ശൗ​ചാ​ല​യം ഫു​ട്പാ​ത്തി​ൽ; മാ​റ്റ​ണ​മെ​ന്നു നാ​ട്ടു​കാ​ർ
Tuesday, October 8, 2024 8:09 AM IST
അ​ത്താ​ണി: സ്വ​ച്ഛ് ഭാ​ര​തി​ന്‍റെ പൊ​തു​ശൗ​ചാ​ല​യം വ്യ​ക്തി​യു​ടെ ഭൂ​മി​യി​ലും ഫു​ട്പാ​ത്തി​ലു​മാ​യി നി​ർ​മി​ച്ച് വ​ട​ക്കാ​ഞ്ചേ​രി ന​ഗ​ര​സ​ഭ. കേ​ന്ദ്ര​സ​ർ​ക്കാ​രി​ന്‍റെ സ്വ​ച്ഛ് ഭാ​ര​ത് മി​ഷ​ന്‍റെ പ​ണ​മു​പ​യോ​ഗി​ച്ചാ​ണ് കാ​ൽ​ന​ട​ക്കാ​ർ​ക്കു ത​ട​സം​സൃ​ഷ്ടി​ച്ചു ശൗ​ചാ​ല​യം ഗാ​ന്ധി​ജ​യ​ന്തി​ദി​ന​ത്തി​ൽ തു​റ​ന്ന​ത്.

വ​ട​ക്കാ​ഞ്ചേ​രി ഭാ​ഗ​ത്തു​നി​ന്ന് അ​ത്താ​ണി​യി​ൽ​കൂ​ടി ഗ​വ. മെ​ഡി​ക്ക​ൽ കോ​ള​ജി​ലേ​ക്കു പോ​കു​ന്ന റെ​യി​ൽ​വേ മേ​ൽ​പ്പാ​ല​ത്തോ​ടു​ചേ​ർ​ന്നു സ്വ​കാ​ര്യ​വ്യ​ക്തി​യു​ടെ സ്ഥ​ല​ത്താ​ണ് ശൗ​ചാ​ല​യം. മേ​ൽ​പ്പാ​ല​ത്തി​നാ​യി ഏ​റ്റെ​ടു​ത്ത​ശേ​ഷം ബാ​ക്കി​വ​ന്ന ഭൂ​മി പാ​ല​ത്തി​ന്‍റെ ഇ​രു​വ​ശ​ത്തു​മാ​യി ഉ​ണ്ടാ​യി​രു​ന്നെ​ന്നാ​ണു ഭൂ​ഉ​ട​മ​യു​ടെ ബ​ന്ധു​ക്ക​ൾ പ​റ​യു​ന്ന​ത്. ഇ​വി​ടെ​യാ​ണ് ഉ​ട​മ​യു​ടെ അ​നു​മ​തി​യി​ല്ലാ​തെ ന​ഗ​ര​സ​ഭ പൊ​തു​ശൗ​ചാ​ല​യം നി​ർ​മി​ച്ച​ത്.


250 മീ​റ്റ​ർ മാ​റി അ​ത്താ​ണി സെ​ന്‍റ​റി​ൽ ന​ഗ​ര​സ​ഭ​യു​ടെ ഷോ​പ്പിം​ഗ് കോം​പ്ല​ക്സി​ൽ മൂ​ത്ര​പ്പു​ര​ക​ളും പൊ​തു​ശൗ​ചാ​ല​യ​ങ്ങ​ളും ഉ​ള​ള​പ്പോ​ഴാ​ണ് ഫു​ട്പാ​ത്തി​നോ​ടു​ചേ​ർ​ന്ന് ശൗ​ചാ​ല​യം. നി​ര​വ​ധി​യാ​ളു​ക​ൾ കാ​ൽ​ന​ട​യാ​യി ഈ​വ​ഴി പോ​കാ​റു​ണ്ട്. വെ​റു​തേ ഒ​ന്നു ത​ള്ളി​യാ​ൽ തു​റ​ക്കു​ന്ന വാ​തി​ലാ​ണ് ശൗ​ചാ​ല​യ​ത്തി​ൽ ഘ​ടി​പ്പി​ച്ച​ത്. ഇ​തു ജ​ന​ത്തി​ര​ക്കി​ല്ലാ​ത്ത ഏ​തെ​ങ്കി​ലും സ്ഥ​ല​ത്തേ​ക്കു മാ​റ്റി​സ്ഥാ​പി​ക്ക​ണ​മെ​ന്നു നാ​ട്ടു​കാ​ർ ആ​വ​ശ്യ​പ്പെ​ട്ടു. ര​ണ്ടി​ന് ഉ​ദ്ഘാ​ട​നം ക​ഴി​ഞ്ഞെ​ങ്കി​ലും ഇ​തു​വ​രെ ബ​ക്ക​റ്റും ക​പ്പും പോ​ലും വ​ച്ചി​ട്ടി​ല്ല.