഷന്‍ ഡി ഹണ്ടുമായി ബന്ധപ്പെട്ട് തൃശൂര്‍ റൂറല്‍ പോലീസ് ജില്ലാ പരിധിയിലുള്ള പോലീസ് സ്റ്റേഷനുകളില്‍ വിവിധ കേസുകളിലായി പിടിച്ചെടുത്ത 248.48 കിലോ കഞ്ചാവ്, 28.84 ഗ്രാം എംഡിഎംഎ, 13.02 ഗ്രാം മെത്താംഫെറ്റാമൈന്‍, 930 ഗ്രാം ഗഞ്ച അവശിഷ്ടങ്ങള്‍ എന്നിവ വല്ലച്ചിറയിലുള്ള ഓട്ടുകമ്പനിയിലെ ചൂളയില്‍ കത്തിച്ച് നശിപ്പിച്ചു. തൃശൂര്‍ റൂറല്‍ ജില്ലാ പോലീസ് മേധാവി ബി. കൃഷ്ണകുമാര്‍ ഐപിഎസ് ചെയര്‍മാനായ ഡിസ്ട്രിക്ട് ഡ്രഗ് ഡിസ്‌പോസല്‍ കമ്മിറ്റിയുടെ ഉത്തരവ് പ്രകാരമാണ് ലഹരിവസ്തുക്കള്‍ നശിപ്പിച്ചത്. ജില്ലാ ക്രൈംബ്രാഞ്ച് ഡിവൈഎസ്പി ഉല്ലാസ്, ജില്ലാ സ്‌പെഷല്‍ ബ്രാഞ്ച് ഡിവൈഎസ്പി ബിജോയ്, ചാലക്കുടി പോലീസ് സ്റ്റേഷന്‍ ഇന്‍സ്‌പെക്ടര്‍ എം.കെ. സജീവ്, ചേര്‍പ്പ് പോലീസ് സ്റ്റേഷന്‍ ഇന്‍സ്‌പെക്ടര്‍ രമേഷ് എന്നിവരുടെ നേതൃത്വത്തിലാണ് ലഹരി വസ്തുക്കള്‍ നശിപ്പിച്ചത്.

ദേവാലയങ്ങളില്‌ തിരുനാളാഘോഷം

മൂര്‍ക്കനാട് സെന്‍റ് ആന്‍റണീസ് ദേവാലയം തിരുനാളിന്‍റെ കൊടികയറ്റം വികാരി ഫാ. സിന്‍റോ മാടവന നിര്‍വഹിച്ചു. അമ്പു തിരുനാള്‍ദിനമായ നാളെ രാവിലെ 6.30ന് പ്രസുദേന്തിവാഴ്ച, ലദീഞ്ഞ്, പ്രദക്ഷിണം, നൊവേന, ദിവ്യബലി, കൂടുതുറക്കല്‍, പ്രതിഷ്ഠാരൂപം ഇറക്കല്‍ എന്നിവ ഉണ്ടാകും. ഫാ. പോളി കണ്ണൂക്കാടന്‍ മുഖ്യകാര്‍മികത്വംവഹിക്കും. രാത്രി 8.30ന് ഭവനങ്ങളിലേക്ക് അമ്പ് എഴുന്നള്ളിപ്പ്. 9.30ന് അമ്പുപ്രദക്ഷിണം പള്ളിയില്‍ സമാപിക്കും. തിരുനാള്‍ ദിനമായ 27ന് രാവിലെ 10.30ന് നടക്കുന്ന ആഘോഷമായ തിരുനാള്‍ ദിവ്യബലിക്ക് ഫാ. സിബു കള്ളാപറമ്പില്‍ മുഖ്യകാര്‍മികത്വംവഹിക്കും. കത്തീഡ്രല്‍ വികാരി റവ.ഡോ. ലാസര്‍ കുറ്റിക്കാടന്‍ സന്ദേശംനല്‍കും. വൈകീട്ട് 4.45ന് ആരംഭിക്കുന്ന തിരുനാള്‍ പ്രദക്ഷിണം രാത്രി ഏഴിന് പള്ളിയില്‍ സമാപിക്കും. തുടര്‍ന്ന് മികച്ച കലാകാരന്‍മാര്‍ അണിനിരക്കുന്ന ബാന്‍ഡ് വാദ്യം. പരേതരുടെ അനുസ്മരണദിനമായ 28ന് രാവിലെ 6.30ന് ദിവ്യബലി, സെമിത്തേരിയില്‍ ഒപ്പീസ്, രാത്രി ഏഴിന് നാടകം എന്നിവ ഉണ്ടായിരിക്കും. മെയ് നാലിന് എട്ടാമിടദിനത്തില്‍ രാവിലെ 6.30ന് പ്രസുദേന്തിവാഴ്ച, ലദീഞ്ഞ്, പ്രദക്ഷിണം, നൊവേന, ദിവ്യബലി എന്നിവയ്ക്ക് ഫാ. ലിജോ കോങ്കോത്ത് മുഖ്യകാര്‍മികത്വംവഹിക്കും. തിരുനാളിന്‍റെ വിജയത്തിനായി വികാരി ഫാ. സിന്‍റോ മാടവന, കൈക്കാരന്‍മാരായ ജോണ്‍ ജെറാള്‍ഡ് വി.പറമ്പി, പോള്‍ തേറുപറമ്പില്‍, ജനറല്‍ കണ്‍വീനര്‍ ജിജോയ് പി.ഫ്രാന്‍സിസ്, ജോയിന്‍റ് കണ്‍വീനര്‍ ആന്‍റോ കെ.ഡേവിസ്, സെക്രട്ടറി വില്‍സണ്‍ കൊറോത്തുപറമ്പില്‍, കണ്‍വീനര്‍മാരായ നെല്‍സണ്‍ പള്ളിപ്പുറം, ആന്‍റോ ചിറ്റിലപ്പിള്ളി, വിപിന്‍ വില്‍സണ്‍, പി.ഒ. റാഫി, എബിന്‍ ജോസഫ്, ആന്‍റണി പൂവത്തിങ്കല്‍, സിന്‍ജോ ജോര്‍ജ്, പവല്‍ ജോസ്, വിപിന്‍ ഡേവിസ്, ബെന്നി ചിറ്റിലപ്പിള്ളി, ജോര്‍ജ് കോലങ്കണ്ണി എന്നിവരുടെ നേതൃത്വത്തില്‍ വിപുലമായ കമ്മിറ്റിയാണ് പ്രവര്‍ത്തിക്കുന്നത്. വെള്ളാഞ്ചിറ ഫാത്തിമമാത ദേവാലയം പരിശുദ്ധ കന്യകാമറിയത്തിന്‍റെയും വിശുദ്ധ സെബാസ്ത്യാനോസിന്‍റെയും വിശുദ്ധ തോമാശ്ലീഹായുടെയും തിരുനാളിനു ഇന്ന് വൈകിട്ട് 5.30ന് റവ.ഡോ. ആന്‍റു ആലപ്പാടൻ കൊടി ഉയർത്തും. നാളെ രാവിലെ 6.30ന് ലദീഞ്ഞ്, നോവേന, അലങ്കരിച്ച പന്തലിലേക്ക് രൂപം എഴുന്നള്ളിച്ചുവയ്ക്കൽ, ആഘോഷമായ വിശുദ്ധ കുർബാന, യൂണിറ്റുകളിലേക്ക് അമ്പ് എഴുന്നെള്ളിപ്പ്. രാത്രി 10.30ന് യൂണിറ്റുകളിൽനിന്നു അമ്പുപ്രദക്ഷിണം പള്ളിയിൽ സമാപിക്കും. ഞായർ രാവിലെ 10.30ന് ആഘോഷമായ തിരുനാൾ കുർബാന. ഫാ. ജോസ് പുതിയപറമ്പിൽ കാർമികത്വംവഹിക്കും. ഫാ. നവീൻ ഊക്കൻ സന്ദേശം നല്കും. നാലിന് വിശുദ്ധ കുർബാന, പ്രദക്ഷിണം. ഏഴിന് പ്രദക്ഷിണം സമാപിക്കും. തുടര്‌ന്ന് വർണമഴ, ഗാനമേള. തിങ്കളാഴ്ച ഏഴിന് അങ്ങാടി അമ്പ് പ്രദക്ഷിണം കപ്പേള കളിൽനിന്നു ആരംഭിച്ച് രാത്രി 10നു പള്ളിയിൽ സമാപിക്കും. ട്രസ്റ്റി തോമസ് പുന്നേലിപ്പറമ്പിൽ, ജനറൽ കൺവീനർ സജീഷ് അരിക്കാടൻ, പബ്ലിസിറ്റി കൺവീനർ മാർട്ടിൻ തോമസ്, ജോ. കൺവീനർ എഡ്വിൻ പോൾ എന്നിവർ പത്രസമ്മേളനത്തിൽ പങ്കെടുത്തു. കുലയിടം സെന്‍റ് ജോസഫ്സ് കപ്പേള വിശുദ്ധ യൗസേപ്പിതാവിന്‍റെ തിരുനാൾ 28, 29, 30 തീയതികളിൽ ആഘോഷിക്കും. 28ന് വൈകീട്ട് 5.30ന് ഫൊറോന വികാരി ഫാ. ജോൺസൺ കക്കാട്ടിന്‍റെ കാർമികത്വത്തിൽ കൊന്ത, കൊടിയേറ്റ്. തുടർന്ന് ലദീഞ്ഞ്. 29ന് വൈകീട്ട് 5.30ന് കൊന്ത, നൊവേന. ഏഴിന് ഗാനമേള. 30ന് വൈകീട്ട് 5.30ന് ആഘോഷമായ തിരുനാൾ പാട്ടുകുർബാനയ്ക്ക് ഫാ. പ്രവീൺ വെള്ളാട്ടുപറമ്പിൽ കാർമികനാകും. ഫാ. ആന്‍റണി കോടങ്കണ്ടത്ത് വചനസന്ദേശം നൽകും. തുടർന്ന് വാദ്യമേളങ്ങളുടെ അകമ്പടിയോടെ നടക്കുന്ന തിരുനാൾ പ്രദക്ഷിണത്തിനുശേഷം 2026ലെ പ്രസുദേന്തിവാഴ്ചയും വർണമഴയും. തിരുനാൾ ക്രമീകരണങ്ങൾ പൂർത്തിയായതായി വികാരി ഫാ. ജോൺസൺ കക്കാട്ട്, തിരുനാൾ കൺവീനർ ടിന്‍റോ തോമസ്, ജോയിന്‍റ് കൺവീനർ ജേക്കബ് പള്ളിപ്പാട്ട് എന്നിവർ പറഞ്ഞു. ചളിങ്ങാട് പള്ളിനട സെന്‍റ് ജോസഫ്സ് ദേവാലയം വിശുദ്ധ യൗസേപ്പിതാവിന്‍റെ ഊട്ടുതിരുനാളിന് കൊടിയേറി. എടത്തിരുത്തി ഫൊറോന വികാരി ഫാ. ജോഷി പാലിയേക്കര കൊടിയേറ്റം നിർവഹിച്ചു. ഇടവക വികാരി ഫാ. ജസ്റ്റിൻ വാഴപ്പിള്ളി മുഖ്യകാർമികത്വംവഹിച്ചു. കൈകാരൻമാരായ ആന്‍റണി വിതയത്തിൽ, മണി കുരുതുകുളം എന്നിവർ നേതൃത്വംനൽകി. മേയ് അഞ്ചുവരെയുള്ള തിയതികളിലാണ് തിരുനാൾ. മേയ് മൂന്നിന് ഇടവകദിനത്തിൽ വൈകീട്ട് വിവിധ കലാപരിപാടികൾ നടക്കും. രാത്രി 8.30ന് വൺമാൻ ഷോ, നാലിന് രാവിലെ 10ന് തിരുനാൾ പാട്ടുകുർബാനയ്ക്ക് ഫാ. രാജു അക്കര കാർമികനാകും. തുടർന്ന് ഊട്ടുനേർച്ച. വൈകീട്ട് അഞ്ചിന് പ്രദക്ഷിണം, തുടർന്ന് ബാൻഡ്മേളം, വർണമഴ എന്നിവ ഉണ്ടാകും.

മാര്‍പാപ്പയുടെ സാന്നിധ്യത്തില്‍ കാഴ്ചസമര്‍പ്പണം നടത്തിയതിന്‍റെ ഓര്‍മയില്‍ മലയാളികുടുംബം

ഇരിങ്ങാലക്കുട: മാര്‍പാപ്പയുടെ കാര്‍മികത്വത്തില്‍നടക്കുന്ന ദിവ്യബലിയില്‍ സംബന്ധിക്കുക എന്നുള്ളതുതന്നെ വലിയഭാഗ്യമാണ്. ആ ദിവ്യബലിയില്‍ മാര്‍പാപ്പയുടെ കൈവശം കാഴ്ചസമര്‍പ്പണം നടത്താന്‍ ലഭിക്കുന്നത് എത്രയോ വലിയ ഭാഗ്യമാണ്. ഇത്തരത്തില്‍ മഹാഭാഗ്യം ലഭിച്ചതിന്‍റെ സന്തോഷത്തിലാണ് ഇരിങ്ങാലക്കുട ഊരകം സെന്‍റ് ജോസഫ്‌സ് ഇടവക പൊഴോലിപറമ്പില്‍ ജോര്‍ജ് റപ്പായിയും കുടുംബവും. കഴിഞ്ഞവര്‍ഷം ഓശാന ഞായറാഴ്ച വത്തിക്കാന്‍ സെന്‍റ് പീറ്റേഴ്‌സ് ചത്വരത്തില്‍ ഫ്രാന്‍സിസ് മാര്‍പാപ്പയുടെ മുഖ്യ കാര്‍മികത്വത്തില്‍നടന്ന ദിവ്യബലിയില്‍ വിവിധരാജ്യങ്ങളില്‍നിന്നുള്ള പ്രതിനിധികളോടൊപ്പം ഇന്ത്യന്‍ സമൂഹത്തെ പ്രതിനിധീകരിച്ച് കാഴ്ചസമര്‍പ്പണം നടത്തിയത് ജോര്‍ജ്, ഭാര്യ മിനി, മക്കളായ ബ്ലെസി, ബെറ്റ്‌സി എന്നിവരാണ്. ഭക്തിസാന്ദ്രമായ ആ ദിവസത്തിന്‍റെ ഓര്‍മയിലാണ് ജോര്‍ജും കുടുംബവും. കഴിഞ്ഞദിവസം ഫ്രാന്‍സിസ് മാര്‍പാപ്പയുടെ മൃതദേഹം പൊതുദര്‍ശനത്തിനുവച്ചപ്പോള്‍ നാലുമണിക്കൂറോളം ക്യുവില്‍ നിന്നാണ് ജോര്‍ജും കുടുംബവും ആദരാഞ്ജലികള്‍ അര്‍പ്പിച്ചത്. ശനിയാഴ്ച നടക്കുന്ന സംസ്‌കാരശുശ്രുഷകളിലും കുടുംബത്തോടൊപ്പംപോകാന്‍ തയാറെടുക്കുകയാണ് വേള്‍ഡ് മലയാളി കൗണ്‍സിലിന്‍റെ ഇറ്റലിയിലെ ചെയര്‍മാനും കാപോ റോമയുടെ പ്രസിഡന്‍റുമായ ജോര്‍ജ്.

ഒട്ടേറെ ക്രിമിനൽകേസിൽ പ്രതിയായ യുവാവ് വധശ്രമക്കേസിൽ റിമാൻഡില്‌

കൊരട്ടി: ഒട്ടേറെ ക്രിമിനൽകേസിൽ പ്രതിയായ യുവാവ് വധശ്രമക്കേസിൽ റിമാൻഡിലായി. കൊരട്ടി ചെറുവാളൂർ കള്ള് ഷാപ്പിലെ മാനേജരെ ചില്ലിന്‍റെ കുപ്പികൊണ്ടും ചില്ല് ഗ്ലാസ് കൊണ്ടും തലയ്ക്കടിച്ചു കൊലപ്പെടുത്താൻ ശ്രമിച്ച കേസിലാണ് കാടുകുറ്റി പാറയം കോളനിയിൽ കക്കാട്ടിവീട്ടിൽ വിജിത്ത്(36) എന്നയാളെയാണ് കൊരട്ടി പോലീസ് അറസ്റ്റ് ചെയ്തത്. ഇക്കഴിഞ്ഞ ബുധനാഴ്ച വൈകീട്ട് 6.30 മണിയോടെ ചെറുവാളൂരിലുള്ള കള്ള് ഷാപ്പിൽ വച്ചാണ് സംഭവം. വിജിത്ത് ഷാപ്പിലെത്തി കള്ളുകുടിക്കുന്ന സമയം ഷാപ്പിൽ ഉണ്ടായിരുന്നവരേയും മാനേജരെയും അസഭ്യംപറഞ്ഞപ്പോൾ മാനേജർ ഷാപ്പിൽനിന്നു ഇറങ്ങിപ്പോകാൻ പറഞ്ഞതിലുള്ള വിരോധംവച്ച് ഭീഷണിപ്പെടുത്തി, ഷാപ്പിലെ കുപ്പിയും ഗ്ലാസും എടുത്ത് മാനേജരുടെ തലയിൽ അടിക്കുകയായിരുന്നു. സാരമായി മുറിവേറ്റ മാനേജർ പതിനാറോളം തുന്നലുകളുമായി അങ്കമാലി ലിറ്റിൽഫ്ലവർ ആശുപത്രിയിൽ ചികിത്സയിലാണ്. സംഭവത്തിനുശേഷം മുങ്ങിയ വിജിത്തിനെ രാത്രിതന്നെ പോലീസ് പിടികൂടി. 2020ൽ എബിൻ എന്നയാളെ കൊരട്ടി കട്ടപ്പുറത്തുവച്ച് കൊലപ്പെടുത്തിയ കേസിൽ ജാമ്യത്തിലിറങ്ങിയപ്പോളാണ് ഈ കേസിൽ ഉൾപ്പെട്ടത്. പത്തിലേറെ കഞ്ചാവ് കേസുകളിൽ പ്രതിയാണ്. സംഭവത്തിനുശേഷം ഒളിവിൽപോകാൻ ശ്രമിക്കവേ പഴുതടച്ച നീക്കത്തിലൂടെയാണ് മണിക്കൂറുകൾക്കകം പിടികൂടിയത്. അന്വേഷണസംഘത്തിൽ എസ്ഐമാരായ ഒ.ജി. ഷാജു, എൻ.എസ്. റെജിമോൻ, സി.പി. ഷിബു, എഎസ്ഐ മാരായ കെ.സി. നാഗേഷ്, സീനിയർ സിവിൽ പോലീസ് ഓഫീസർ ടോമി വർഗീസ്, സിവിൽ പോലീസ് ഓഫീസർമാരായ ശ്യാം പി.ആന്‍റണി, ജിതിൻ ജെൻസൺ എന്നിവരും ഉണ്ടായിരുന്നു.

വിദ്യാർഥികൾക്കായി അറിവുത്സവം

എടത്തിരുത്തി: ഗ്രാമപഞ്ചായത്ത് പബ്ലിക് ലൈബ്രറിയുടെ നേതൃത്വത്തിൽ വിദ്യാർഥികൾക്കായി അറിവുത്സവം സംഘടിപ്പിച്ചു. ഗ്രാമപഞ്ചായത്ത് പ്രസിഡന്‍റ് ടി.കെ. ചന്ദ്രബാബു ഉദ്ഘാടനംചെയ്തു. വൈസ് പ്രസിഡന്‍റ് ഷൈലജ രവീന്ദ്രൻ അധ്യക്ഷയായി. പഞ്ചായത്തംഗങ്ങളായ പി.എ. ഷെമീർ, സാജിത പുതിയവീട്ടിൽ, ഷിനി സതീഷ്, സിനിത വത്സൻ, ലൈബ്രറി കമ്മിറ്റി അംഗങ്ങളായ ജാൻസി ജേക്കബ്, കെ.എ.കൊച്ചുമോൻ, സുബിൻ തുടങ്ങിയവർ പ്രസംഗിച്ചു. റഹ്മാൻ മതിലകം ക്വിസ് പ്രോഗ്രാം നയിച്ചു. എൽപി വിഭാഗത്തിൽ സെന്‍റ് ആൻസ് എൽപി സ്കൂൾ, യുപി വിഭാഗത്തിൽ ഗവ. മാപ്പിള സ്കൂൾ, ഹൈസ്കൂൾ വിഭാഗത്തിൽ എസ്എൻ വിദ്യാഭവൻ ചെന്ത്രാപ്പിന്നി എന്നിവർ ഒന്നാംസ്ഥാനംനേടി.

പാപ്പായുടെ കബറടക്കശുശ്രൂഷയില്‍ വിശ്വാസികൾ ആത്മനാ പങ്കെടുക്കണം: മാർ കണ്ണൂക്കാടൻ

ഇരിങ്ങാലക്കുട: ഫ്രാൻസിസ് മാർപാപ്പയുടെ മൃതസംസ്‌കാരശുശ്രൂഷയുടെ സമയത്തു രൂപതയിലെ എല്ലാ വിശ്വാസികളും എവിടെയായിരുന്നാലും പ്രാര്‍ഥനാപൂര്‍വം ആത്മനാ കബറടക്കശുശ്രൂഷയില്‍ പങ്കെടുക്കണമെന്ന് ഇരിങ്ങാലക്കുട രൂപത ബിഷപ് മാർ പോളി കണ്ണൂക്കാടൻ ആഹ്വാനം ചെയ്തു. സാധ്യമാകുന്ന ഇടവകകളില്‍ പരിശുദ്ധപിതാവിന്‍റെ മൃതസംസ്‌കാരശുശ്രൂഷ മാധ്യമങ്ങളിലൂടെ തത്സമയം കാണുവാന്‍ അവസരം ഒരുക്കേണ്ടതാണ്. പരിശുദ്ധപിതാവിനായി ദിവ്യബലിയും ഒപ്പീസും പരികര്‍മം ചെയ്യണം. അന്നത്തെ തിരുക്കര്‍മങ്ങള്‍ക്കുമുമ്പോ ശേഷമോ പരിശുദ്ധപിതാവിന്‍റെ ഫോട്ടോയ്ക്കുമുമ്പില്‍ പുഷ്പാര്‍ച്ചന നടത്തി പരിശുദ്ധപിതാവിനോടുള്ള ആദരവ് പ്രകടമാക്കാന്‍ അവസരം ഒരുക്കണം. ഇന്നോ നാളെയോ ഇടവക, ഫൊറോന, മേഖലാ അടിസ്ഥാനത്തിൽ ഫ്രാന്‍സിസ് പാപ്പായോടുള്ള ആദരസൂചകമായി ജാതിമതഭേദമന്യേ ആളുകളെ സംഘടിപ്പിച്ചുകൊണ്ട് അനുസ്മരണറാലിയോ സമ്മേളനങ്ങളോ സംഘടിപ്പിക്കണമെന്നും ബിഷപ് നിർദേശിച്ചു. വികാരി ജനറാള്‍മാരായ മോണ്‍. ജോസ് മാളിയേക്കല്‍, മോണ്‍. വില്‍സണ്‍ ഈരത്തറ, മോണ്‍. ജോളി വടക്കന്‍, രൂപത ചാന്‍സലര്‍ ഫാ. കിരണ്‍ തട്ട്ള, വൈസ് ചാന്‍സലര്‍മാരായ ഫാ. അനീഷ് പല്ലിശേരി, ഫാ. ആന്‍റോ വട്ടോലി, ദര്‍ശന്‍ കമ്യൂണിക്കേഷന്‍ ഡയറക്ടര്‍ ഫാ. സിന്‍റോ മാടവന, കത്തീഡ്രല്‍ അസിസ്റ്റന്‍റ് വികാരി ഫാ. ഓസ്റ്റിന്‍ പാറക്കല്‍ എന്നിവര്‍ സംബന്ധിച്ചു.

കുടിവെള്ളപ്രശ്നത്തിന് ശാശ്വതപരിഹാരമാകുന്നു

കയ്പമംഗലം: മണ്ഡലത്തിലെ കുടിവെള്ള പ്രശ്നത്തിന് ശാശ്വത പരിഹാരമാകുന്നു. നാട്ടിക ഫർക്ക കുടിവെള്ളപദ്ധതിയിൽ പുതിയ പൈപ്പ് സ്ഥാപിക്കാൻ 11.90 കോടിയുടെ ടെൻഡർ അംഗീകരിച്ച് സർക്കാർ ഉത്തരവായി. അഗസ്തേശ്വരം മുതൽ മതിലകംവരെയുള്ള പഴയ പൈപ്പുകൾക്ക് പകരമായി പുതിയ പൈപ്പുകൾ വരുന്നതോടെ നിരന്തമായ പൈപ്പ് പൊട്ടുന്നതിന്‍റെ ഭാഗമായി റോഡ് തകരുന്നതും കുടിവെള്ളംപാഴാകുന്നതും അവസാനിക്കും. കേരള സർക്കാർ കിഫ്ബി പദ്ധതിയിൽ ഉൽപ്പെടുത്തി പദ്ധതി 18 മാസംകൊണ്ട് പൂർത്തിയാക്കാൻ കഴിയും. ഇതോടെ കയ്പമംഗലം മണ്ഡലത്തിലെ കുടിവെള്ളപ്രശ്നത്തിന് ശാശ്വതപരിഹാരമാകുമെന്നാണ് പ്രതീക്ഷിക്കുന്നതെന്ന് ഇ.ടി. ടൈസൺ എംഎൽഎ പറഞ്ഞു.

സ്കൂൾ ഓഫ് ഡ്രാമയിൽ ബാലനാടകകളരിക്കു തുടക്കം

തൃശൂർ: അരണാട്ടുകരയിലെ സ്കൂൾ ഓഫ് ഡ്രാമയിൽ അഞ്ചുദിവസം നീളുന്ന കുട്ടികളുടെ വേനൽക്കാല ബാലനാടക കളരി "കാർട്ട് 19'നു തുടക്കമായി. മുൻമന്ത്രി വി.എസ്. സുനിൽകുമാർ ഉദ്ഘാടനം ചെയ്തു. ക്യാമ്പ് ഡയറക്ടറും വകുപ്പുമേധാവിയുമായ നജ്മുൽ ഷാഹി അധ്യക്ഷയായി. അമാസ് എസ്. ശേഖർ സ്വാഗതവും വി. വികാസ് നന്ദിയും പറഞ്ഞു. വിവിധ ജില്ലകളിൽനിന്നുള്ള 90ൽപ്പരം കുട്ടികളാണ് അഞ്ചുദിവസത്തെ സഹവാസ ക്യാന്പിൽ പങ്കെടുക്കുന്നത്. രാവിലെ 7.30 മുതൽ തുടങ്ങുന്ന ക്ലാസുകൾ വിവിധ മേഖലകളിലെ പ്രഗത്ഭരായ അധ്യാപകരും സ്കൂൾ ഓഫ് ഡ്രാമയിലെ വിദ്യാർഥികളും കൈകാര്യം ചെയ്യുന്നു. തുടർച്ചയായ 19-ാമത്തെ വർഷമാണ് ക്യാന്പ് സംഘടിപ്പിക്കുന്നത്.

ഗുരുവായൂർ നടപ്പന്തലിലെ ഫോട്ടോഗ്രാഫി; പോലീസ് കർശനനടപടിയിലേക്ക്

ഗുരുവായൂർ: ഹൈക്കോടതി ഉത്തരവുപ്രകാരം ഗുരുവായൂർ ക്ഷേത്രത്തിന്‍റെ നടപ്പന്തലുകളിൽ വിവാഹച്ചടങ്ങുകളല്ലാത്ത ഫോട്ടോഗ്രാഫിയും വീഡിയോഗ്രാഫിയും ഫോട്ടോ ഷൂട്ടിംഗും മറ്റും നിരോധിച്ചിട്ടുള്ളതാണെന്നും ഹൈക്കോടതി ഉത്തരവ് എല്ലാവരും പാലിക്കണമെന്നും ഗുരുവായൂർ പോലീസ് നിർദേശിച്ചു. ലംഘിക്കുന്നവരുടെ പേരിൽ ക്രിമിനൽ നടപടികൾ സ്വീകരിക്കുന്നതാണെന്നു ടെന്പിൾ പോലീസ് സ്റ്റേഷൻ എസ്എച്ച്ഒ ജി. അജയകുമാർ അറിയിച്ചു. കഴിഞ്ഞദിവസങ്ങളിൽ ബിജെപി സംസ്ഥാന അധ്യക്ഷൻ ദർശനത്തിനെത്തിയ വീഡിയോ സമൂഹമാധ്യമങ്ങളിൽ പങ്കുവച്ചിരുന്നു. യൂട്യൂബർ ജസ്ന ക്ഷേത്രനടയിൽ വീഡിയോ എടുത്തതും വിവാദമായിരുന്നു. കഴിഞ്ഞദിവസം സെക്യൂരിറ്റി ജീവനക്കാർ ദർശനത്തിനെത്തിയവരെ മർദിക്കുന്നതും പ്രചരിച്ചിരുന്നു.

പഹൽഗാം: മൗനജാഥയും ഭീകരവിരുദ്ധപ്രതിജ്ഞയും

വടക്കാഞ്ചേരി: പഹൽഗാമിൽ ഭീകരാക്രണത്തിൽ മരണമടഞ്ഞവർക്ക് ആദരാഞ്ജലി അർപ്പിച്ച് ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തിൽ മൗനജാഥയും ഭീകരവിരുദ്ധപ്രതിജ്ഞയും നടത്തി. അത്താണിയിൽ നടന്ന ചടങ്ങ് മെഴുകുതിരി തെളിച്ച് ഭീകരവിരുദ്ധപ്രതിജ്ഞ ചൊല്ലിക്കൊടുത്ത് കെപിസിസി സെക്രട്ടറി രാജേന്ദ്രൻ അരങ്ങത്ത് ഉദ്ഘാടനം ചെയ്തു. ബ്ലോക്ക് കോണ്‍ഗ്രസ് പ്രസിഡന്‍റ് പി.ജി. ജയദീപ് അധ്യക്ഷത വഹിച്ചു. ഡിസിസി ജനറൽ സെക്രട്ടറി എൻ.ആർ. സതീശൻ അനുസ്മരണപ്രസംഗം നടത്തി. നേതാക്കളായ എസ്.എ.എ. ആസാദ്, വി.എം. കുര്യാക്കോസ്, കെ.ടി. ജോയ്, സിന്ധു സുബ്രഹ്മണ്യൻ, ബുഷ്റ റഷീദ്, അഡ്വ . ടി.എസ്. മായാദാസ്, സിബി പൂമല, ജയ്സണ്‍ മാത്യു, സി.എച്ച്. ഹരീഷ്, ജോസഫ് ചുങ്കത്ത്, പി. ഗിരീഷ് ജയൻ മംഗലം എന്നിവർ പ്രസംഗിച്ചു.

ചെറുതുരുത്തി തോമസ് വധത്തിന് 25 വയസ്; പുനരന്വേഷണം വേണമെന്നു കുടുംബം

വടക്കാഞ്ചേരി: ചെറുതുരുത്തി തോമസ് വധക്കേസിന് ഇന്ന് 25 വർഷം തികയുന്നു. കാൽനൂറ്റാണ്ടു പിന്നിട്ടിട്ടും കുറ്റവാളികൾ ഇപ്പോഴും കാണാമറയത്തുതന്നെ. ആദ്യം പോലീസും തുടർന്ന് സിബിഐയും കേസ് അന്വേഷിച്ചിട്ടും യാഥാർഥ്യം കണ്ടെത്താനായില്ല. സിബിഐയിലും വിശ്വാസം നഷ്ടപ്പെട്ട സാഹചര്യത്തിൽ കോടതിയുടെ മേൽനോട്ടത്തിൽ സ്പെഷൽ ഇൻവെസ്റ്റിഗേഷൻ ടീം കേസ് പുനരന്വേഷിക്കണമെന്ന് വടക്കാഞ്ചേരി പ്രസ് ക്ലബിൽ നടത്തിയ വാർത്താസമ്മേളനത്തിൽ തോമസിന്‍റെ സഹോദരനും പൗരസമിതി പ്രസിഡന്‍റും ആവശ്യപ്പെട്ടു. 2000 ഏപ്രിൽ 25 രാത്രി എട്ടോടെയാണ് ചെറുതുരുത്തി ചുങ്കത്തുള്ള നാദം കാസറ്റ് കടയിൽ വച്ച് ഉടമയായ തോമസിനു വെടിയേൽക്കുന്നത്. ചെറുതുരുത്തി സ്വദേശിയും പാണ്ടിക്കാട്ട് സ്പെഷൽ റാപ്പിഡ് ആക്്ഷൻ ഫോഴ്സ് കമാൻഡന്‍റുമായിരുന്ന പോലീസ് സൂപ്രണ്ട് രാധാകൃഷ്ണന്‍റെ സെക്യൂരിറ്റി ഗാർഡ് റൈനോൾഡ് ബി. ഫെർണാണ്ടസിന്‍റെ കൈവശമിരുന്ന സർവീസ് തോക്കിൽ നിന്നുള്ള വെടിയുണ്ടയാണു തോമസിന്‍റെ ജീവനെടുത്തത്. തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ച് നിമിഷങ്ങൾക്കകമായിരുന്നു മരണം. വെടിയുണ്ട വായിലൂടെ തുളഞ്ഞുകയറിയതിനാൽ മരണമൊഴിയും ലഭിച്ചില്ല. തോമസിനു വെടിയേറ്റ ഉടനെ റൈനോൾഡ് കടയിൽനിന്നു പുറത്തേക്കോടിയിറങ്ങി ഉടൻ വെടിയേറ്റു വീണു. ആരെയും താൻ വെടിവച്ചിട്ടില്ലെന്നും ആരാണു തന്നെ വെടിവച്ചതെന്ന് അറിയില്ലെന്നുമായിരുന്നു റൈനോൾഡിന്‍റെ മൊഴി. സംശയങ്ങൾക്ക് കടുപ്പിച്ചത് സംഭവം നടന്നയുടനെ പോലീസ് സൂപ്രണ്ട് രാധാകൃഷ്ണൻ കടയിലെത്തി വെടിയേറ്റ സെക്യൂരിറ്റി ഗാർഡിനെ എടുത്ത് ആശുപത്രിയിലേക്കു കൊണ്ടുപോയതാണ്. കൊലപാതകകാരണമായ തോക്കും എസ്പി കൊണ്ടുപോയി. ആത്മഹത്യയെന്നാണു പോലീസ് ഒടുവിൽ എത്തിചേർന്ന നിഗമനം. എന്നാൽ വടക്കാഞ്ചേരി കോടതി കുറ്റപത്രം സ്വീകരിക്കാതെ മടക്കി. സംശയസ്ഥാനത്ത് പോലീസ് സൂപ്രണ്ട് കൂടി ഉൾപ്പെട്ടതിനാൽ കുടുംബം സിബിഐ അന്വേഷണം ആവശ്യപ്പെട്ട് ഹൈക്കോടതിയെ സമീപ്പിച്ചു. സിബിഐ അന്വേഷണത്തിന് ഉത്തരവായതിനെത്തുടർന്ന് ചെന്നൈ യൂണിറ്റ് അന്വേഷണം ഏറ്റെടുത്തു. എന്നാൽ സിബിഐ വാദങ്ങൾ വിചാരണകോടതിയിൽ പരാജയപ്പെടുകയും ഏക പ്രതിയായ റൈനോൾഡ് മോചിതനാവുകയും ചെയ്തു. ഹൈക്കോടതി സിംഗിൾ ബഞ്ചിലും ഡിവിഷൻ ബഞ്ചിലും സുപ്രീംകോടതിയിലും പരാജയമായിരുന്നു ഫലം. തോമസ് വധക്കേസിൽ സിബിഐ അന്വേഷണം ഫലപ്രദമല്ലെന്നും കോടതിയുടെ മേൽനോട്ടത്തിൽ സ്പെഷ്യൽ ഇൻവെസ്റ്റിഗേഷൻ ടീം അന്വേഷിക്കണമെന്നും വാർത്താസമ്മേളനത്തിൽ പൗരസമിതി പ്രസിഡന്‍റ് ശ്രീധരൻ തേറന്പിൽ ആവശ്യപ്പെട്ടു. വാർത്താസമ്മളനത്തിൽ തോമസിന്‍റെ സഹോദരൻ ആന്‍റോയും പങ്കെടുത്തു.

കണ്ണന് വഴിപാടായി അഞ്ച് ഇലക്ട്രിക് സ്കൂട്ടർ

ഗുരുവായൂർ: ഗുരുവായൂരപ്പനു വഴിപാടായി ടിവിഎസ് മോട്ടോർ കന്പനി അഞ്ച് ഇലക്ട്രിക് സ്കൂട്ടറുകൾ സമർപ്പിച്ചു. ഇന്നലെ രാവിലെ ദേവസ്വം അഡ്മിനിസ്ട്രേറ്റർ കെ.പി. വിനയൻ സ്കൂട്ടറുകളും രേഖകളും ഏറ്റുവാങ്ങി. ടിവിഎസിനുവേണ്ടി തൃശൂരിലെ എഎജെ സെഞ്ച്വറി ടിവിഎസ് ആണ് പുതിയ ഇലക്ട്രിക്ക് സ്കൂട്ടർ ആയ ഐക്യൂബ് വഴിപാടായി സമർപ്പിച്ചത്. ഒരു സ്കൂട്ടറിന് 120659 രൂപ വരും. ചടങ്ങിൽ പർച്ചേസ് ഡിഎ കെ.എസ്. മായാദേവി, മാനേജർ വി.സി. സുനിൽകുമാർ എന്നിവർ പങ്കെടുത്തു.

വീട്ടുപറന്പിൽ 11 കഞ്ചാവുചെടി; യുവാവിനായി അന്വേഷണം

തൃപ്രയാർ: നാട്ടികയിലെ വീട്ടുപറന്പിൽ കഞ്ചാവുചെടികൾ നട്ടുവളർത്തിയ യുവാവിനായി എക്സൈസ് അന്വേഷണം തുടങ്ങി. നാട്ടിക എകെജി കോളനിയിലെ ചെരുവിള സൂരജിന്‍റെ വീടിന്‍റെ പുറകിലുള്ള പറന്പിലാണ് 11 കഞ്ചാവുചെടികൾ കണ്ടെത്തിയത്. ലഹരിവ്യാപനം തടയുന്നതിന്‍റെ ഭാഗമായി എക്സൈസ് നടത്തിയ പരിശോധനയിലാണു കഞ്ചാവ് ചെടികൾ കണ്ടെത്തിയത്. ഒളിവിൽപോയ പ്രതി സൂരജിനായി അന്വേഷണം ഉൗർജിതമാക്കിയതായി വാടാനപ്പള്ളി എക്സൈസ് ഇൻസ്പെക്ടർ പറഞ്ഞു.

ഗുരുവായൂർ ക്ഷേത്രം കീഴ്ശാന്തിയുടെ മട്ടുപ്പാവിൽ പഴവർഗങ്ങളുടെ നൂറുമേനി

ഗുരുവായൂർ: വീടിന്‍റെ മട്ടുപ്പാവിൽ പഴവർഗങ്ങളിൽ നൂറുമേനി വിളയിച്ച് ഗുരുവായൂർ ക്ഷേത്രം കീഴ്ശാന്തി. അപൂർവ ഇനം ഉൾപ്പെടെ പഴവർഗങ്ങൾ വിളയിക്കുകയാണ് കീഴ്ശാന്തി കൊടയ്ക്കാട് വാസുദേവൻ നന്പൂതിരി. ചാമുണ്ഡേശ്വരി ക്ഷേത്രത്തിനടുത്ത് എട്ടുസെന്‍റ് സ്ഥലത്തും 1500 ചതുരശ്ര അടി വീടിന്‍റെ മട്ടുപ്പാവിലുമായി 25 ഇനം പഴവർഗങ്ങളാണു കൃഷി ചെയ്യുന്നത്. ഗുരുവായൂർ ക്ഷേത്രത്തിലെ പൂജയും മറ്റു ജോലിയും കഴിഞ്ഞാൽ മണിക്കൂറുകളോളം അദ്ദേഹം ചെലവഴിക്കുന്നതു മട്ടുപ്പാവ് കൃഷിക്കുവേണ്ടിയാണ്. ആപ്പിൾ, റംബൂട്ടാൻ, ഡ്രാഗണ്‍ ഫ്രൂട്ട്, എലന്തപ്പഴം, അന്പഴങ്ങ, വിവിധതരം പേരയ്ക്കകൾ, കുരുവില്ലാത്ത ചക്ക, വെള്ള ഞാവൽ, ബുഷ് ഓറഞ്ച്, മൾബറി, സപ്പോട്ട, വിവിധതരം ചാന്പക്ക, വിവിധതരം മാങ്ങകൾ തുടങ്ങിയവയാണ് ഇവിടെ വിളഞ്ഞുനിൽക്കുന്നത്. അപൂർവ ഇനങ്ങളായ വിയറ്റ്നാം മാൾട്ട, നാഗ്പൂർ ഓറഞ്ച്, നാംഡോക് മൈ മാന്പഴം, അർക്ക കിരണ്‍ പേരക്ക, മധുരമുള്ള ലൂബി തുടങ്ങിയവയും കൃഷിചെയ്യുന്നുണ്ട്. ഡ്രമ്മിൽ മണ്ണു നിറച്ചാണു കൃഷി. സ്വന്തമായി ജൈവവളവും ജൈവ കീടനാശിനിയും തയാറാക്കിയാണു പരിപാലനം. നാലു വർഷത്തിലേറെയായി അദ്ദേഹം കൃഷി ചെയ്യുന്നുണ്ട്. പഴങ്ങൾക്കുപുറമെ ചെറിയ രീതിയിൽ പച്ചക്കറികൃഷിയും ഉണ്ട്. പഴങ്ങൾ സുഹൃത്തുക്കൾക്കും അയൽവാസികൾക്കും നൽകും. വിദ്യാർഥിയും കീഴ്ശാന്തിയുമായ മകൻ ശ്രീരാഗ് എല്ലാ പിന്തുണയുമായി കൂടെയുണ്ട്. മികച്ച കർഷകനുള്ള നഗരസഭയുടെ പുരസ്കാരം വാസുദേവൻ നന്പൂതിരിക്കു ലഭിച്ചിട്ടുണ്ട്. കർഷകസംഘം ഭാരവാഹിയുമാണ് അദ്ദേഹം.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]