ആ​ന​യാ​ഭ​ര​ണ​ങ്ങ​ൾ കാ​ണാ​ൻ വ​ൻ​തി​ര​ക്ക്
Thursday, April 18, 2024 1:48 AM IST
സ്വ​ന്തം ലേ​ഖ​ക​ൻ

തൃ​ശൂ​ർ: മേ​ട​പ്പൊ​ൻ​വെ​യി​ലി​നെ നോ​ക്കി ചി​രി​ച്ചു​യ​രാ​ൻ കാ​ത്തു​നി​ൽ​ക്കു​ന്ന വ​ർ​ണ​ക്കു​ട​ക​ൾ, തി​ള​ക്കു​ന്ന സൂ​ര്യ​ര​ശ്മി​ക​ൾ ഏ​റ്റു​വാ​ങ്ങി വെ​ട്ടി​ത്തി​ള​ങ്ങാ​ൻ വെ​മ്പു​ന്ന നെ​റ്റി​പ്പ​ട്ട​ങ്ങ​ൾ, ആ​കാ​ശം കാ​ണാ​ത്ത അ​നേ​കാ​യി​രം പീ​ലി​ക്ക​ണ്ണു​ക​ളു​ടെ ആ​ല​വ​ട്ട​ങ്ങ​ൾ, പൂ​ര​ക്കാ​റ്റി​ൽ പൂ​ത്തു​ല​യാ​ൻ കാ​ത്തു​നി​ൽ​ക്കു​ന്ന കാ​റ്റു​പി​ടി​ക്കാ​ത്ത വെ​ൺ​ചാ​മ​ര​ങ്ങ​ൾ... ക​രി​വീ​ര​ച്ച​ന്ത​ത്തി​നു മാ​റ്റു​കൂ​ട്ടു​ന്ന ആ​ന​യാ​ഭ​ര​ണ​ങ്ങ​ളു​ടെ ര​ഹ​സ്യ ച​മ​യ​പ്പു​ര തു​റ​ന്ന​പ്പോ​ൾ ക​ണ്ട കാ​ഴ്ച​ക​ളി​താ​ണ്.

ആ​ന​ച്ചൂ​രും ആ​ന​ച്ചൂ​ടും മാ​ത്ര​മ​ല്ല മേ​ട​വെ​യി​ലും മേ​ട​ക്കാ​റ്റു​മേ​ൽ​ക്കാ​ത്ത പു​തു​പു​ത്ത​ൻ ആ​ന​ച്ച​മ​യ​ങ്ങ​ളാ​ണ് കാ​ഴ്ച​ക്കാ​രെ വി​സ്മ​യി​പ്പി​ക്കു​ന്ന​തും മോ​ഹി​പ്പി​ക്കു​ന്ന​തും.

കു​ട​മാ​റ്റ​ത്തി​ന് ഉ​പ​യോ​ഗി​ക്കു​ന്ന നാ​ല്പ​തി​ല​ധി​കം സെ​റ്റ് കു​ട​ക​ൾ, സ്പെ​ഷ​ൽ കു​ട​ക​ൾ എ​ന്നി​വ​യെ​ല്ലാം ച​മ​യ​ക്കാ​ഴ്ച​ക​ളി​ലു​ണ്ട്. തി​രു​വ​മ്പാ​ടി വി​ഭാ​ഗം കൗ​സ്തു​ഭ​ത്തി​ലും പാ​റ​മേ​ക്കാ​വ് വി​ഭാ​ഗം അ​ഗ്ര​ശാ​ല​യി​ലും ച​മ​യ​പ്പു​ര​ക​ളു​ടെ വാ​തി​ലു​ക​ൾ തു​റ​ന്ന​പ്പോ​ൾ രാ​വി​ലെ മു​ത​ൽ വ​ൻ​തി​ര​ക്കാ​ണ് ആ​ന​യാ​ഭ​ര​ണ​ക്കാ​ഴ്ച​ക​ൾ കാ​ണാ​നെ​ത്തു​ന്ന​ത്.

വൈ​കീ​ട്ട് സാ​മ്പി​ൾ കാ​ണാ​ൻ എ​ത്തു​ന്ന​വ​ർ ച​മ​യ​പ്പു​ര​ക​ളി​ലേ​ക്കു​കൂ​ടി ക​യ​റി​യ​തോ​ടെ തി​ര​ക്കു കൂ​ടി. വ​രി നീ​ണ്ടു. ആ​ന​ച്ച​മ​യ​ങ്ങ​ൾ​ക്ക​രി​കെ നി​ന്ന് സെ​ൽ​ഫി എ​ടു​ക്കാ​നും തി​ര​ക്കു​ണ്ട്.

പ​ണ്ടൊ​ക്കെ പൂ​ര​ത്ത​ലേ​ന്നു മാ​ത്ര​മാ​ണ് ആ​ന​ച്ച​മ​യ​പ്ര​ദ​ർ​ശ​നം ഉ​ണ്ടാ​യി​രു​ന്ന​ത്. ഇ​പ്പോ​ൾ ര​ണ്ടു ദി​വ​സം ന​ട​ത്തി​യി​ട്ടും തി​ര​ക്കൊ​ഴി​യാ​ത്ത സ്ഥി​തി​യാ​ണ്. രാ​ത്രി 12 വ​രെ ച​മ​യ​പ്ര​ദ​ർ​ശ​നം കാ​ണാ​ൻ ആ​ളു​ക​ളെ ക​യ​റ്റി. ഇ​ന്നും രാ​വി​ലെ മു​ത​ൽ അ​ർ​ധ​രാ​ത്രി വ​രെ പ്ര​ദ​ർ​ശ​നം കാ​ണാം.

Copyright @ 2022 , Rashtra Deepika Ltd.