തുറ​വൂ​ര്‍: എ​ഴു​പു​ന്ന ശ്രീ​നാ​രാ​യ​ണ​പു​രം ക്ഷേ​ത്ര​ത്തി​ല്‍​നി​ന്നു തി​രു​വാ​ഭ​ര​ണം മോ​ഷ്ടി​ച്ച കേ​സി​ല്‍ പ്ര​തി​യാ​യ താത്കാലി​ക ചു​മ​ത​ല​യു​ണ്ടാ​യി​രു​ന്ന കീ​ഴ്ശാ​ന്തി​യു​മാ​യി പോ​ലീ​സ് ക്ഷേ​ത്ര​ത്തി​ല്‍ തെ​ളി​വെ​ടു​പ്പ് ന​ട​ത്തി.

കൊ​ല്ലം ഈ​സ്റ്റ് ക​ല്ല​ട രാം​നി​വാ​സി​ല്‍ രാ​മ​ച​ന്ദ്ര​ന്‍ പോ​റ്റി​യെ​യാ​ണ് (40) അ​രൂ​ര്‍ പോ​ലീ​സ് സ്റ്റേ​ഷ​ന്‍ ഓ​ഫീസ​ര്‍ കെ.​ജി. പ്ര​താ​പ് ച​ന്ദ്ര​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് തെ​ളി​വെ​ടു​പ്പി​നാ​യി കൊ​ണ്ടു​വ​ന്ന​ത്. ക്ഷേ​ത്ര​ത്തി​ല്‍​നി​ന്ന് 20 പ​വ​ന്‍റെ തി​രു​വാ​ഭ​ര​ണ​ങ്ങ​ള്‍ സ​ഞ്ചി​യി​ലാ​ക്കി മു​റി​യി​ല്‍ കൊ​ണ്ടു​പോ​യ ശേ​ഷം ക​ട​ക്കു​ക​യാ​യി​രു​ന്നു എ​ന്ന് പോലീ​സ് പ​റ​ഞ്ഞു.

വി​ഷു ഉ​ത്സ​വ​ത്തോ​ട​നു​ബ​ന്ധി​ച്ച് വി​ഗ്ര​ഹ​ത്തി​ല്‍ ചാ​ര്‍​ത്താ​ന്‍ 13ന് ​രാ​ത്രി​യാ​ണ് കി​രീ​ട​വും മാ​ല​ക​ളും അ​ട​ങ്ങു​ന്ന ആ​ഭ​ര​ണ​ങ്ങ​ള്‍ ദേ​വ​സ്വം അ​ധി​കൃ​ത​ര്‍ രാ​മ​ച​ന്ദ്ര​ന്‍ പോ​റ്റി​ക്കു കൈ​മാ​റി​യ​ത്. 14ന് ​ഉ​ച്ച​പൂ​ജ​യ്ക്കു ശേ​ഷം തി​രു​വാ​ഭ​ര​ണം തി​രി​കെ ദേ​വ​സ്വ​ത്തി​ല്‍ എ​ത്തി​ക്കാ​ന്‍ ദേ​വ​സ്വം അ​ധി​കൃ​ത​ര്‍ രാ​മ​ച​ന്ദ്ര​ന്‍ പോ​റ്റി​യോ​ട് പ​റ​ഞ്ഞി​രു​ന്നു.

വൈ​കി​ട്ട് പു​ജ ന​ട​ത്തു​ന്ന​തി​ന് മ​റ്റൊ​രു ശാ​ന്തി എ​ത്തി ശ്രീ​കോ​വി​ലി​ല്‍ ക​യ​റി​യ​പ്പോ​ഴാ​ണ് ആ​ഭ​ര​ണ​ങ്ങ​ള്‍ മോ​ഷ​ണം പോ​യ​താ​യി അ​റി​യു​ന്ന​ത്. തു​ട​ര്‍​ന്ന് ക്ഷേ​ത്രം ഭാ​ര​വാ​ഹി​ക​ള്‍ അ​രൂ​ര്‍ പോ ലീ​സി​ല്‍ പ​രാ​തി ന​ല്‍​കി.​ രാ​മ​ച​ന്ദ്ര​ന്‍ പോ​റ്റി​യു​ടെ ബാ​ങ്ക് അ​ക്കൗ​ണ്ട് പ​രി​ശോ​ധി​ച്ച​പ്പോ​ള്‍ 15ന് ​രാ​വി​ലെ ആ​ഭ​ര​ണ​ങ്ങ​ള്‍ തേ​വ​ര​യി​ലെ ബാ​ങ്കി​ല്‍ പ​ണ​യ​പ്പെ​ടു​ത്തി​യ​താ​യി പോലീ​സ് ക​ണ്ടെ​ത്തി​യി​രു​ന്നു.

തു​ട​ര്‍​ന്ന് എ​റ​ണാ​കു​ളം ശി​വ​ക്ഷേ​ത്ര​ത്തി​ന് സ​മീ​പ​ത്തുനി​ന്നാ​ണ് പ്ര​തി​യെ പി​ടി​കൂ​ടി​യ​ത്. മു​ന്‍​പ് രാ​മ​ച​ന്ദ്ര​ന്‍ പോ​റ്റി പ​ത്തോ​ളം ക്ഷേ​ത്ര​ത്തി​ല്‍ പൂ​ജാ​രി​യാ​യി ജോ​ലി ചെ​യ്തി​ട്ടു​ണ്ട്. പ​ല​രി​ല്‍ നി​ന്നാ​യി വാ​യ്പ ഇ​ന​ത്തി​ലും വീ​ടി​ന്‍റെ പു​ര​യി​ടം പ​ണ​യ​പ്പെ​ടു​ത്തി​യും വാ​ങ്ങി​യ മൂന്നു കോ​ടി​യി​ല​ധി​കം രൂ​പ ഓ​ഹ​രി വി​പ​ണി​യി​ല്‍ നി​ക്ഷേ​പി​ച്ച​ത് ന​ഷ്ട​പ്പെ​ട്ട​താ​യി പോ​ലീ​സി​ന്‍റെ ചോ​ദ്യം ചെ​യ്യ​ലി​ല്‍ രാ​മ​ച​ന്ദ്ര​ന്‍ പോ​റ്റി പ​റ​ഞ്ഞു.

കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ന്‍​ഡ് ചെ​യ്തു. കൂ​ടു​ത​ല്‍ അ​ന്വേ​ഷ​ണ​ങ്ങ​ള്‍​ക്കാ​യി ക​സ്റ്റ​ഡി​യി​ല്‍ വേ​ണ​മെ​ന്നാ​വ​ശ്യ​പ്പെ​ട്ട് കോ​ട​തി​യി​ല്‍ അ​പേ​ക്ഷ ന​ല്‍​കു​മെ​ന്ന് പോലീ​സ് പ​റ​ഞ്ഞു.