കാ​യം​കു​ളം: ചേ​രാ​വ​ള്ളി​യി​ൽ റെ​യി​ൽ​വേ ക​രാ​ർ പ​ണി​ക്കാ​യി വ​ന്ന ത​മി​ഴ്നാ​ട് സ്വ​ദേ​ശി​യെ ത​ട്ടി​ക്കൊ​ണ്ടുപോ​യി ദേ​ഹോ​പ​ദ്ര​വം ഏ​ൽ​പ്പി​ച്ച് ല​ക്ഷ​ങ്ങ​ൾ ക​വ​ർ​ന്ന കേ​സി​ൽ ഒ​ന്നാം പ്ര​തി അ​റ​സ്റ്റി​ൽ. ത​മി​ഴ്നാ​ട് ക​ന്യാ​കു​മാ​രി സ്വ​ദേ​ശി​യായ വൈ​സി​ലി​നെ ചേ​രാ​വ​ള്ളി​യി​ലെ വാ​ട​കവീ​ട്ടി​ൽനി​ന്നു ത​ട്ടി​ക്കൊ​ണ്ടു പോ​യി ക​ത്തികൊണ്ട് മു​റി​വേ​ൽ​പ്പി​ച്ച ശേ​ഷം പ​ഴ്സ് ത​ട്ടി​യെ​ടു​ക്കു​ക​യും മൊ​ബൈ​ൽ ഫോ​ൺ ബ​ല​മാ​യി പി​ടി​ച്ചുവാ​ങ്ങി ഭീ​ഷ​ണി​പ്പെ​ടു​ത്തി പി​ൻ ന​മ്പ​ർ വാ​ങ്ങി ല​ക്ഷ​ങ്ങ​ൾ അ​ക്കൗ​ണ്ടി​ൽനി​ന്നു പി​ൻ​വ​ലി​ച്ച കേ​സി​ലാ​ണ് ഒ​ന്നാം കാ​യം​കു​ളം ചേ​രാ​വ​ള്ളി ബാ​സി​ത്ത് മ​ൻ​സി​ലി​ൽ അ​മീ​ൻ (24) അ​റ​സ്റ്റി​ലാ​യ​ത്. ഒ​ളി​വി​ലാ​യി​രു​ന്ന പ്രതി വി​ദേ​ശ​ത്തേ​ക്ക് ക​ട​ക്കാ​ൻ സാ​ധ്യ​തയു​ണ്ടെ​ന്ന വി​വ​രം ല​ഭി​ച്ച​തി​ന്‍റെ അ​ടി​സ്ഥാ​ന​ത്തി​ൽ കാ​യം​കു​ളം പോ​ലീ​സ് ലു​ക്ക് ഔ​ട്ട് സ​ർ​ക്കു​ല​ർ പു​റ​പ്പെ​ടു​വി​ച്ചി​രു​ന്നു. പ്രതിയെ നെ​ടു​മ്പാ​ശേരി വി​മാ​ന​ത്താ​വ​ള​ത്തി​ൽ ത​ട​ഞ്ഞുവ​ച്ച് കാ​യം​കു​ളം പോ​ലീ​സി​ന് കൈ​മാ​റു​ക​യാ​യി​രു​ന്നു.

കേ​സി​ലെ അ​ഞ്ച് പ്ര​തി​ക​ളെ നേ​ര​ത്തേ അ​റ​സ്റ്റ് ചെ​യ്തി​രു​ന്നു. പ്ര​തി​ക​ൾ കാ​യം​കു​ളം എ​സ് ബിഐയു​ടെ എ​ടി​എ​മ്മി​ൽനി​ന്നു പ​രാ​തി​ക്കാ​ര​ന്‍റെ കാ​ർ​ഡ് ഉ​പ​യോ​ഗി​ച്ച് പ​ണം പി​ൻ​വ​ലി​ക്കു​ന്ന സി​സി ടിവി ദൃ​ശ്യ​ങ്ങ​ൾ പോ​ലീ​സി​ന് ല​ഭി​ച്ചി​രു​ന്നു. പി​ടി​യി​ലാ​യ അ​മീ​ൻ കാ​യം​കു​ളം പോ​ലീ​സ് സ്റ്റേ​ഷ​നി​ൽ കൊ​ല​പാ​ത​ക​ശ്ര​മ കേ​സി​ലും മ​യ​ക്കു​മ​രു​ന്ന് കേ​സി​ലും പ്ര​തി​യാ​ണെ​ന്ന് പോ​ലീ​സ് പ​റ​ഞ്ഞു. കാ​യം​കു​ളം കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻഡ് ചെ​യ്തു.