പ​ത്ത​നം​തി​ട്ട: ശ​ല്യ​ക്കാ​രാ​യ കാ​ട്ടു​പ​ന്നി​ക​ളെ കൃ​ഷി​യി​ട​ങ്ങ​ളി​ൽ വെ​ടി​വ​ച്ചു കൊ​ല്ലാ​ൻ അ​നു​മ​തി ന​ൽ​കി​ക്കൊ​ണ്ടു​ള്ള ഉ​ത്ത​ര​വ് ഒ​രു​വ​ർ​ഷം കൂ​ടി നീ​ട്ടാ​ൻ ധാ​ര​ണ. ക​ഴി​ഞ്ഞ നാ​ലു വ​ർ​ഷ​ത്തി​ലേ​റെ​യാ​യി ഈ ​ഉ​ത്ത​ര​വ് ഒ​രു വ​ർ​ഷം ക​ണ്ട് നീ​ട്ടി​വ​രി​ക​യാ​ണ്. നി​ല​വി​ലെ ഉ​ത്ത​ര​വി​ന്‍റെ കാ​ലാ​വ​ധി മേ​യ് 27നാ​ണ് അ​വ​സാ​നി​ക്കു​ന്ന​ത്. ഇ​തു നീ​ട്ടാ​നു​ള്ള ശി​പാ​ർ​ശ ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ൻ ന​ൽ​കു​ന്ന​തോ​ടെ വ​നം പ്രി​ൻ​സി​പ്പ​ൽ സെ​ക്ര​ട്ട​റി ഉ​ത്ത​ര​വി​റ​ക്കും.

കാ​ർ​ഷി​ക വി​ള​ക​ൾ​ക്കും മ​നു​ഷ്യ​ജീ​വ​നും ഭീ​ഷ​ണി​യാ​കു​ന്ന കാ​ട്ടു​പ​ന്നി​ക​ളെ ലൈ​സ​ൻ​സു​ള്ള തോ​ക്ക് ഉ​പ​യോ​ഗി​ക്കു​ന്ന​വ​ർ​ക്ക് വെ​ടി​വ​ച്ചു​കൊ​ല്ലാ​ൻ അ​നു​മ​തി ന​ൽ​കു​ന്ന​താ​ണ് ഉ​ത്ത​ര​വ്. ബ​ന്ധ​പ്പെ​ട്ട ത​ദ്ദേ​ശ സ്ഥാ​പ​ന അ​ധ്യ​ക്ഷ​ന്‍റെ അ​നു​മ​തി​യോ​ടെ​യാ​ണ് വെ​ടി​വ​യ്ക്കേ​ണ്ട​ത്. ലൈ​സ​ൻ​സു​ള്ള തോ​ക്ക് ഉ​പ​യോ​ഗി​ക്കു​ന്ന​വ​രെ അ​തത് ത​ദ്ദേ​ശ സ്ഥാ​പ​ന​ങ്ങ​ൾ എംപാ​ന​ൽ ചെ​യ്ത് ഉ​ത്ത​ര​വ് ന​ൽ​ക​ണം. കൊ​ല്ല​പ്പെ​ടു​ന്ന കാ​ട്ടു​പ​ന്നി​ക്കും വെ​ടി​വ​ച്ച​യാ​ൾ​ക്ക് 1000 രൂ​പ പ്ര​തി​ഫ​ല​മാ​യി പ​ഞ്ചാ​യ​ത്തു​ക​ൾ ന​ൽ​ക​ണ​മെ​ന്നാ​ണ് വ്യ​വ​സ്ഥ. കാ​ട്ടു​പ​ന്നി​യു​ടെ ജ​ഡം മ​റ​വു ചെ​യ്യേ​ണ്ട​ത് ത​ദ്ദേ​ശ സ്ഥാ​പ​ന​ത്തി​ന്‍റെ ചെ​ല​വി​ലാ​യി​രി​ക്കും.

ക്ഷു​ദ്ര​ജീ​വി​യെ​ന്ന് സം​സ്ഥാ​നം,
അ​ല്ലെ​ന്ന് കേ​ന്ദ്രം

കാ​ട്ടു​പ​ന്നി​യെ ക്ഷു​ദ്ര​ജീ​വി ഗ​ണ​ത്തി​ൽ​പ്പെടു​ത്തി​യാ​ണ് സം​സ്ഥാ​നം ഇ​വ​യെ വെ​ടി​വ​യ്ക്കാ​ൻ അ​നു​മ​തി ന​ൽ​കു​ന്ന​ത്. എ​ന്നാ​ൽ, ഇ​ത് താ​ത്കാ​ലി​ക ന​ട​പ​ടി മാ​ത്ര​മാ​ണ്. നി​ല​വി​ൽ കാ​ട്ടു​പ​ന്നി​യ്ക്ക് കേ​ന്ദ്ര വ​നം​നി​യ​മ​ത്തി​ൽ സം​ര​ക്ഷ​ണ​മു​ണ്ട്. സം​ര​ക്ഷി​ക്ക​പ്പെ​ടേ​ണ്ട മൃ​ഗ​ങ്ങ​ളു​ടെ പ​ട്ടി​ക​യി​ലാ​ണ് ഇ​വ​യു​ടെ സ്ഥാ​നം. ക്ഷു​ദ്ര​ജീ​വി ഗ​ണ​ത്തി​ലേ​ക്ക് കേ​ന്ദ്ര സ​ർ​ക്കാ​ർ ഉ​ത്ത​ര​വ് ന​ൽ​കി​യാ​ൽ ഇ​വ​യെ ന​ശി​പ്പി​ക്കാ​ൻ ക​ർ​ഷ​ക​നു സാ​ധി​ക്കും. ഇ​തു സാ​ധ്യ​മാ​യെ​ങ്കി​ലേ കാ​ട്ടു​പ​ന്നി​യു​ടെ വം​ശ​വ​ർ​ധ​ന ത​ട​യാ​നാകൂ. നി​ര​വ​ധി ക​ർ​ഷ​ക സം​ഘ​ട​ന​ക​ളും ജ​ന​പ്ര​തി​നി​ധി​ക​ളും ഇ​ക്കാ​ര്യം ഉ​ന്ന​യി​ച്ച് സം​സ്ഥാ​ന സ​ർ​ക്കാ​രി​നു നി​വേ​ദ​നം ന​ൽ​കി​യ​തി​നേ തു​ട​ർ​ന്ന് കേ​ന്ദ്ര​ത്തി​ലേ​ക്ക് ശി​പാ​ർ​ശ ന​ൽ​കി​യെ​ങ്കി​ലും മ​ട​ക്കി.

പ​ക​ര​മാ​യാ​ണ് ശ​ല്യ​ക്കാ​രാ​യ കാ​ട്ടു​പ​ന്നി​ക​ളെ മാ​ത്രം വെ​ടി​വ​യ്ക്കാ​ൻ നി​ർ​ദേ​ശം ന​ൽ​കി​യ​ത്. ഉ​ത്ത​ര​വ് ന​ട​പ്പാ​യി നാ​ലു വ​ർ​ഷ​ത്തി​ലേ​റെ​യാ​യി​ട്ടും 5000 കാ​ട്ടു​പ​ന്നി​ക​ളെ മാ​ത്ര​മാ​ണ് വെ​ടി​വ​ച്ച​തെ​ന്നാ​ണ് വ​നം​വ​കു​പ്പി​ന്‍റെ ക​ണ​ക്ക്. 2020ലാ​ണ് ഉ​ത്ത​ര​വ് ആ​ദ്യ​മാ​യി ന​ട​പ്പാ​ക്കി തു​ട​ങ്ങി​യ​ത്.

ബാ​ധ്യ​ത ഏ​റ്റെ​ടു​ക്കാ​നാ​കാ​തെ
പ​ഞ്ചാ​യ​ത്തു​ക​ൾ

കാ​ട്ടു​പ​ന്നി​ക​ളെ വെ​ടി​വ​യ്ക്കാ​നു​ള്ള​വ​രെ ക​ണ്ടെ​ത്തി പ​രി​ശീ​ല​നം ന​ൽ​കി വ​നം​വ​കു​പ്പ് സ​ഹാ​യ​ത്തോ​ടെ ന​ട​പ്പാ​ക്കാ​നു​ള്ള ചു​മ​ത​ല ത​ദ്ദേ​ശ​സ്ഥാ​പ​ന​ങ്ങൾക്കാ​ണ് ന​ൽ​കി​യി​ട്ടു​ള്ള​ത്. നേ​ര​ത്തെ വ​നം ഉ​ദ്യോ​ഗ​സ്ഥ​ർ​ക്കു​ണ്ടാ​യി​രു​ന്ന അ​ധി​കാ​രം കൂ​ടി പ​ഞ്ചാ​യ​ത്ത് അ​ധ്യ​ക്ഷ​ർ​ക്ക് ന​ൽ​കി. ഇ​ത​നു​സ​രി​ച്ച് കാ​ട്ടു​പ​ന്നി​ക​ളെ വെ​ടി​വ​യ്ക്കാ​ൻ പ്ര​സി​ഡ​ന്‍റു​മാ​ർ​ക്ക് അ​നു​മ​തി ന​ൽ​കാ​നാ​കും. എ​ന്നാ​ൽ തോ​ക്ക് ലൈ​സ​ൻ​സു​ള്ള​വ​രെ ക​ണ്ടെ​ത്തി നി​യോ​ഗി​ക്കു​ന്ന​തു മു​ത​ലു​ള്ള ബാ​ധ്യ​ത​ക​ൾ ത​ദ്ദേ​ശ സ്ഥാ​പ​ന​ത്തി​നാ​ണ്. വെ​ടി​വ​ച്ചി​ടു​ന്ന ഓ​രോ പ​ന്നി​ക്കും ന​ൽ​കേ​ണ്ട​ത് 1000 രൂ​പ​യാ​ണ്. പ​ല പ​ഞ്ചാ​യ​ത്തു​ക​ളി​ലും പ്ര​തി​ഫ​ലം ല​ഭി​ക്കു​ന്ന​തേ​യി​ല്ല. ന​ട​പ​ടി​ക്ര​മ​ങ്ങ​ൾ പൂ​ർ​ത്തീ​ക​രി​ച്ച് ഒ​രു പ​ന്നി​യു​ടെ ജ​ഡം പെ​ട്രോ​ളൊ​ഴി​ച്ച് ക​ത്തി​ച്ചു കു​ഴി​ച്ചു മൂ​ട​ണ​മെ​ങ്കി​ലും ചെ​ല​വേ​റെ​യാ​ണ്. ഓ​രോ പ​ഞ്ചാ​യ​ത്തി​ലും കു​റ​ഞ്ഞ​ത് മൂ​ന്നു​പേ​രെ​ങ്കി​ലും ഉ​ണ്ടാ​കും.

ലൈ​സ​ൻ​സു​ള്ള​വ​രെ​യും കി​ട്ടാ​നി​ല്ല

തോ​ക്ക് ലൈ​സ​ൻ​സു​ള്ള​വ​രെ കി​ട്ടാ​ത്ത​താ​ണ് പ​ഞ്ചാ​യ​ത്തു​ക​ൾ നേ​രി​ടു​ന്ന മ​റ്റൊ​രു പ്ര​തി​സ​ന്ധി. സ​മീ​പ പ​ഞ്ചാ​യ​ത്തു​ക​ളി​ലു​ള്ള​വ​രെ ഉ​ൾ​പ്പെ​ടു​ത്തി​യാ​ണ് പ​ല​യി​ട​ത്തും പാ​ന​ൽ ത​യാ​റാ​ക്കി​യ​ത്. പു​തു​താ​യി തോ​ക്ക് ലൈ​സ​ൻ​സ് ല​ഭി​ക്കാ​നും ബു​ദ്ധി​മു​ട്ടാ​യി. റൈ​ഫി​ൽ ക്ല​ബി​ൽ അം​ഗ​ത്വം നേ​ടി​യ​വ​ർ​ക്കാ​ണ് ഇ​പ്പോ​ൾ ലൈ​സ​ൻ​സ്. അം​ഗ​ത്വം ല​ഭി​ക്കു​ന്ന​തി​ന് ഷൂ​ട്ടിം​ഗ് പ​രി​ശീ​ല​നം നേ​ട​ണം. ഇ​തി​നാ​യി അം​ഗീ​കൃ​ത സ്ഥാ​പ​ന​ങ്ങ​ളു​ടെ കു​റ​വു​ണ്ട്.

പോ​ലീ​സ് ട്രെ​യി​നിം​ഗ് കോ​ള​ജി​ൽ സാ​ധാ​ര​ണ​ക്കാ​ർ​ക്ക് പ്ര​വേ​ശ​ന​വു​മി​ല്ല. റൈ​ഫി​ൾ ക്ല​ബ് അം​ഗ​ത്വം നേ​ട​ണ​മെ​ങ്കി​ലും വ​ൻ​തു​ക ന​ൽ​ക​ണം. പ്ര​തി​സ​ന്ധി ഏ​റെ​യു​ള്ള​തി​നാ​ൽ കാ​ട്ടു​പ​ന്നി​യെ വെ​ടി​വ​ച്ചി​ട്ടു ശ​ല്യം കു​റ​യ്ക്കാ​മെ​ന്ന​ത് അ​പ്രാ​യോ​ഗി​ക​മാ​ണെ​ന്ന വി​ല​യി​രു​ത്ത​ലാ​ണ് ക​ർ​ഷ​ക സം​ഘ​ട​ന​ക​ൾ​ക്കും ത​ദ്ദേ​ശ സ്ഥാ​പ​ന​ങ്ങ​ൾ​ക്കു​മു​ള്ള​ത്.