സ്വ​ന്തം ലേ​ഖ​ക​ൻ

തൃ​ശൂ​ർ: ഇ​ന്ന് ക​ർ​ക്കട​കം ഒ​ന്ന്. ഇ​രു​ട്ടി​ൽ​നി​ന്നു വെ​ളി​ച്ച​ത്തി​ലേ​ക്കു ന​യി​ക്കേ​ണ​മേ എ​ന്ന പ്രാ​ർ​ഥ​ന​യോ​ടെ നാ​ടാ​യ നാ​ടെ​ങ്ങും ഇ​നി രാ​മാ​യ​ണ​പാ​രാ​യ​ണം കേ​ൾ​ക്കാം. രാ​മ​ല​ക്ഷ്മ​ണ​ൻ​മാ​രു​ടെ​യും ഭ​ര​ത​ശ​ത്രു​ഘ്ന​ൻ​മാ​രു​ടെ​യും സീ​താ​ദേ​വി​യു​ടെ​യും ഒ​പ്പം ആ​ഞ്ജ​നേ​യ​ന്‍റെ​യും നാ​മ​ങ്ങ​ൾ ഉ​രു​വി​ട്ട് ക​ർ​ക്ക​ട​ക​പ്പു​ല​രി​ക​ളെ​യും സാ​യ​ന്ത​ന​ങ്ങ​ളെ​യും ഭ​ക്തി​സാ​ന്ദ്ര​മാ​ക്കു​ന്ന കേ​ര​ള​ക്ക​ര.

രാ​മ​നാ​മ​ജ​പ​ങ്ങ​ൾ പെ​യ്തി​റ​ങ്ങു​ന്ന ക​ർ​ക്ക​ട​ക​ത്തി​ൽ ശ്രീ​രാ​മ​ച​ന്ദ്ര​നും ല​ക്ഷ്മ​ണ​നും ഭ​ര​ത​നും ശ​ത്രു​ഘ്ന​നും വാ​ഴു​ന്ന ക്ഷേ​ത്ര​ങ്ങ​ളി​ൽ ഒ​രൊ​റ്റ​ദി​വ​സം ദ​ർ​ശ​നം ന​ട​ത്തു​ന്ന​തു മ​ഹാ​പു​ണ്യ​മാ​യി ക​രു​തു​ന്നു. തൃ​പ്ര​യാ​റി​ൽ ശ്രീ​രാ​മ​ച​ന്ദ്ര​നെ​യും മൂ​ഴി​ക്കു​ള​ത്ത് ല​ക്ഷ്മ​ണ​നെ​യും കൂ​ട​ൽ​മാ​ണി​ക്യ​ത്തി​ൽ ഭ​ര​ത​നെ​യും പാ​യ​മ്മ​ലി​ൽ ശ​ത്രു​ഘ്ന​നെ​യും ക​ണ്ട് പു​ണ്യം നേ​ടാ​ൻ ആ​യി​ര​ങ്ങ​ളാ​ണ് ഓ​രോ ദി​വ​സ​വും എ​ത്തു​ന്ന​ത്. വി​പു​ല​മാ​യ സൗ​ക​ര്യ​ങ്ങ​ളാ​ണ് നാ​ല​ന്പ​ല​ദ​ർ​ശ​ന​ത്തി​നെ​ത്തു​ന്ന ഭ​ക്ത​ർ​ക്കാ​യി ഒ​രു​ക്കി​യി​ട്ടു​ള്ള​ത്.

തൃ​പ്ര​യാ​ർ: ഇ​വി​ടെ
ശ്രീ​രാ​മ​നു​ണ്ട്

ശ്രീ​രാ​മ​ച​ന്ദ്ര​ൻ വാ​ഴു​ന്ന തൃ​പ്ര​യാ​ർ ക്ഷേ​ത്രം. നാ​ല​ന്പ​ല​ദ​ർ​ശ​നം തു​ട​ങ്ങേ​ണ്ട​ത് ശ്രീ​രാ​മ​ച​ന്ദ്ര​നെ തൃ​പ്ര​യാ​റി​ൽ ക​ണ്ടു വ​ണ​ങ്ങി​യി​ട്ടാ​ണ്. ഭ​ക്ത​ർ​ക്ക് പു​ല​ർ​ച്ചെ 2.45 ന് ​മ​തി​ൽ​ക്കെ​ട്ടി​ന​ക​ത്തെ ക്യൂ​വി​ൽ നി​ൽ​ക്കാ​ൻ സൗ​ക​ര്യ​മു​ണ്ട്. പു​ല​ർ​ച്ചെ മൂ​ന്നി​ന് ന​ട തു​റ​ക്കും. പു​ല​ർ​ച്ചെ 5.15 മു​ത​ൽ 6.15 വ​രെ എ​തൃ​ത്ത് പൂ​ജാ​സ​മ​യ​ത്തും 6.30 മു​ത​ൽ 7.15 വ​രെ പ​ന്തീ​ര​ടി​പൂ​ജ​സ​മ​യ​ത്തും ദ​ർ​ശ​നം ഉ​ണ്ടാ​കി​ല്ല. ഉ​ച്ച​യ്ക്ക് 12 വ​രെ​യാ​ണ് ദ​ർ​ശ​നം.

വൈ​കീ​ട്ട് 4.30 മു​ത​ൽ രാ​ത്രി എ​ട്ടു​വ​രെ​യാ​ണ് ദ​ർ​ശ​നം. ക​തി​ന​വെ​ടി, മീ​നൂ​ട്ട്, അ​വി​ൽ നി​വേ​ദ്യം എ​ന്നി​വ പ്ര​ധാ​ന വ​ഴി​പാ​ടു​ക​ൾ.

കൂ​ട​ൽ​മാ​ണി​ക്യം:
ഭ​ര​ത​നാ​ണി​വി​ടെ

ശ്രീ​രാ​മ​സ​ഹോ​ദ​ര​ൻ ഭ​ര​ത​ന്‍റെ ക്ഷേ​ത്രം. വെ​ളു​പ്പി​നു മൂ​ന്നി​നു ന​ട​തു​റ​ക്കും. 7.20 ന് ​എ​തൃ​ത്ത്പൂ​ജ​യ്ക്കു​ക​ഴി​ഞ്ഞു ന​ട​യ​ട​ച്ച​ശേ​ഷം 8.20 ന് ​തു​റ​ക്കും.

ഉ​ച്ച​യ്ക്ക് 11 ന് ​അ​ട​ച്ച് 11.30 ന് ​തു​റ​ക്കും. വൈ​കീ​ട്ട് അ​ഞ്ചി​ന് തു​റ​ന്ന് 8.15 ന് ​ന​ട അ​ട​യ്ക്കും. ഏ​റ്റ​വും പ്ര​ധാ​ന വ​ഴി​പാ​ടാ​ണ് താ​മ​ര​മാ​ല. താ​മ​ര​പ്പൂ​വ്, നെ​യ് വി​ള​ക്ക്, പു​ഷ്പാ​ഞ്ജ​ലി, മീ​നൂ​ട്ട്, പ​റ എ​ന്നീ വ​ഴി​പാ​ടു​ക​ളും നെ​യ്പാ​യ​സം, വ​ഴു​ത​ന​ങ്ങ, അ​വി​ൽ എ​ന്നീ നി​വേ​ദ്യ​ങ്ങ​ളും പ്ര​ധാ​ന​മാ​ണ്.

മൂ​ഴി​ക്കു​ളം:
ല​ക്ഷ്മ​ണ​നെ കാ​ണാം

ല​ക്ഷ്മ​ണ​പ്ര​തി​ഷ്ഠ​യു​ള്ള അ​പൂ​ർ​വം ക്ഷേ​ത്ര​ങ്ങ​ളി​ലൊ​ന്നാ​ണ് മൂ​ഴി​ക്കു​ളം ല​ക്ഷ്മ​ണ പെ​രു​മാ​ൾ സ്വാ​മി ക്ഷേ​ത്രം. പു​ല​ർ​ച്ചെ 4.30നു ​ദ​ർ​ശ​ന​ത്തി​നാ​യി ന​ട​തു​റ​ക്കും. 12ന് ​ഉ​ച്ച​പൂ​ജ​യ്ക്കു​ശേ​ഷം ഒ​രു​മ​ണി​ക്ക് ന​ട​യ​ട​യ്ക്കും.

വൈ​കീ​ട്ട് 4.30നാ​യി​രി​ക്കും ന​ട​തു​റ​ക്കു​ക. രാ​ത്രി എ​ട്ടു​വ​രെ ദ​ർ​ശ​നം ന​ട​ത്താം. ശ​നി, ഞാ​യ​ർ ദി​വ​സ​ങ്ങ​ളി​ൽ ഉ​ച്ച​യ്ക്ക് ര​ണ്ടി​നാ​ണ് ന​ട​യ​ട​ക്കു​ക.പാ​ൽ​പ്പാ​യ​സ​മാ​ണ് പ്ര​ധാ​ന വ​ഴി​പാ​ട്. ഗ​ണ​പ​തി​ക്ക് ഒ​റ്റ​യ​പ്പം, ഉ​ണ്ണി​യ​പ്പം, അ​ര​വ​ണ, അ​വി​ൽ​നി​വേ​ദ്യം, ശാ​സ്താ​വി​ന് എ​ള്ളു​തി​രി, ജ​പി​ച്ച ച​ര​ട് എ​ന്നി​വ​യും ഇ​വി​ട​ത്തെ പ്ര​ധാ​ന വ​ഴി​പാ​ടു​ക​ൾ ത​ന്നെ.

പാ​യ​മ്മ​ൽ:
ശ​ത്രു​ഘ്ന​ൻ വാ​ഴു​മി​ടം

ഇ​രി​ങ്ങാ​ല​ക്കു​ട​യി​ൽ​നി​ന്ന് ഏ​ഴു കി​ലോ​മീ​റ്റ​ർ മാ​റി അ​ക​ലെ പൂ​മം​ഗ​ലം പ​ഞ്ചാ​യ​ത്തി​ലാ​ണ് രാ​മ​സ​ഹോ​ദ​ര​ൻ ശ​ത്രു​ഘ്ന​ന്‍റെ പ്ര​തി​ഷ്ഠ​യു​ള്ള പാ​യ​മ്മ​ൽ ക്ഷേ​ത്രം.

വെ​ളു​പ്പി​ന് അ​ഞ്ചി​ന് ന​ട​തു​റ​ക്കും. സു​ദ​ർ​ശ​ന പു​ഷ്പാ​ഞ്ജ​ലി, സു​ദ​ർ​ശ​ന​ച​ക്രം സ​മ​ർ​പ്പി​ക്ക​ൽ, ച​ന്ദ​നം ചാ​ർ​ത്ത​ൽ, ശം​ഖാ​ഭി​ഷേ​കം, അ​വി​ൽ​നി​വേ​ദ്യം, ഗ​ണ​പ​തി​ഹോ​മം എ​ന്നി​വ​യാ​ണ് വ​ഴി​പാ​ടു​ക​ൾ. സു​ദ​ർ​ശ​ന പു​ഷ്പാ​ഞ്ജ​ലി​യാ​ണ് പ്ര​ധാ​ന വ​ഴി​പാ​ട്.

പു​ല​ർ​ച്ചെ 5.30ന് ​ന​ട​തു​റ​ന്ന് ഉ​ച്ച​യ്ക്കു ര​ണ്ടി​ന് അ​ട​യ്ക്കും. വൈ​കീ​ട്ട് 4.30നു ​തു​റ​ന്ന് രാ​ത്രി ഒ​ന്പ​തി​ന് അ​ട​യ്ക്കും.